Алматыдағы модульді аурухана дәрігерлері

"Күрт нашарлайды": алматылық дәрігерлер ауруханадағы жағдайды айтып берді

3619
(Жаңартылды 15:55 27.06.2020)
Модульді жұқпалы ауруханасы адамдардың өлім мен өмір арасындағы арпалысына толы. Дәрігерлер өте қиын жағдайда жұмыс істеп жатыр, себебі ол жерде COVID-19 инфекциясын жұқтырған науқастар жатыр

АЛМАТЫ, 27 маусым – Sputnik. Коронавирус пандемиясының таралуына байланысты Алматыда 18 күн ішінде жаңа модульді жұқпалы аурулар ауруханасы салынды. Ол жерде Covid-19 инфекциясын жұқтырған жағдайы ауыр және орташа ауырлық деңгейіндегі науқастар емделеді. Модульді аурухана Алатау ауданында орналасқан.

Больница расположена в живописных местах на фоне Заилийского Алатау
© Sputnik / Тимур Батыршин
Аурухана Алатау ауданында Боралдай зиратының жанында орналасқан

Аурухана қалай жабдықталған

Аурухана мен зираттың арасы жақын болғаны секілді аурухана қабырғасында да күн сайын өлім мен өмір арасында арпалыс. Дәрігерлер күн-түн демей науқастардың өмірі үшін күресіп жатыр. Аурухана 280 адамға арналған, қазір ол жерде 200-ге тарта адам емделіп жатыр. Нысан ішінде 6 клиникалық бөлім, жансақтау мен қабылдау бөлімі бар.

  • В госпитале работают шесть отделений. Войти туда можно только в защитных костюмах
    Нысан ішінде 6 клиникалық бөлім, жансақтау мен қабылдау бөлімі бар
    © Sputnik / Тимур Батыршин
  • В каждом отделении есть комнаты для врачей, где они могут отдохнуть и поесть
    Сонымен қатар аурухана "таза" және "лас" аймаққа бөлінген, "таза" аймақта қызметкерлер тамақ ішіп, демалады
    © Sputnik / Тимур Батыршин
  • В госпитале шесть клинических отделений, отделение реанимации и десять одноместных палат с отдельным выходом на улицу
    Аурухана 280 адамға арналған, қазір ол жерге 200-ге тарта адам емделіп жатыр
    © Sputnik / Тимур Батыршин
1 / 3
© Sputnik / Тимур Батыршин
Нысан ішінде 6 клиникалық бөлім, жансақтау мен қабылдау бөлімі бар

Сонымен қатар аурухана "таза" және "лас" аймаққа бөлінген, "таза" аймақта қызметкерлер тамақ ішіп, демалады. "Лас" аймаққа тек обаға қарсы қорғаныс киімімен, арнайы көзілдірік, резеңке аяқкиім киіп, берпердемен ғана кіруге болады. Ол аймаққа бөтен адамдарға кіруге рұқсат етілмейді. 

Аурухана ішінде қызметкерлерге арналған демалыс бөлмелері бар, таза аймақтың өзіне ПТР тест тапсырмаған кісіге кіруге болмайды. Сонымен қатар ауруханада төрт зертхана, компьютерлік томография, рентген, эндоскопиялық жабдықтар мен УДЗ және электрокардиография жасауға арналған кабинеттер бар. Жансақтау бөлімінде 28 жасанды тыныс алу аппараты орнатылған.

Алғашқы науқасты қабылдаған дәрігер

"Коронавирус Қазақстан азаматтарынан табыла бастаған кезде отбасымызға, балаларымызға жұғып кетпеу жағын ойлап, үйге бармадық. Қазір инфекция тарап кетті, олар да көп адаммен байланысқа түседі. Енді олардан өзіміз жұқтырып аламыз ба деп уайымдаймыз, себебі бізді ауруханада қаншама науқас күтіп отыр. Сол себепті қонақүйде тұрып жатырмыз",  - дейді Жекенов атындағы қалалық клиникалық жұқпалы аурулар ауруханасы бас дәрігерінің орынбасары Бақыт Утағанов.

Заместитель главного врача Городской инфекционной больницы Алматы Бакыт Утаганов
© Sputnik / Тимур Батыршин
Жекенов атындағы қалалық клиникалық жұқпалы аурулар ауруханасы бас дәрігерінің орынбасары Бақыт Утағанов "лас" аймақтан шыққан соң Sputnik Қазақстан тілшілеріне сұхбат берді

Дәрігердің айтуынша, қазір ауруханада 200-ден астам пациент жатыр, оның 95%-іне пневмония диагнозы қойылған. Бұл жерде коронавирустың жеңіл түрімен ауырып жатқандар жоқ.

