Айбатыр Жұмағұлов

"Он екі көлігі бар": Айбатыр Жұмағұлов желіні шулатқан жазбаға жауап берді

24634
(Жаңартылды 11:29 09.07.2020)
Әлеуметтік-медициналық сақтандыру қоры басшысының әйелі төрт жыл бұрын жариялаған жазба әлеуметтік желіде резонанс туғызды

НҰР-СҰЛТАН, 9 шілде – Sputnik. Әлеуметтік-медициналық сақтандыру қорының басшысы Айбатыр Жұмағұловтың отбасы тек бір автокөлік мінеді. Бұл туралы Sputnik Қазақстанға медициналық сақтандыру қорының қоғаммен байланыс департаментінің басшысы Ермек Болтаев мәлімдеді.

Жұмағұловтың жұбайы, тележүргізуші Гүлбаршын Зайырова жариялаған жазбаның скриншоты желіде тарап кетті. Әйел күйеуінің оған "он екінші көлік сыйлағанын" жазған.

Жазба індет өршіп тұрған кезде қажетті медициналық көмек ала алмай, ауруханаға жату үшін ПТР тестке 15,5 мың теңге төлеуге мәжбүр болып жүрген қазақстандықтардың ашуын туғызды.

"Біз мұның төрт жыл бұрын жарияланғанын анықтадық. Жұмағұловтың отбасында 12 автокөлік жоқ. Toyota маркалы бір ғана темір тұлпары бар. 12 көлікті олар 25 жыл ішінде біреуін сатып, басқасын алып ауыстырған. Ең алғашқы көлігі төртінші үлгідегі "жигули" болған, оны тоқсаныншы жылдары сатып алған", - деді Ермек Болтаев.

Ол скриншоттар әлеуметтік желіде пандемия ушығып тұрған кезде әдейі таратылып жатқанын атап өтті. ІТ мамандар осындай пайымға келген.

Болтаевтың айтуынша, мемлекеттік қызметкер ретінде Жұмағұлов тексерістен өтеді және өз мүлкін декларациялауға міндетті.

"Әрбір мемлекеттік қызметкер, мемлекеттік органның жұмысшысы заң бойынша декларация тапсырады. Осы процедураға сәйкес, Айбатыр Жұмағұлов бар мүлкін декларациялады", - деді ол.

Сондай-ақ, әлеуметтік-медициналық сақтандыру қоры аудиттен өтуге және өз қызметіне қатысты барлық қаржылық ақпаратты ұсынуға дайын.

"Біз, бұдан бөлек, БАҚ-қа да қорға түсетін түсімдер мен шығыстар туралы есеп ұсынып отырамыз", - деп түйіндеді Болтаев.

Айбатыр Жұмағұловтың өзі не дейді

Қор басшысы блогерлердің 12 машина туралы сұрағына жауап берді. Ол пандемия той тойлап, сыйлық беретін уақыт емес екенін және он екі автокөлік туралы ақпарат өтірік екенін мәлімдеді.

Тағы оқыңыз: "Ненің құрметіне?!": Димаш шенеуніктерге неге шүйлікті

"Біріншіден, автордың айтуынша, автокөліктерге қатысты жағдай бүгін болыпты-мыс. Бірақ, менің жұбайым 43 жаста, ал ол жерде он жыл бұрынғы жағдай суреттелген. Біз көліктерді мүмкіндігімізге қарай сатып алдық, бізде "Жигули", Mazda болды. Бұл ақпаратты неге дәл бүгін таратып жатқанын түсінбедім. Біздің отбасымызда он екі емес, тек бір көлік бар. Мұны диверсия деп атауға болады, осындай қиын шақта жалған ақпарат таратып жатыр. Жазбаны мұрағаттан әдейі алып шыққан. Қор жұмысы үнемі ашық, ешбір мәліметті жасырмаймыз", - деді әлеуметтік-медициналық сақтандыру қорының басшысы Айбатыр Жұмағұлов.

Ол жазба авторымен кездескенін, оған тікелей эфирге шығып, жағдайды талқылауды ұсынғанын айтты.

"Мен декларациямды, табысымды, барлық мәліметті көрсеттім. Алайда қате ақпарат әлеуметтік желілерде тарап кетті", -деді Жұмағұлов.

Міндетті әлеуметтік медициналық сақтандыру

МӘМҚ жүйесі Қазақстанда 1 қаңтардан бастап іске қосылды. Бірінші сәуірде жарна төлеу бойынша жеңілдікті кезең ұзартылды. Сол аралықта әрбір азамат өз мәртебесін анықтап, жарна төлеп, қор қатысушысы болуға міндеттелді.

Тағы оқыңыз: Медициналық сақтандыру қорының басшылығы қанша жалақы алады?

