Нұрсұлтан Назарбаев

"Әбден жыладым": Назарбаевтың досының әпкесі Елбасының адамгершілігі туралы айтты

17728
(Жаңартылды 16:38 14.09.2020)
Нұрсұлтан Назарбаев пен Николай Литошко жақсы дос болған. Олар Украинада бірге оқыды, кейіннен Теміртауда бірге жұмыс істеді. Кейін Микола тұңғыш президенттің шақыруымен астанаға келіп жұмыс істеді

АЛМАТЫ, 14 қыркүйек – Sputnik, Айгюзел Қадыр, Айгерім Таубай. Нұрсұлтан Назарбаевтың жақын досы, қазір марқұм болып кеткен Николай Литошко ұзақ уақыт бойы оның резиденциясында тұрып, жұмыс істеген. Қазақстанның болашақ тұңғыш президенті украин баласымен Днепродзержинскіде (қазіргі Каменское) оқып жүрген кезінде танысқан. Кейін жігіттер Теміртауда бірге жұмыс істеп, шойын шығарды.

Sputnik Қазақстан редакциясына қазір Грециядағы Санторини аралында тұрып жатқан Николай Литошконың әпкесі Ольга хабарласты. Ол Нұрсұлтан Назарбаевты 80 жасқа толуымен құттықтап, оны отбасының досы ретінде қонаққа шақырғысы келеді.

Назарбаевтың күресу өнері

1960 жылдары жас Назарбаев Днепродзержинск қаласындағы Днепров металлургия зауыты жанындағы кәсіптік-техникалық училищеде оқыды. Ол физикалық мықты жас жігіттер алынатын домнашылар тобына қабылданған.

С Николаем Литошко (на фото слева, рядом с Назарбаевым) будущий первый президент Казахстана познакомился во время учебы в Днепродзержинске (ныне Каменское)
Сол жақта Назарбаевтың жанында отырған – Николай Литошко. Онымен Қазақстанның болашақ тұңғыш президенті Днепродзержинскіде (қазіргі Каменское) оқып жүрген кезінде танысқан

Назарбаев "Оң және солсыз" кітабында сол кезде еркін күрестің ерекше танымал болғанын айтады. Мығым жігіттер ауыр жұмыс ауысымынан кейін де жаттығуға қалған.

"Бірде Нұрсұлтанды менің ағам Миколамен күресуге шығарады. Назарбаевтың сырт келбетінен оның спорттан алыс екені аңғарылады, ал менің ағам күреспен айналысатын. Бір таңғаларлығы, Нұрсұлтан өзінің әкесі үйреткен әдісті пайдаланып, Миколаны алып ұрады. Ағам тағы да онымен күреспек болады,Нұрсұлтан оны тағы да жерге жығады. Назарбаев кітабында Миколаның оған ренжімегенін айтады. Жалпы екеуі дос болды", - деді Ольга Литошко Sputnik Қазақстан тілшісіне.

Назарбаев Литошконың отбасында құрметті мейман ретінде жиі қонақ болған, Миколаның анасы үшін ол "екінші ұлына" айналады.

К окончанию училища Назарбаев не только усвоил трудную науку металлурга, но и стал мастером спорта Украины по борьбе
Училищені бітірген соң Назарбаев металлург саласын меңгерумен қатар Украинада күрестен спорт шебері атанды

"Бірде Нұрсұлтан Николай үйде болмаған кезде келді. Есікті мен аштым, ол "Коля қайда?" деп қысылыңқырап сұрады. Ол өте қарапайым болатын. Нұрсұлтан менің анамның бәліштерін жақсы көретін, ол шешемізді қатты құрметтейтін еді", - деп еске алды Ольга Литошко.

Назарбаевты теледидардан көрді

Николай Нұрсұлтанмен бірге Қазақстан Магниткасына барды. Олар Теміртауда бірге жұмыс істеп, алғашқы жергілікті шойынды шығарды.

"Содан кейін Николайды әскерге шақырды. Бастапқыда Нұрсұлтан мен Микола хат алмасып тұрды, бірақ кейінірек байланыс үзілді. Әскерден кейін Николай отанына оралды. Ағам қиын күндерді басынан өткізді. Сол уақытта одақ құлдырап, қайта құру басталды", - деп жалғастырды Ольга Литошко.

Бірде Ольга құрбысымен бірге Назарбаевты теледидардан көрген.

"Құрбым маған Назарбаевты қатты құрметтейтінін айтты. Мен оған Нұрсұлтанның бізбен бірге тұрғанын, отбасымызбен дос болғанын айтып бердім. Бір аптадан кейін құрбым "Оң мен солсыз" кітабын алып келіп, "Менің тәлімгерлерім" деген бөлімде Назарбаевтың біздің отбасы жайлы жазғанын көрсетті. Оны оқыған кезде әбден жыладым. Ол өте құрметті биік қоятын, алғыс айтуға жасқанбайтын, адамгершілігі жоғары адам. Жас болса да, парыз дегенді ұмытпаған", - деді Николай Литошконың әпкесі.

