жедел жәрдем көлігі

Тоқаев денсаулық сақтау министрлігінің жұмысын сынға алды

775
Мемлекет басшысы денсаулық сақтау министрлігі орталық және жергілікті билік органдарының жұмысын үйлестіруді қамтамасыз ете алмағанын айтты

АЛМАТЫ, 29 маусым – Sputnik. Қазақстан президенті Қасым-Жомарт Тоқаев денсаулық сақтау министрлігін пандемияның қызған шағында жіберген қателіктері үшін сынға алды.

"Ведомствоаралық комиссия қойылған міндетті орындай алмады. Мұны мойындау керек. Денсаулық сақтау министрлігі орталық және жергілікті билік органдарының жұмысын үйлестіруді қамтамасыз ете алмады", - деді мемлекет басшысы.

Жергілікті жерлерде уақытылы жасалмаған және тиімділігі төмен шаралар вирустың еңбек ұжымдарына, жүйе құраушы өндіріс орындарында таралуына алып келді, деп атап өтті президент.

"Атырау облысында Теңіз кен орны инфекцияның ірі ошағы болды, ол жерде 1 222 адам коронавирус инфекциясын жұқтырды. Алматыда тек азаматтар арасында ғана емес, медицина қызметкерлері арасында да ауру өршіп тұр", - деді Тоқаев.

Президенттің айтуынша, астанада бірқатар ұйым әлі күнге дейін санитарлық талаптарды бұзып отыр.

"Өңірлерде аурухана төсектері, медицина кадрлары, дәрі-дәрмек, медицина жабдықтарының тапшылығы байқалады", - деді ол.

Жұмыс барысындағы олқылығы үшін Тоқаев Нұр-Сұлтан және Алматы қалаларының әкіміне, Шымкент, Ақтөбе және Павлодар облыстарының әкіміне, ведомствоаралық комиссияның басшысы Ералы Тоғжановқа сөгіс жариялады.

Сондай-ақ, Атырау, Қостанай, Батыс Қазақстан облыстары әкіміне аймақтағы жағдайды түзету қажет екенін ескертті. Бұл барлық облыстың басшысына да қатысты, деді мемлекет басшысы.

Айта кетейік, денсаулық сақтау министрлігінің бұрынғы басшысы Елжан Біртанов денсаулығына байланысты қызметінен кету туралы өтініш берді. Оның орнына 25 маусымда Алексей Цой денсаулық сақтау министрі болды. Президент министрліктің жаңа басшылығына коронавируспен күресте қосымша шаралар әзірлеуді тапсырды.

775
Кілт сөздер:
денсаулық сақтау министрлігі, Қасым-Жомарт Тоқаев
Тақырып:
Коронавирус эпидемиясы (1995)
Темір тор мен кісен, архивтегі сурет

Тоңазытқыштағы нәресте өлімі: сот залында шу шықты видео

628
(Жаңартылды 19:33 19.01.2021)
Бұрынғы бас дәрігердің жұбайы сот үкімін естігеннен кейін судьяға дөрекі сөйлеп, "олардың бәрін антикор басқарып отыр" деп шықты

НҰР-СҰЛТАН, 19 қаңтар – Sputnik. Ұзақ уақытқа бас бостандығынан айырылған дәрігерлер өз эмоциясын ұстай алмады. "Ақ Жайық" порталында сот залында түсірілген видео да жарияланды.

Айта кетейік, дүйсенбі күні Атырауда жаңа туған баланы алдын ала сөз байласу арқылы өлтіргені үшін айыпталған облыстық перинаталдық орталықтың дәрігерлеріне қатысты үкім шыққан болатын. Сот оларды кінәлі деп танып, перинаталдық орталықтың бұрынғы бас дәрігері Қуаныш Нысанбаевты 18 жылға, акушер-гинеколог Асқар Қайыржанды 16 жылға, акушер Жәмилә Құлбатырованы 15 жылға бас бостандығынан айыруға шешім қабылдады. Ал неонатолог-дәрігер Руслан Нұрмұхамбетов пен Дариға Жұмабаева қылмыс туралы хабарламағаны үш жылға бас бостандығын шектеу жазасына кесілді.

