Қазақстандық дәрігерлер

Қазақстандық дәрігерлер Мәскеуде коронавируспен күрестің негізгі пункттерінде болды

112
Ресей астанасында пандемиямен күрес кезінде COVID-19 науқастарының санын азайтуға мүмкіндік беретін тиімді механизмдер жасалды

НҰР-СҰЛТАН, 21 шілде – Sputnik. Қазақстаннан барған медициналық делегация Мәскеудің жетекші ауруханаларында болды.

Мәскеу денсаулық сақтау департаменті баспасөз қызметінің хабарлауынша, қазақстандықтар COVID-19 жұқтырған науқастарға медициналық көмек көрсетуді ұйымдастыру тәжірибесін үйренуге келген.

"Дәрігерлер астананың негізгі мекемелеріне – "Вороновское" Мәскеу жұқпалы аурулар клиникалық орталығына, Коммунарка ауруханасына, телемедицина орталығына, Склифосовский атындағы институтқа және Пучков атындағы жедел жәрдем станциясына барды", - делінген департаменттің хабарламасында.

Мәскеудің мемлекеттік денсаулық сақтау жүйесінің мамандары қазақстандық әріптестеріне пандемия кезінде коронавируспен ауырған науқастарға медициналық көмек көрсетуді, оның ішінде ауруханаларда дәрігерлер қолданған емдеу схемалары мен хаттамаларын, сондай-ақ "қызыл" аймақтарда жұмыс істеу кезінде медициналық қызметкердің қауіпсіздігін қамтамасыз ету тәсілдерін көрсетті.

"Қазақстандық дәрігерлер делегациясының Мәскеуге сапары –халықаралық деңгейде тәжірибе алмасу жұмыстарының бір бөлігі. Мәскеулік мамандар Қазақстанда дәрігерлерге консультативтік және ұйымдастырушылық-әдістемелік қолдау көрсетіп жатыр. Жасақталған бригадалар COVID ауруханаларының жұмысын бағалады, клиникаларды қайта бейіндеу тәртібін анықтады", - деді Мәскеу денсаулық сақтау департаменті басшысының орынбасары Алексей Токарев.   

Оқи отырыңыз: Қазақстанда коронавирустан көз жұмғандар саны азаймай тұр – денсаулық сақтау министрі 

Бұған дейін Алматыға жіберілген 22 дәрігерден тұратын мәскеулік дәрігерлердің көпсалалы бригадасы Мәскеуге оралды.

Бұл Мәскеу денсаулық сақтау департаменті дәрігерлерінің жаңа коронавирус инфекциясымен күресуге көмектесу мақсатындағы алғашқы мемлекетаралық медициналық сапары.

Қазір Мәскеу үкіметінің тапсырмасына сәйкес 15 адамнан тұратын медициналық бригада Қостанай облысына қайта жіберілді.  

112
Кілт сөздер:
коронавирус, Мәскеу, дәрігерлер
Тақырып:
Коронавирус эпидемиясы (2434)
Тақырып бойынша
Балада коронавирус белгілері байқалса не істеу қажет?
Ауруханаға түсетін науқастардың 90%-і пневмонияға шалдыққан – дәрігер
Ресей қорғаныс министрлігі коронавирусқа қарсы вакцина дайын болғанын хабарлады
"Шыбынша қырыла беруге болмайды": зиялы қауым өкілдері үндеу жасады
Денсаулық министрлігі коронавирусты емдемейтін дәрілерді алып тастады
Қасым-Жомарт Тоқаев

Тоқаев демалысын қайда өткізетіні белгілі болды

260
(Жаңартылды 17:56 22.06.2021)
Мемлекет басшысы бір аптаға созылатын демалысын Қазақстан аумағында өткізуді жоспарлап отыр

НҰР-СҰЛТАН, 22 маусым – Sputnik. Қазақстан президенті шілде айының ортасында демалысқа шығуды жоспарлап отыр. Бұл туралы Sputnik Қазақстанға мемлекет басшысының баспасөз хатшысы Берік Уәли айтты.