Николай Литошко и Нурсултан Назарбаев, 1960 год, Темиритау
© Photo : из архива Ольги Литошко
Николай Литошко мен Нұрсұлтан Назарбаев, 1960 жыл, Теміртау

Днепродзержинскідегі кездесу

Микола Днепродзержинск тарих мұражайының директоры Нина Цыганокпен дос болған, ол кіші ғылыми қызметкер болып жұмыс істеді.

"Нина менің ағама міндетті түрде Нұрсұлтанмен кездесетінін айтты. Бұл оқиға 1994 жылы болды. Нина Цыганок Украина президенті болған Леонид Кучмаға дейін барды. Бір күні ағам Назарбаевпен кездесуге шақырту алды. Нұрсұлтан Днепродзержинск қаласына келген екен, сенесіздер ме?! Ол сол кезде Николайды көргеніне қуанышты екенін, олардың достығы 34 жыл бұрынғыдай мәңгілік екенін жеткізді", - деді Ольга Литошко.

Назарбаев "Украина оған қанат бітіргенін", сол себепті ол соңғы нанымен бөлісуге дайын екенін айтты, деп жалғастырды Ольга.

"Нұрсұлтан Назарбаевпен кездесуге жиналғандар өздерінің қалаған дүниесін сұрады. Тек, Микола үнсіз отырды. "Мен не сұрайын? Үтігім жоқ" деді. Содан кейін облыс губернаторы Николайға Днепродзержинскіден пәтер берді. Мұның барлығы сол кездесудің арқасында деп ойлаймын", - деп еске алды әйел.

Қазақстандағы өмір

90-шы жылдардың соңында Николай Литошко Назарбаевтың шақыруымен Қазақстанға келді. Осында тұрып, жұмыс істеді. Сайлауда тұңғыш президенттің сенімді өкілі болды, "Тұмар" украиндар қоғамының бірінші басшысы болды, балалар үйіне көмектесті.

Ольга Литошко с дочерью и внуком
© Photo : из архива Ольги Литошко
Ольга Литошко қызы және немересімен бірге

"Николай президенттің резиденциясында тұрды, оны мен үй деп атайтынмын. Ол күзетке жақын жерге орналасты. Мен елордаға шамамен 2001 жылы бардым. Микола Назарбаевтың "зейнетке шыққан соң қартайған шағымызда ағаш отырғызамыз" деп айтқанын есіне алды. Бұл істі Николай жақсы көретін, оның үйінің айналасына ағаш отырғызып жүретін. Астанада бір апта болып, ауырып, қайтып кеттім. Мен кеткеннен кейін Нұрсұлтан іздеп барыпты. Табалдырықтан аттай сала, "Ольга қайда?" деп сұраған екен", - деп еске алды Ольга Литошко.

2011 жылы Николай Литошко кенеттен ауырып қалады. Ольга әлі күнге дейін ағасының неден қайтыс болғанын білмейді.

"Маған Николайдың ұлы Сашко қоңырау шалды. "Оля тәте, әкемнің жағдайы ауыр. Ол жасанды тыныс алдыру аппаратына қосылды" деп айтты. Бұл өте қорқынышты жағдай еді. Нұрсұлтан өз өлімімен дүниеден өткенше аппараттан ажыратпауды тапсырды", - деп еске алды әйел.

Әйел жолға жиналып жатқан кезде тағы бір қоңырау соғылады. Бауырының баласы хабарласып, оның қайтыс болғанын хабарлаған.

"Оля тәте, келудің қажеті жоқ. Әкем қайтыс болды. Нұрсұлтан қайда жерлейтінімізді сұрап жатыр деді. Мен үйде, туған жерге апарып жерлейтінімізді айттым", - дейді әйел. 

Тұңғыш президентке хат

Бүгінде Ольга Литошко Грециядағы Санторини аралында тұрады. Нұрсұлтан Назарбаевты жылы лебізбен еске алып жүретін ол тұңғыш президентті мерейтоймен құттықтағысы келеді.

"Құрбым электронды хат жазуға кеңес берді. Хат жазып жіберген едім, бірақ діттеген жеріне жетті ме, жоқ па білмеймін", - деді Ольга Литошко.

Хатта Ольга Ильинична Назарбаевқа денсаулық пен ұзақ ғұмыр тілеген.

Оқи отырыңыз: "Мен таңғалған жоқпын": Горбачев Назарбаев туралы сұқбат берді

Ол Қазақстанның тұңғыш президентін Грецияға отбасының досы ретінде қонаққа шақырады.

"Құрметті Нұрсұлтан Әбішұлы, шын жүректен 80 жасыңызбен құттықтаймын! Сізге денсаулық, ұзақ өмір мен риясыз қуаныш тілеймін. Сіз халықтың құрметіне әбден лайықсыз. Әлем білетін саясаткерсіз және ерекше адамсыз. Сізбен сөйлесу, дос болу бақыты бұйырды. Мен сіздің досыңыз Николай Литошконың әпкесі Ольгамын. Қазір мен Грецияда, Санторини аралында қызым және немереммен бірге тұрамын. Сізді Грецияға, Санторини аралына ағамның және біздің отбасымыздың досы ретінде қонақ болуға шақырамын", - делінген Ольга Литошконың Нұрсұлтан Назарбаевқа жазған хатында.

