Қазақстан-Ресей төсбелгісі

Ресей Қазақстанда зауыт салуға 1 миллиард доллар инвестициялайды

3718
2025 жылға қарай Жамбыл облысында минералды тыңайтқыштар өндіретін зауыт салынуы тиіс. Ресейлік инвестиция 1 миллиард долларды құрайды

НҰР-СҰЛТАН, 21 шілде – Sputnik. Қазақстан мен Ресей Жамбыл облысында минералды тыңайтқыштар зауытын салу және пайдалану бойынша "Еврохим" жобасын жүзеге асыру туралы үкіметаралық келісімге қол қойды, деп хабарлады Ресей өнеркәсіп және сауда министрлігі.

Құжатқа Ресейдің өнеркәсіп және сауда министрі Денис Мантуров пен Қазақстанның Ресейдегі елшісі Ермек Көшербаев қол қойды.

Жоба Қазақстанның оңтүстігінде Қаратау фосфорит бассейнінің кен орындарын игеруді және минералды тыңайтқыштар өндіретін жаңа зауыт салуды көздейді.

"Бүгінгі күнге дейін инвестиция көлемі 270 миллион долларды құрады, тағы 600 миллионға жуық инвестиция салынады", - делінген хабарламада.

Министрлік "Еврохим" кен орнын барлау және игеруді бастау, жылына 640 000 тонна фосфорит өндіретін тау-кен кешенін құру және іске қосу бойынша жобаның бірінші кезеңін іске асырып үлгергенін хабарлады.  

Мантуров келісім инвестициялық жобаны іске асырудың жаңа кезеңін ашатынын атап өтті: ол өндірісті кеңейтіп, жылына кем дегенде 1 миллион тонна тыңайтқыш пен өнеркәсіптік өнімдер өндіретін жаңа зауыт құрылысын бастауға мүмкіндік береді.

Зауыт құрылысын 2025 жылға қарай аяқтау жоспарланған. Ресей министрі Қазақстандағы жаңа кәсіпорынға хлорлы калий Ресейден жеткізілетінін айтты.

Оқи отырыңыз: Жамбыл облысында коронавирусқа қарсы вакцина шығарылады 

"Жобада 50 миллион долларға жуық қаржыға ресейлік энергетикалық және тау-кен жабдықтарын пайдалану жоспарланып отыр. Соңғы өнім Қазақстанның ішкі нарығына, сонымен қатар экспортқа – Қытайға, Орталық және Оңтүстік-Шығыс Азияға, Таяу Шығыс елдеріне жеткізіледі", - деп толықтырды Мантуров.  

Маусымда Ресей үкіметі Қазақстанда "Еврохим" жобасын жүзеге асыру туралы үкіметаралық келісім жобасын мақұлдады.  

Құжатқа сәйкес, зауыттың құрылысы салынатын 2019-2024 жылдары жоспарланған инвестициялардың жалпы сомасы 1 миллиард доллардан асады. Жоба өңірде кем дегенде 1,2 мың жұмыс орнын ашуға мүмкіндік береді.

3718
Кілт сөздер:
Жамбыл облысы, инвестиция, зауыт
Тақырып бойынша
Қазақстан мен Өзбекстан арзан автобустар мен жүк көліктері өндірісін іске қосты
Қашаған кен орнында ірі зауыт салынады
 Түркиялықтар Алматы облысында зауыт ашпақ
Қарағанды облысында автобус шығаратын зауыт салынады
Бетперде таққан адамдар

Денсаулық министрі Тоқаевқа карантиннің күшейтілуі туралы айтып берді

753
(Жаңартылды 17:42 22.01.2021)
Президент эпидемиялық ахуалды қатаң бақылауда ұстауды, жаппай вакцина егуге дайындықты тиісті дәрежеде қамтамасыз етуді тапсырды

НҰР-СҰЛТАН, 22 қаңтар — Sputnik. Мемлекет басшысы денсаулық сақтау министрі Алексей Цойды қабылдады, деп хабарлайды Ақорда.

Қасым-Жомарт Тоқаевқа коронавирус індетіне қарсы күрес бойынша Қазақстанда қабылданып жатқан шаралар жөнінде есеп берілді.

Министр мемлекет басшысына өңірлердегі эпидемиялық жағдай туралы, соның ішінде, карантин шараларының күшейтілуі және ұлттық  денсаулық сақтау жүйесінің қолда бар ресурстары жайында мәлімет берді. Цой жұқпалы аурулар стационарларындағы дертке шалдыққан адамдар жататын орындардың 33 процентке, жансақтау бөлімдерінде бұл көрсеткіш 21 процентке толғанын айтты.  

Денсаулық министрі COVID-19 жұқтырғандар санының көбеюіне қарамастан, еліміздегі ахуалдың бақылауда тұрғанын және медициналық қызметтің азаматтарға қажетті көмек көрсетуге дайын екенін атап өтті.  

Ол елімізде адамдардың коронавирустан қайтыс болу деңгейі былтырғы шілде айымен салыстырғанда 4 есе төмендегенін жеткізді.

Қасым-Жомарт Тоқаев Алексей Цойға эпидемиялық ахуалды қатаң бақылауда ұстауды, халықты уақытылы әрі толық құлақтандыру жұмыстарын сапалы ұйымдастыруды тапсырды. Сондай-ақ, жаппай вакцина егуге дайындықты тиісті дәрежеде қамтамасыз етуді жүктеді.

