Дәрігерлер

"Үстемақыдан ақша алған": желідегі видеодан кейін аурухана басшылығы тергеуге алынды

734
Жуалы ауданындағы орталық аурухананың қызметкері әлеуметтік желі арқылы президентке бейнеүндеу жолдап, басшылықтың заңсыз әрекетін жариялады

НҰР-СҰЛТАН, 17 шілде – Sputnik. Жуалы ауданындағы орталық аурухананың басшылығы тергеуге алынды. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі.

1-ші департаменттің аға тергеушісі Кайсар Баржақсыновтың айтуынша, сотқа дейінгі тергеу шаралары медицина қызметкерлерінің шағымынан кейін басталды.

"Тергеу коронавирус пандемиясы жағдайында эпидемияға қарсы шаралар үшін бұған дейін еңбекақыға аударылған қосымша үстемақыдан ақша иемдену фактісі бойынша жүргізілуде. Қылмыстық-процестік кодекстің 201-бабына сәйкес тергеу мүддесі үшін өзге ақпарат жариялауға жатпайды", – деді Баржақсынов онлайн брифингте.

Айта кетейік, бұған дейін әлеуметтік желіде Жамбыл облысындағы Жуалы ауданының орталық ауруханасында 25 жылдан бері істейтін рентген-лаборант Фарида Жанбатырованың видеосы тараған болатын. Ол президентке бейнеүндеу жолдап, басшылықтың заңсыз әрекетін жариялады.

"Сәуір айында айлығымызға қосымша 160 мың теңге түскен. Оған көп рақметімді айтамын. Енді, біздің емхананың басшылары осы 160 мың теңгенің 39 мың теңгесін қайтаруды талап етті. "Неге?" деп сұрақ қойғанымда жоғарыда басшылардың талап етуі, соларға қайтарып береміз деп, бүкіл емханада постта отырған қызметкерлердің бәрінен ақшаны жинап алды. Мен де 39 мың теңгені өз қолыммен кассирге апарып беруге мәжбүр болдым", – деді Жанбатырова.

Оқи отырыңыз: "Қызыл түсті ұнтақ" сеуіп жүрген ұшақтарға қатысты шындық жария етілді – видео

Оның айтуынша, мамыр айында коронавируспен күрес шаралары аясында жалақымен қоса 200 мың теңгенің үстемақысы түсті. Осыдан кейін бас дәрігердің орынбасары қызметкерлерді кабинетке жинап алды да, 200 мыңнан 150 мың теңгені қайтарып беруді талап етті. Фарида Жанбатырова ол ақшаны бермей қойды. Сол үшін басқа жерге ауыстырылды.

734
Кілт сөздер:
дәрігерлер, пара алу, пара
Тақырып:
Төтенше жағдай және карантин (865)
Тақырып бойынша
Үш жыл бойы ақша жинаған шенеуніктің қылмысы ашылды – видео
Цукербергке берер жауабымыз: Астаналық оқушы жасөспірімдерге арналған әлеуметтік желі ойлап тапты
Кісі қағып өлтірген жүргізуші әлеуметтік желі арқылы табылды
Байқоңырда әлеуметтік желі пайдалануға тыйым салынды
Қазақстанда азық-түлікпен қамтамасыз ету бойынша ұлттық желі құрылады  
Игорь Сон

Олимпиада жүлдегері Игорь Сон мемлекет беретін қаржыны інісінің еміне жұмсайтынын айтты

630
Игорь Сон мүгедек бауырын аяққа тұрғызу үшін қолындағы қаржысын аямайтынын жеткізді

АЛМАТЫ, 30 шілде – Sputnik. Токиодағы XXXII жазғы Олимпиада ойындарының "қола" жүлдегері Игорь Сон мемлекет тарапынан берілетін қаржыны қайда жұмсайтынын айтты, деп хабарлайды Sputnik Қазақстан.

"Менің інім церебралды сал ауруымен ауырады, мүгедек. Отбасым Оңтүстік Кореяға емделу үшін кетті. Қазір әкем мен анам, ағам мен інім – барлығы Кореяда", - деді Игорь Сон Орталық коммуникациялар қызметінде өткен брифинг кезінде.

Олимпиада жүлдегері мемлекет тарапынан берілетін қаржыны сол інісінің еміне жұмсайтынын айтты.

"Менің міндетім – алдымен бауырымды аяққа тұрғызу. Інімнің емінен қалған қаржыға өмір сүремін", - деді ауыр атлетші.

