Бас мүфти Наурызбай қажы Тағанұлы

Бас мүфти бата жасағысы келетіндерге кеңес берді

2422
Бас мүфти қазіргідей жағдайда салттан бұрын адам өмірі қымбат екенін ұмытпау қажет деп санайды

НҰР-СҰЛТАН, 3 шілде – Sputnik. Қазақстан мұсылмандары діни басқармасының төрағасы, бас мүфти Наурызбай қажы Тағанұлы қашықтан бата беріп, дұға жасау құптарлық іс деп мәлімдеді.

"Халқымызда "ауыр жол атаңды сынайды, ауыр іс адамды сынайды" деген нақыл сөз бар. Бұл сынақ жасқа да, жасамысқа да ауыр тиюде. Адамдар әр түрлі ойларға салынып, кейбіреулері ауырып, емделіп жатыр. Алла шипа берсін дейміз. Ал енді дүниеге салғандарға Алла иманын жолдас етсін, кітабын оң жағынан берсін", - деді Тағанұлы бүгінгі онлайн брифингте.

Осы орайда, бас мүфти адам қайтыс болғанда қазақтың топырақ салу мен бата жасау сияқты дәстүрді орындауға тырысатынын еске алды. Алайда бүгінде салттан бұрын адам өмірі қымбат екенін ұмытпау қажет. 

"Әрине, адам өмірі болғаннан кейін өлім болады. Егер ондай жағдай болып қалса, жақындарымен, аз адаммен атқарып, дұғада болайық. Біздің халқымызда бата беру деген ұғым бар. Бірақ бүгінде батаны бармай-ақ, қашықтықтан беруге де болады. Ертең бата бермей қалсам, ұят болады деп ойласаңыз, онда қашықтан бата беріп, дұға жасасаңыз құба-құп", - деп атап көрсетті Тағанұлы.

Оқи отырыңыз: Дариға Назарбаева Елбасы өзіне қандай бата бергенін айтты

2422
Кілт сөздер:
бата, Бас мүфти
Тақырып бойынша
Бата беру дәстүрі қайдан шықты және оны кімдер береді?
"Маған бата беріпсіз" Назарбаев 17 жыл бұрын тұсауын кескен студентпен кездесті
22 наурызға арналған бата
Батагөйлер арасында чемпион атанған ақсақал бата берудегі басты кемшілікті атады
"Менің Қыз Жібегім осындай болуы керек": Нұржамал Үсенбаева кімнен бата алғанын айтты
Қасым-Жомарт Тоқаев

Тоқаев Үндістан президентіне көңіл айтты

9
Махараштра штатында су тасқыны мен лай көшкінінен кем дегенде 138 адам көз жұмды

НҰР-СҰЛТАН, 25 шілде – Sputnik. Мемлекет басшысы Қасым-Жомарт Тоқаев Үндістан президенті Рам Нат Ковиндке көңіл айту жеделхатын жолдады, деп хабарлайды Ақорда.

Қазақстан президенті Махараштра штатында болған су тасқыны мен лай көшкіні салдарынан көптеген адамның қаза тапқаны және үйлер мен ғимараттардың қирағаны туралы суыт хабарды терең күйзеліспен қабылдады.

"Қазақстан халқының және жеке өзімнің атымнан қаза болған адамдардың отбасыларына көңіл айтамын және зардап шеккендердің тезірек сауығып кетуіне тілектестік білдіремін. Із-түзсіз жоғалған отандастарыңыз өз отбасыларына аман-есен оралсын. Осындай қиын-қыстау шақта біз Үндістан халқымен біргеміз", – делінген жеделхатта.

Тағы оқыңыз: "Қайғырып көңіл айтамын": Тоқаев Си Цзиньпинге жеделхат жолдады

Үндістанның орталығындағы Махараштра штатында су тасқыны мен лай көшкінінен кем дегенде 138 адам көз жұмды, деп хабарлайды РИА Новости.

84 мыңнан астам адам штатттың оңтүстігіндегі Пуна округінде қауіпсіз аймаққа орналастырылды.

Үнді метеорология бюросы Махараштра штатының әкімшілік орталығы Мумбаидағы нөсер жауынға байланысты дабылдың қызыл деңгейін жариялады. Табиғи апат салдарынан қала тұрғындарын жарық және сумен қамтамасыз етуде қиындықтар туындады.

9
Кілт сөздер:
көңіл айту, Үндістан, Қасым-Жомарт Тоқаев
Елордадағы билборд, архивтегі сурет

Індет өршіп тұр: "сары" аймақта тек бір ғана облыс қалды

107
Қазіргі таңда Қазақстанның он алты өңірі "қызыл" аймақта орналасқан, "жасыл" аймақта бір де бір облыс жоқ

НҰР-СҰЛТАН, 25 шілде – Sputnik. 25 шілдедегі жағдай бойынша Қазақстан өңірлеріндегі эпидемиологиялық жағдайды бағалау матрицасы жарияланды.

"Қызыл" аймақта Нұр-Сұлтан, Алматы, Шымкент қалалары, Ақмола, Ақтөбе, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Солтүстік Қазақстан, Түркістан және Шығыс Қазақстан облыстары тұр.

"Сары" аймақта тек Алматы облысы қалды.

25 шілдедегі мәлімет бойынша 78 917 адам коронавирус инфекциясынан (76 891 КВИ+ және 2 026 КВИ-) емделуде, олардың ішінде 23 046 пациент стационарда, 55 871 науқас амбулаториялық деңгейде ем қабылдап жатыр.

Індетке шалдыққандар арасында:

  • 1 438 адамның жағдайы ауыр,
  • 284 пациенттің жағдайы өте ауыр,
  • 182 науқас жасанды тыныс алдырту аппаратына қосылған.

Соңғы дерекке сүйенсек, республикада 5 127 049 адам вакцинаның бірінші компонентін, ал 3 232 019 адам екінші компонентін салдырды.

107
Кілт сөздер:
коронавирус
Тақырып:
Коронавирус эпидемиясы
Тақырып бойынша
1 қыркүйекке дейін балаларды вакцина салдыруға міндеттей ме?
Қазақстандықтарда таңдау бар ма – өңірлерде қандай вакцина қалды 
"Вакцина алмағанына өкінеді": денсаулық министрі халыққа үндеу жасады 
"Вирус мутацияланады": Шарман вакцина алмағандарға қандай қауіп төніп тұрғанын айтты