Еңбек министрлігі төлемдерге қатысты ақпарат берді
(Жаңартылды 14:49 31.07.2020)
Денсаулық министрлігі коронавирус пен пневмония жұқтырған медицина қызметкерлеріне төлем жасауға өтініш берді. Алайда қайтыс болған қызметкерлердің отбасына өтемақы төлеуге қатысты құжаттар Еңбек министрлігіне жолданбағанНҰР-СҰЛТАН, 31 шілде – Sputnik. Мемлекеттік міндетті әлеуметтік сақтандыру қорына коронавирустан көз жұмған медицина қызметкерлерінің отбасына өтемақы төлеу туралы өтініш түскен жоқ. Бұл туралы Еңбек және халықты әлеуметтік қорғау министрлігі хабарлады.
Қор денсаулық министрлігінен тиісті өтініш түссе, індетпен күресіп жүрген медицина қызметкерлеріне және вирус салдарынан көз жұмғандардың отбасына біржолғы әлеуметтік төлем жасауға дайын екені айтылды.
"31 шілде сағат 10:00-дегі жағдай бойынша денсаулық министрлігінен COVID-19 немесе вирустық пневмония жұқтырған медицина қызметкерлеріне төлем жасау бойынша 123 өтініш түсті. Алматыдан - 46, Алматы облысынан - 38 және Солтүстік Қазақстан облысынан 10 өтініш. Бұл өтініштер бойынша 2 миллион теңге мөлшеріндегі төлем жасалды", - делінген хабарламада.
Өтемақы мөлшері қандай
Барлық өтемақы мемлекеттік сақтандыру қорнынан төленеді. Атап айтқанда, медицина маманы COVID-19 коронавирустық инфекциясын жұқтырған немесе вирустық пневмонияға шалдыққан жағдайда 2 миллион теңге мөлшерінде өтемақы төленеді. Ал осы аурулардан қайтыс болса, оның отбасы мүшелеріне 10 миллион теңге беріледі.
Өтініш қалай беріледі
Комиссия үш жұмыс күні ішінде отбасы мүшелеріне қайтыс болу туралы куәліктің көшірмесін береді және өтініш беру қажеттігін хабарлайды. Ал коронавирустан немесе вирустық пневмониядан жазылып шыққан медицина маманы өтінішті өзі береді. Оны облыстың, республикалық маңызы бар қаланың және астананың денсаулық сақтауды мемлекеттік басқарудың жергілікті органына тапсырады.
Комиссия қайтыс болу туралы куәлікті алғаннан кейін коронавирустан немесе вирустық пневмониядан қайтыс болған қызметкердің отбасы мүшелерінің тізімін жасайды. Оны денсаулық сақтауды мемлекеттік басқарудың жергілікті органдары немесе Тауарлар және көрсетілетін қызметтердің сапасы мен қауіпсіздігін бақылау комитеті Мемлекеттік корпорацияның бөлімшесіне жібереді.
Кілт сөздер:
Тақырып:
Бір тәулікте коронавирус пен пневмониядан сегіз адам қайтыс болды
НҰР-СҰЛТАН, 24 қаңтар – Sputnik. Денсаулық сақтау министрлігі коронавирус пен пневмониядан қайтыс болғандардың статистикасын жариялады, деп хабарлайды Sputnik Қазақстан.
Өткен тәулікте коронавирустан алты, пневмониядан екі адам көз жұмды.
Сондай-ақ, бір тәулікте 1584 адам вирус жұқтырса, 110 адам пневмонияға шалдықты.
24 қаңтардағы мәлімет бойынша, 26 736 адам короновирус инфекциясынан (15 016 КВИ+ және 11 720 КВИ-) емделуде, олардың ішінде 6 753 пациент стационарда, 19 983 науқас амбулаториялық деңгейде ем қабылдап жатыр.
Тағы оқыңыз: Қазақстанда коронавирус жұқтырғандар көбейіп барады
Науқастардың арасында 291 адамның жағдайы ауыр, соның ішінде 50 пациент – хәл үстінде, 43 науқас жасанды тыныс алдырту аппаратына қосылған.
Кілт сөздер:
Тақырып:
Қазақстанда коронавирус жұқтырғандар көбейіп барады
НҰР-СҰЛТАН, 24 қаңтар – Sputnik. Қазақстанда өткен тәулікте 1 584 адамнан коронавирус инфекциясы табылды, деп хабарлайды COVID-19 таралуына жол бермеу жөніндегі ведомствоаралық комиссия.
23 қаңтарда республика бойынша 1 584 адамда коронавирусқа тапсырған ПТР тест оң нәтиже көрсетті.
Оның ішінде:
- Нұр-Сұлтан қаласында – 21274 (+229),
- Алматы қаласында – 21141 (+131),
- Шығыс Қазақстан облысында – 19804 (+42),
- Атырау облысында – 15497 (+96),
- Қарағанды облысында – 13226 (+82),
- Павлодар облысында – 11695 (+220),
- Батыс Қазақстан облысында – 10304 (+84),
- Солтүстік Қазақстан облысында – 10107 (+113),
- Қостанай облысында – 9350 (+177),
- Ақмола облысында – 9299 (+237),
- Алматы облысында – 8712 (+92),
- Шымкент қаласында – 5787 (+8),
- Жамбыл облысында – 5408 (+20),
- Түркістан облысында – 3986 (+16),
- Маңғыстау облысында – 3960 (+11),
- Ақтөбе облысында – 3889 (+10),
- Қызылорда облысында – 3535 (+16).
Пандемия басталғалы коронавирус инфекциясын жұқтырғандар саны 176 974 адамға жетті.
Кілт сөздер:
Тақырып:
Қазақстандық спортшы жол апатынан көз жұмды
НҰР-СҰЛТАН, 24 қаңтар – Sputnik. Қазақстандық шаңғышы, әлем чемпионатының қола жүлдегері Николай Чеботько 38 жасында көз жұмды, деп хабарлайды Olympic.kz.
Спортшы 24 қаңтарға қараған түні Бурабай кенті маңында (Ақмола облысы) жол апатынан көз жұмды.
"Қазақстан Ұлттық Олимпиада комитеті барлық спорттық қауымдастық атынан спортшының жақындары мен туыстарына қайғыра көңіл айтады. Николай Чеботько талантты шаңғышы, олимпиадашы және жарқын жүзді адам ретінде мәңгі жүрегімізде сақталады", -делінген хабарламада.
Николай Чеботько 1982 жылы 29 қазанда Щучьеде туған.
Шаңғы спортынан 2013 жылғы әлем чемпионатының қола жүлдегері, төрт бірдей Олимпиада ойындарына қатысқан спортшы, Қазақстан Республикасына еңбек сіңірген спорт шебері.
Тағы оқыңыз: Атырауда танымал спортшыны өлтіріп кетті
Үлкен спорттағы ең ірі жетістігіне Чеботько 2013 жылы қол жеткізді. Ол сол жылы Валь-де-Фьеммеде өткен әлем чемпионатында командалық спринт бойынша үздік үштікке енді.
Сондай-ақ, спортшы Азия ойындарында үш алтын, төрт күміс және екі қола медаль жеңіп алған.
Әлем кубогі кезеңдерінде 2001 жылдан бастап сынға түсті. 2012 жылы Квебектегі әлем кубогі кезеңінде Денис Волоткамен бірге тарихи алтын жүлде иеленген. Ол бірнеше рет ел чемпионатында көзге түсіп, өмірінің соңына дейін шаңғы жарыстарында бақ сынады.