Қазақстандықтар ЕАЭО-дағы ең бақытты халық атанды

Қазақстандықтар ЕАЭО-дағы ең бақытты халық атанды әлемдік рейтинг 

361
(Жаңартылды 11:22 17.08.2020)
Биыл әлемдік рейтингтің алғашқы ондығына Финляндия, Дания, Швейцария, Исландия, Норвегия, Нидерланд, Швеция, Жаңа Зеландия, Австрия мен Люксембург енді

НҰР-СҰЛТАН, 17 тамыз – Sputnik. Бақыттың деңгейі бойынша әлем елдерінің рейтингісінде Қазақстан 153 мемлекеттің ішінде 50-ші орынға көтерілді. Ал Еуразиялық экономикалық одақ аясында бірінші орынға шықты, деп хабарлайды Sputnik Қазақстан тілшісі.

World Happiness Report сайтының мәліметіне сәйкес, былтыр Қазақстан 60-шы орында болған. Ал осы жылы 10 сатыға көтеріліп отыр. Еуразиялық одақтың ішінде Қазақстан бірінші орында келеді. Рейтингте Ресей – 73 орында, Қырғызстан - 74-ші орында, Беларусь - 75-ші орында, ал Армения 116-орында тұр. 

Айта кетейік, бақыттың деңгейі бойынша әлем елдерінің рейтингісі халықтардың қаншалықты бақытты екенін өлшеуге арналған халықаралық жоба. Рейтингті әзірлеу кезінде бірнеше көрсеткіш есепке алынады. Олар: жан басына шаққандағы ішкі жалпы өнімнің деңгейі, өмірдің ұзақтығы, азаматтық бостандықтың болуы, ертеңгі күнге деген сенім мен қауіпсіздік сезімі, отбасының тұрақтылығы, жұмыспен қамту кепілдігі, жемқорлық деңгейі, сондай-ақ, сенім, қайырымдылық пен жомарттық сияқты көрсеткіштер. 

Биыл әлемдік рейтингтің алғашқы ондығына Финляндия, Дания, Швейцария, Исландия, Норвегия, Нидерланд, Швеция, Жаңа Зеландия, Австрия мен Люксембург енді. Ал ең соңғы орында - Зимбабве, Оңтүстік Судан мен Ауғанстан.

Қазақстандықтар өмірге қаншалықты риза

Статистика комитетінің ақпараты бойынша сауалнамаға қатысқан респонденттердің 63,5 проценті қазіргі өміріне қанағаттанады. Ауылда - 72,6 процент, ал қалада  - 58,4 процент.  Қазақстанда әйелдерге (58,5%) қарағанда, ер адамдар (61,8%) өмірге риза.

Өткен жылы өмірге қанағатанамыз деген респонденттердің жалпы саны 60 процент болды. 2018 жылы осы көрсеткіш 56,5 процент еді.

361
Кілт сөздер:
бақыт, қазақстандықтар
Тақырып бойынша
Ғалымдар қандай әйелдердің ең бақытты екенін айтты
"Өзімді өте бақытты жан санаймын": Димаш өміріндегі қызықты сәттері туралы әңгімеледі
Қазақстандықтар тамыз айында неше күн демалады
"Бақытты жандармыз" Қайрат Нұртас пен Айдана Меденова министрдің әнін орындады - видео
"Пәтер беріледі": хат алған қазақстандықтар не істеуі керек
Су, архивтегі сурет

2025 жылға қарай халық толықтай ауыз сумен қамтылады Мамин 

0
(Жаңартылды 10:05 27.10.2020)
Премьер әр әкімдіктің елді мекендерге, әсіресе, тұрғындары аз ауылдарға тиісті инфрақұрылымды жеткізу бойынша нақты жоспары болу керектігін атап өтті

НҰР-СҰЛТАН, 27 қазан – Sputnik. 2025 жылға қарай қазақстандықтардың 100 проценті ауыз суға қол жеткізеді. Бұл туралы премьер-министр Асқар Мамин мәлімдеді, деп хабарлайды Sputnik Қазақстан тілшісі. 

