Балаларды еңбекке баулу

Интернат балалары неге жаппай коронавирус жұқтырғаны айтылды

307
(Жаңартылды 16:58 13.07.2020)
Қазіргі кезде медицина мамандары инфекцияға шалдыққандарды үнемі тексеріп тұрады. Олардың дене қызуын өлшеп, тыныс алуын қадағалайды

НҰР-СҰЛТАН, 13 шілде – Sputnik. Аягөз қаласындағы арнайы әлеуметтік қызмет көрсетуге арналған балалар орталығында коронавирус инфекциясын жаппай жұқтыру оқиғасы тіркелді. Бұл туралы орталықтың жаңадан тағайындалған директоры Шолпан Мұқашева мәлімдеді, деп хабарлайды Sputnik Қазақстан тілшісі.

Бұған дейін орталықта екі бала коронавирус инфекциясын жұқтырған. Екеуі де вирусты сырттан әкелді. Біреуі демалыста ата-анасының үйінде болса, екіншісі Өскемен қаласындағы психикалық денсаулық орталығына барып қайтқан. Сол кезде оларды аудандық аруханада емдеп шығарды. Ал орталыққа қайта келгеннен кейін бөлек бөлмеде оқшаулап қойды. 2 шілдеден бастап осы мекемеде карантин шаралары күшейтілді. Орталық қызметкерлері мен тәрбиеленушілері ПТР-тесттен өтті.

"Тестілеу кезінде 35 тәбиеленуші мен 22 қызметкердің сынамасы оң нәтиже көрсетті. Қазіргі кезде эпидемиологиялық тергеу шаралары басталды. Алдын ала болжамға сәйкес, инфекцияны карантинге дейін әкелген. Бүгінде мамандар вирус жұқтырған тәрбиеленушілер мен қызметкерлердің бәрін қарап шықты. Оларда COVID-19 симптомсыз өтіп жатыр",– деп жазды Мұқашева орталықтың әлеуметтік желідегі парақшасында.

Оның айтуынша, қазіргі кезде медицина мамандары инфекцияға шалдыққандарды үнемі тексеріп тұрады. Дене қызуын өлшейді, тыныс алуын қадағалайды. Балалардың жағдайы қанағаттанарлық, аурудың симптомдары байқалмайды. Сабақтар күнделікті режимде өтіп тұрады. Бірақ вируспен анықталғандар бөлек топтарда оқиды.

"Біздің тәрбиеленуішеріміз өздерін жақсы сезініп жүр. Балалардың денсаулығына қауіп төніп тұрған жоқ. Ауру симптомсыз өтіп жатыр. Бүгінде арнайы бөлмелер жасақталды. Балаларды далаға шығару және оларға тамақ беру кестесі жасалды. Дезинфекциялық құралдар жеткілікті",– деп атап өтті Мұқашева.  

Интернаттағы балалар өлімі

18 мамырда Аягөз қаласындағы психоневрологиялық патологиясы бар балаларға арналған интернат тәрбиеленушілері қызылшадан қайтыс болғаны туралы ақпарат тарады. Ондаған бала инфекциялық ауруханаға түскен. Бірнеше балада ішек инфекциясы анықталып, төртеуі қайтыс болды.

Екі күннен кейін шенеуніктер тергеудің нәтижесін жариялады. Оған сәйкес, төрт баланың туа біткен аурулары асқынып, сәуір айында әртүрлі уақытта қайтыс болған. Мәселен, 2008 жылы туған бала 2 сәуірде қайтыс болса, одан бір жас кіші тағы бір ер бала 11 сәуірде көз жұмды. 20 сәуірде 2006 жылғы бала, ал 29 сәуірде 2012 жылы туған қыз қайтыс болды. Төртеуінен де ата-анасы бас тартқан.

Оқи отырыңыз: Аягөзде төрт бала көз жұмды: министр қандай тапсырма берді

Аягөз облыс орталығы – Өскемен қаласынан 310 шақырым шалғай жерде орналасқан. Балалар омбудсмені Аружан Саинның айтуынша, мекеме алыс орналасқандықтан қоғам белсенділері үшін оны бақылап отыру қиын. Осыған байланысты омбудсмен шағын қалаларда орналасқан интернаттарды орталық қалаларға көшіруді талап ететінін мәлімдеді. Жақында интернаттың директоры ауысты.

