Дәріхана

Қазақстанда гуманитарлық көмек сатыла ма: денсаулық сақтау министрлігі жауап берді

285
(Жаңартылды 18:41 10.07.2020)
Министрліктің мәліметінше, өндіруші компания отандық фармацевтикалық нарықты қажетті мөлшерде дәрі-дәрмекпен  қамтамасыз етіп үлгермей жатыр

НҰР-СҰЛТАН, 10 шілде – Sputnik. Денсаулық сақтау министрлігі Қазақстанға гуманитарлық көмек аясында жеткізілген "Тамифлю" препараты дәріханаларда сатылатыны туралы әлеуметтік желілерде тараған ақпаратқа қатысты ресми түсініктеме берді.

Желі пайдаланушылары өздерінің жазбаларында "Тамифлюдің" қаптамасы Қазақстан Республикасының талаптарына сәйкес келмейтіндіктен, бұл дәрілер елге жеткізілген гуманитарлық көмектен сатылымға шығарылатынын мәлімдеген.

Ал министрліктің тауарлар мен қызметтердің сапасы мен қауіпсіздігін бақылау комитетінің хабарламасында ақпараттың шындыққа жанаспайтыны айтылған.

"Осыған орай, денсаулық сақтау министрлігі аталған препарат Қазақстанға қолданыстағы заңнамаға сәйкес сараптамалық қаптамада бір реттік жеткізілім бойынша әкелінгенін және ол гуманитарлық көмек ретінде келген дәрі-дәрмектер санатына жатпайтынын мәлімдейді", - делінген хабарламада.

Сондай-ақ, министрлік пандемия кезінде "Тамифлюге" сұраныс едәуір артқанын атап өтті. Сондықтан да өндіруші компания отандық фармацевтикалық нарықты қажетті мөлшерде қамтамасыз етіп үлгермей жатыр.

"Дәрілік қажеттілікті өтеу үшін АҚШ-тың Patheon Manufacturing Services Llc алаңында өндірілген препарат жеткізілді. "Тамифлю" дәрісінің сапасы, тиімділігі және қауіпсіздігі бойынша Қазақстанда тіркелгендерден айырмашылығы жоқ", – деп хабарлады ведомствоаралық комиссия өкілдері.

Айта кетейік, бұл дәрі рецепт бойынша қатаң түрде жіберіледі.

Оқи отырыңыз: Қазақстанға келген гуманитарлық көмек екі айға жуық қоймада жатқан

Сондай-ақ, денсаулық сақтау министрлігі пандемияға байланысты Қазақстанда тіркелмеген вирусқа қарсы препараттарды бірыңғай әкелу тәртібі жеңілдетілгенін де жария етті.

Қазіргі уақытта елдегі дәріханаларда "Тамифлю" препараты "633180" сериясымен сатылып жатыр.

285
Кілт сөздер:
дәрігерлер, дәрі-дәрмек
Тақырып:
Коронавирус эпидемиясы (1808)
Тақырып бойынша
"Халық сенбей отыр": Айнұр Тұрсынбаева Тоқаевқа үндеу жолдады
Қытай миллиардері Қазақстанға 4,5 тонна гуманитарлық көмек жіберді
"Достықтың айғағы": Қазақстанға Қытайдан гуманитарлық көмек жеткізілді
Мақтаарал кәсіпкері гуманитарлық көмек жеткізгендерге 600 тонна қырыққабат таратады
Қазақстанға келген гуманитарлық көмек екі айға жуық қоймада жатқан
Жандарбек Бекшин

Не себепті мұндай жалған ақпарат тарағанын білмеймін Бекшин

291
(Жаңартылды 16:43 27.11.2020)
Комиссия Бекшин басқаратын ведомствоны тексеріп, ешқандай ұрлық анықталған жоқ деген қорытындыға келді

АЛМАТЫ, 27 қараша – Sputnik. Алматы қаласының бас санитар дәрігері Жандарбек Бекшин өзі басқаратын ведомство еңбек демалысындағы медицина қызметкерлеріне 4,2 миллион теңге қаражатты негізсіз төледі деген ақпаратқа түсініктеме берді, деп хабарлайды Sputnik Қазақстан тілшісі.

Оның мәліметінше, ішкі мемлекеттік аудит департаментінің қаланың тауарлар мен көрсетілетін қызметтердің сапасы мен қауіпсіздігін бақылау комитетіне қатысты тексеру жұмыстары 30 қыркүйекте аяқталды.