"Мемлекет басшысы шілденің ортасында бір аптаға демалысқа шығуды жоспарлап отыр. Президент демалысын Қазақстан аумағында өткізеді. Өздеріңізге белгілі, былтыр коронавирус пандемиясына байланысты Қасым-Жомарт Кемелұлы демалған жоқ", - деді Уәли ресми сауалға берген жауабында.

Ол Тоқаев президент лауазымына кіріскен сәттен бері екі жыл және үш ай ішінде тек бір рет, 2019 жылдың шілдесінде үш күндік қысқа мерзімді демалысқа шыққанын еске салды.

Былтыр жазда президент Қасым-Жомарт Тоқаев үкімет мүшелеріне демалысты ұмытуға кеңес берді. Елде коронавирус індеті өршіп тұрған еді. Министрлер мен әкімдердің алдына эпидемиологиялық ахуалды тұрақтандыру міндеті қойылды. Мемлекет басшысы шенеуніктерге "еңбек демалысы, демалыс деген сөздерді ұмытыңдар" деген болатын.

260
Кілт сөздер:
демалыс, Қасым-Жомарт Тоқаев
Парень со смартфоном идет по улице

Қазақстанда карантин күшейтіледі комиссия шешім қабылдады

2994
(Жаңартылды 16:40 22.06.2021)
Вакцина салдырудан бас тартатын қызмет көрсету саласының, өнеркәсіп кәсіпорындарының және өзге де ұйымдасқан ұжымдардың қызметкерлері үшін міндетті ПТР-тестілеу талабы енгізіледі

НҰР-СҰЛТАН, 22 маусым – Sputnik. Коронавирус инфекцияcының таралуына жол бермеу жөніндегі ведомствоаралық комиссия Қазақстанның бас мемлекеттік санитар дәрігеріне карантинді күшейту бойынша қосымша шаралар қабылдауды ұсынды, деп хабарлады primeminister.kz.

Нұр-Сұлтан қаласында "Дельта" ("Үнді") штаммына тән COVID-19 мутациясының анықталуына байланысты ведомствоаралық комиссия бірқатар ұсыныс дайындады. Олар: 

  • COVID-19-ға қарсы вакцинасыз (тұрақты медициналық қарсы көрсетілімдері бар және ауырып шыққан адамдарды қоспағанда) қызмет көрсету саласының қызметкерлері, ірі ұйымдасқан ұжымдар (өнеркәсіптік кәсіпорындар) үшін жұмысқа кіруге шектеу енгізу;
  • КВИ-ға қарсы вакцина алудан бас тартатын (КВИ-ға қарсы вакциналауға медициналық қарсы көрсетілімдері жоқ азаматтар) қызмет көрсету саласының, өнеркәсіп кәсіпорындарының және өзге де ұйымдасқан ұжымдардың қызметкерлері үшін міндетті ПТР-тестілеу талабын енгізу;
  • "Ashyq" жобасына жаңа кәсіпкерлік субъектілерін қосу үшін, сондай-ақ жоба аясында жұмыс істеп тұрған субъектілердің жұмысын одан әрі жалғастыру үшін барлық персоналды (тұрақты медициналық қарсы көрсетілімдері бар және ауырып шыққан адамдарды қоспағанда) вакциналау қажеттілігі жөнінде талап енгізу;
  • "Ashyq" жобасына сауда ойын-сауық орталықтарын, сауда үйлері мен азық-түлік емес базарларды қосу.

Айта кетейік, үкіметтің бүгінгі отырысында премьер-министр Асқар Мамин елордада коронавирустың "Дельта" штаммына тән мутацияның анықталуына байланысты санитарлық-эпидемиологиялық талаптарды күшейтуді тапсырды. Себебі осы мутацияның таралу жылдамдығы өте жоғары, тез өршиді және салдары анағұрлым ауыр. 