Айта кетсек, қазіргі таңда шағын және орта бизнес 2020 жылдың бірінші қазанына дейін қорға жарна төлеуден босатылды. Алайда жұмыс беруші мемлекеттік кірістер комитетіне қызметкерлер тізімін ұсынуға міндетті.

24634
Кілт сөздер:
әлеуметтік желілер, міндетті әлеуметтік медициналық сақтандыру
Микроскоппен қараған кездегі коронавирус

Ғалымдар коронавирус қалай таралатынын видео арқылы көрсетті

536
Мамандар Fugaku суперкомпьютері арқылы адам маска тақпаған кезде вирус бөліктері қалай қозғалатынын модельдеді

АЛМАТЫ, 25 қазан — Sputnik. Бетперде – коронавирустан қорғанудың ең тиімді жолы. Мұны жапониялық ғалымдар тағы бір мәрте дәлелдеді. Олар адам маскасыз сөйлескен кезде, ән айтқанда, жөтелгенде вирус қалай таралатынын көрсетті.

Коронавирустың таралуын көзбен көру мүмкін емес. Сондықтан инфекциядан маска арқылы қорғану тәсіліне адамдар жеңіл-желпі қарайды, деп жазады euronews.com.

COVID-19-дың таралуын анық көрсету үшін жапониялық ғалымдар жаңа технологиялар көмегіне жүгінді. Бұл үшін зерттеушілер Fugaku суперкомпьютерінің мүмкіндігін қолданды. Ол арқылы адам маскасыз сөйлеген кезде таралатын вирус бөліктерінің қозғалысын модельдеді.

"Егер вирус қалай таралатынын нақты көрсетсек, адамдар қауіп жоғары екенін түсінеді деп ойлаймын. Сондай-ақ, бұл процесті ғылым тұрғысынан көрсеткіміз келді", - деді Kobe University & RIKEN профессоры Макото Цубокуро.

Зерттеу қорытындысы ауаның жоғары ылғалдылығы салдарынан ұсақ аэрозольдік бөлшектер ұлғаяды. Сондықтан вирустан қорғану үшін маска ең тиімді тәсіл болып отыр.

Сондай-ақ, зерттеушілер әлеуметтік қашықтықты сақтау өте маңызды екенін атап өтті. Өйткені вирустың ірі бөлшектері жерге түседі де, ауа арқылы ұзақ қашықтыққа тарала алмайды.

536
Кілт сөздер:
видео, ғалымдар, коронавирус
Тақырып:
Коронавирус эпидемиясы
Тақырып бойынша
"Әлем қорқынышты белеске жетті": БҰҰ Бас хатшысы коронавирусқа қатысты мәлімдеме жасады
"Коронавирустың екінші толқыны жоқ": ДДҰ мәлімдеме жасады
Коронавирустың екінші толқыны кезінде 160 мыңнан аса адам жұмыссыз қалуы мүмкін
Бразилияда коронавирусқа қарсы вакцина салдырған ерікті қайтыс болды
ДДҰ коронавирусқа қарсы екінші қазақстандық вакцинаны тізімге енгізді
Волейболшы Сәбина Алтынбекова

Сәбина Алтынбекова Қуат Хамитовтің ұсынысына жауап берді

3427
(Жаңартылды 15:11 25.10.2020)
Бұған дейін Хамитов волейболшы Сәбина Алтынбекованы ұнататынын және оның жүрегін жаулап алғысы келетінін айтқан болатын

НҰР-СҰЛТАН, 25 қазан – Sputnik. Қазақстандық волейболшы Сәбина Алтынбекова ММА файтері Қуат Хамитовтың өзін әйелі ретінде көргісі келетіндігі туралы мәлімдемесіне пікір білдірді.

Спортшы өзінің Instagram-дағы парақшасында Қуат Хамитов қатысқан бағдарлама сілтемесін репост жасап, "Бұл қандай қойылым?" деп жазған. Кейіннен жазылушылар сұрағына жауап берген Алтынбекова былай деп пікір білдірді.

"Мен әрқашан Қуатты адалдығы мен турашылдығы және бойындағы қазақ батырының рухы үшін құрметтедім және құрметтеймін. Ол өзінің спорттық мақсаттарына қолжеткізетініне күмәнім жоқ", – деп жазды әйгілі волейболшы.

Айта кетейік, бір күн бұрын Қуат Хамитов "Еуразия" телеарнасындағы "Қызық LIVE" ойын-сауық бағдарламасының қонағы болып, жеке өмірі жайлы жүргізушілер сұрақтарына жауап берген болатын. 

