Полиция майоры Бақытжан Бәкіров

Он үшінші қабаттан секірген полицейдің ерлігі Тоқаевтың назарына ілікті

3433
(Жаңартылды 11:15 27.07.2020)
Мемлекет басшысы қылмыскердің соңынан 13-қабаттың терезесінен секірген ержүрек полицейді марапаттады

АЛМАТЫ, 27 шілде – Sputnik. Қазақстан президенті Қасым-Жомарт Тоқаев Алматыда педофилді ұстаған полиция майоры Бақытжан Бәкіровті ІІ дәрежелі "Айбын" орденімен марапаттау туралы жарлыққа қол қойды. Бұл жайында Polisia.kz порталы хабарлады.

"Қызметтік борышын орындау кезінде көрсеткен ерлігі мен жанқиярлығы үшін ішкі істер министрлігі Алматы қаласы полиция департаменті Түрксіб аудандық полиция басқармасының жедел уәкілі Бақытжан Әнуарбекұлы Бәкіров II дәрежелі "Айбын" орденімен марапатталсын", - делінген президент жарлығында.

Айта кетейік, полиция майоры Бақытжан Бәкіров қашып кетпек болған қылмыскердің соңынан 13-қабаттың терезесінен секірген еді. Екі қабаттан төмендеу жердегі алаңқайға түскен құқық қорғау органының қызметкері аяғын жарақаттап алған болатын.

Соған қарамастан, ол қылмыскердің қолын бұрап, қасындағы әріптесі келгенше жібермей ұстап отырған. Ұсталған күдікті кәмелетке толмаған жасөспірімді тонау және зорлау фактісі бойынша айыпталып жатыр. Алматы қаласының полициясы оны төрт күн бойы іздестіріп келген.

Оқи отырыңыз: Тоқаев қызметтік борышын атқару кезінде қаза болған полицейді марапаттады

Қылмыс 11 шілдеде жеке сектордағы үйде жасалған. Түскі уақытта күдікті Покровская көшесіндегі үйлердің біріне кірген. Сол сәтте үйде екі бала болды: төрт жасар бала және оның 15 жастағы әпкесі. Қаскөй пышақпен қорқытып, 17 мың долларды иемденіп, содан кейін қызды қорлаған.

Бұған дейін Бәкіровті осы әрекеті үшін ішкі істер министрі Ерлан Тұрғымбаев "Құқық тәртібін қамтамасыз етуде қосқан үлесі үшін" медалімен марапаттады. Медальді Алматы қалалық полиция департаментінің бастығы Қанат Таймерденов табыстады.

Полиция майоры Бақытжан Бәкіровтің аяғына үш рет операция жасалды. Дәрігерлер оны көп ұзамай жұмысқа оралатынын айтты. Бақытжан Бәкіров – жұбайымен бірге алты бала тәрбиелеп отырған көп балалы әке.

3433
Кілт сөздер:
орден, Қасым-Жомарт Тоқаев
Тақырып бойынша
"Бала-шағам жейтін тамақ жоқ" дейді": полицейлер карантиндегі жұмысы туралы айтты
"Ондай сәтте ештеңе ойламайсың". Үш мәрте ерлік жасаған жас полицей нені армандайды?
"Бас иеміз" Дариға Назарбаева қаза болған полицейдің отбасына көңіл айтты
Модульді инфекциялық аурухана

Бір тәулікте коронавирус пен пневмониядан сегіз адам қайтыс болды

26
24 қаңтардағы мәлімет бойынша, республика бойынша 26 736 адам короновирус инфекциясынан емделіп жатыр

НҰР-СҰЛТАН, 24 қаңтар – Sputnik. Денсаулық сақтау министрлігі коронавирус пен пневмониядан қайтыс болғандардың статистикасын жариялады, деп хабарлайды Sputnik Қазақстан.

Өткен тәулікте коронавирустан алты, пневмониядан екі адам көз жұмды.

Сондай-ақ, бір тәулікте 1584 адам вирус жұқтырса, 110 адам пневмонияға шалдықты.

24 қаңтардағы мәлімет бойынша,  26 736 адам короновирус инфекциясынан (15 016 КВИ+ және 11 720 КВИ-) емделуде, олардың ішінде 6 753 пациент стационарда, 19 983 науқас амбулаториялық деңгейде ем қабылдап жатыр.

Тағы оқыңыз: Қазақстанда коронавирус жұқтырғандар көбейіп барады

Науқастардың арасында 291 адамның жағдайы ауыр, соның ішінде 50 пациент – хәл үстінде, 43 науқас жасанды тыныс алдырту аппаратына қосылған.

