Компьютер алдында отырған адам, архивтегі сурет

"Өлесің деп қорқытқан": Қостанайда желі арқылы баланы бопсалаған алаяқ ұсталды

407
Полицейлер ата-ана мен бала арасында сенімді қарым-қатынас орнатудың маңызы зор екенін айтады

АЛМАТЫ, 11 тамыз – Sputnik. Қостанайда кәмелет жасқа толмаған бала алаяқтардың бопсалауынан зардап шекті. Анасы 12 жастағы баласының "ВКонтакте" желісінде алдаудың құрбаны болғанын айтып, полицияға арызданған, деп хабарлайды өңірлік "Алау" басылымы.

"Алаяқ ұлымды "егер ақша аудармасаң, отбасыңды құртамын, өзің де өлесің" деп қорқытқан және бұл жайлы ешкімге тіс жармауды қатаң ескерткен. Қысымға ұшыраған ұлым 2 300 рубльді (13 064 теңге) Киви әмиянға аударып, тіпті ол туралы маған айтуға да қорыққан", - дейді қостанайлық әйел.

Алайда, алаяқ мұнымен тоқтамай, баламен қайта байланысқа шығып, ақша талап еткен.

"Бұл жолы ол 10 000 рубль аударуды талап еткенде, ұлым мән-жайды айтып берді. Бірден полицияға арыз жаздым. Мамыр айында болған оқиғаға күдікті бопсалаушы жақында ғана табылғанын хабарлады",- дейді жәбірленушінің анасы.

Облыстық полиция департаментінің баспасөз қызметі бұл фактіні растап отыр. Қазіргі кезде аталған іс "алаяқтық" бабы бойынша тіркеліп, сотқа дейінгі тергеу жалғасып жатыр.

Полицейлер баланы бақылауда ұстау керектігін айтады

Полицейлердің хабарлауынша, пандемия кезінде интернетпен байланысты қылмыс саны өскен. Жыл басынан бері интернет-алаяқтық бойынша 500-ден астам жағдай тіркелген. Ал өткен жылы дәл осындай уақытта 300-ге жуық қылмыстық іс тіркелген.

"Сеніп қалатын, аңғал азаматтар аз емес. Алаяқтар азаматтардан ұсақ тауарларды сатып алудан бастап, шотынан ақша шешіп алуға дейін алдайды. Сонымен қатар олар интернет арқылы сенімге кіріп, кәмелетке толмағандардан ақша алатын фактілер де бар. Ата-аналар баласы қолданатын желілерді мұқият бақылап, олардың әңгімесінен де хабардар болып жүруі тиіс", - дейді полицейлер.

Оқи отырыңыз: Түркістан облысында жүкті әйел жиырмаға жуық тұрғынды алдаған

Сондай-ақ, олар ата-ана мен бала арасында сенімді қарым-қатынас орнатудың маңызы зор екенін атап өтті.

407
Кілт сөздер:
балалар, Қостанай облысы, ақша бопсалау
Тақырып бойынша
Жесір әйелдермен ғана жұмыс істеген шымкенттік алаяқтың әрекеті әшкере болды
"Сыйлық аласыз": Тоқаевтың атынан жарияланған ұтыс туралы айтылды
Полиция Түркістан облысы тұрғынының заңсыз әрекетін әшкереледі
Зейнеткермен ер адам ретінде танысқан елорда тұрғыны әйел болып шықты
Трансгендерді зорлады деп айыпталған ҰҚК қызметкері сотталып жатыр
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

94
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

94
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

46
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

46
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1228
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1228
Кілт сөздер:
Қазгидромет, ауа райы