Қоғам

Мемлекет басшысы Байгенжинді қабылдады

© Sputnik / Владислав ВодневЗдание Акорды
Здание Акорды - Sputnik Қазақстан
Жазылу
Абай Байгенжин президентке Ұлттық ғылыми медицина орталығы құрылғаннан бері 174 мың адам емделіп, 81 мың азаматтың жүрегіне ота жасалғанын жеткізді

НҰР-СҰЛТАН, 26 тамыз – Sputnik. Президент Қасым-Жомарт Тоқаев "Ұлттық ғылыми медицина орталығы" АҚ басқарма төрағасы Абай Байгенжинді қабылдады, деп хабарлады Ақорда.

Абай Байгенжин Қасым-Жомарт Тоқаевқа Ұлттық ғылыми медицина орталығы атқарған жұмыстардың қорытындылары туралы баяндады.

Басқарма төрағасының айтуынша, орталық құрылғаннан бері 174 мың адам емделіп шыққан. 81 мың азаматтың жүрегіне ота жасалған. 61,5 мың науқасқа жалпы ота жасалып, емделген. Оның 70% жаңа технологиялармен ота жасалған.

Оқи отырыңыз: Байгенжин Назарбаевқа онкологиялық ауруларға қатысты ахуал күрделі екенін айтты 

Абай Байгенжин отаны жаңа технологиялармен жасау арқылы адам ағзаларын сақтап қалуға мүмкіндік бар екенін айтты. Сонымен қатар осындай ота жасаудың арқасында көптеген ғылыми-зерттеу жұмыстарының жүргізілгенін жеткізді. Бұдан бөлек Ұлттық ғылыми медицина орталығы онкологиялық ауруларға шалдыққан науқастарды емдеп, 477 адамның құлан-таза айығып кетуіне септігін тигізген.

Басқарма төрағасы пандемия кезінде коронавирус жұқтырған азаматтарды емдегендерін де атап өтті.

Кездесу соңында мемлекет басшысы орталықтың халық денсаулығын сақтауда үлкен жұмыс атқарып жатқанын айтып, алдағы қызметтеріне тілектестік білдірді.

Жаңалықтар
0