Оқи отырыңыз: Бекшин Алматыда оқушылардың коронавирусты қалай жұқтырып жатқанын айтты 

Бұған дейін БАҚ-та Жандарбек Бекшин қызмет ететін ведомствода 55 миллион теңгеден асатын сомаға заңбұзушылық жасалғаны хабарланды.

Брифинг барысында қаланың бас санитар дәрігері БАҚ-та ақпарат қате берілгенін айтты.

"51 миллион теңгеден астам қаражат – бұл процедуралық сипаттағы іс. Ол бюджетке қайтарылмайды. Яғни, мұның бәрі салық, зейнетақы, әлеуметтік аударымдар және т.б. үстемақылардан ұсталуы тиіс қаражат. Ұсталынып қалған қаражаттың бәрі тауарлар мен көрсетілетін қызметтің сапасы мен қауіпсіздігін қамтамасыз ету комитетінің нұсқаулық хаты негізінде жүргізілді. Бұл қаражат ешкімге берілген жоқ, керісінше ұсталынып қалды", - деп түсіндірді Бекшин.

Ал қалған 4 миллион теңге еңбекке жарамсыздық парағын әкелген қызметкерлерге төленген. Ал бұл сома қайтарылады.

"Комиссия департамент бойынша талдау және тексеру жүргізген кезде ешқандай ұрлық анықталған жоқ деген қорытындыға келді. 55 миллион емес, үй карантинінде жатқан адамдарға 4 миллион теңге төленген. Не себепті мұндай жалған ақпарат тарағанын білмеймін", - деді Бекшин.

Айтуынша, тексеріс барысында ведомствоға ескерту жасалды.

291
Кілт сөздер:
жалған ақпарат, Жандарбек Бекшин
Тақырып бойынша
Фейк емес: Бекшиннің қаулысы туралы ақпарат рас болып шықты
Алматыда эпидемиологиялық жағдай күрделене түсті – Бекшин
Бекшин Алматыдағы кинотеатрлардың жұмыс істеу тәртібін түсіндірді
Бекшин Алматыда инфекция жұқтырғандар неге көбейгенін айтты
Бекшин коронавирус жұқтырғандардың қай елдерден көп келетінін айтты
Қашықтан оқыту

Алматыда оқушылардың коронавирусты қалай жұқтырып жатқаны белгілі болды

886
(Жаңартылды 16:07 27.11.2020)
Қалада қыркүйектен бері 115 бала инфекция жұқтырған. Оның ішінде 109  бала онлайн режимде оқыған, 6 бала дәстүрлі форматта білім алған

АЛМАТЫ, 27 қараша – Sputnik. Алматыда қыркүйектен бастап 115 оқушы коронавирус инфекциясын жұқтырған. Бұл жайында қаланың бас санитар дәрігері Жандарбек Бекшин мәлімдеді, деп хабарлайды Sputnik Қазақстан тілшісі.

Бекшиннің айтуынша, онлайн режимде оқитын оқушылар инфекцияны кеңседе жұмыс істейтін және көпшілік жерге баратын отбасы мүшелерінен жұқтырған.

"Онлайн форматта оқып жатқан балалардың коронавирус жұқтырып жатқаны анықталуда. Оған сабақтан тыс уақытта компьютерлік клуб немесе басқа да жабық ғимарат ішінде жүруі себеп болып отыр", - деді Бекшин.

Айтуынша, кейінгі екі аптада қалада санитарлық талапқа сай келмейтін 11 компьютерлік клуб жабылған.

Ресми ақпаратқа сәйкес, Алматыда қыркүйектен бастап 115 бала инфекция жұқтырған, оның ішінде 109  бала онлайн режимде оқыған, 6 бала дәстүрлі форматта білім алған. Инфекция жұқтырған бала оқыған сыныптар 14 күндік карантинге жіберілді, ал мектептер жұмыс істеп тұр.

Мектептердің толық ашылмау себебі неде

Брифинг барысында Жандарбек Бекшин қаладағы мектептердің не себепті толық ашылмай отырғанын түсіндірді.

"Сыныпта бір бала ауырса, сол сыныптағы барлық бала ауырып қалады. Кезекші сыныптар толығымен ашылса, сыныптар емес, бүкіл мектепті жабуға тура келеді. Балалардың денсаулығы қымбат", - деп жауап берді қаланың бас санитар дәрігері.

