Жәрмеңке, архивтегі сурет

"Екі есе қымбаттады": алматылықтар қандай өнімдерді жаппай сатып алып жатыр

4477
(Жаңартылды 11:47 16.07.2020)
Алматы тұрғындары коронавирустың емін іздеп базардан қойдың құйрық майы мен зімбір және ақжелкекті жаппай сатып алып жатыр

АЛМАТЫ, 15 шілде – Sputnik, Тимур Ниталиев, Айгерім Таубай. Алматы тұрғындары коронавирустың алдын алу мақсатында халық дәрілерін жаппай сатып алып жатыр. Жергілікті саудагерлер соңғы күндері қойдың майы, зімбір мен ақжелкек сияқты тауарларға деген сұраныстың қаншалықты артқанын айтты. Sputnik Қазақстан тілшісі Алматы базарларының бірінде болып, сұранысқа ие азық-түлік бағасының қаншалықты көтерілгенін анықтады.

Құйрық май туралы миф

Саудагерлердің айтуынша, алматылықтар жаппай қойдың құйрық майын сатып алып жатыр. Бұған дейін қойдың майы қала тұрғындары арасында осыншалықты сұранысқа ие болған жоқ еді. Көп адам дәл осы өнімнің коронавирус пен пневмонияның алдын алуда әсері бар деп санайды.

Сонымен қатар инфекциямен күресте тиімді өнімдердің тізімінде зімбір мен ақжелкекті де қосып қойған. Алайда, дәрігерлер бірнеше рет өзін-өзі емдемеуді ұсынды. Соған қарамастан қала тұрғындары халық кеңесіне сеніп, табиғи дәрі-дәрмекті базардан іздеп, әлек болып жүр.

"Құйрық майды келген бетте алып кетіп жатыр. Бағасын қатты көтерген жоқпыз. Бұған дейін қойдың майының бір келісі 1 800 теңге тұрса, қазір 2 000 теңгеден сатылып жатыр. Шағын базарларда бұрын да келісі мың теңгеден сатылған болуы да мүмкін, ал мұнда баға қатты өзгерген жоқ", - дейді сатушы.

Сондай-ақ, саудагерлер бұрын соңды қойдың майына қатысты мұндай дүрлікпе болмағанын, күніне тек 2-3 келі сатқандарын айтты. Ал бұл көрсеткіш қазір бірнеше есе артып отыр.

"Кеше тоғыз келіге жуық қойдың майын алып келдік. Бүгін түске дейін бәрі өтіп кетті. Сұраныс бар, адамдар келіп қойдың майын сұрайды. Тіпті, ет сатып алмайды. Кейбірі вирустан сақтануда көмектесе ме деп те қызығады",- деді ет павильонындағы сатушы.

Алматылықтардың басым бөлігі қой майының емдік қасиеті бар екеніне сенеді, оны ішу арқылы немесе денеге жағы арқылы қолданады. Қала тұрғындары құйрық майдың суық тиюде көмектесіп, өкпені тазалап, жоғары температураны түсіретініне сенімді.

Алайда, бұған дейін Ресей денсаулық сақтау министрінің орынбасары Олег Гриднев бұл ақпаратты жоққа шығарды. Оның айтуынша, құйрық май вирустан емдемейді, тіпті қанды қоюландырып теріс әсер етеді. Бұл коронавируспен ауыратындарға кері әсер етуі мүмкін, деді Гриднев Sputnik Қазақстан тілшісіне берген сұхбатында.

Ақжелкек пен зімбірді дәрі орнына қолдануға бола ма?

Алматылықтар өткен жұмадан бастап ақжелкек пен зімбірді жаппай сатып ала бастады.

"Мессенджерлердің бірінде белгісіз біреу ақжелкектің коронавирус ауруының алдын алуға көмектесетінін жазды. Осыдан кейін бұл өнімге деген сұраныс артты. Бізге де ақша табу керек, сол себепті бағаны көтердік. Бұрын бір бумасын 50 теңгеге сатсақ, қазір 300 теңге тұрады. Адамдар инфекцияға қарсы тұруда таптырмас өнім екенін айтып, ақжелекті арнайы іздеп келеді", - дейді сатушылар.

