Данэлия Төлешова Балалар Евровидениесінің сахнасында

Тік тұрып қол соқты: Данэлия Төлешова америкалықтардың қошеметіне бөленді видео

1351
(Жаңартылды 15:12 10.06.2020)
Әнші, биші, сиқыршы, әзілкештер мен өзге де талантты адамдар өнер көрсететін "America's Got Talent" байқауының бас жүлдесі – бір миллион доллар

АЛМАТЫ, 10 маусым – Sputnik. Қазақстандық 13 жасар әнші Данэлия Төлешова АҚШ-тың "America's Got Talent" шоуына қатысып жатыр.

Данэлияның ән орындаған сәті таланттар шоуының үшінші эпизодына кірді. Ол канадалық әнші Faouzia-ның "Tears of Gold" әнін орындады.

Қазылар алқасы мен шоу қонақтары қазақстандық жасөпірімнің өнерін жоғары бағалады. Ал залда отырған көрермендер орындарынан тұрып, әншіге қошемет көрсетті.

Ал Данэлияның өзі сахнаға шығар алдында қатты қобалжығанын айтты. Алайда ол мұндай ауқымды сахнаға алғаш рет шығып тұрған жоқ. Өткен жылы осы жобаға ұқсас "The World's Best" байқауында әнші Димаш Құдайбергенмен бірге бақ сынады.

"Менімше, бұл конкурс кез келген әртіс үшін үлкен арман. Себебі бұл өте жоғары деңгей. Қызық болатынына сенімдімін. Ал мен өзім барымды салып өнер көрсетуге тырысамын. Егер сіздерге қызық болса, шоуды қараңыздар", – дейді Данэлия.

Айта кетейік, бұл тележоба 2006 жылдың 21 маусымынан бастап өтіп келеді. Байқауда әнші, биші, сиқыршы, әзілкештер мен өзге де талантты адамдар өнер көрсетеді. "America's Got Talent" байқауының бас жүлдесі – бір миллион доллар. Шоудың 15-ші маусымы 26 мамырда NBC телеарнасында, ал 29 мамырда Netflix UK-те көрсетіле бастады.

Оқи отырыңыз: Данэлия Төлешова Sputnik Қазақстан оқырмандары үшін арнайы ән салды – видео

Қазылар алқасының құрамында жобаның негізін қалаушы және продюсері Саймон Коуэлл, талантты актриса София Вергара, сән әлемінде танымал Хайди Клум және көрерменнің сүйікті әзілкеші Хоуи Мэндел бар.

Данэлия Төлешова туралы не білеміз

Данэлия Төлешова – қазақстандық әнші, украиналық "Голос. Діти" байқауының жеңімпазы. 2018 жылы "Балалар Евровидениесі" байқауында Қазақстан атынан ән шырқап, алтыншы орынға ие болды. Сондай-ақ, Димаш Құдайбергенмен бірге"The World's Best" байқауына қатысты.

1351
Кілт сөздер:
Данэлия Төлешова, әнші
Тақырып бойынша
Данэлия Төлешова ата-анасы туралы айтып жатып, жылап жіберді – видео
Димаштың кісілігіне қайран қалдым – Данэлия Төлешова
Данэлия Төлешова: Димашпен бірге ән айтуды армандаймын
"Бетіме тиіп кетсе қайтемін" Данэлия Төлешова неден қорқатынын айтты - видео
коронавирус

Оқушыларды ата-ана келісімінсіз вакциналау туралы бұйрық шыққаны рас па

38
Санитарлық-эпидемиологиялық бақылау комитеті қазақстандықтарды әлеуметтік желілерде тараған күмәнді ақпаратқа сенбеуге шақырды

НҰР-СҰЛТАН, 27 қараша – Sputnik. Әлеуметтік желілерде 1-11 сынып оқушыларын ата-ана келісімінсіз COVID-19-ға қарсы вакциналау туралы бұйрық шыққаны туралы хабарлама тарады. Бұл ақпаратты Денсаулық сақтау министрлігінің санитарлық-эпидемиологиялық бақылау комитеті жоққа шығарды, деп хабарлайды StopFake.

Ведомствоның хабарлауынша, мұндай бұйрық ешқашан болмаған.