Бақыт Утағанов – Қазақстанда коронавирус табылған алғашқы науқасты қабылдаған дәрігер, ол сол күн әлі де болса есінде екенін айтты. Ал модульді ауруханада жұмыс істеп жатқанына бір жарым апта болды. 

"Соңғы уақытта жағдайы ауыр немесе орташа ауыр жағдайдағы пневмониясы бар науқастар түсіп жатыр, оларда ентігу бар. Ішінде 5-10%-інің жағдайы ауыр. Бұл көрсеткіш күн сайын өзгеріп отырады", - дейді Утағанов. 

Ауруханада 100-ге жуық медицина қызметкері жұмыс істеп жатыр, оның 30%-і күндіз жұмыс істесе, қалған мамандар түнгі ауысымға үш күн сайын кезекшілікке шығады. 

При входе в грязную зону медики обязательно надевают специальные противочумные костюмы
© Sputnik / Тимур Батыршин
Ауруханадағы лас аймаққа тек қорғаныс киімімен ғана кіруге болады

"Науқас ауруханаға түскен кезде біздің қызметкерлер міндетті түрде қорғаныс киімдерін киеді. Науқас ауруханаға түсер алдында жедел жәрдем бригадасы ол кісінің жағдайы қандай, ауыр ма, әлде орташа ма – бәрін хабарлайды. Реанимацияны, жасанды тыныс алу аппаратын дайындау қажеттігі алдын ала нақтыланады. Соған байланысты қызметкерлер дайын отырады", - дейді дәрігер.

Перед входом в опасную зону врачи полностью обрабатывают себя дезраствором
© Sputnik / Тимур Батыршин
Инфекциялық аурухана қызметкерлері науқасты күтіп алуға тыңғылықты дайындалады

Алайда науқас ешқандай қорғаныс киімін кимейді, себебі, біріншіден, ол вирус жұқтырған. Екіншіден, науқас қорғаныс киімін кигенде немесе маска, респиратор таққан жағдайда вирус әрі қарай өзіне таралуын күшейтіп, ауыр пневмония пайда болады.

Науқастар масканы тек далаға шыққан кезде ғана тағады, себебі бір бөлімнен екінші бөлімге дала арқылы барады. Ол кезде жан-жағындағыларға инфекция таратпас үшін киеді. Ал өзінің палатасында маска тақпай отырады, деп толықтырды дәрігер.

Ал науқас ауруханаға түскен кезде ең алдымен пальпация, перкуссия, сатурация өлшенеді. Тамырдың соғысы, дене қызуы өлшенеді, шағымы сұралады. Соған байланысты ем-шара тағайындалады.

© Sputnik / Тимур Батыршин Batyrshin Timur
Науқас жасанды тыныс алу аппаратына қосылған

"Шамамен, науқастардың 40%-інде дене қызуы көтерілсе, қалған жағдайда пневмония диагнозымен, ауыр тыныс жетіспеушілігімен түседі. Бұл бұған дейін айтылмаған атипті пневмония деп аталады. Себебі оларда дене қызуының көтерілуі, ентігу секілді пневмония белгілері жоқ", - дейді инфекционист.

Коронавирус "стандартты" ауру емес

Дәрігердің айтуынша, күн сайын реанимация бөліміндегі науқастардан бастап пациенттерді аралау басталады. Әрбір науқастың жағдайы жеке-жеке талқыланады. Әрбірі жеке түрде емделеді, себебі коронавирус инфекциясы стандартты ауру емес. Кейде адамның сізбен сөйлескенде дене қызуы көтерілмей отырса да, бір сағаттан кейін жағдайы күрт нашарлап, жасанды тыныс алу аппаратына қосылуды қажет етуі мүмкін.

Орта ауырлық жағдайда жатқан науқастардың жағдайы күніне үш рет бақыланады, ал жағдайы ауыр пациенттердің жағдайын әр үш сағат сайын біліп отырады.

Врачи нередко задерживаются на работе
© Sputnik / Тимур Батыршин
Дәрігерлер күн сайын жансақтау бөліміндегі науқастардан бастап пациенттерді аралайды

Аурухана дәрігерлері айына бір рет коронавирусқа тест тапсырады. Инфекционист өзінің әріптесінің қалай инфекция жұқтырып алғаны жайлы айтты.