26
Кілт сөздер:
науқастар, коронавирус
Тақырып:
Коронавирус эпидемиясы
Қорғаныш костюмін киген дәрігерлер

Қазақстанда коронавирус жұқтырғандар көбейіп барады

1346
Індетке шалдыққандардың дені Нұр-Сұлтан қаласы, Ақмола, Павлодар және Қостанай облыстарында тіркелді

НҰР-СҰЛТАН, 24 қаңтар – Sputnik. Қазақстанда өткен тәулікте 1 584 адамнан коронавирус инфекциясы табылды, деп хабарлайды COVID-19 таралуына жол бермеу жөніндегі ведомствоаралық комиссия.

23 қаңтарда республика бойынша 1 584 адамда коронавирусқа тапсырған ПТР тест оң нәтиже көрсетті.

Оның ішінде:

  • Нұр-Сұлтан қаласында – 21274 (+229),
  • Алматы қаласында – 21141 (+131),
  • Шығыс Қазақстан облысында – 19804 (+42),
  • Атырау облысында – 15497 (+96),
  • Қарағанды облысында – 13226 (+82),
  • Павлодар облысында – 11695 (+220),
  • Батыс Қазақстан облысында – 10304 (+84),
  • Солтүстік Қазақстан облысында – 10107 (+113),
  • Қостанай облысында – 9350 (+177),
  • Ақмола облысында – 9299 (+237),
  • Алматы облысында – 8712 (+92),
  • Шымкент қаласында – 5787 (+8),
  • Жамбыл облысында – 5408 (+20),
  • Түркістан облысында – 3986 (+16),
  • Маңғыстау облысында – 3960 (+11),
  • Ақтөбе облысында – 3889 (+10),
  • Қызылорда облысында – 3535 (+16).

Пандемия басталғалы коронавирус инфекциясын жұқтырғандар саны 176 974 адамға жетті.

1346
Кілт сөздер:
коронавирус
Тақырып:
Коронавирус эпидемиясы
Тақырып бойынша
Полиция үш ай бойы коронавирустан "жасырынған" ер адамды ұстады
Коронавирустан қайтыс болғандардың рекордтық көрсеткіші тіркелді - ДДҰ
Коронавирусқа қарсы жаңа вакцина жайлы не білеміз
Қазақстанда бір аптада 54 адам коронавирустан қайтыс болды
Лом ұстаған адам, иллюстративті сурет

Қыз үшін атысқан: Нұр-Сұлтан тұрғындары түн ортасында шошып оянды

0
Төбелеске қатысқандардың барлығы ұсталып, "Байқоңыр" ауданының полиция басқармасына жеткізілді, тергеу басталды

НҰР-СҰЛТАН, 24 қаңтар – Sputnik. Нұр-Сұлтанда жексенбіге қараған түні жас жігіттер бойжеткен үшін төбелесіп, бір-біріне оқ атты. Тәртіп сақшылары барлық күдіктіні ұстап, полиция басқармасына жеткізді, деп хабарлайды Sputnik Қазақстан.

Түнгі атыс жайлы елорда тұрғыны Facebook-те жазды.

"Бірінен соң бірі атылған оқтың даусы естілді, терезеден қарасам, жаппай төбелес болып жатыр. Жаралылар қансырап жерде жатыр. Бір топ адам Сембинов көшесіне қарай қашып кетті. Мен полиция мен жедел жәрдем шақырдым. Бірақ, бір минуттан кейін жаралыларды көлікке салып алып кетті", - дейді Эльмира Баекешева.

Қалалық полиция департаменті бұл оқиғаға қатысты түсініктеме берді. Полицейлер жігіттердің қыз үшін төбелескенін анықтаған.

"24 қаңтарда 102 пультіне сағат 01.09-да қалалық ауруханаға оқ жарақатымен 19 және 23 жастағы екі ер адам түскені жайлы хабарлама келді. Белгілі болғандай, бұрынғы таныстар арасында қыз үшін төбелес шыққан", - деді полиция департаментінің баспасөз қызметінен.

Қазір жанжалдасқан адамдардың барлығы ұсталып, "Байқоңыр" ауданының полиция басқармасына жеткізілді. Аталған факті бойынша қылмыстық іс қозғалды, тергеу жүріп жатыр.

0
Кілт сөздер:
жаппай төбелес, Нұр-Сұлтан