Еңбек және халықты әлеуметтік қорғау министрі Біржан Нұрымбетов

Министр 42 500 теңгені бала санына қарай төлеу туралы ұсынысқа пікір білдірді

8766
(Жаңартылды 17:42 16.07.2020)
Нұрымбетов осы жылдың қаңтарынан бастап көпбалалы отбасыларға табысына қарамастан, бала санына қарай жаңа мемлекеттік жәрдемақы төленетінін еске салды

НҰР-СҰЛТАН, 16 шілде – Sputnik. Еңбек және халықты әлеуметтік қорғау министрі Біржан Нұрымбетов бала құқықтары жөніндегі уәкіл Аружан Саинның 42 500 теңгені бала санына қарай төлеу туралы ұсынысына пікір білдірді, деп хабарлайды Sputnik Қазақстан тілшісі.

Министр 42 500 теңге мемлекеттен төленетін жалғыз әлеуметтік жәрдемақы емес екенін еске салды.

"Бізде бюджеттен 39 әлеуметтік төлем төленеді, ай сайын шамамен 300 миллиард теңге. Оның сегізі – мемлекеттік жәрдемақы, олар дәл осы баласы бар отбасыларды қолдауға бағытталған", - деді Нұрымбетов онлайн брифингте.

Оқи отырыңыз: Нұрымбетов 42 500 теңгені заңсыз алатындарды алда не күтіп тұрғанын айтты 

Ол осы жылдың қаңтарынан көпбалалы отбасыларға табысына қарамастан, бала санына қарай жаңа мемлекеттік жәрдемақы төленетінін атап өтті. Айтуынша, қазір 1 миллион 700 мыңнан астам бала тәрбиелеп отырған 390 мың көпбалалы отбасы ай сайын осы жәрдемақыны алады.

"Табысы аз, тұрмысы төмен отбасыларға балаларын қоса алғанда, әрбір отбасы мүшесіне атаулы әлеуметтік көмек төленеді. Бүгінде 660 мың адам тұратын 128 мың отбасы осындай қолдауға ие, олардың 442 мыңы балалар. Оларға мемлекеттен кепілдендірілген әлеуметтік пакет беріледі. Сондықтан балалары бар отбасыларға әлеуметтік жәрдемақы төлеу саясаты іске асырылып жатыр. Мемлекет міндеттемелерді толық көлемде орындап отыр ", - деді министр.

Нұрымбетов мемлекеттік жәрдемақыларға бөлінетін қаржы биыл былтырғымен салыстырғанда әжептәуір, 372 миллиард теңгеден 581,5 миллиард теңгеге дейін ұлғайғанын атап өтті.

"Бірақ мына нәрсені түсінуіміз керек. Әр төлемнің өз заңнамалық негізі бар. Аталған жағдайда  42 500 теңге карантинге байланысты табысынан айырылғандарға беріледі. Бұл көмекке барлық отбасы ілікпейді. Егер бір отбасыда жұмыс істейтін бірнеше адам кірісін жоғалтса, олардың әрбірі өтініш беріп, 42 500 теңге ала алады", - деп түсіндірді министр.

Бұған дейін балалар құқықтары жөніндегі уәкіл Аружан Саин қаржы министрлігі мен еңбек және халықты әлеуметтік қорғау министрлігіне карантин кезінде төленетін мемлекеттік төлемді қайта қарауды және 42 500 теңгені отбасындағы бала санына қарай төлеуді ұсынған болатын.

8766
Кілт сөздер:
министр, жәрдемақы
Тақырып:
Төтенше жағдай және карантин (735)
Тақырып бойынша
42 500 теңге: жалдамалы жұмысшылар үшін жұмыс беруші өтініш береді
42 500 теңге: министрлік декретте жүрген әйелдерге қатысты шешім қабылдады
Еңбек министрі 42 500 теңгені төлеу қашан басталатынын айтты
Карантин жыл соңына дейін ұзарса, 42 500 теңге төлеу жалғаса ма – министр жауабы
42 500 теңге: министр өтініш қашан қабылдана бастайтынын айтты
Индонезиядағы жер сілкінісі

Мемлекет басшысы Индонезия президентіне көңіл айтты

26
(Жаңартылды 19:49 15.01.2021)
Индонезияда соңғы тәулікте бірнеше рет жерасты дүмпуі болды. Салдарынан отыздан астам адам көз жұмып, 600-ден астам тұрғын зардап шекті

НҰР-СҰЛТАН, 15 қаңтар – Sputnik. Қазақстан президенті Қасым-Жомарт Тоқаев Индонезия президенті Джоко Видодоға көңіл айтты, деп хабарлайды Ақорда.

Мемлекет басшысы Сулавеси аралындағы күшті жер сілкінісі салдарынан көптеген адамның қаза болуына байланысты Индонезия Президенті Джоко Видодоға көңіл айту жеделхатын жолдады.

"Қазақстан халқының және жеке өзімнің атымнан қаза болған адамдардың жақындары мен туыстарына көңіл айтамын. Осындай қиын жағдайда біз индонезиялық достарымыздың қайғыларына ортақтасып, олармен бірге екенімізді жеткіземін. Сонымен қатар табиғат апатынан зардап шеккендердің тезірек сауығып, үйлеріне оралуына тілектестік білдіремін", – делінген жеделхатта.