"Осы жарияланымға қатысты кез келген профилактикалық егу, соның ішінде коронавирусқа қарсы вакциналау да ата-аналардың ақпараттандырылған келісімімен ғана жүргізілетінін хабарлаймыз. Вакциналауға жататын жасөспірімдердің тізімін жоспарлау және жасау процесінде келісім алдын ала жиналады. Осыған байланысты алдын ала жасалған тізім бойынша вакциналауға ата-анасы қол қойған келісімі бар балалар және ата-анасының қатысуымен ғана екпе салдыруға шақырылады", – деп түсіндірді санитарлық-эпидемиологиялық бақылау комитетінің ресми өкілі Ержан Байтанаев.

Оқи отырыңыз: Цой ақылы вакцинация қашан басталатынын айтты

Оның айтуынша, мектептерде мәжбүрлі вакциналау жүргізіліп жатқан жоқ. Қазақстан Республикасы Бас мемлекеттік санитар дәрігерінің № 36 қаулысына сәйкес оқу мекемелерінде күн сайын кіру кезінде тексеру жүргізіледі. Мектептің барлық қызметкері термометриядан өтіп, кіреберісте қолын санитайзермен өңдеуге міндетті. Сабақ кестесі оқушылар бір-бірімен барынша аз байланыста болатындай етіп жасалады.

Ержан Байтанаев қазақстандықтарды әлеуметтік желілер мен мессенджерлерде тараған күмәнді ақпаратқа сенбеуге шақырды. Шынайы ақпарат алу үшін комитеттің ресми интернет-ресурсына, "COVID-19 таралуына жол бермеу жөніндегі ВАК" телеграмм-арнасы сияқты ресми дереккөздерге және Facebook, Instagram және YouTube әлеуметтік желілеріндегі аккаунттарға жүгінуге немесе комитетке жазбаша сауал жолдауға болады.

38
далада сауда-саттық жүргізіп отырғандар

Сатушыларға заңсыз айыппұл салған 87 полицей жазаланды Бас прокуратура

1832
(Жаңартылды 16:27 27.11.2021)
Бас прокуратура белгіленбеген жерде сауда-саттық жасағандарды қандай жағдайда жазалауға болмайтынын түсіндірді

НҰР-СҰЛТАН, 27 қараша – Sputnik. Белгіленбеген жерде сауда жүргізгендерге заңсыз айыппұл салған полицейлер мен әкімдік қызметкерлері жазаланды.

Бас прокуратура белгіленбеген жерде сауда жүргізгені үшін бизнес және азаматтарды жазаға тартудың негізділігін зерделеген. Олардың көбінесе заңсыз жауапқа тартылғаны анықталды.

Бас прокурордың орынбасары Болат Дембаевтың айтуынша, сауда үшін арнайы орындар анықталған кезде ғана жауапкершілік белгіленеді.

"Оларды облыстық, қалалық және аудандық әкімдер анықтайды ("Жергілікті мемлекеттік басқару туралы" Заңның 27, 31-баптары). Алайда, көптеген өңірде мұндай орындар болған жоқ, бірақ адамдарға 12-ден 27 мың теңгеге дейін айыппұл салынды", - дейді ол.

Мысалы, Жезқазған қаласында сауда орны белгіленбеген, бұған қарамастан кәсіпкерлер жауапкершілікке тартылды. Прокуратураның қолға алған шаралары бойынша 38 іс тоқтатылып, қалада сауда орындары анықталған.

Еліміздің басқа өңірінде – Ақмола облысының Зеренді ауданында прокурордың актісі бойынша сауда орындары анықталды. Жауапқа тарту туралы 26 заңсыз қаулының күші жойылды.

Жалпы прокуратураның шаралары бойынша 14 мыңнан астам заңсыз әкімшілік іс тоқтатылды, әкімдіктердің шешімімен еліміздің барлық өңірінде 4126 сауда орны анықталды. Бұл жұмыс жалғасып жатыр.

Олқылыққа жол берген 87 полицей мен 26 әкімдік қызметкері тәртіптік жауапкершілікке тартылған.

Бас прокуратураның бастамасымен Сауда және интеграция министрлігі осы мәселені бақылауға алды.

1832
Тақырып бойынша
Шығыс Қазақстанда рөлде ұйықтап кеткен полицей жол апатын жасады
150 мың теңге сұраған: көлікті себепсіз тоқтатқан екі полицей жұмыстан қуылды
Сыртынан жауып кеткен: полицей әйел өрт шыққан пәтердегі төрт баланы құтқарды
Коронавирустан 34 полицей қайтыс болды – Тұрғымбаев