Судья үкімді жариялағанда дәрігерлер өз эмоциясын ұстай алмады. Акушер-гинеколог Асқар Қайыржан "үкіммен келіспеймін!" деп, сотталушыларға арналған кабинаның терезесін ұра бастады. Осыдан кейін қарауыл оны сот залынан алып кетті.

Бұрынғы бас дәрігердің жұбайы сот үкімін естігеннен кейін судьяға дөрекі сөйлеп, "олардың бәрін антикор басқарып отыр" деп шықты. Ал Қуаныш Нысанбаевтың өзі ештеңе түсінбегенін жеткізді. Содан кейін әділ сот болмады деп айқайлады.

"Неге бұл жерде Әлімбаева (кезекші неонатолог-дәрігер) жоқ. Ол бірінші болып баланы қараған", – деді ол. Оны да сот залынан алып кетуге тура келді.

Акушер Жәмилә Құлбатырова да сот үкімімен келіспейтінін мәлімдеді.

"Мен дәрігерлердің айтқанын ғана істедім. Басқа еш кінәм жоқ!", – деп айқайлады Құлбатырова.

Судья Гүлмира Дәулетова үкімді аяғына дейін оқып, 15 күннің ішінде қарсы шағым түсіруге болатынын айтты.

Жаңа туған нәрестенің өлімі

2019 жылдың 29 қыркүйегінде Атырау перинаталдық орталығында дүниеге келген нәресте қимылсыз жатқаннан кейін дәрігерлер оны өлі туды деп тіркеген. Алайда сәбиді тоңазытқыш камераға апарған кезде аяғы қимылдай бастаған.

Сыбайлас жемқорлыққа қарсы қызметтің хабарлауынша, дәрігерлер құжатты түзетпеу үшін оны тоңазытқышта қалдыруға шешім қабылдаған. Сотта тергеуші Асқарбек Ермұқашев дәрігерлердің телефон арқылы сөйлескен стенограммасы бар екенін айтқан.

Оқи отырыңыз: Сегіз сағат жер астында жатқан нәресте тіріліп кетті - видео

Филологиялық сараптаманың қорытындысы да жасалды. Сонда дәрігерлердің бір-бірімен кеңесіп, баланың тағдырын шешкені анық байқалады. Әңгіменің стенограммасында "Құдай бізді кешірсін" деген сөздер бар.

628
Кілт сөздер:
Атырау, бала өлімі
Тақырып бойынша
Атырауда 108 нәресте шетінеді: дәрігерлер жас босанған әйелдердің өзін кінәлайды
Нәресте тоңазытқыштан табылды: атыраулық дәрігерлердің ауыр қылмысы ашылды
Алматыда он жыл күткен нәресте он күнде шетінеп кетті: оқиғаның мән-жайы
Қызыл қаласында анасы көшеде ұмытып кеткен нәресте үсіп өлді
"Алты айлық нәресте бар": үш облыста коронавирус жұқтырған 14 адам анықталды 
Гүлдер, архивтегі сурет

Назарбаев Әлімғазы Райымбековтің отбасына көңіл айтты

1262
(Жаңартылды 17:08 19.01.2021)
19 қаңтарда "Тақиялы періште" фильмінде Тайлақтың рөлін сомдаған Әлімғазы Райымбеков 86 жасына қараған шағында дүниеден өтті

АЛМАТЫ, 19 қаңтар – Sputnik. Елбасы белгілі актер Әлімғазы Райымбековтің өмірден өтуіне байланысты туыстарына көңіл айту жеделхатын жолдады, деп хабарлайды Sputnik Қазақстан.

"Ол ұлттық киномызда ұмытылмас бейнесі мен өзіндік ізін қалдырған талант иесі болатын. Елбасы оның жарқын бейнесі жұртшылық жадында әрдайым сақталады деп сенім білдірді", - деп жазды Елбасының баспасөз хатшысы Айдос Үкібай Twitter парақшасында.

Айта кетейік, 19 қаңтарда "Тақиялы періште" фильмінде Тайлақ рөлін сомдаған Әлімғазы Райымбеков 86 жасына қараған шағында дүниеден өтті

Әлімғазы Райымбеков 1936 жылы 1 желтоқсанда Алматы облысында дүниеге келген.

Актер Алимгазы Райымбеков
Белгілі актер 1968 жылы "Тақиялы періште" кинофильміндегі Тайлақ рөлін сомдады

Совхозда көлік жүргізушісі болып қызмет еткен. Содан кейін 1965 жылы алғашқы "Ән қанатында" фильміне шақырту алды.