Индонезиядағы жер сілкінісі

Индонезияда соңғы тәулікте бірнеше рет 5,7 және 6,2 магнитудалы жойқын жер сілкінісі болды. Салдарынан отыздан астам адам көз жұмып, 600-ден астам тұрғын зардап шекті.

Жер сілкінісі салдарынан жергілікті аурухана ғимараты құлап, медицина қызметкерлері мен емделушілер үйінді астында қалғаны белгілі болды.

Билік 15 мыңнан астам тұрғынды қауіпсіз жерге көшірді.

26
Тақырып бойынша
Тоқаев парламент отырысында қандай уәде берді – толық ақпарат
"Әділ болуы керек": Тоқаев зейнетақы жинағын пайдалану туралы айтты
Президент мәжіліске өтпеген саяси күштер туралы пікір білдірді
Бірнеше депутат премьер-министр кандидатурасын қолдамады – Тоқаев не деді
Ауылға баратын әрбір жол толығымен жөнделеді – Тоқаев
Құс пен қыс

Демалыс күндері ауа райы қандай болады

331
Қостанай облысының кей жерінде бұрқасын болып, тұман түседі. Оңтүстік-шығыс пен оңтүстіктен секундына 15-20 м/с жел соғады

АЛМАТЫ, 15 қаңтар – Sputnik. Қазгидромет синоптиктері 2021 жылдың 16-18 қаңтарында ауа райы қандай болатынын жариялады.

Сенбі, жексенбі күндері республиканың батысы мен солтүстігінде Жерорта теңізі циклонының әсерінен ауа райы тұрақсыз болады.

Кей жерлерде жауын-шашын түседі, батыста қар мен жаңбыр араласып, солтүстікте қар жауады.

Сондай-ақ кей жерлерде жел күшейіп, боран соғады, ауа температурасы көтеріледі. Қазақстанның қалған аумағында жауын-шашынсыз ауа райы сақталады. Республика бойынша кей жерлерде тұман түседі.

Мегаполистерде ауа райы қандай болады

Нұр-Сұлтанда түнде минус 13-15 градус, күндіз 4-6 градус аяз болады.

Алматыда түнде минус 8-10, күндіз плюс 5-7 градус.

Шымкентте түнде плюс 1-3, күндіз 15-17 градус жылы болады.

Дабылды ескерту жарияланды

Ақмола облысының кей жерлерінде бұрқасын болады. Оңтүстік-шығыстан, оңтүстіктен секундына 15-20 метр жел соғады.

"Ақтөбе облысының кей жерінде тұман, көктайғақ болады. Оңтүстік-шығыстан соққан жел оңтүстік-батысқа ауысып, секундына 18 метр жылдамдықпен жел соғады. Мұғалжар ауданында түнде желдің екпіні секундына 23 метрге дейін жетеді", – делінген хабарламада.

Батыс Қазақстан облысының кей жерінде тұман, көктайғақ, бұрқасын болады. Оңтүстік-батыстан соққан желдің жылдамдығы – 15-20 м/с, күндіз екпіні секундына 25 м/с жетеді.

16 қаңтарда Қызылорда облысының кей жерінде желдің жылдамдығы секундына 15-20 м/с-ке жетеді.

Қостанай облысының кей жерінде бұрқасын болып, тұман түседі. Күндіз кей жерлерде көктайғақ болады. Оңтүстік-шығыстан, оңтүстіктен секундына 15-20 м/с жел соғады.

Солтүстік Қазақстан облысының кей жерлерінде тұман түсіп, күндіз бұрқасын болады. Жел оңтүстік, оңтүстік-шығыстан секундына 15-20 метр жылдамдықпен соғады.

Петропавлда түнде оңтүстіктен, оңтүстік-шығыстан секундына 15-20 метр жылдамдықпен жел соғады.

331
Кілт сөздер:
табиғат, ауа райы
Көлік, жол

Көлік дәмхана ішіне кіріп кетті оқиғаның видеосы тарады

0
Көлік жүргізушісі жол қиылысында рөлге ие бола алмай, дәмхана есігіне соғылды.  Дәл осы сәтте жаяу жүргіншілер жолдан өтпек болған

НҰР-СҰЛТАН, 15 қаңтар – Sputnik. Ресейдің Санкт-Петербург қаласында көлік дәмхананың шыны есігін бұзып, ішіне кіріп кетті.

Оқиға бейнебақылау камерасына түсіп қалды. Видеоны LIFE SHOT Telegram-каналы жариялады.

Ақпаратқа сәйкес, жағдай Петроград ауданының Большая Монетная көшесінде болған. Көлік жүргізушісі жол қиылысында рөлге ие бола алмай, дәмхана есігіне соғылды. Дәл осы сәтте жаяу жүргіншілер жолдан өтті. 

Апаттың мән-жайы анықталып жатыр.

0
Тақырып бойынша
Түйе көліктің ішіне кіріп кеткен: Маңғыстауда жантүршігерлік жол апаты болды
Нұр-Сұлтан автобусындағы жанжал: жүргізуші жұмыстан шеттетілді
Автокөлік орындығын қыздыру неге қауіпті - видео
Алматыда BMW бетон қабырғаға соғылды – көліктің сау-тамтығы қалмаған
Алматы орталығында жүргізуші танысына оқ атты