Айта кетейік, Алматыда коронавирус инфекциясын жұқтырғандардың өсуі қазан айында басталды.

"Қазанда айда 366 адам инфекция жұқтырды. Бұл қыркүйекпен салыстырғанда 2,2 есеп көп. Қарашада 1 122 адамның инфекция жұқтырғаны тіркелді. Қыркүйекпен бастап көрсеткіш 7 есеге өсті", - деді Жандарбек Бекшин.

Оқи отырыңыз: "Инфекция жұқтыру қаупі жоғары": COVID-19 қай кезде жылдам тарайды

Айтуынша, тұрғындар қоғамдық орындарында (түнгі клуб пен сауда және ойын-сауық орталықтарында) (33,7%), үйде (28,7%), қоғамдық көлікте (18,5%), жұмыста (13,1%) жұқтырады.

Сондай-ақ, шет елген келген азаматтардан да (3,5%) анықталып отыр.

886
Кілт сөздер:
Алматы, балалар, оқушылар
Тақырып:
Коронавирус эпидемиясы (1808)
Тақырып бойынша
Жаппай індет жұқтыру оқиғасы: Алматыда аурухананың бас дәрігері қызметінен кетті
Қолма-қол ақша арқылы вирус жұқтыру қаупі бар – ұлттық банк түсініктемесі
Қазақстанда алғаш рет: елде COVID-19-ды қайта жұқтыру жағдайы тіркелді
Ірі кәсіпорындарда вирусты жаппай жұқтыру оқиғалары жоқ – Ахметов
COVID-19 бен тұмауды бір уақытта жұқтыру қаупі бар ма – инфекционист жауабы
Жиналысқа қатысушылар

Бекшин 150 адамға арналған шараға не себепті рұқсат бергенін айтты

0
Банкет өткізуге емес, қызметкерлерді оқытуға және  спортшыларға құрмет көрсетуге арналған бір реттік іс-шараға рұқсат берілген

АЛМАТЫ, 27 қараша – Sputnik. Алматының бас санитар дәрігері Жандарбек Бекшин Ritz-Carlton қонақ үйінде 150 адамға арналған шараны өткізуге не себепті рұқсат бергенін түсіндірді. Құжаттың фотосы әлеуметтік желіде тараған болатын, деп хабарлайды Sputnik Қазақстан тілшісі.

"Банкет өткізуге емес, қызметкерлерді оқытуға рұқсат берілді. Оларға ұзақ үзілістен кейін қызметкер жетіспей, оны жинақтау керек болды. Сондай-ақ, спортшыларға құрмет көрсетуге арналған бір реттік іс-шараға рұқсат берілді. Алайда бөлім басшысы қателік жіберген, яғни, "бір реттік іс-шара" деп көрсетпеген", - деді Бекшин.

Айтуынша, қонақ үй сол мүмкіндікті пайдаланған. Алайда мониторингтік топтан бұл туралы тауарлар мен көрсетілетін қызметтің сапасы мен қауіпсіздігін бақылау комитетіне ақпарат түспеген.

Бұған дейін іс-шараның Ritz-Carlton-ның жоғарғы қабаттарында өткені хабарланған еді. Алайда Жандарбек Бекшин қонақ үйдің жоғарғы қабатында үлкен банкет өткізетін зал жоқ екенін айтты.

Оқи отырыңыз: Не себепті мұндай жалған ақпарат тарағанын білмеймін – Бекшин 

"Қанша адам болғаны  белгісіз. Ол жерде 150 адам болған жоқ, біреу 40 адам, енді бірі 60 адам болған дейді. Біз оларға қызметкерлерді оқытуға және бір реттік іс-шараға рұқсат бердік. Сонымен қатар қонақ үй басшылығы қауіпсіздікті нығайту бойынша маңызды жұмыстар жүргізді", - деп түйіндеді Бекшин.

Айта кетейік, пандемия басталғалы қалада 15 876 адам инфекция жұқтырды, 14 740 адам жазылып шықты.

0
Кілт сөздер:
қонақ үй, Жандарбек Бекшин
Тақырып бойынша
Алматыда оқушылардың коронавирусты қалай жұқтырып жатқаны белгілі болды
Бекшин Алматыдағы кинотеатрлардың жұмыс істеу тәртібін түсіндірді
Бекшин коронавирус жұқтырғандардың қай елдерден көп келетінін айтты
Фейк емес: Бекшиннің қаулысы туралы ақпарат рас болып шықты