1968 жылы "Тақиялы періште" кинофильміндегі Тайлақ рөлін сомдады. Осы кезден жұртшылыққа кеңінен таныла бастады.

Марқұмның жаназасы 20 қаңтарда Алматы облысы Көксу ауданы Мәмбет ауылында өтеді.

 

1262
Кілт сөздер:
тақиялы періште, Назарбаев, актер
Тақырып бойынша
Ғалым, чемпион, актер: 2020 жылы өмірден өткен арда азаматтар
Қазақтың Тайлағы дүниеден өтті
Әмина Өмірзақованың туғанына 100 жыл: Халық әртісі туралы қызықты деректер
Танымал актер Дархан Дайырбек өмірден озды
"Қыз Жібекті" үш жыл түсірдік": актер әрі режиссер Асанәлі Әшімов жайлы не білеміз
Тоқаев Ахметжан Есімовті қабылдады

Тоқаев Ахметжан Есімовті қабылдады

5
(Жаңартылды 19:50 19.01.2021)
Ахметжан Есімов соңғы 3 жылда "Самұрық-Қазына" займдарды өтеу үшін өз бастамасымен Ұлттық қорға 554 миллиард теңге қаржы аударғанын айтты

НҰР-СҰЛТАН, 19 қаңтар — Sputnik. Қазақстан президенті "Самұрық-Қазына" әл-ауқат қорының басқарма төрағасын қабылдады, деп хабарлайды Ақорда.

Кездесу барысында Ахметжан Есімов акционерлік қоғамның 2020 жылы атқарған жұмыстарының алдын ала қорытындылары туралы баяндады.

"Жаһандық дағдарыс пен пандемияға қарамастан, холдинг өткен жылы өз қызметін табысты атқарды. Қорға қарасты компаниялар қызметкерлерінің жаппай қысқаруына жол берілмеді. Қор компаниялары активтерінің өсімі 800 миллиард теңгеге жетті", - деді ол.

Ахметжан Есімов соңғы 3 жылда "Самұрық-Қазына" займдарды өтеу үшін өз бастамасымен Ұлттық қорға 554 миллиард теңге қаржы аударғанын айтты. Холдингке қарасты компаниялардың бизнес-үдерістерін цифрлық трансформациялау нәтижесінде 171 миллиард теңге пайда түскен.

Сонымен қатар мемлекет басшысына отандық тауар өндірушілерді қолдауға бағытталған ауқымды жұмыстар туралы ақпарат берілді. 2018-2020 жылдардың қорытындысына сәйкес сатып алулар бойынша үнемделген қаржы 410 миллиард теңге болды.

Атқарылған ауқымды жұмыстардың нәтижесінде "Самұрық-Қазына" холдингінің кредиттік рейтингі BB+/B "тұрақты" деңгейде екенін халықаралық Standart & Poor`s рейтинг агенттігі нақтылады.

Ахметжан Есімовтің айтуынша, "ҚазМұнайГаз" ұлттық компаниясы мұнай бағасының едәуір арзандағанына және OPEC+ компаниясының шектеулеріне қарамастан, қаржылық рейтингте оң көрсеткішін сақтап қалды. "Қазақстан Темір Жолы" акционерлік қоғамы соңғы 6 жылда бірінші рет өткен жылды қаржылық тұрғыдан пайдамен аяқтаған. "Қазатомөнеркәсіп" акционерлік қоғамы активтерінің құны IPO-ға (2018 жылы) шыққалы 2,1 миллиардтан 5,1 миллиард АҚШ долларына дейін көтерілген. "Самұрық–Энерго" акционерлік қоғамының қарызы 100 миллиард теңгеге азайды.

Кездесу соңында президент Есімовке бірқатар нақты тапсырма берді.

5
Кілт сөздер:
Ахметжан Есімов, Қасым-Жомарт Тоқаев
Тақырып бойынша
Тоқаев биыл кімдердің жалақысы өсетінін айтты
Тоқаев сегіз лауазымды тұлғаны қызметінен босатты
Мамин екі министрді не себепті ауыстырды – сарапшылар пікірі
Назарбаев "Самұрық-Қазына" басшылығын мақтады
Президент саяси жүйеге қатысты тың ұсыныс жасады