Дәріханадан дәрі сатып алып жатқан ер адам

Қазақстанда дәрі-дәрмек сату саласында 400-ге жуық заңбұзушылық анықталды

331
(Жаңартылды 18:28 18.07.2020)
Дәрі-дәрмектер мен медициналық бұйымдардың айналымын бақылау Президент әкімшілігіне қарасты Қауіпсіздік кеңесінің аппаратына жүктелді

НҰР-СҰЛТАН, 18 шілде – Sputnik. Ақорда мемлекет басшысы Қасым-Жомарт Тоқаевтың елде дәрі-дәрмек тапшылығы проблемасын шешуге қатысты тапсырмасы қалай орындалып жатқанын хабарлады.

"5 шілдеден 16 шілдеге дейін 11 күн ішінде қаржы министрлігінің экономикалық тексеру қызметі, ішкі істер министрлігі және ұлттық қауіпсіздік комитетінің шекара қызметі дәрі-дәрмектер сату және медициналық бұйымдар саласы бойынша 396 құқық бұзушылық фактісін анықтады. Оның ішінде 76 іс Қылмыстық кодекстің бабтары бойынша қаралады", - делінген Ақорда сайтында жарияланған мәлімдемеде.

Атап айтқанда, олардың арасында жеке тұлғалардың алып-сату деректері, дәріханалар желісінің қызметкерлерімен келісе отырып жасалған бірқатар әрекеттер бар.

Еске салсақ, үкіметтің кеңейтілген отырысында президент құқық қорғау органдары құрылымдарынан нақты шешімдер қабылдап, әрекет етуін талап еткен болатын.

"Қазір біз соғыс жағдайындамыз. Сондықтан әрбір басшылардан шұғыл мәселелер мен міндеттерді барынша тиімді шешу талап етіледі", - деді Тоқаев.

Тағы оқыңыз: Ақорда коронавируспен күреске бөлінген ақшаның ұрлануына қатысты мәлімдеме жасады

Дәрі-дәрмектер мен медициналық бұйымдардың айналымын бақылау Президент әкімшілігіне қарасты Қауіпсіздік кеңесінің аппаратына жүктелді.

Бүкіл елде дәрі-дәрмектің бөлшек саудасының шекті бағасын сақтау бойынша фармацевтикалық ұйымдардың жұмысын тексеру басталды.

Бағаның қымбаттауынан бөлек, қазіргі уақытта дәрі-дәрмектерді заңсыз сату, яғни тіркеусіз, лицензиясыз және басқа да рұқсат құжаттарынсыз, соның ішінде дәріханалар, әлеуметтік желілер мен мессенджерлер арқылы сату деректері анықталуда.

Алынған дәрі-дәрмектердің бәрі денсаулық сақтау министрлігіне қарасты тауарлардың және көрсетілетін қызметтердің сапасы мен қауіпсіздігін бақылау комитетіне науқастарды емдеуге пайдалану үшін беріледі.

331
Кілт сөздер:
коронавирус, дәрі-дәрмек
Тақырып:
Коронавирус эпидемиясы (1802)
Тақырып бойынша
Алматыға Ресейден 21,5 тонна дәрі-дәрмек жеткізілді
Медициналық сақтандыру қорының бұрынғы басшылығы тергеуге алынды
Президент дәрі-дәрмек тапшылығы мәселесі қай кезде шешілетінін айтты
Алматыда дәрі-дәрмекке 5 миллиард теңге бөлінді – Сағынтаев 
Планшетпен отырған бала, қашықтан оқыту

Министрлік ата-аналардың чатында тараған қауіпті ойын туралы ақпаратқа түсініктеме берді

229
Ата-аналардың үрейін туғызған компьютерлік ойын туралы хабарлама ішкі істер және ақпарат министрліктеріне жолданды

НҰР-СҰЛТАН, 26 қараша – Sputnik. Ата-аналардың чатында балаларды суицидке итермелейтін танымал компьютерлік ойын туралы ақпарат тарап жатыр. Қазақстан білім министрлігінің балалардың құқықтарын қорғау комитеті осыған қатысты түсініктеме берді, деп хабарлайды Sputnik Қазақстан.

"Балалардың құқықтарын қорғау комитеті бұл ақпаратты бірден өкілетті органға – ақпарат және қоғамдық даму министрлігіне жолдады. Олар бұл контентті зерделеп, бұғаттау мәселесін шешеді. Сондай-ақ, контенттің қауіпсіздігін тексеру үшін "Киберқадағалау" ақпараттық жүйесіне орналастырдық, - делінген ресми мәлімдемеде.

Бұған қоса, шындыққа жанаспайтын хабарлама таратқандарға шара қабылдау үшін ақпарат ІІМ-ге жіберілді.

Балалардың құқықтарын қорғау комитеті жалған ақпарат таратпауды және, қажет болған жағдайда, сенім телефонына хабарласуды сұрайды: 8 (7172) 74-25-28 және +7 (778) 289-81-57.

Сонымен қатар, тәулік бойғы BALA QORGAU телеграм-чатына да жүгінуге болады.

Тағы оқыңыз: Зағипа Балиева әлеуметтік желілерде қауіпті топтар пайда болғанын ескертті

Бұған дейін әлеуметтік желілерде Among Us ("Біздің арамызда") ойыны туралы ақпарат пайда болды. Анонимді аудиохабарламада ойынның балаларды суицидке итермелейтіні айтылған.