Зімбір коронавирустан емдеуі мүмкін өнімдер тізіміне екінші рет еніп отыр. Бұған дейін Қазақстандағы бірінші карантин кезінде азаматтар зімбірді жаппай сатып алуға кіріскен болатын. Соның нәтижесінде оның бағасы да бірнеше есе қымбаттап кетті.

Қазір базарда зімбір 2 мың теңге тұрады. Ал бір апта бұрын оның бағасы мың теңгеден аспайтын.

"Иә, бағасы екі есе өсті, өйткені адамдар оны санаулы сағаттарда сатып алып жатыр. Дәл қазір бізде де барлығы сатылып кетті, енді тағы да әкелгенін күтіп отырмыз", - деді сатушылар.

Оқи отырыңыз: Министр коронавирустан емделетіндердің басты қателігін атады

Айта кетейік, қымыз бен шұбат секілді сүт өнімдерінің бағасы өзгерген жоқ. Сусынның литрі 500 теңге тұрады.

Саудагерлердің айтуынша, оларға деген үлкен сұраныс байқалмайды. Бұған дейін қымыз бен шұбат саудасы қалай жүрсе, қазір де сол шамада сатылып жатыр.

4477
Кілт сөздер:
денсаулық, емделу, құйрық май
Тақырып:
Коронавирус эпидемиясы (2555)
Тақырып бойынша
Ешкімге сенбеңіз: еріктілер денсаулық министріне бейнеүндеу жолдады
Жақсылық Досқалиев коронавирустан қалай қорғануға болатынын айтты
Алматының бас санитар дәрігері кімдерге вирус жұқпайтынын айтты
Дәрігер коронавирус кезінде нені жеуге болмайтынын айтты
Ресейлік ғалымдар коронавирусты бейтараптандыратын антиденелер шығарды
Игорь Сон

Олимпиада жүлдегері Игорь Сон мемлекет беретін қаржыны інісінің еміне жұмсайтынын айтты

653
Игорь Сон мүгедек бауырын аяққа тұрғызу үшін қолындағы қаржысын аямайтынын жеткізді

АЛМАТЫ, 30 шілде – Sputnik. Токиодағы XXXII жазғы Олимпиада ойындарының "қола" жүлдегері Игорь Сон мемлекет тарапынан берілетін қаржыны қайда жұмсайтынын айтты, деп хабарлайды Sputnik Қазақстан.

"Менің інім церебралды сал ауруымен ауырады, мүгедек. Отбасым Оңтүстік Кореяға емделу үшін кетті. Қазір әкем мен анам, ағам мен інім – барлығы Кореяда", - деді Игорь Сон Орталық коммуникациялар қызметінде өткен брифинг кезінде.

Олимпиада жүлдегері мемлекет тарапынан берілетін қаржыны сол інісінің еміне жұмсайтынын айтты.

"Менің міндетім – алдымен бауырымды аяққа тұрғызу. Інімнің емінен қалған қаржыға өмір сүремін", - деді ауыр атлетші.

Қазақстанда Олимпиада чемпионына 250 мың доллар, күміс жүлдегерге 150 мың доллар, қола жүлдегерге 75 мың доллар беріледі.

Айта кетейік, Игорь Сон Токио Олимпиадасында 61 килограмға дейінгі салмақ дәрежесінде қола медаль ұтып алды. Ол жарыс кезінде барлығы 294 (131+163) килограмм көтерді.

653
Алия Назарбаева

Назарбаевтың кенже қызы алғашқы кітабында не туралы жазғанын айтты

2216
(Жаңартылды 19:57 30.07.2021)
Әлия Назарбаева кітапта өзінің өмірлік ұстаздарының аты-жөнін атап, отбасы туралы әңгімелеуге уәде берді

НҰР-СҰЛТАН, 30 шілде – Sputnik. Қазақстанның тұңғыш президенті Нұрсұлтан Назарбаевтың кенже қызы Әлия Назарбаева өзінің алғашқы кітабын жазып бітірді.