"Біздің бір қызметкеріміз барлық талапты сақтағанына қарамастан, реанимацияға түсіп қалды. Ол ауру жұқтырып алу мүмкін жерде жұмыс істеген еді. Адами фактор болады, адам шаршайды. Солай қателік кетіп жатады, одан ешкім сақтандырылмаған", - деді Бақыт Утағанов.

Алайда ол ешкіммен байланыста болмаған, бірден инфекциялық ауруханаға жатқызылған.

"Әр дәрігердің арманы – аман-сау үйіне жету"

Инфекционист Бақыт Утағановты үйінде жары мен алты жастағы қызы күтіп отыр.

"Сағындым. Төрт айдан бері үйге барма, ауруханада жұмыс істеп жатырмыз. Олармен телефон арқылы хабарласып тұрамыз, алайда құшақтап, сағынышыңды басқанға ештеңе жетпейді. Әр дәрігер, әр қызметкердің арманы – аман-сау өз үйіне жету", - дейді ол.

Тұрғындар карантин шараларын сақтанған жоқ, соның нәтижесін көріп отырмыз. Ауруханаға түсетіндер саны артты, басым бөлігінің жағдайы ауыр, қайтыс болатындар да бар. Реанимация бөліміндегі мамандардың жұмысы 200%-ке артты. Күн өткен сайын жағдай қиындап жатыр. Аурухана қабырғасындағы әлем мүлде басқа, ол жерде оттегіге, дәрігер күтіміне зәру науқастар жатыр, деп әңгімеледі Утағанов.

Төрт айдан бері үйіне бармады

"Ауруханада қорғаныс киімі жеткілікті. Науқастардың барлығы ауыр жағдайда түсіп жатыр. Бала-шағамызды көрмегенімізге төрт ай болды. Модульді аурухана ашылған сәттен бастап осы жерде жұмыс істеп жатырмын. Әрине, үйімізге бармаймыз. Туыстарымызды аурудан қорғау үшін қонақүйде тұрып жатырмыз. Осының бәрі тезірек бітсе екен деп тілейміз, Қазақстан халқы барлық талапты орындаса, тезірек үйге қайта алар едік", - дейді аға медбике Сайраш Дікімова. 

© Sputnik / Тимур Батыршин Batyrshin Timur
Сайраш Дікімова – модульді жұқпалы аурулар ауруханасының аға медбикесі

Айтуынша, науқастардың ең қуанышты сәті – ауруханадан шыққан кезі. 

"Медициналық көмекпен қатар науқастардың бәріне моральдық, психологиялық тұрғыдан көмек беруге тырысамыз. Қазір бәріміз психолог болып алдық. Науқастарда "әрі қарай не болады, жазыламын ба, жоқ па" деген қорқыныш бар. Кей науқас үнемі жанында отыруды талап етеді. Оған әрине, мүмкіндік жоқ, сонда да науқастарға бар жағдайды жасауға тырысамыз", - дейді Дікімова. 

Ауруханада науқастар кей бөлмеде екі адамнан, кей палатада үш адамнан жатыр. Бір күнде түскен науқастар бірге жатқызылады. Біреуі шығып, екінші науқас қалатын болса, оны басқа палатаға ауыстырады. Әрі қарай палатаны босатып, жаңа науқастарға дайындайды.

3619
Кілт сөздер:
Алматы, аурухана, дәрігерлер, коронавирус
Тақырып:
Коронавирус эпидемиясы (1799)
Тақырып бойынша
Ауруханада жатқан министр Біртанов желіде дәрігерлер туралы жазба жариялады
Денсаулық министрлігі желіде тарап кеткен ақпаратқа қатысты түсініктеме берді
Қазақстанның денсаулық сақтау вице-министрі ауысты
"Жылай бастаймын": Елордалық дәрігер ауруханада не болып жатқанын айтып берді
"Олар үшін мен ұялдым": елордалық медбике изолятордағы "өмір" туралы айтып берді
Иманбек Зейкенов

"Грэммиге" ұсынылған ақсулық жігіт ойламаған жерден танымал болып кеткенін айтты

519
(Жаңартылды 21:07 25.11.2020)
Павлодар облысының тұрғыны Иманбек Зейкенов "Грэмми" музыкалық сыйлығын жеңіп алуға зор мүмкіндік бар деп санайды

НҰР-СҰЛТАН, 25 қараша – Sputnik. "Грэммиге" үміткер болған қазақстандық Иманбек Зейкенов Ақсудан ешқайда кетпей, музыка жазуды жалғастырып жатыр. Ол бұл туралы Sputnik Қазақстан тілшісіне айтып берді.

