Марал шаруашылығы

Бұғы мүйізімен емдеу: Қатонқарағайдағы марал шаруашылығы қолдауға зәру

798
(Жаңартылды 17:32 28.06.2020)
Бұғы мүйізімен емдеу шаралары жаздың екі айына ғана байланғанына қынжылған шаруалар үкіметтен субсидия бөлінсе дейді

НҰР-СҰЛТАН, 28 маусым – Sputnik. Білген адамға маралдың мүйізінен бастап тұяғына дейін шипа екені белгілі, деп хабарлайды Хабар24 арнасы.

Түркістандық азамат Нұржан Оспанқұл Қатонқарағайдағы бұғы мүйізімен емдеу орталықтары туралы талай естіген. Енді, міне, биыл тәуекел деп осында келіпті. Күніне екі рет марал мүйізінің қанын ішіп, сорпасына түсіп, денсаулығын түзеп жатыр. Құрыс-тырысы жазылып, ауру-сырқауы азайғанын айтқан ол марал мүйізінің сорпасына күніне екі рет түсіп, өте керемет әсер алғанын айтады.

Қазір бұғы мүйізімен емдеу-сауықтыру орталықтарында қарбалас уақыт. Өйткені шаруалар қыс бойғы еңбектерінің жемісін енді көреді.

Короновирустың кесірінен шетелдік туристер легі тоқтады. Дегенмен, бұғы мүйізімен емдеу орталықтарында жұмыс жалғасып жатыр. Тіпті, ірі базаларда маусым-шілде айларында орын таппайсыз. Өйткені тек осы екі айда ғана марал мүйіздері кесіледі. Сондықтан осы кезең ем қабылдап, денсаулықты оңалтуға ең қолайлы сәт.

Шаруашылықтағы өз ісіне әбден машықтанған мамандар келушілерге марал мүйізін ұсынып, сорпаның дайындалу барысын да көрсетіп береді. Қанның құрамында адам ағзасына пайдалы 25 түрлі микроэлемент бар. Ал сорпасына түсу сүйек, буын ауруларына таптырмас ем.

"Жүрек қан-тамырлары, сүйек, тері ауруларына ем, жалпы иммунитетті көтеретін процедура болып табылады. Бір түсіп кеткен адамның денесі мен терісі жақсарып, организмінің инфекциялық ауруларға күресу қабілеті күшейеді", – дейді емдеу орталығының дәрігері Данияр Ерлан.

Ал шаруашылық өкілдері емдеу шаралары жаздың екі айына ғана байланып қалғанына қынжылады. Десек те, бұғы мүйізімен ем қабылдауды жыл бойы үздіксіз жүргізуге болады екен. Бірақ кәсіпкерлердің қолы қысқа. Мемлекеттен ешқандай қаржылай қолдау жоқ.

"Мерзімін ұзартып, қыста да кісілерді қабылдауға болады. Мысалы үшін жол қиын деп Қатонқарағайға жете алмаса, аудан орталығында ма, Өскеменде ме, қалада оны істеуге болады. Мүйізді уақытында кесіп қатырып, кейіннен жібітіп ішсе адамға қабылдауға болады", – дейді марал шаруашылығының жетекшісі Дамир Қалихан.

Ақиқатында 7 ай бойы мүйізді жануарлардың күйін кетірмей баптап өсіруге аз қаржы кетпейді. 30-40 шақырымға созылатын қоршауларды күзетудің өзі оңай емес. Оған жем-шөп, жол шығынын қосыңыз. Ал қорадағы жануарларды аракідік асылдандырып тұрмаса тағы болмайды.

Оқи отырыңыз: Ақтөбе облысында бұғы мүйізімен емдейтін емхана ашылды

Сондықтан шаруалар үкіметтен субсидия бөлінуін асыға күтуде.

798
Кілт сөздер:
бұғы мүйізі, Шығыс Қазақстан
Тақырып бойынша
1 маусымнан бастап курорттар мен шипажайлар ашылады
Астаналық оқушылар жазда қайда демалады – білім басқармасы жауап берді
Екінші маусымнан бастап Алакөлге пойыздар қатынайды
"Енді не істейміз?": Ақтөбелік емшінің жаға ұстатарлық қылмысы әшкере болды
Шетелде емделетіндер шекарада қандай құжат көрсетеді
Орталық сайлау комиссиясының ғимараты

ОСК мәжіліс сайлауына "Nur Otan"партиясы кандидаттарының тізімін тіркеді

36
"Nur Otan" партиясының тізімінде 126 адам бар. ОСК кандидаттардың заң талаптарына сәйкестігіне тексеру жүргізді

НҰР-СҰЛТАН, 2 желтоқсан – Sputnik. Қазақстанның орталық сайлау комиссиясы мәжіліс сайлауына "Nur Otan"партиясы кандидаттарының тізімін тіркеді, деп хабарлайды Sputnik Қазақстан.  