Дүниежүзілік денсаулық сақтау ұйымының ақпаратына сәйкес, 1 миллион адамға шаққандағы індетке шалдыққандардың саны бойынша Қазақстан 221 мемлекеттің ішінде 109-орында тұр. Ал өткізілген тест сынамаларының саны бойынша 67-ші, өлім-жітім бойынша 94-ші, COVID-19 індетінен жазылып шыққандар саны бойынша 48-ші, дерттің ауыр тиюі тұрғысынан 50-орында.

753
Тақырып:
Коронавирус эпидемиясы
Ақша, теңге

Өткен жылы Қазақстанда жемқорлық жасағаны үшін қанша адам сотталды

6
(Жаңартылды 17:14 22.01.2021)
Агенттік бір адамға қатысты бірнеше қосымша жазалау шаралары қолданылуы мүмкін екенін ескертіп отыр

НҰР-СҰЛТАН, 22 қаңтар – Sputnik. Сыбайлас жемқорлыққа қарсы іс-қимыл агенттігі 2020 жылы жемқорлық үшін сотталған лауазымды тұлғалардың статистикасын жариялады, деп хабарлайды Sputnik Қазақстан тілшісі. 

Агенттіктің аса маңызды істер жөніндегі тергеушісі Данияр Биғайдаровтың айтуынша, 2020 жылы мыңнан астам адам сотталған. 

Соның ішінде 334 - пара алғаны үшін, 256 - пара бергені үшін, 146 - алаяқтық үшін, 98 - ұрлық үшін, 120 - лауазымдық өкілеттігін теріс пайдаланғаны үшін, 26 - парақорлыққа делдал болғаны үшін және тағы басқа. 

"299 адам бас бостандығынан айырылды, 142 адамның бас бостандығы шектелді, 575 адамға бірнеше еселік айыппұл салынса, қалғандары шартты мерзімге немесе кейінге қалдыру жазасына кесілді", - деді ол брифингте.

Сондай-ақ, 1 268 адамға қатысты қосымша жазалау шаралары қолданылған. 

  • 963 адам белгілі бір лауазымды атқару немесе белгілі бір қызметпен айналысу құқығынан айырылды;
  • 279 адам - арнаулы, әскери немесе құрметті атағынан, сыныптық шенінен, дипломатиялық дәрежесінен, біліктілік сыныбынан және мемлекеттік наградаларынан айырылды; 
  • 26 адам мүлкі тәркіленіп сотталды.

Агенттік бір адамға қатысты бірнеше қосымша жазалау шаралары қолданылуы мүмкін екенін ескертті.

 

6
Кілт сөздер:
жемқорлық, Қазақстан
Тақырып бойынша
Кешірім сұрады: мерзімінен бұрын бостандыққа шыққан жемқор басшылар кімдер?
Қазақстандық шенеунік қызметке тағайындау үшін 2 млн теңге пара алды
Шенеуніктерді жемқор деп айыптаған кәсіпкердің өз қылмысы әшкере болды
Пара бергендер төлейтін айыппұл мөлшері артты
Қазақстанда генерал-майор 200 мың теңге пара үшін бес жылға сотталды
Сот отырысы, архивтегі сурет

Жарамсыз әуе айлағын 240 миллион теңгеге сатып алған экс-әкімге сот үкімі шықты

0
2020 жылдың қарашасында Павлодар облысы Баянауыл ауданының бұрынғы әкімі сыбайлас жемқорлық жасады деген күдікке ілінді

НҰР-СҰЛТАН, 22 қаңтар – Sputnik. Павлодар облысы Баянауыл ауданының бұрынғы әкімі Оразгелді Қайыргелдинов үш жарым жылға бас бостандығын шектеу жазасына кесілді, деп хабарлайды Sputnik Қазақстан тілшісі.

Бұл туралы сыбайлас жемқорлыққа қарсы іс-қимыл агенттігінде өткен брифингте айтылды.

"2021 жылы 18 қаңтарда Баянауыл аудандық сотының үкімімен ауданның бұрынғы әкімі Қайыргелдинов 3 жыл 6 ай мерзімге бас бостандығын шектеуге сотталды", – деді агенттіктің аса маңызды істер жөніндегі тергеушісі Данияр Биғайдаров.

Қайыргелдинов лауазымдық өкілеттігін теріс пайдаланды деп айыпталды.

Экс-әкім Баянауыл ауданының коммуналдық меншігіне кәсіпкерден пайдалануға жарамсыз әуе айлағын заңсыз сатып алған.

Осылайша мемлекетке 240 миллион теңге сомасында шығын келтірді.

Оқи отырыңыз: Тоңазытқыштағы нәресте өлімі: сот залында шу шықты – видео

Еске салсақ, 2020 жылдың қарашасында Павлодар облысы Баянауыл ауданының бұрынғы әкімі Оразгелді Қайыргелдинов сыбайлас жемқорлық жасады деген күдікке ілінді.

Оған қатысты қамауға алу түрінде бұлтартпау шарасы таңдалған еді.

Оразгелді Қайыргелдинов Баянауыл әкімі қызметін 2016 жылдан 2019 жылға дейін атқарды.

0
Кілт сөздер:
экс-әкім, сот үкімі
Тақырып бойынша
Екі судья мен полицейге қатысты тергеу басталғаны хабарланды
Риддердегі атышулы жол апаты: әкім орынбасары сот алдына келеді
Түркістан облысында әкім орынбасарын атып кеткендер сот залынан босатылды
Баянауыл туристерді қабылдай ма – бақылау тобының қорытындысы жарияланды
3 миллионға әжетхана салған экс-әкім ірі көлемде айыппұл төлейтін болды