НҰР-СҰЛТАН, 27 шілде – Sputnik. Алматы облысы Талғар ауданының әкімі Жолан Омаров 41 жасында пневмониядан көз жұмды.
"Бүгін таңертең Талғар ауданының әкімі Жолан Омаров пневмониядан қайтыс болды", - деп хабарлады әкімдіктің ресми сайты.
Оның артында жары мен төрт баласы қалды.
Талғар аудандық әкімдігі марқұмның отбасы мен жақындарына көңіл айтады.
Жолан Ыбырайахынұлы 1979 жылы 7 шілдеде Алматы облысы Жамбыл ауданы Беріктас ауылында дүниеге келген.
Тағы оқыңыз: Түркістан облысы әкімінің орынбасары қайтыс болды
Әл-Фараби атындағы Қазақ мемлекеттік ұлттық университеті, Қазақ ұлттық аграрлық университетін тәмамдады.
Еңбек жолын Алматы облысы Ұзынағаш ауылында "КИРЗАВОД-1" ЖШС атқарушы директоры болып бастады.
Әртүрлі жылдары Алматы облыстық жер қатынастары басқармасында, Алматы облыстық туризм басқармасында жұмыс істеді. Алматы облысының жер қатынастары басқармасын басқарды.
2017-2019 жылдар аралығында Алматы облысы Райымбек ауданының әкімі болды.
2019 жылдың қыркүйегінен Талғар ауданының әкімі қызметін атқарды.