"Nur Otan" партиясы парламент сайлауына кандидаттарды ұсыну туралы құжаттарды Орталық сайлау комиссиясына 2020 жылдың 26 қарашада ұсынды.

Оқи отырыңыз: "Ақ жол" партиясы мәжіліс депутаттығына кандидаттар тізімін жариялады 

"Nur Otan" партиясының тізімінде 126 адам бар. Оның 40-ы әйелдер мен жиырма тоғыз жасқа толмаған жастар, олар тізімге енгізілгендердің жалпы санының 31,7 процентін құрайды. Уәкілетті органдар ұсынған мәліметтер негізінде Орталық сайлау комиссиясы мәжіліс депутаты болып сайлану үшін партиялық тізімге енгізілген адамдардың Конституция мен "ҚР сайлау туралы заңы" талаптарына сәйкестігіне тексеру жүргізді", - деп атап өтті ОСК мүшесі Асылбек Смағұлов отырыс барысында.

Тексеріс нәтижесінде партиялық тізімге енгізілген барлық адам заң талаптарына сай келетіні белгілі болды.  

Осыған байланысты, Орталық сайлау комиссиясының мүшелері "2021 жылдың 10 қаңтарына белгіленген Қазақстан Республикасы парламенті мәжілісі депутаттарының кезекті сайлауында "Nur Otan" партиясының партиялық тізімін тіркеу туралы" қаулы қабылдады.

36
Кілт сөздер:
сайлау, Мәжіліс
Тақырып бойынша
Қазақстанда жаңа саяси партия құрылып жатыр – депутат Әлтаев
"Nur Otan" сайлау алдында берген уәделерінің басым бөлігін орындады – Назарбаев
Әлі талай құшақтасатын боламыз – Назарбаев
Дариға Назарбаева мәжіліс депутаттығына кандидат болды
Сайлауға бойкот жариялау ұсынылды – ЖСДП мүшелері қандай шешім қабылдады
Телефон, иллюстративті фото

Құпия деректерге қауіп төніп тұр: Жалған онлайн ойынның сілтемесі таралып жатыр

22
Қолданушылар бөлісіп жатқан сілтеме ойынның порталына емес, жеке деректерді иемдене алатын фишингтік сайтқа кіргізіп жібереді

НҰР-СҰЛТАН, 2 желтоқсан – Sputnik. Әлеуметтік желіде Amazon компаниясы жүргізіп отыр делінген онлайн ойын туралы ақпарат таралып жатыр.  

"Ойын" ережесіне сәйкес, қатысушылар қымбат гаджеттер, ұялы телефондар мен компьютерлік техника ұтып алуы мүмкін. Алайда қолданушылар таратып жатқан "ойынның" сілтемесі фишингтік сайтқа алып барады, деп хабарлады Stopfake порталы.

"Бағалы сыйлықтар ұтысы туралы жаңалықтың астында жағымды пікірлер көп жазылған. Оның бәрі фейк деп болжауға болады. Бұл туралы ойын сайтында да жазылған – сайтқа кірмек болғанда автоматты түрде фишинг туралы ескерту шығады, ал сервермен байланыс қорғалмаған", - делінген хабарламада.

Сарапшылардың мәліметінше, алаяқтар осындай интернет-платформалар арқылы сайтқа кірушілердің жеке деректерін –аккаунттардың логиндері мен парольдерін, төлем карталары мен банктік шоттар туралы ақпаратты ұрлайды, тіпті жәбірленушінің компьютеріне немесе мобильді құрылғысына толық қолжеткізе алады.

"ҚҚС төлемдерін қайтарып ал": Алаяқтықтың жаңа түрі пайда болды

Бұл соңғы уақытта Қазақстанда тіркелген алғашқы фишингтік сайт емес. Бүгінде алаяқтар белсенді әрекет етіп жатыр, адамдарды банктердің, танымал тұлғалардың, ірі брендтердің атынан алдауға тырысады.

Фишинг – интернет алаяқтығының бір түрі, оның мақсаты – қолданушының құпия деректеріне, атап айтқанда, логиндер мен парольдерге қол жеткізу.

22