Білім және ғылым министрі Асхат Аймағамбетов

"Бала ана тілінде тәрбие алуы керек": Аймағамбетов ауқымды өзгеріс болатынын мәлімдеді

12894
Министр мемлекеттік тіл саясаты балабақшадан бастап университетке дейін дұрыс жолға қойылуы тиіс деген пікірде

НҰР-СҰЛТАН, 5 қыркүйек – Sputnik. Білім және ғылым министрі Асхат Аймағамбетов Facebook-тегі парақшасында ведомствоның қазақ тілі мен әдебиетіне қатысты қолға алған жұмыстарына тоқталды, деп хабарлады Sputnik Қазақстан.

Оның айтуынша, министрлік білім беру мекемелерінде қазақ тілін оқытуға қатысты ауқымды өзгерістер енгізіп жатыр.

"Атап айтқанда, енді балабақшаларда ағылшын тілі міндетті пән ретінде оқытылмайды. Бала жастайынан өз ана тілінде тәрбие алуы керек. Осы тұста, мемлекет басшысы Қасым-Жомарт Кемелұлы "Ана тілі" газетіне берген сұхбатында: "Мектептердің бастауыш сыныптарында қазақ тіліне басымдық берілгені дұрыс" деген ұсынысы біздің жұмысымызда қолданылады", - деп жазды Асхат Аймағамбетов.

Бұдан бөлек, қазақ тілінің бағдарламасы да өзгертілмек. Алдағы уақытта грамматиканы оқытуға бөлінетін сағат саны артады.

"Оқушының дұрыс жазуы мен сөйлеуі үшін, ойын тиянақты және сауатты жеткізудегі грамматиканың орны ерекше. Бұл тұста біз тағы да Ахмет Байтұрсынұлының еңбектеріне жүгінеміз. Өздеріңізге белгілі, "Әліппені" мемелеттік стандартқа енгіздік, оның бағдарламасы да дайындалды, оқулық дайындалып апробацияға кіріп, келер оқу жылынан бастап бірінші сыныптарға Ана тілімен бірге қайта енгіземіз", - дейді министр.

Оқи отырыңыз: Жаңа білім министрі мектептерге Әліппені қайтаруға уәде берді 

Ол қазақ фонетикасын жетік меңгерген ғалым Ахмет Байтұрсынұлы ұсынған методика бойынша дайындалып жатыр. Отандық ғалымдар мен баспагерлер қазір осы бағытта жұмыс жүргізуде. Жақында Әліппенің жобалық нұсқасы қоғаммен бірге талқыланады.

Сонымен қатар мектепте қазақ әдебиетін оқыту әдісі қайта қарастырылады. Бұл мәселе бойынша мемлекет басшысының тапсырмасы бар, деп атап өтті білім министрі.

"Әдебиетші ғалымдардың, білікті ұстаздардың, осы сала мамандарының басын қосатын арнайы комиссия құрылып, қазақ әдебиетінің мектепте оқыту әдіснамасы, бағдарламасы мен оқулығы қайта пысықталмақ", - деп толықтырды Аймағамбетов.

Әдебиет пәні аясында оқытылатын шығармалар оқушының жас ерекшелігіне қарай, жанр, кезең, сюжеттік желісінің алуандығы тұрғысынан іріктеліп, отандық классиктердің еңбектері ерекше назарға алынады.

Оның айтуынша, министрлік әркез қазақ тілі мен әдебиетінің дамуын басты назарда ұстайды.  

Алдағы уақытта білім министрлігіне бұрынғыдан екі есе үлкен жауапкершілік жүктелмек. Мемлекет басшысының тапсырмасына сәйкес, келер жылдан бастап тіл комитеті білім және ғылым министрлігінің құрамына кіреді. Министрлік тәрбие мен білімді, ғылымды дамытумен қатар тіл саясатын да жүргізеді.

"Мемлекеттік тіл саясаты балабақшадан бастап университетке дейін дұрыс жолға қойылу керек", - деп түйіндеді министр.

12894
Кілт сөздер:
әліппе, ана тілі, Асхат Аймағамбетов, қазақ тілі
Тақырып бойынша
Бастауыш сынып оқушыларының 60%-і мектеп партасына отырды
Қазақстан жаңартылған білім беру мазмұнына толығымен көшті – БҒМ
Ұстаздардың еңбекақысы екі есеге артады – мемлекет басшысы
Бір балл жетпей қалған: ҰБТ-да жоғары ұпай алған 5 түлектің аты-жөні жарияланды
Аймағамбетов 1 қыркүйектен бастап мұғалімдердің жалақысы өсетінін айтты
жолдағы шұңқырлар

Министрлік ресейлік актердің "Атырау-Астрахань" жолына қатысты сынына жауап берді

8
(Жаңартылды 12:18 23.09.2021)
Орталық Азия елдерінен келетін транзиттік көліктің артуына байланысты жолдың жағдайы нашарлады

НҰР-СҰЛТАН, 23 қыркүйек – Sputnik. Ресейлік актер, шоумен Станислав Ярушиннің "Астрахань-Атырау" жолы туралы "мұндай нашар жолды өмірімде бірінші рет көріп тұрмын" деген сөзінен кейін индустрия және инфрақұрылымдық даму министрлігі жолдың сапасына қатысты түсініктеме берді. 

