Ақша, теңге, тиын

Министрлік 75 мың теңге төленетіні туралы ақпаратқа түсініктеме берді

37376
Еңбек министрлігі карантиннің күшейтілгеніне қарамастан, азаматтарға әлеуметтік жәрдемақы төлеуге заңнамалық негіз жоқ екенін айтты

НҰР-СҰЛТАН, 5 шілде – Sputnik. Интернетте карантин кезінде азаматтарға 75 мың теңге төленеді деген хабарлама тарап жатыр. Еңбек және халықты әлеуметтік қорғау министрлігі ақпараттың шындыққа жанаспайтынын мәлімдеді.

Белгісіз біреулер әлеуметтік желіде қазақстандықтарға 75 мың теңге әлеуметтік төлем беріледі деген ақпарат таратқан.

Еңбек және халықты әлеуметтік қорғау министрлігі мұны жоққа шығарды.

"Әлеуметтік желілерде Қазақстанда жаңа шектеу шараларының енгізілуіне байланысты әлеуметтік жәрдемақы қайта төлене бастайтыны туралы ақпарат шындыққа жанаспайды. Бұрын айтылғандай, 42 500 теңге төтенше жағдай жарияланғанына байланысты төленген болатын. Ал қазіргі жағдайда шектеу шаралары тек күшейтіліп отыр. Осыған байланысты төлемді жүзеге асыруға заңнамалық негіз жоқ", - делінген ведомствоның хабарламасында.

Тағы оқыңыз: Атаулы әлеуметтік көмек алатындар үшін жағымды жаңалық жарияланды

Министрлік азаматтардан жалған ақпараттарға сенбеуді, тек ресми ақпарат көздеріне сүйенуді сұрады.

Қазақстанда карантин күшейтілді

Вирус жұқтырғандар санының күрт өсуіне байланысты бесінші шілдеден республикада жаңа карантин жарияланды. Күшейтілген карантин екі аптаға созылады, одан кейін ұзартылуы немесе қатаңдатылуы мүмкін.

Қоғамдық көліктің жұмысы шектелді, елордада, тіпті, екі апта бойы жүрмейді. Бірқатар нысан уақытша жабылды.

Өңірлер арасында қалааралық автобустар тоқтады.

Шығыс Қазақстан облысында Өскемен мен Семей қалалары жабылды. Бұған дейін Байқоңыр қаласы жабылған болатын.

Десе де, елде ішкі және халықаралық әуе қатынасы сақталған, пойыздар тоқтамағанымен, бірқатар шектеу бар. Өңірлер арасында жеке автокөлікпен жүруге рұқсат етіліп отыр.

37376
Кілт сөздер:
әлеуметтік төлем, карантин
Тақырып:
Төтенше жағдай және карантин (865)
Тақырып бойынша
Вице-министр 42 500 теңге үшін қулық-сұмдық жасағандар туралы айтты
Қазақстанда жаңа карантин жарияланды: 42 500 теңге төлене ме?
Игорь Сон

Олимпиада жүлдегері Игорь Сон мемлекет беретін қаржыны інісінің еміне жұмсайтынын айтты

579
Игорь Сон мүгедек бауырын аяққа тұрғызу үшін қолындағы қаржысын аямайтынын жеткізді

АЛМАТЫ, 30 шілде – Sputnik. Токиодағы XXXII жазғы Олимпиада ойындарының "қола" жүлдегері Игорь Сон мемлекет тарапынан берілетін қаржыны қайда жұмсайтынын айтты, деп хабарлайды Sputnik Қазақстан.

"Менің інім церебралды сал ауруымен ауырады, мүгедек. Отбасым Оңтүстік Кореяға емделу үшін кетті. Қазір әкем мен анам, ағам мен інім – барлығы Кореяда", - деді Игорь Сон Орталық коммуникациялар қызметінде өткен брифинг кезінде.

Олимпиада жүлдегері мемлекет тарапынан берілетін қаржыны сол інісінің еміне жұмсайтынын айтты.

"Менің міндетім – алдымен бауырымды аяққа тұрғызу. Інімнің емінен қалған қаржыға өмір сүремін", - деді ауыр атлетші.

Қазақстанда Олимпиада чемпионына 250 мың доллар, күміс жүлдегерге 150 мың доллар, қола жүлдегерге 75 мың доллар беріледі.