Қазақстанда Олимпиада чемпионына 250 мың доллар, күміс жүлдегерге 150 мың доллар, қола жүлдегерге 75 мың доллар беріледі.

Айта кетейік, Игорь Сон Токио Олимпиадасында 61 килограмға дейінгі салмақ дәрежесінде қола медаль ұтып алды. Ол жарыс кезінде барлығы 294 (131+163) килограмм көтерді.

630
Алия Назарбаева

Назарбаевтың кенже қызы алғашқы кітабында не туралы жазғанын айтты

2171
(Жаңартылды 19:57 30.07.2021)
Әлия Назарбаева кітапта өзінің өмірлік ұстаздарының аты-жөнін атап, отбасы туралы әңгімелеуге уәде берді

НҰР-СҰЛТАН, 30 шілде – Sputnik. Қазақстанның тұңғыш президенті Нұрсұлтан Назарбаевтың кенже қызы Әлия Назарбаева өзінің алғашқы кітабын жазып бітірді.

Посмотреть эту публикацию в Instagram

Публикация от Aliya Nazarbayeva (@aliya_nazarbayeva_official)

"Қарапайым тілмен және жақсы ниетпен жазылған алғашқы кітабымды аяқтадым. Мен бір кездері бағалаған, жақсы көрген және осы күнге дейін жақсы көретін нәрселерді оқиғалар мен баяндау арқылы жеткізуге тырысып бақтым. Кітапта балалық шағым туралы, әпкем Динараның қалай менімен әлек болғанын, әкеммен не жайлы ұзақ сөйлескеніміз туралы, анамның кеңестері қалай көмектесіп, күш бергенін айтамын", - деп жазды Әлия Назарбаева өзінің Instagram парақшасында.

Ол "Место Силы" кітабынан оқырмандар оның ұстаздары туралы, достықта нені жоғары бағалайтынын, нені кешіріп, не үшін кешірім сұрай алатыны жөнінде білетінін атап өтті.

"Мен балаларымды қатты жақсы көремін және олардың кез келген таңдауын қолдаймын, бұл туралы кітапта жаздым және оны бұрын еш жерде жарияланбаған фотосуреттер арқылы білдірдім", - деді ол.

Назарбаева "Место Силы" кітабы қазір баспада басылып жатқанын хабарлады.

2171
Кілт сөздер:
Әлия Назарбаева, кітап, Назарбаев
Барымташылар. Уақыт жолдары фильмінің кадры

Қазақстандық фильм Францияда көрсетіле бастады

0
Режиссер Ерлан Нұрмұхамбетовтың фильмі Францияның 20 қаласында көрсетіледі. Қазақстанда бұл кино қыркүйекте үлкен экраннан көрсетіледі

НҰР-СҰЛТАН, 30 шілде — Sputnik. "Барымташылар. Уақыт жолдары" фильмі 29 шілдеден бастап франциялық көрерменнің назарына ұсынылды және ол 20-дан астам қалада көрсетіледі, деп жазды Қазақфильм Instagram парақшасында.

"Бұл мен үшін өте қызықты және қуанышты жағдай. Жапон режиссерімен бірге түсірілген фильм әлемдік кинематограф отанында көрсетіледі. Мұндай айтулы оқиға менің өмірімде бірінші рет болып тұр", - деді туынды режиссерлерінің бірі Ерлан Нұрмұхамбетов.

Сонымен қатар фильмнің екінші режиссері – жапон Лиза Такабэ. Басты рөлдерді Самал Еслямова, Адия Мусина, Мираи Морияма және тағы басқалар сомдаған. Ерлан Нұрмұхамбетов сондай-ақ сценарий авторы екенін де атап өту керек.

"Қазақфильм" мен "Tokyo New Cinema" жапон компаниясы бірлесіп түсірген "Барымташылар. Уақыт жолдары" фильмі барымташылардың бір үйдің отағасын өлтіруі салдарынан басына күн туған отбасының бастан кешірген оқиғасын баяндайды. Әкесінің өліміне қабырғасы қайысқан 12 жастағы Олжас өзінің және кішкентай қарындастарының басына түскен сынаққа төтеп беруге мәжбүр болады. Алайда үміт үзілген шақта бейтаныс біреу оларға көмектесе бастайды.

Аталған фильм осы жылдың қыркүйегінде отандық кинотеатрлардан көрсетіле бастайды.

0