Нұр-Сұлтан әкімдігі қосымша карантиндік шектеулер енгізу туралы шешім қабылдады. Елордада вирус жұқтырған 54 науқастан қосымша тексеріс үшін сынамалар алынған. Талдау қорытындысы бойынша пациенттердің 56%-інде "Дельта" штаммының ықтималдығы анықталды.

 

2994

Суреттер сөйлейді: Андрей Стенин атындағы конкурстың лауреаттары фото

0
Андрей Стениннің құрметіне арналған жас фототілшілер конкурсының халықаралық қазылар алқасы 2021 жылғы лауреаттардың есімдерін атады

Құрамына әлемнің танымал фотографтары мен фотосарапшылары кірген қазылар жеңімпаздарды анықтау үшін жетпіс елден келіп түскен төрт жарым мыңнан астам жұмысты қарап шықты.

Шорт-параққа қатысушылардың қатарында Қытай, Ұлыбритания, Германия, Испания, Греция, Египет, Үндістан,  Түркия және басқа да елдің өкілдері бар. Айта кету керек, осы жылы шорт-параққа Индонезия, Мексика және Канаданың жас фотографтары тұңғыш рет енді.

2021 жылғы конкурс лауреаттарының жұмыстары өткен жылы ақпарат кеңістігінде көп қаралған оқиғалардың тізбегін қалыптастырып тұр. Олардың қатарында Миннеаполистегі мамырдағы наразылықтар, Африка мен Азияда шегіртке қаптауымен байланысты экологиялық апат, ғаламшардағы миллиондаған адамның өмірін жалмаған коронавирус пандемиясы бар.

Оқи отырыңыз: Ғарыштағы медуза және дирижер үйрек: фотобайқау жеңімпаздары - фото

Стенин атындағы Гран-приді кім алатыны және басқа жүлделі орындар кімге бұйыратыны қыркүйекте белгілі болады.

Көктемнің алғашқы айында Андрей Стенин конкурсы жеңімпаздарды stenincontest.ru | stenincontest.com сайтында жариялайды.

Андрей Стенин атындағы халықаралық фотожурналистика конкурсы жас фотографтарға қолдау көрсетуді және заманауи фотожурналистика алдындағы міндеттерге қоғам назарын аударуды мақсат тұтады.

0
  • Ресейлік фотограф Артем Оноприенконың "Менің Ғаламшарым, жалғыз суреттер" санатында Андрей Стенин атындағы конкурстың шорт-парағына енген "Күш-қуат орны" атты жұмысы. Автор бұл суретті Байкалда түсірген. Суретте отты спираль көл бетінен көтеріліп, тұңғиық қара аспанға қарай сіңіп бара жатқаны бейнеленген. "Байкал көлі тек әдемі пейзажымен емес, көптеген құпиясымен де тартымды. Байкалда табиғат "қолынан шыққан" айрықша "күш-қуат" орындары жетерлік", - дейді фотограф.

  • Мексикалық фотограф Elipe Mahe ұсынған "Мария Элена" атты сурет. Ол Андрей Стенин атындағы конкурстың шорт-парағына "Портрет. Біздің заманның батыры, жалғыз сурет" санаты бойынша енді. Феминицид құрбанына айналған Мексикадағы 27 жастағы саксофоншы Мария Элена Риос енді әділдік үшін күресіп жүр. Ол музыканың көмегімен қайта күш жинап, өз күресін жалғастыруға жігерлене түсті. Бұл сурет Мексикадағы "Өлілер күні" деп аталатын мереке кезінде түсірілген.

  • Грек фоторграфы Аггелос Барайдың "20 жастағы босқынды өлтіргеннен кейінгі Лесбос грек аралындағы тәртіпсіздіктер" атты суреті. Бұл жұмыс "Басты жаңалықтар, жалғыз сурет" санатында Андрей Стенин атындағы конкурстың шорт-парағына енді.

  • Канадалық фотограф Омиб Вахабзаденің "Black Lives Matter" атты суреті.

