Тұтқындау, архивтегі сурет

Желіде "Қара бүркіт" колониясының бастығы ұсталған сәт түсірілген видео тарады

5868
Пара алды деген күдікке ілінген "Қара бүркіт" колониясының бастығы ұлттық қауіпсіздік комитетінің қызметкерлерінен қашып кетуге тырысқан

НҰР-СҰЛТАН, 29 тамыз – Sputnik. Өмір бойына бас бостандығынан айырылғандар жазасын өтейтін УК-161/3 (ел аузында "Қара бүркіт" атымен танылған) колониясының бастығын ұстау кезінде, ол қашып кетуге тырысқан. Тұтқындау сәті түсірілген видео әлеуметтік желілерде таралды, деп хабарлайды Sputnik Қазақстан.

Видеода қылмыстық-атқару жүйесі комитетінің жоғары лауазымды шенеунігінің көлігі не себепті тоқтатылғаны түсіндіріліп жатқаны көрінеді. 

Посмотреть эту публикацию в Instagram

Публикация от Almaty/Astana🇰🇿 (@megapolis.kz)

Алайда, әңгіме барысында бейнежазба кейіпкері қасында тұрған қызметкерлерді итере бастайды. Содан кейін камуфляж киген күдікті адамдардың арасынан сытылып шығып, қаша жөнеледі. Ол жүгірген бойы ғимарат артына жасырынуға тырысқанымен қуғыншылар оны ұстап алады.

Оқи отырыңыз: "Қара бүркіт" колониясының басшысы ұсталды: істің мән-жайы белгілі болды

Айта кетейік, бұған дейін қылмыстық-атқару жүйесінің қызметкері 700 мың теңге көлемінде параның екінші бөлігін алғаны үшін ұсталғаны хабарланған. Жалпы сомасы миллион теңгені құрайтын пара мекемеде жазасын өтеп жатқан сотталушыға қамқорлық көрсетуге бағытталған көрінеді.

5868
Кілт сөздер:
пара, колония
Тақырып бойынша
Жынысын өзгерткен трансгендер қыз түрме қызметкеріне күш қолданбақ болды
"Түрме вице-министрдің көзімен": Суханбердиева кітап жазды
Ірі көлемде пара алған әкім орынбасары қамауға алынды – видео
Маңғыстауда Нигерия азаматы полицейге пара бермек болды
Нұр-Сұлтанда басқарма басшысы 1 миллион теңгеге дейін пара алған – видео
Қылмыскер, көрнекі фото

Топпен зорлаған: Шымкентте 7 жыл бойы жасырынып келген күдікті ұсталды видео

5
(Жаңартылды 18:45 21.06.2021)
Бұған дейін полиция оның үш серіктесін тұтқындап, қылмыстық жауапкершілікке тартқан

АЛМАТЫ, 21 маусым – Sputnik. Жеті жыл бұрын топпен бірге зорлық жасап, сот төрелігінен жасырынып жүрген күдікті Шымкентте ұсталды, деп хабарлады ішкі істер министрлігінің баспасөз қызметі.

Бұған дейін полиция оның үш серіктесін тұтқындап, қылмыстық жауапкершілікке тартқан. Олар 2014 жылдың наурызында Шымкент қаласының Игілік ауылында Москвич 412 автокөлігінің салонында 23 жастағы қызды зорлаған.

Полиция күдіктінің тұрған жерін анықтап, оны ұстау үшін көршілері мен туыстарынан, жақын достары мен таныстарынан, бұрынғы серіктестерінен жауап алды.

Оқи отырыңыз: Павлодарда күдікті өзін полицей зорлағанын мәлімдеді - департамент түсініктеме берді

Оған мемлекетаралық, содан кейін халықаралық іздеу жарияланды. Ол бой тасалауы мүмкін Қырғызстан, Өзбекстан, Тәжікстан және Ресей Федерациясының ішкі істер министрліктеріне бағдарлар жолданған.

"Қылмыс жасалғанға дейін күдікті Ресей аумағына бірнеше рет барған. Соған байланысты қазақстандық детективтер көрші елге іссапарға барды. 7 жыл іздеуден кейін жедел полиция қызметкерлері қашқынның орналасқан жерін анықтап, оны Шымкент қаласында "Эврика" сауда орталығының жанында тұтқындады", - деп хабарлады министрлік.

Күдікті бой тасалап жүргенде туыстары және достарымен араласуын тоқтатқан. Әртүрлі қалаларда жалдамалы пәтерлерде тұрып, пәтер мен үйлерді жөндеумен айналысқан.

Әшкере болып қалмас үшін үнемі баскиім, қара көзілдірік тағып, мұрт пен сақал өсірген.

Адамдар көп жиналатын жерлерге, қоғамдық орындарға бармаған. Қазір күдікті Шымкент қаласы полиция департаментінің уақытша ұстау изоляторына қамалды.

5
Кілт сөздер:
Шымкент, зорлау
халыққа қызмет көрсету орталығы

eGov.kz порталында цифрлық құжаттар пайда болды

20
Жеке куәлік, жүргізуші куәлігі, туу туралы куәлік, COVID-19 бойынша ПТР-тест нәтижесі - енді бұл құжаттардың цифрлық нұсқасы eGov.kz порталында қолжетімді

НҰР-СҰЛТАН, 21 маусым – Sputnik. Электронды үкімет порталында цифрлық құжаттарды алуға мүмкіндік бар. Бұл туралы eGov.kz порталының операторы - "Ұлттық ақпараттық технологиялар" АҚ-сы мәлімдеді, деп хабарлайды Sputnik Қазақстан тілшісі.

"Азаматтардың көптеген сұранысы бойынша біз цифрлық құжаттарды eGov.kz порталына шығардық", - делінген ресми хабарламада.

Цифрлық құжаттарды көру үшін алдымен порталда авторизациядан өту керек. Одан кейін "Жеке кабинетке" кіріп, жоғарғы жақта тұрған "Цифрлық құжаттар" бөлімін басу қажет. Сол кезде құжаттардың тізімі шығады. Олар:

  • Жеке куәлік;
  • Жүргізуші куәлігі;
  • Туу туралы куәлік;
  • Неке туралы куәлік;
  • Аты-жөні мен текті ауыстыру туралы куәлік;
  • Некені бұзу туралы куәлік;
  • Техникалық төлқұжат;
  • COVID-19 бойынша ПТР-тесттің нәтижесі;
  • Студенттік билет;
  • Диплом;
  • Зейнеткердің куәлігі;
  • Қандастың куәлігі;
  • Көлік құралын тіркеу туралы куәлік;
  • Әлеуметтік ID;
  • Вакцинация төлқұжаты.
20