307
Кілт сөздер:
коронавирус, балалар үйі
Тақырып:
Коронавирус эпидемиясы (2434)
Тақырып бойынша
Маңғыстауда интернат директоры қызметкерлердің ыдыс-аяғын шағып, шу шығарған
Атырауда балалар үйі жабылмақ
Қайғылы оқиға болған Аягөздегі интернатта коронавирус табылды
Мәскеуде балалар сауда үйі өртеніп жатыр, зардап шеккендер бар
Жанармай бекеті

Оңтүстік аймақтарда жанар-жағармай қымбаттап кетті министрлік себебін түсіндірді

0
13 маусымнан бастап Шымкент мұнай өңдеу зауытында бензиннің технологиялық режимде өндіру басталды. Соңғы төрт-бес күннің ішінде орташа есеппен 6,5 мың тонна бензин мен, шамамен, 6 мың тонна дизельді отын шығарылады

НҰР-СҰЛТАН, 22 маусым – Sputnik. Жақын арада оңтүстік аймақтарда бензин мен дизельді отын мәселесі шешіледі. Бұл туралы энергетика вице-министрі Әсет Мағауов айтты, деп хабарлайды Sputnik Қазақстан.

"Осы жолы Шымкент мұнай өңдеу зауытын жөндеу жұмыстары 45 күнге созылды. Бірақ оған дейін 293 мың тонна бензин мен 311 мың тонна дизельді отынның қоры жиналған болатын. Негізі, қажетті жанар-жағармай дайындалды. Бүгінде күрделі жұмыстар аяқталса да, запаста 227 мың тонна бензин мен 213 мың тонна дизельді отын бар", - деді Мағауов орталық коммуникациялар қызметінде өткен онлайн брифингте.

Оның айтуынша, 13 маусымнан бастап Шымкент мұнай өңдеу зауытында бензиннің технологиялық режимде өндіру басталды. Соңғы төрт-бес күннің ішінде орташа есеппен 6,5 мың тонна бензин мен, шамамен, 6 мың тонна дизельді отын шығарылады. Ал оңтүстік аймақтардың сұранысы 5,3 мың тонна бензин мен 5,6 мың тонна дизельді құрап отыр.

"Дегенмен, бензинді жөнелту бойынша бірқатар логистикалық қиындықтар туындады. Осыған байланысты өндірілген жанар-жағармайдың жартысын ғана жеткізуге мүмкіндік болды. Содан "Қазақстан теміржолы" компаниясымен және экспедиторлармен консультациялар өткізілді. Қазіргі кезде біз жеткізілетін бензиннің көлемі қалпына келтірдік. Жақын күндері теміржолмен оңтүстік аймақтарға 4,3 мың тонна бензин мен 4,2 мың тонна дизельді отын жөнелтіліп тұрады деген жоспар бар. Оған қоса, Шымкенттегі мұнай базасы арқылы құбыр арқылы 1,2 мың тонна бензин мен дизель отыны түсіріледі, ары қарай жанар-жағармай станцияларына таратылады", - деп атап көрсетті Мағауов.

Вице-министр осы шаралардың арқасында жақын арада бензин мен дизель мәселесі шешіледі деп отыр.

Оқи отырыңыз: Тоқаев азық-түлік бағасын төмендетуді тапсырды

"Күні кеше мұнай өнімдерін жеткізу жоспары асыра орындалған болатын. Зауыттан 7,3 мың тонна бензин мен 6,5 мың тонна дизельді отын шығарылды", - деді Мағауов.

Осы орайда журналистер кейбір жанар-жағармай станцияларында дизельді отынның бір литрі 300 теңгеге дейін қымбаттап кеткенін айтты. Вице-министрдің сөзіне қарағанда, кәсіпкерлер бәрібір бағаны түсіруге мәжбүр болады.

"Енді, кейбір АЗС-тар қазіргі жағдайды пайдаланып, бағаны өсіріп отырған шығар. Бірақ ары қарай түсіруге мәжбүр болады. Өйткені көтерме баға өзгерген жоқ. Ол бұрынғы бағамен келу керек деп отырмыз", - дейді Мағауов.

0
Тақырып бойынша
Картоп пен сәбіз тапшылығы: Сұлтанов қымбатшылықты ауыздықтауға уәде берді
Бір жылда әр отбасы дәрі-дәрмекке қанша қаражат жұмсайды
Министр қазақстандықтарға: болашаққа оптимистік көзқараспен қарау керек
"200 теңгелік картоп бар": министр Омаров қымбатшылықтың себебін айтты
Қазақстанда картоп қымбаттауының себебі неде
Үркер сыйлығының сертификаты

Sputnik Қазақстанның екі тілшісі "Үркер" ұлттық сыйлығының шорт-парағына енді

9
Байқау 11 номинация бойынша өткізілуде, журналистерден барлығы 340 жұмыс келіп түскен

НҰР-СҰЛТАН, 22 маусым – Sputnik. "URKER-2021" Ұлттық бәйгесі номинанттарының шорт-парағы жарияланды. Оған сәйкес, Sputnik Қазақстанның тілшісі Ксения Воронина "Жылдың үздік репортажы", фототілші Владислав Воднев "Жылдың үздік фотосуреті" номинациясы бойынша тізімге енді.