Иманбек Зейкенов ең беделді музыкалық сыйлыққа ұсынылғанын естігенде әуелі сенбегенін мойындады.

"Өзімнің тікелей эфирім кезінде білгендіктен сенбедім. Ақсу қаласында тұрамын, музыка жазамын. Жеңіске жетуге зор мүмкіндік бар", - деп Зейкенов Sputnik Қазақстанға қысқаша түсініктеме берді.   

Бұған дейін қазақ жігіті New York Times газетіне берген сұхбатында теміржолдағы жұмысын тастағанын айтқан болатын.

Иманбек Зейкеновтің Saint JHN есімді бруклиндік рэпердің Roses әніне жасаған ремиксі әлемдік чарттардың жоғарғы сатысына көтерілді. Қазақстандық мұндай танымалдылықты мүлде күтпегенін, жұлдызды әуен кездейсоқ жазылғанын мойындады.

Жұлдыз болып шыға келді: ақсулық жігіттің хитін әлемде 2,5 млн адам тыңдады

"Аудиожазбаларда Saint JHN әні болды. Тәжірибе жасағым келіп, екі сағаттың ішінде ремикс жаздым. Интернетте жарияладым, достарым лайк басты. Бар болғаны сол. Содан кейін бәрі тынышталды. Үш айдан кейін бұл ән қандай да бір топта жарияланған, ол жерде миллион жазылушы болған. Сол жерден адамдар ақырындап тыңдай бастады. Тағы бір-бір жарым айдан кейін маған продюсерлер шығып, ынтымақтастық орнатуға ұсыныс білдірді", - деді Зейкенов Sputnik Қазақстан тілшісіне.

Сыйлықты тапсыру салтанаты 2021 жылдың 31 қаңтарында өтеді.  

Ремикстер арасында сыйлыққа үміткерлер:  Phil Good - Do You Ever (Rac Mix), Deadmau5 - Imaginary Friends (Morgan Page Remix), Jasper Street Co. - Praying for You (Louie Vega Main Mix), Saint Jhn - Roses (Imanbek Remix), Bazzi - Young & Alive (Bazzi vs. Haywire Remix).

519
Қазақ-қырғыз шекарасы, архивтегі фото

Қазақстан Қырғызстанға гуманитарлық жүк жіберді

44
Жолға шыққан жүк көліктеріне жасанды тыныс алдыру аппараттары мен Қазақстанда жасалған маскалар тиелген

НҰР-СҰЛТАН, 25 қараша – Sputnik. Қазақстанның индустрия және инфрақұрылымдық даму министрлігі Қырғызстанға 389 миллион теңге немесе 916 мың доллардың гуманитарлық жүгін жіберді, деп хабарлайды Sputnik Қазақстан.

"Қырғыз Республикасына жүк көлігімен "Көкшетау-4П" жасанды тыныс алдыру мобильді аппараттарының 400 жинағы мен Қазақстан кәсіпорындарда өндірілген 2 миллион медициналық маска жөнелтілді", - деп хабарлады министрліктің баспасөз қызметі.   

Жіберілген гуманитарлық жүктің жалпы құны 390 миллион теңгеге жуықтайды, атап айтқанда "Тыныс" АҚ шығарған "Көкшетау-4П" аппараттарының құны 328 миллион теңгеге, "Dolce pharm" ЖШС және "Mega pharm" ЖШС шығарған медициналық маскалардың құны 61 миллион теңгеге бағаланды.

Оқи отырыңыз: Қырғызстан президенті Тоқаевқа алғыс білдірді 

Жүк мемлекет басшысы Қасым-Жомарт Тоқаевтың тапсырмасын және Қазақстан үкіметінің қаулысын орындау аясында жөнелтілді.

44
Кілт сөздер:
гуманитарлық көмек, Қырғызстан
Тақырып бойынша
Қырғызстан Қазақстан бөлген 100 млн доллардан бас тартатынын ресми түрде хабарлады
Қырғызстанға өтіп кеткен 23 мың адамның қаншасы елге оралғаны белгілі болды
Қазақстан Қырғызстанға 2 млн бетперде мен 400 аппарат жібереді
Теңге, доллар

Ұлттық банк теңгенің неліктен нығайып жатқанын түсіндірді

0
Инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр

НҰР-СҰЛТАН, 25 қараша – Sputnik. Теңге қыркүйектен бері алғаш рет 422,87 теңгеге дейін нығайды, деп хабарлады Ұлттық банктің баспасөз қызметі.

