Алматы облысының бас дәрігері Ерғали Сыдыманов

Басы дауға қалған Алматы облысының бас дәрігері кешірім сұрады

1819
(Жаңартылды 13:10 14.08.2020)
Ерғали Сыдыманов адамдармен "қарапайым тілде" сөйлесіп, ешкімді ренжіткісі келмегенін айтады. Енді ол басшылықтың кез келген шешімін қабылдауға дайын

АЛМАТЫ, 14 тамыз – Sputnik. Алматы облысының бас санитар дәрігері қызметіне екі күн бұрын тағайындалған Ерғали Сыдыманов дөрекілігіне шағымданған кәсіпкерлерден кешірім сұрады. 

Посмотреть эту публикацию в Instagram

Публикация от Nur Kanatuly (@nur.kanatuly.kz)

Видеоны Талдықорған әкімінің баспасөз хатшысы Нұр Қанатұлы Instagram парақшасында жариялады.

"Адамдармен қарапайым тілде сөйлесіп, түсіндіргім келді. Бірақ, оның бәрі басқаша болып шықты. Егер мен шын мәнінде бір нәрсені бұзсам, онда ренжіткен адамдардан, елден кешірім сұраймын. Менің жаман ойым болған жоқ. Менікі қате болды. Жауапкершілік арқалауға дайынмын", - деді Ерғали Сыдыманов видеода.

Ол денсаулық сақтау министрлігіне түсініктеме жібергенін және оны мемлекеттік қызмет істері агенттігіне шақырғанын, ол жерде де түсініктеме бергенін айтты.

Сыдыманов кәсіпкерлерге не деді?

Бас санитар дәрігер кәсіпкерлермен әңгімелесу барысында сауда үйлерін, азық-түлік сатпайтын базарлар мен автокөлік бөлшектерін сататын дүкендерді ашу туралы өтінішке дөрекі жауап берген.

"Мен саған қызмет етпеймін. Бала-шағаны асырау керек, кредит бар екенін түсінемін. Болды, басымды қатырмаңдар. Сен неге түсіріп тұрсың, содан кейін осындайлардың кесірінен бәрі басталады", - дейді Сыдыманов.

Шенеуніктің сөйлеген сөзі адамдардың наразылығын тудырды.

Оқи отырыңыз: Министр Цой бас санитар дәрігердің сөйлеген сөзіне ашуланды – видео

Айта кетейік, Ерғали Сыдыманов 12 тамыздан бастап Алматы облысының тауарлар мен қызметтердің қауіпсіздігі және бақылау басқармасының басшысы болып қайта тағайындалды. Ал оған дейін бұл лауазымды шілде айында коронавирус инфекциясынан қайтыс болған Қайрат Баймұхамбетов атқарған.

1819
Кілт сөздер:
шенеунік, карантин
Тақырып:
Төтенше жағдай және карантин (706)
Тақырып бойынша
Талдықорғанда 40-қа тарта кәсіпкер билікке талап қойды
"Кабинетке кірсем, ішкиіммен отыр": Есікте медбикелер басшының үстінен арызданды
COVID-19: Бекшин қандай науқастар ең қауіпті екенін айтты
"Жеке пікірі ме?": Перуашев кімдердің жұмысына көңілі толмай отырғанын айтты
Нұр-Сұлтанда мейрамханалар карантин кезінде жұмыс істеген
коронавирус, медбике

Ғалым коронавирус инфекциясын неге барлық адам жұқтырмайтынын түсіндірді

1379
"Қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтыны анықталды

НҰР-СҰЛТАН, 29 қараша – Sputnik. Коронавирустан қорғануға тек антиденелер ғана көмектеспейді, деп мәлімдеді микробиолог Сергей Иванов "МК" газетіне берген сұхбатында.

Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.

"Осындай жағдайлар болды. Олардың ағзасы бұл коронавирусты қабылдамайды", - деді Иванов.

Пастер атындағы эпидемиология және микробиология институтының ғалымдары осындай қорытындыға келген.

"Ғалымдар "қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған", - дейді маман.

Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.

1379
Кілт сөздер:
ғалым, коронавирус
аурухана, коронавирус

Денсаулық министрлігі өткен тәулікте қанша адамның қайтыс болғанын жариялады

2300
(Жаңартылды 11:36 29.11.2020)
Қазіргі уақытта коронавирустық инфекциядан 12 651 адам ем қабылдауды жалғастыруда, оның ішінде 214 адамның жағдайы нашар

НҰР-СҰЛТАН, 29 қараша – Sputnik. Өткен тәулікте коронавирус пен пневмониядан 10 адам қайтыс болды, деп хабарлады денсаулық сақтау министрлігі.

Коронавирус инфекциясынан жеті адам, коронавирустық пневмониядан үш адам көз жұмған.

"Қазіргі уақытта коронавирустық инфекциядан 12 651 адам ем қабылдауды жалғастыруда. Олардың арасында 895 бала бар. Стационарларда 3 392 науқас жатыр.  9 259 адам амбулаториялық жағдайда емделуде", - деп хабарлады министрлік.

Науқастардың арасында 214 адамның ахуалы нашар. Соның ішінде 32 науқастың жағдайы аса ауыр деп бағалануда. 32 адам жасанды тыныс алдыру аппаратына қосылған.