Among Us – қолданушылары көп компьютерлік ойын. Оны америкалық InnerSloth компаниясы әзірлеген. Ойын 2018 жылы 15 маусымда шықты. Ғарыш кемесіне "жиналған" ойыншылар екі командаға – экипаж мүшелері және сатқындар деп бөлінеді.

2018 жылы ойын қатты танымал болмаған еді, бірақ биыл Twitch пен YouTube-тің арқасында кең таралды.

229
Кілт сөздер:
оқушылар, ата-аналар, қауіпті ойын, Білім және ғылым министрлігі
Әли Тұрғанбеков пен Диего Марадона

Марадонамен кездескен қазақстандық бала: құшақтап жібермей тұрды

38
Қазақстандық Әли Тұрғанбеков өзінің кумирі Марадонамен кездесіп, онымен бірге алаңда футбол ойнаған болатын

АЛМАТЫ, 26 қараша – Sputnik. Екі аяқсыз дүниеге келген қазақстандық Әли Тұрғанбеков футболшы Диего Марадонаның қазасына қатысты жазба жариялады.

Әли 2018 жылы кумирімен кездесу туралы естеліктерін жазды.

"Менен қай кездесудің көбірек ұнағаны жайлы сұраған кезде, әрдайым футболдағы аңыз адам Диего Марадонамен болған кездесуді айтамын. Бұл ең алғашқы кездесу еді. Ол маған екі күнін арнады. Ең алғаш жаныма келіп, ол мені қатты құшақтап жібермей ұзақ тұрды. Мені жүз жыл танитын адамдай құшақтаған еді. Аяғын әрең басып жүргеніне қарамастан алаңға шығып, менімен футбол ойнады. Бұл алдын ала жоспарланбаған еді", - деп жазды Әли Instagram парақшасында.

Посмотреть эту публикацию в Instagram

Публикация от Ali Turganbekov (@ali_amir_happy)

Сондай-ақ Марадонаның чемпионға тән мейірімді жан екенін жазды.

"Жатқан жерің жайлы болсын, қымбатты досым Диего Марадона! Ол мені жазбаларында досым деп атайтын", - деп жазды қазақстандық.

Посмотреть эту публикацию в Instagram

Публикация от Diego Maradona (@maradona)

2018 жылы Диего Марадона екі аяқсыз туған қазақстандық Әли Тұрғанбековпен кездесудің видеосын жариялады.

"Бүгін мен Фуджейрадағы (БАӘ) жаттығуға келген досым Әлимен бірге футбол ойнадым. Рақмет, Әли! Сіздің досыңыз Диего", - деп жазды Марадона.

Айта кетейік, 25 қазанда футболдан әлем чемпионы аргентиналық Диего Марадона 60 жасында дүниеден өтті.
Әйгілі спортшы 30 қазан күні медициналық тексеруден өту үшін ауруханаға жеткізілген. Миына ота жасалды. Марадона 12 қарашада ауруханадан шықты.

30 қазанда Марадонаның 60 жасқа толуына орай Аргентина чемпионатының 1-турында оның командасы "Химнасия и Эсгрима" "Патронато" (3:0) матчы өтті. Сол күні әйгілі спортшы көпшілік алдына соңғы рет шықты. Матч басталмас бұрын оған естелік тақта сыйға тартылды. Марадонаның емделіп кетуіне алкогольдік және есірткіге тәуелділігі кедергі болғаны айтылды.

38
Кілт сөздер:
бала, қазақстандықтар, Диего Марадона
Тақырып бойынша
Аты аңызға айналған футболшы Диего Марадона неден көз жұмғаны айтылды
Белгілі қазақстандық футболшы әрі бапкер қайтыс болды
Қазақстандық футболшы 25 жасында көз жұмды
Қазақстандық футболшы отбасымен бірге жантүршігерлік апатқа ұшырады
Қазақстан чемпионатындағы ең қымбат футболшы кім
Ат, архивтегі сурет

Мейрамханаға атпен кірді: жас жұбайлардың видеосы қызу талқыланып жатыр

0
Бұған дейін қазан айында жас жұбайлардың достары мен туыстары көшеде би билеу үшін жолдарды жапқан

НҰР-СҰЛТАН, 26 қараша - Sputnik. Өзбекстанда жас жұбайлар тойды ерекше өткізу үшін мейрамханаға атпен кірді.

Желіде осы тойдың видеосы тарап жатыр, деп хабарлайды Sputnik Өзбекстан.

Кейбір желі қолданушылары той Самарқанд ауданында болғанын жазып жатыр. 

Бұған дейін қазан айында үйлену тойын өткізу үшін Самарқандта жолдарды жапқан. Олардың достары мен туыстары көшеде би биледі.

Оқиғаға қатысты әкімшілік хаттама толтырылған. Эпидемиямен күрес ережесін бұзғаны үшін айыппұл төлейді.

0
Кілт сөздер:
видео, үйлену тойы, ат, Өзбекстан
Тақырып бойынша
"Мамамды шақырыңдар": Орал тұрғыны үйлену тойынан кейін бесінші қабаттан секірмек болды
"Ойлаған жоқпын": Қазақстандағы үйлену тойы желіде қызу талқыланып жатыр – видео
Үйлену тойының фотосессиясы кезінде бірнеше адам көз жұмды: арасында қалыңдық та бар
Қалыңдықтың үйлену тойында жасаған әрекеті қайғылы жағдайға әкеп соқты
Үйлену тойына дайындалып жатқан отбасы қара жамылды: ауыл тұрғындары не дейді