Қазақстан қор биржасындағы күндізгі сауда-саттықтың қорытындысы бойынша ұлттық валюта өткен күнмен салыстырғанда 1,79 теңгеге нығайды.

Ұлттық банктің 26 қарашаға бекіткен ресми бағамы – 422,87 теңге.

"25 қарашада биржада доллар теңгеге қатысты орта есеппен 422,90 деңгейінде саудаланады. Аптаның басынан бері ұлттық валютаның бағамы 5 теңгеден астам немесе 1,2%-ға нығайды. Теңгенің оң динамикасына қолайлы сыртқы конъюнктура, сондай-ақ экспорттаушылардың салық төлемдерін жүзеге асыру үшін шетел валютасын сатуы әсер етіп отыр", - деп атап өтті Ұлттық банктің монетарлық операциялар департаментінің директоры Нұржан Тұрсынханов.

Оның айтуынша, инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр, бұл экономикалық белсенділіктің тез қалыпқа келу ықтималдығын арттырады. Сонымен қатар, билікті Дональд Трамп әкімшілігінен сайланған президент Джо Байденге ресми түрде беру процесінің басталуы тәуекел дәрежесін демеп отыр.  

Сонымен бірге нарықтар ФРЖ-нің бұрынғы басшысы Джанет Йелленді АҚШ қаржы министрі лауазымына тағайындау перспективаларына оң жауап береді, бұл қаржылық ынталандыруға байланысты болып жатыр.

Оқи отырыңыз: Ұлттық банк қазан айында валюталық интервенция жүргізді 

Жедел вакцинация және отынға деген сұраныстың жедел қалпына келуі мұнай бағасын өсіруді қолдайды. Brent эталондық сұрыпты мұнайының әлемдік бағасы бірнеше күн қатарынан өсіп келеді және Азия нарықтарындағы бүгінгі сауда-саттық барысында наурыздың басынан бастап алғаш рет бір баррель үшін 48 доллар белгісінен асты. Осыған орай, Норвегия кроны мен Канада доллары сияқты шикізат елдерінің валюталары аптаның басынан бастап 1,3%-ке және тиісінше 0,6%-ке нығайды.

Сыртқы позитивтің әсерінен бөлек, осы апта салық аптасы болып қалады, бұның өзі нарықта валютаның ұсынысын едәуір күшейте түсті. Мысалы, 23 қараша күні биржадағы сауда көлемі 170 миллион долларға жетті, бұл – осы қарашада биржада тіркелген күндізгі орта көлемнен 1,5 есе көп дегенді көрсетеді.

"Дамушы елдердегі валюталар сыртқы нарықтағы жағдайларға мейілінше жақсы әсер етіп отыр. Апта басында оңтүстік африкалық ранд 1,3%-ке бекісе, Ресей рублі 1%-ке, Мексика песосы 0,3%-ке нығая түсті. Бұл жерде рубльдің өзі экспортерлердің тарапынан түскен салық есебінен нығайып отыр", - дейді Тұрсынханов.

Ал теңге сыртқы және ішкі факторлардың жайлылығынан, одан қалды тәуекел-сентимент пен нарықтағы энерготасымалдаушылардың позитивті жаңалықтарының және жер қойнауын пайдаланушылар тарапынан түскен көлемді салықтың арқасында бекіп тұр.

Бұл жерде мұнай бағасының көтерілуі – оны тұтыну деңгейін дер кезінде қалпына келтіруге себепші болып жататынын айта кету керек. Дегенмен АҚШ-тағы мұнай қорының есебі көрсетіп келгендей, тұтыну көлемі болжалды деңгейге көтеріле алмай отыр. Сол себепті, шынайы тұтынымның шамасына қарай көмірсутек бағасына да өзгерістер еніп тұруы мүмкін.

0
Кілт сөздер:
теңге, Ұлттық банк
Тақырып бойынша
Ұлттық банк теңге бағамы неліктен өзгергенін түсіндірді
Экономистер теңгенің болашағына болжам жасады
Теңгенің айырбас бағамы біршама өсті: қазақстандық валютаға не әсер етеді?
Досаев теңге бағамына теріс әсер ететін факторды атады