  • Мексикалық фотограф Luis Antonio Rojas туындысы - "Мексикадағы билікті жоғалту" атты сурет Андрей Стенин атындағы конкурстың шорт-парағына "Басты жаңалықтар, топтама" санаты бойынша енді. Бұл сурет Лопес Обрадор 2018 жылдың қыркүйегінде президент қызметіне кірісуінің алдында түсірілген. ОБҚ наркотоптар Мексика аумағының шамамен 20 процентін бақылауда ұстайтынын мәлімдеді. Ал Мексика билігі елдің қандай да бір аумағын өз бақылауынан шығарып алғаны туралы ақпарат жалған екенін айтуда.

  • Мексикалық фотограф Luis Antonio Rojas туындысы - "Мексикадағы билікті жоғалту" атты сурет Андрей Стенин атындағы конкурстың шорт-парағына "Басты жаңалықтар, топтама" санаты бойынша енді. Суретте кішкентай қыз бала өз туған күніндегі фотосессия кезінде Сакатекастың тарихи орталығында жылап отыр. Төрт картель Сакатекас арқылы өтетін фентанил бағдарын бақылауда ұстау үшін таласуда. Ал шағын қылмыстық топтар қарапайым мексикалықтарды тонаумен айналысуда.

  • Үндістаннан қатысқан фотограф Chandan Khanna "Жікке бөліну" атты суреті Андрей Стенин атындағы конкурстың шорт-парағына "Басты жаңалықтар, топтама" санаты бойынша енді. Суретте: адамдар 2020 жылдың 4 маусымында Миннеаполистегі импровизацияланған мемориал алдында жиналып, қарсылық акциясына қатысып тұр. 2020 жылдың 25 мамырында 46 жастағы Джордж Флойд Миннеаполисте полиция қызметкерлерінің қолынан қаза тапты.

  • Конкурстың қазылар алқасы ресейлік фотограф Сергей Бобылевтің "Портрет. Біздің заманымыздың батыры" санатындағы "Біздің заманымыздың тұлғалары" атты жұмысын да жоғары бағалады. Бұл суретте коронавирус жұқтырған науқастарды емдеуге арналған уақытша госпитальде ота жасап жатқан хирург бейнеленген.

  • Түрік фотографы Sebnem Coskun ұсынған "Түрік жүзушісі Нил Сахин" атты сурет. Бұл сурет те "Спорт, жалғыз суреттер" санатында Андрей Стенин атындағы конкурстың шорт-парағына енді.

  • Бангладеш фотографы Muhammad Amdad Hossain Андрей Стенин атындағы конкурсқа "Әсем көздер" атты жұмысын ұсынды. Ол "Портрет. Біздің заманымыздың батыры, жалғыз суреттер" санаты бойынша аталған байқаудың шорт-парағына енді.

  • Ресейлік фотограф Christina Brazhnikova түсірген "Даладағы еркіндік" атты суреті. Бұл туынды "Спорт, топтама" санатында Андрей Стенин атындағы конкурстың шорт-парағына енді.

  • Қытай фотографы Chang XU қолынан шыққан "Шаңғымен көктемге бет алып" атты туындысы. Ол "Менің ғаламшарым, жалғыз суреттер" санатында Андрей Стенин атындағы конкурстың шорт-парағына енді.

  • Азиялық фотограф Абдул Моминнің "Шомылатын уақыт" атты суреті.

  • Қытай фотографы Сяосюй Пудың "Оңтүстік-Қытай теңізіндегі қытай бұрғылаушылары" атты жұмысы.

  • Испаниялық фотограф Луиса Тато ұсынған "Африка шығысындағы шегіртке қаптауы" атты сурет "Менің ғаламшарым, жалғыз сурет" санатында Андрей Стенин атындағы конкурстың шорт-парағына енді. Бір топ қыз Кениядағы Туркан округының Нгамия-Уан, Накукулас аумағында шегіртке қаптаған жолмен жүріп келеді.

Кілт сөздер:
байқау, фото