Байқау 11 номинация бойынша өткізілуде, ал "Тәуелсіздіктің 30 жылдығына арналған үздік материал" номинациясы биылғы байқаудың жаңа номинациясы. Журналистерден барлығы 340 жұмыс келсе, солардың ішінде ең көп өтінім "Жылдың үздік сұхбаты", "Жылдың үздік танымдық материалы" және "Жылдың үздік аналитикалық материалы" номинациялары бойынша келіп түсті. Құрамына беделді журналистер, еліміздің шығармашылық интеллигенциясының өкілдері мене халықаралық медиаэкперттер енген қазылар алқасы үздік жұмыстарды анықтады.

Марапаттау рәсімі қарсаңында қазылар алқасының мүшелері ұлттық бәйге номинанттарын жариялады, шорт-параққа 44 номинант енді:

Жылдың үздік фотосуреті

  • Владислав Воднев Sputnik Қазақстан порталы
  • Мақсат Шағырбаев newsroom.kz порталы
  • Өмірбек Сансызбаев Massaget.kz порталы
  • Алихан Сариев Tengrinews.kz порталы

Жылдың үздік репортажы

  • Дина Литпин Adyrna порталы
  • Зарина Нокрабекова "Казахстанская правда" республикалық газеті
  • Ануар Абдрахманов BaigeNews.kz порталы
  • Ксения Воронина Sputnik Қазақстан порталы

Жылдың үздік аналитикалық материалы

  • Айбар Олжаев Nege.kz порталы
  • Жолдыбай Базаров "Егемен Қазақстан" газеті
  • Дина Имамбаева "Ақиқат" журналы
  • Азамат Галеев "Литер" газеті

Жылдың үздік журналистік зерттеуі

  • Ермекбай Заңғыров "Ана тілі" газеті
  • Рысбек Қыдырбек "Aiqyn" газеті
  • Дархан Нұрұмбетова BaigeNews.kz порталы
  • Юрий Масанов, Александр Воротилов "Курсив" газеті

Жылдың үздік сұхбаты

  • Жасмин Ризабекова STEPPE порталы
  • Тамара Вааль Vlast.kz порталы
  • Әлия Тілеужанқызы "Túrkistan" халықаралық газеті
  • Юлия Тен BaigeNews.kz порталы

Жылдың үздік танымдық материалы

  • Талғатжан Мұхаметбекұлы "ҚазАқпарат" халықаралық агенттігі
  • Өмірбек Сансызбаев Massaget.kz порталы
  • Алтынбек Құмырзақұлы "Қазақстан тарихы" интернет-жобасы
  • Мөлдір Мұқит STEPPE порталы

Радиостанциядағы үздік жоба:

  • "Қайырлы таң, Қазақ елі" "Қазақ" радиосы
  • "Новое утро" "NS" радиосы
  • "Жамбыл жолы" "Шалқар" радиосы
  • "Хроника Победы" "Алау" радиосы

Жылдың үздік жаңалықтар порталы:

  • іnbusiness.kz
  • informburo.kz
  • inform.kz
  • lsm.kz

Жылдың үздік газеті

  • "Курсив"
  • "TÚRKISTAN"
  • "Оңтүстік Қазақстан"
  • "Деловой Казахстан"

Жылдың үздік журналы

  • "Forbes Kazakhstan"
  • "Таң-Шолпан"
  • "Айгөлек"
  • "Ақиқат"

Тәуелсіздіктің 30 жылдығына арналған үздік материал

  • Рыиза Молдашева "Семей таңы" газеті
  • Лэйла Тастанова "Время" газеті
  • Альберт Ахметов zakon.kz
  • Айгүл Бисембинова "Вечерняя Астана" газеті

"URKER-2021" Ұлттық бәйгесінің жеңімпаздары 24 маусымда бұқаралық ақпарат құралдарының кәсіби мерекесі қарсаңында белгілі болады. Лауреаттарды марапаттау рәсімі "Қазмедиа" орталығында өтеді. Көрермендер марапаттау рәсімін urker-awards.kz ресми сайтынан тікелей эфирде тамашалай алады.

Жеңімпаздарға "URKER" естелік мүсіншесі және бір миллион теңге мөлшеріндегі ақшалай сыйлығы  табысталады.

Баспа, радио, интернет-журналистика саласындағы жетістіктері үшін берілетін қазақстандық ұлттық "URKER" сыйлығы талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлесін мойындау және олардың шығармашылығына қоғамның назарын аудару мақсатында 2017 жылы тағайындалған.

9
Кілт сөздер:
журналистика, журналист, сыйлық