Айта кетейік, Игорь Сон Токио Олимпиадасында 61 килограмға дейінгі салмақ дәрежесінде қола медаль ұтып алды. Ол жарыс кезінде барлығы 294 (131+163) килограмм көтерді.

579
Алия Назарбаева

Назарбаевтың кенже қызы алғашқы кітабында не туралы жазғанын айтты

2026
(Жаңартылды 19:57 30.07.2021)
Әлия Назарбаева кітапта өзінің өмірлік ұстаздарының аты-жөнін атап, отбасы туралы әңгімелеуге уәде берді

НҰР-СҰЛТАН, 30 шілде – Sputnik. Қазақстанның тұңғыш президенті Нұрсұлтан Назарбаевтың кенже қызы Әлия Назарбаева өзінің алғашқы кітабын жазып бітірді.

Посмотреть эту публикацию в Instagram

Публикация от Aliya Nazarbayeva (@aliya_nazarbayeva_official)

"Қарапайым тілмен және жақсы ниетпен жазылған алғашқы кітабымды аяқтадым. Мен бір кездері бағалаған, жақсы көрген және осы күнге дейін жақсы көретін нәрселерді оқиғалар мен баяндау арқылы жеткізуге тырысып бақтым. Кітапта балалық шағым туралы, әпкем Динараның қалай менімен әлек болғанын, әкеммен не жайлы ұзақ сөйлескеніміз туралы, анамның кеңестері қалай көмектесіп, күш бергенін айтамын", - деп жазды Әлия Назарбаева өзінің Instagram парақшасында.

Ол "Место Силы" кітабынан оқырмандар оның ұстаздары туралы, достықта нені жоғары бағалайтынын, нені кешіріп, не үшін кешірім сұрай алатыны жөнінде білетінін атап өтті.

"Мен балаларымды қатты жақсы көремін және олардың кез келген таңдауын қолдаймын, бұл туралы кітапта жаздым және оны бұрын еш жерде жарияланбаған фотосуреттер арқылы білдірдім", - деді ол.

Назарбаева "Место Силы" кітабы қазір баспада басылып жатқанын хабарлады.

2026
Кілт сөздер:
Әлия Назарбаева, кітап, Назарбаев
Барымташылар. Уақыт жолдары фильмінің кадры

Қазақстандық фильм Францияда көрсетіле бастады

0
Режиссер Ерлан Нұрмұхамбетовтың фильмі Францияның 20 қаласында көрсетіледі. Қазақстанда бұл кино қыркүйекте үлкен экраннан көрсетіледі

НҰР-СҰЛТАН, 30 шілде — Sputnik. "Барымташылар. Уақыт жолдары" фильмі 29 шілдеден бастап франциялық көрерменнің назарына ұсынылды және ол 20-дан астам қалада көрсетіледі, деп жазды Қазақфильм Instagram парақшасында.

"Бұл мен үшін өте қызықты және қуанышты жағдай. Жапон режиссерімен бірге түсірілген фильм әлемдік кинематограф отанында көрсетіледі. Мұндай айтулы оқиға менің өмірімде бірінші рет болып тұр", - деді туынды режиссерлерінің бірі Ерлан Нұрмұхамбетов.

Сонымен қатар фильмнің екінші режиссері – жапон Лиза Такабэ. Басты рөлдерді Самал Еслямова, Адия Мусина, Мираи Морияма және тағы басқалар сомдаған. Ерлан Нұрмұхамбетов сондай-ақ сценарий авторы екенін де атап өту керек.

"Қазақфильм" мен "Tokyo New Cinema" жапон компаниясы бірлесіп түсірген "Барымташылар. Уақыт жолдары" фильмі барымташылардың бір үйдің отағасын өлтіруі салдарынан басына күн туған отбасының бастан кешірген оқиғасын баяндайды. Әкесінің өліміне қабырғасы қайысқан 12 жастағы Олжас өзінің және кішкентай қарындастарының басына түскен сынаққа төтеп беруге мәжбүр болады. Алайда үміт үзілген шақта бейтаныс біреу оларға көмектесе бастайды.

Аталған фильм осы жылдың қыркүйегінде отандық кинотеатрлардан көрсетіле бастайды.

0