Өткен тәулікте 826 адамның коронавирус инфекциясын жұқтырғаны расталды.

Жалпы, елімізде коронавирус жұқтырғандар саны 130 865 адамға жетті.

Оның ішінде:

  • Шығыс Қазақстан облысында - 16191 (+135),
  • Алматы қаласында - 16033(+73),
  • Нұр-Сұлтан қаласында -15989(+83),
  • Атырау облысында - 11616(+18),
  • Қарағанды облысында - 11077(+25),
  • Батыс Қазақстан облысында - 7994(+39),
  • Солтүстік Қазақстан облысында - 6291(+105),
  • Павлодар облысында - 6254(+120),
  • Алматы облысында - 5682(+33),
  • Шымкент қаласында -5361(+6),
  • Қостанай облысында - 5212(+85),
  • Ақмола облысында - 5072(+86),
  • Жамбыл облысында - 4411(+14),
  • Ақтөбе облысында -3481(+1),
  • Түркістан облысында - 3477(+2),
  • Маңғыстау облысында - 3434(+0),
  • Қызылорда облысында -3290(+1).
2300
Алматы көрінісі

Қазақстанда 30 қарашада қандай маңызды оқиғалар болады

0
Sputnik Қазақстан 30 қараша мен 12 желтоқсан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

30 ҚАРАШАҒА ЖОСПАРЛАНҒАН ШАРАЛАР

14.00 - Қазақстандық заңгерлер мамандықтардың монополиялануынан қауіптеніп отыр. Осы мәселеге арналған баспасөз мәслихаты өтеді (трансляция Facebook парақшасында жүргізіледі. Байланыс телефоны: +7 701 749 02 00).

14:30 - Әділет министрі Марат Бекетаевтың Орталық коммуникациялар қызметінің алаңында өтетін Қазақстан президентінің жолдауын іске асыру барысы туралы брифингі.

15:00 - Нұр-Сұлтандағы Sputnik Қазақстан мультимедиялық баспасөз орталығында COVID-19-ға қарсы күрес бойынша ең үздік цифрлық шешімдерге арналған ЕДБ қоры байқауының қорытындысы бойынша Мәскеу – Ереван – Минск – Нұр-Сұлтан видео-көпірі. Спикер – Еуразия даму банкі (ЕДБ) басқарма төрағасының орынбасары Тигран Саркисян. Видеокөпірдің трансляциясы 30 қарашада Sputnik.kz сайтында және Facebook парақшасында өтеді. БАҚ өкілдерін онлайн-кездесуге қатысуға шақырамыз, сұрақтарды a.nurgazinova@sputniknews.com мекенжайына жіберуге болады.

1 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

17.00 – "Астана Опера" театрының опера солистері мен аспаптық музыканттарының қатысуымен "Ел тірегі - Елбасы!" мерекелік концерті өтеді (Қонаев көшесі, 1)

2 ЖЕЛТОҚСАНҒА ЖОСПАРЛАНҒАН ШАРАЛАР

Алматы

19.00 – "Париж аспаны астында" концерті: барлық уақыттағы француз музыкасының жауһарлары (Жамбыл атындағы филармонияның үлкен залы, Қалдаяқов көшесі, 35)

3 ЖЕЛТОҚСАНҒА ЖОСПАРЛАНҒАН ШАРАЛАР

11.00 - 13.00 – "Әділ сөз" қоры журналистер мен блогерлерге үшін вебинар өткізеді. Онда сіз қандай жағдайда теріске шығару туралы талап заңсыз болып есептелетінін; сотқа дейінгі талапқа жауап беру қажет пе; сот процесінде қандай дәлелдер қажет; "моральдық шығын" дегеніміз не және ол сотта қалай дәлелденетінін білесіз. Қатысқысы келетіндер бұл туралы алдымен +7 727 313 1473, 8 707 700 1322 телефондары немесе info@adilsoz.kz поштасы арқылы хабарлап, байланыс мәліметтерін қалдыруы керек.

4 ЖЕЛТОҚСАНҒА ЖОСПАРЛАНҒАН ШАРАЛАР

11.00 - 13.00 – "Әділ сөз" қоры журналистер мен блогерлерге үшін вебинар өткізеді. Онда сіз қандай жағдайда теріске шығару туралы талап заңсыз болып есептелетінін; сотқа дейінгі талапқа жауап беру қажет пе; сот процесінде қандай дәлелдер қажет; "моральдық шығын" дегеніміз не және ол сотта қалай дәлелденетінін білесіз. Қатысқысы келетіндер бұл туралы алдымен +7 727 313 1473, 8 707 700 1322 телефондары немесе info@adilsoz.kz поштасы арқылы хабарлап, байланыс мәліметтерін қалдыруы керек.

9 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

19.00 - " Ғажайып сол сәт әлі есте..."концерті.  "Астана Опера" театры ресейлік және шетелдік композиторлардың вокалды миниатюралары шырқалатын "Романс тарихы" жаңа топтамасын ұсынады (Қонаева көшесі, 1)  

12 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

18.00 – "Күлбике" балеті, "Астана Балет" театры (Ұлы Дала даңғылы, 9)  

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0