Посмотреть эту публикацию в Instagram

Публикация от Marat Oralgazin (@oralgazin)

  "Мен әйелімнің ұзын бойлы, тәрбиелі, қарапайым және пәк болғанын қалаймын. Ол мені біледі және өзі де спортшы. Волейболмен айналысады. Оның аты-жөні – Сабина Алтынбекова. Біз ара-тұра хабарласып тұрамыз. Мен оның жүрегін жаулап алу үшін көп күш жұмсауым керек шығар. Достарым кейде: егер үйленсеңдер, Дэвид пен Виктория Бекхэм сияқты боласыңдар деп әзілдеп жатады", – дейді Хамитов.

Еске сала кетейік, 26 қыркүйекте Хамитов соңғы төрт жылдағы ММА-да алғашқы жеңісіне қол жеткізді. Ресейлік Ахмад-Хан Боковпен өткізген жекпе-жекті мерзімінен бұрын аяқтады.

Оқи отырыңыз: Қуат Хамитов дау тудырған видеосына қатысты мәлімдеме жасады

Еске сала кетейік, 26 қыркүйекте Хамитов соңғы төрт жылдағы ММА-да алғашқы жеңісіне қол жеткізді. Ресейлік Ахмад-Хан Боковпен өткізген жекпе-жекті мерзімінен бұрын аяқтады.

3427
Кілт сөздер:
спортшылар, Қуат Хамитов
Тақырып бойынша
Сабина Алтынбекова: бар уақытымды волейболға арнап жүрмін
Полиция Қуат "Найман" Хамитов ұсталғанын хабарлады
Сәбина Алтынбекова "Отанын сатып кетті" дегендерге жауап берді - видео
Сабина Алтынбекова Қазақстаннан кетті: қазір ол немен шұғылданып жүр
Желідегі танымалдығы да сеп болған: Сабина Алтынбекова басқа клубқа ауысты
Таразы, архивтегі сурет

134 кг болған: жас жігіт 60 келі артық салмақтан арылды видео

0
Бір жыл бұрын бұл жігіттің салмағы 134 келі болған. Алайда ол бар болғаны бір жыл ішінде алпыс келіге арықтады

НҰР-СҰЛТАН, 25 қазан – Sputnik. Қырғызстандық Орозбек Мейманбек уулуның салмағы бір жыл бұрын 134 келі болған. Ол өзі артық салмақтан арылып, өзгелерге үлгі болып жүр.

Жігіт жас кезінде арық болған, алайда 5-сыныпта салмақ қоса бастады. 16 жасында 93 келі, бірер жылдан соң салмағы 134 келіге жетті, деп жазады Sputnik Қырғызстан.

Орозбектің айтуынша, артық салмақ салдарынан тыныс алу қиындаған. Қозғалып, дұрыс ұйықтаудың өзі арманға айналған. Сол кезде жігіт спортзалға барамын деп шешті. 

"Бәрі дұрыс тамақтанбау салдарынан туындады деп ойлаймын. Мен фастфудты көп жедім... Бастапқыда жаттығу қиын болды, сүйектерім ауырды. Кейін дәрумендер іше бастадым. Алғашқы айда 13 келіге арықтадым, бірден өзіме деген сенім пайда болды", - дейді Орозбек.

Жігітке пауэрлифтингтен Қырғызстанның абсолютті чемпионы - кәсіби бапкер, бодибилдингтен Азия чемпионы Келдибек Атайбек уулу көмектесіп жүр.

Чемпион жаттықтырған адамдар ішінде арықтау көрсеткіші бойынша Орозбек рекорд орнатты. Жаттықтырушының айтуынша, жігіт өзі ғана артық салмақтан арылып қана қоймай, өзгелерге үлгі болып жүр.

"Мен арықтаған кезде анам қатты қуанды. Туыстарым мен достарым өте таңғалды. Жастардың көп уақыты телефон мен компьютерге кетеді. Күніне бір сағатты жаттығуға арнасаңыз тиімділігі мен пайдасы көп болады", -  деді Орозбек.

Енді ол тағы біршама арықтап, әскерге бармақ. Бұдан соң Қырғызстанның ішкі істер министрлігінің академиясына оқуға түсуді жоспарлап отыр.

0
Кілт сөздер:
жас жігіт, видео, артық салмақ
Тақырып бойынша
"Адам танымастай өзгерді": хирург бір көліктің құнына ота жасатқан қыз туралы айтып берді
"Өзімді басқаша сезінемін": жігіт 3 жылда адам танымастай өзгеріп кетті - фото
Қыста артық салмақ жинамау үшін не істеу керек – дәрігер құпияны ашты
Ғалымдар артық салмақ пен коронавирус арасында қандай байланыс барын айтты
110 келіге арықтады: белгілі дәрігер салмақтан арылудың бірегей тәсілі туралы айтты