Үкімет басшысының айтуынша, елде орталықтандырылған сумен жабдықтау қалаларда 97,2%, ауылдарда 86,4%-ті құрайды. 

"Нұрлы жер" мемлекеттік бағдарламасы бойынша 2025 жылға қарай халықтың 100%-і сумен жабдықтау қызметімен қамтамасыз етіледі. Осының арқасында біз халықтың сапалы ауыз суға қол жеткізу мәселесін толығымен шешеміз", - деді Мамин үкімет отырысында. 

Ол әр әкімдіктің елді мекендерге, әсіресе, тұрғындары аз ауылдарға тиісті инфрақұрылымды жеткізу бойынша нақты жоспары болу керектігін атап өтті. 

"Осы мәселедегі маңызды фактор топтық су құбырларының инфрақұрылымын жасау және ауылдардың шекарасына дейін жеткізу керек. Бұл жұмыс желілерді елді мекендердің ішінде тартумен үйлесімді жүруі қажет. Жауапты министрліктер мен әкімдіктер, бірінші кезекте, артта қалған өңірлер осы мәселені ерекше бақылауда ұстасын", - деді премьер. 

Тағы бір маңызды міндет, айтуынша, кәріздік тазарту құрылыстарын салу және жаңғырту. Мамин бұл мәселені шешу үшін қаржыландыру көздері анықталып, жобалау құжаттамасы әзірленіп жатқанын айтты. Ол осы жұмыстарды жылдам аяқтап, жобаларды іске асыруға кірісуді тапсырды. 

Сонымен қатар, премьер-министр 2021 жылдың соңына дейін 197 мың тұрғыны бар 38 елді мекенге су жүргізуді көздейтін, ұзаққа созылған үш жобаның құрылысын аяқтау керектігін мәлімдеді. 

Бұдан бөлек, құзырлы органдарға халық үшін тарифтердің өсуіне жол бермеу үшін кәріздік тазарту құрылыстарын салу және реконструкциялау жобаларын іске асыру тетігін заң жүзінде бекітуді тапсырды.

0
Кілт сөздер:
Асқар Мамин, ауыз су
Тақырып бойынша
Қазақстандықтар кредитін кешіру ұсынылды – үкімет жауабы
Қазақстанның сыртқы қарызы қанша – депутат сұрағына үкімет мүшелері жауап берді
Коронавирустың екінші толқыны: Мамин министрлер мен әкімдерге тапсырма берді
Мамин үкімет қандай мәселеге байланысты шара қабылдайтынын айтты
Асқар Маминнің өмірбаяны
Жедел жәрдем қызметкерлері

Бір тәулікте COVID-19 бен пневмониядан 6 адам көз жұмды

6
(Жаңартылды 09:51 27.10.2020)
Қазақстанда коронавирус инфекциясынан барлығы 1 830, ал пневмониядан 395 адам қайтыс болғаны хабарланды

НҰР-СҰЛТАН, 27 қазан — Sputnik. Қазақстанда өткен тәулікте COVID-19 бен пневмониядан 6 адам көз жұмды, деп хабарлады денсаулық сақтау министрлігі.

Ведомствоның хабарлауынша, қайтыс болған бес адамда COVID-19 диагнозы расталды. Ал біреуі пневмониядан көз жұмды.

3 088 адам коронавирус инфекциясынан ем қабылдап жатыр, олардың 248-і бала.

Өткен тәулікте 142 адам коронавирус жұқтырғаны хабарланған болатын.

Пандемия басталғалы 110 684 адамда COVID-19 анықталды. 105 766 науқас жазылып шықты. Коронавирустан 1 830, пневмониядан 395 адам қайтыс болды.

Коронавирустық пневмония

Өткен тәулікте коронавирустық инфекция белгілері бар пневмонияның 10 жағдайы тіркелді. Бір науқас қайтыс болды. 17 адам емделіп шықты.

1 тамыздан бастап 36 931 дертке шалдықты. 395 науқас көз жұмды, ал жазылып шыққандардың саны 28 548-ге жетті.

 

6
Тақырып:
Коронавирус эпидемиясы