Посмотреть эту публикацию в Instagram

Публикация от Aliya Nazarbayeva (@aliya_nazarbayeva_official)

"Қарапайым тілмен және жақсы ниетпен жазылған алғашқы кітабымды аяқтадым. Мен бір кездері бағалаған, жақсы көрген және осы күнге дейін жақсы көретін нәрселерді оқиғалар мен баяндау арқылы жеткізуге тырысып бақтым. Кітапта балалық шағым туралы, әпкем Динараның қалай менімен әлек болғанын, әкеммен не жайлы ұзақ сөйлескеніміз туралы, анамның кеңестері қалай көмектесіп, күш бергенін айтамын", - деп жазды Әлия Назарбаева өзінің Instagram парақшасында.

Ол "Место Силы" кітабынан оқырмандар оның ұстаздары туралы, достықта нені жоғары бағалайтынын, нені кешіріп, не үшін кешірім сұрай алатыны жөнінде білетінін атап өтті.

"Мен балаларымды қатты жақсы көремін және олардың кез келген таңдауын қолдаймын, бұл туралы кітапта жаздым және оны бұрын еш жерде жарияланбаған фотосуреттер арқылы білдірдім", - деді ол.

Назарбаева "Место Силы" кітабы қазір баспада басылып жатқанын хабарлады.

2216
Кілт сөздер:
Әлия Назарбаева, кітап, Назарбаев
Инфекциялық стационар

Алматы "күңгірт қызыл" аймаққа кірді: әскери госпитальде инфекциялық стационар ашылды

0
150 науқасқа арналған ауруханада орташа ауыр деңгейдегі және ауыр жағдайдағы науқастарды емдейді

НҰР-СҰЛТАН, 30 шілде — Sputnik. Алматы әскерилері коронавирус жұқтырған науқастарды қабылдау үшін инфекциялық стационар жасақтады, деп хабарлады қорғаныс министрлігінің баспасөз қызметі.

"Коронавирус жұқтырғандар санының артуына байланысты жергілікті атқарушы органның өтініші бойынша Алматыдағы қорғаныс министрлігінің әскери клиникалық госпиталі инфекциялық стационар жасақтады", - деп хабарлады қорғаныс ведомствосы.

Палата в инфекционном стационаре
© Photo : Минобороны РК
Инфекциялық стационардағы палата

Стационар 150 науқасқа арналған. Сонымен қатар медициналық мекемеде 50 орын соматикалық патологиясы бар әскери қызметкерлерді емдеу үшін және әскери-дәрігерлік және әскери-ұшқыштар сараптамасын жүргізу үшін бөлінеді.

"Біздің әскери госпиталь екінші эшелонға жатады. Сондықтан инфекциялық стационарға орташа ауыр және ауыр дәрежедегі науқастар жатқызылады. Жеке құрам мұндай жағдайға дайын", - деді Алматыдағы әскери клиникалық госпитальдің басшысы міндетін атқарушы Әбдіуәли Палтушев.

Кислородный баллон в инфекционном стационаре
© Photo : Минобороны РК
Инфекциялық стационардағы оттегі баллоны

Оның айтуынша, госпиталь мамандарының коронавирус жұқтырғандарды емдеу тәжірибесі бар. Медициналық мекемеде жасанды тыныс алдырту және гемодиализ аппаратымен жабдықталған реанимация бөлімі жұмыс істейді.

Еске сала кетейік, 2020 жылдың сәуірінен бастап әскери госпиталь дәрігерлері халыққа медициналық көмек көрсету жұмыстарына екі рет жұмылдырылды. Нәтижесінде 1 430 адам емделіп шықты, оның шамамен 30%-і – ауыр және асқынған деңгейдегі науқастар.

2021 жылдың шіддесінен бастап Нұр-Сұлтандағы Бас әскери клиникалық госпиталь коронавирус жұқтырғандарды емдеу үшін қайта іске қосылды.

Сондай-ақ Алматы, Талдықорған және Үшаралдағы үш әскери-емдеу мекемесі азаматтарды қабылдауға дайын. Аягөз, Талдықорған, Сарыөзек және Семей әскери госпитальдарында қосымша төрт инфекциялық бөлім жұмыс істеп тұр. ПТР-тестілеу жүргізу үшін Нұр-Сұлтанда және Алматыда екі стационарлық зертхана, сондай-ақ Ақтау мен Семейде мобильді зертханалық кешендер ашылған.

0
Тақырып:
Коронавирус эпидемиясы (2555)