"Жалпы ұзындығы 277 шақырымдық "Атырау-Астрахань" автожолы өткен ғасырдың 70-ші жылдары салынған. 8 тоннаға дейінгі салмақты көтеретін III техникалық санаттағы республикалық маңызы бар жол. Жолдың техникалық жағдайы ағымдағы және орташа жөндеу жұмыстары есебінен сақталды. Орталық Азия елдерінен келетін ауыр жүк тасымалдайтын транзиттік көлік құралдарының артуына байланысты жолдың жағдайы нашарлады", - делінген хабарламада.

Министрлік мәліметіне сүйенсек, 2018-2019 жылдары "Атырау-Астрахань" жолының барлық шақырымына жобалау-сметалық құжат әзірленді.

2019 жылы Ресей Федерациясы шекарасынан Ганюшкино кентіне дейін ұзындығы 60 шақырымдық бірінші учаскені қайта жаңарту басталды.

"Ұзындығы 217 шақырым болатын қалған учаскелерде құрылыс-монтаждау жұмыстары 2020 жылы басталды. Биыл ұзындығы 92 шақырымдық учаске пайдалануға беріліп, қалған 185 шақырымындағы жұмыстарды келесі жылы аяқтау жоспарланып отыр", - деді ведомстводағылар.

Оқи отырыңыз: 

 

8
Кілт сөздер:
жол, Атырау, сын
Тақырып бойынша
1 қарашадан бастап Қазақстанда қандай жолдар ақылы болады
Ақылы жолдар мәселесі: көлік жүргізушілерінің наразылығы немен аяқталды
Нұр-Сұлтаннан Балқашқа дейінгі жаңа жол қашан ашылады
Касым-Жомарт Токаев

Алматыдағы атыс: Тоқаев үкімет пен ұлттық банкке бір ай уақыт берді

3
Мемлекет басшысының айтуынша, кредиторлар мен проблемалық қарыз алушылар арасындағы қарым-қатынас саласы заңнамалық жетілдіруді талап етеді

НҰР-СҰЛТАН, 23 қыркүйек – Sputnik. Қазақстан президенті Қасым-Жомарт Тоқаев Алматыда бес адамның өмірін қиған атыстан кейін заңнамалық және нормативтік түзетулер әзірлеуді тапсырды.

Мемлекет басшысы атыс кезінде қаза тапқан адамдардың отбасына тағы да көңіл айтты.

"Полицейлер мен сот орындаушы қызметтік борышын орындады, өкінішке қарай шабуыл кезінде қаза болды. Себебі қандай болмасын, адам өлтіруді ақтауға болмайды. Өркениетті қоғамда осы тектес кез келген дау мен проблемалар тек құқықтық алаңда шешілуге тиіс. Сонымен қатар, трагедияны жіті тексерген жоқ. Неге осылай болғанын анықтау қажет", - деді Тоқаев Маңғыстау облысын әлеуметтік-экономикалық дамыту туралы жиында.

Президенттің айтуынша, кредиторлар мен проблемалық қарыз алушылар арасындағы қарым-қатынас саласы, әсіресе баспанаға қатысты, өте сезімтал және заңнамалық жетілдіруді талап етеді. Бұл банктердің кепіл саясатына, бағалау қызметін реттеуге, жеке сот орындаушылары мен басқа да аспектілерге қатысты.

"Бұл мәселеде ашық және біркелкі сот практикасын қамтамасыз ету өте маңызды. Үкімет, ұлттық банк және қаржы нарығын реттеу агенттігі, егер бұған қажеттілік болса, заңнамалық және нормативтік түзетулер пакетін бір ай мерзімде әзірлеуі керек. Бірақ мен мұндай қажеттілік бар деп санаймын. Алайда мамандар бұл проблеманы тағы бір мәрте мұқият зерделеуге тиіс", - деді мемлекет басшысы.

Ол үкімет пен Алматы әкімдігіне қайғылы оқиғадан зардап шеккендердің барлығына, ең алдымен балаларға көмек көрсетуді тапсырды.

Тоқаев заңнамалық түзетулер мазмұны жағынан үкімет пен мамандар тарапынан мұқият зерттеліп, жұртшылықпен келісіліп, келесі жылдың басында күшіне енуі керек екенін мәлімдеді.

3
Тақырып:
Алматыдағы атыс: 5 адам қаза болды