Sputnik Қазақстан редакциясы Қазақстанның тұңғыш президенті Нұрсұлтан Назарбаевтың баспасөз хатшысы Айдос Үкібайға Ольга Литошконың байланыс нөмірін жіберуге ниетті.

17728
Кілт сөздер:
достық, Украина, Назарбаев
Тақырып бойынша
"Халық мүлдем басқаша өмір сүретін болады": Назарбаев маңызды жоба туралы айтты
Назарбаев билік ауысқан кезде не болатынын айтты - видео
"Бүкіл ауыртпашылығын сезіндім": Нұрсұлтан Назарбаев денсаулығы туралы айтты
Нұрсұлтан Назарбаев әуежайының коды ауысты - видео
Назарбаев карантин шараларының жеңілдеуіне қатысты пікір білдірді
Қыз бейнесі

"Өмір сүргім келеді": Аяжан Еділованың әпкесі оның қандай адам болғанын айтты

21
(Жаңартылды 19:08 22.06.2021)
Сондай-ақ адвокат тергеудің қалай жүріп жатқанын айтып берді

АЛМАТЫ, 22 маусым – Sputnik. Алматыда тұрғын үйлердің бірінде кісі қолынан қатыгездікпен қаза тапқан Аяжан Еділованың әпкесі Нұргүл Әбеутәліпова мен жәбірленуші тараптын адвокаты Қадыржан Ғалымжанұлы марқұмның қандай болғанын, оның күдіктінің үйіне не себепті баруы мүмкін екенін және тергеудің қалай жүріп жатқанын айтты. "31 арнаға" берген сұхбатында бойжеткеннің өліміне қатысты тараған түрлі ақпаратқа қатысты пікір білдірді.

2001 жылы туған Аяжан Еділова 19 наурызда сағат 20:43-те жұмыстан шығып, сол күйі оралмаған. Оның жоғалғаны туралы хабар 20 наурызда тарады.

Бұған дейін марқұмның туыстары полицияның бастапқыда қыздың жоғалып кеткені туралы арызды алмағанын айтқан еді. Нұргүл Әбеутәліпова іздеу жұмыстарына өзі қатысқанын, сол күндері не болғанын айтып берді.

"Таңертең Аяжанды күттік. Келмеген соң Алтынай деген сіңілім өз бетінше іздеді. Жатақханасына, жұмыс орнына барды, құрбыларына хабарласты. Өзі таба алмағаннан кейін полиция қызметкерлеріне түскі сағат 12 шамасында барды. Алтынайдың жанында Аяжанның досы – Диас болған. Екеуі бірге барды. Олардың айтуы бойынша, полиция "қалада митинг жүріп жатыр, арыз алмаймыз. Ұйқысы қанған соң өзі келеді, ондай жағдай болған" деп қайтарып жіберген. Содан кейін Алмат деген інім 102-ге хабарласып, кешкі сағат 5-те іс қозғалды", - дейді Нұргүл Әбеутәліпова.

Істің басталғанына 4 айға жуықтады. Адвокат Қадыржан Ғалымжанұлының айтуынша, іске қатысты орта есеппен 25-30 сараптама тағайындалды. Оның жартысына жуығына жауап келді.

"7-10 сараптаманың жауабы келді. Оны тергеу құпиялығына байланысты жариялай алмаймын. Қалғанына жауап келген жоқ. Себебі сарапшыларға қойылған сұрақтар өте күрделі. Мұндай іспен сарапшылардың да өздері бұған дейін айналыспаған болуы керек. Жауап беру қиынға соғып жатыр. Сол себепті олардың қорытындысы да ұзаққа созылып жатыр", - дейді адвокат.

Аяжан ол үйге не үшін барды

Нұргүл Әбеутәліпованың пікірінше, Аяжан күдікті Төребековтің үйіне киімге тапсырыс алуға барған.

Бұған дейін желіде қыздың ақша үшін тәнін сатуға барғаны туралы да алып қашпа әңгіме тарады. Адвокат сол қауесетке жауап қатты.

"Өзінің тәнін сату үшін барған", "ақшаға келіскен" деген өсек шығып жатыр. Аяжан Қыдырәлі деген досына жіберген хабарламасында бартер (айырбас) туралы айтқан. "Егер бартер болса, неге үйіне барды? ", дейтін интернет-сарапшылар пайда болды. Сол кісілерге нақты жауап берейін: бұл – таза субъективті пікір, болжам. Аяжан өзінің негізгі жұмыс орнынан шығып, күдікті Төребековтің үйіне өлшем алуға барған. Сол жоспармен үйіне кірген, әрі қарай не болғаны тергеуге ғана мәлім", - деді адвокат.

Айтуынша, Аяжан жұмыстан 20:43-те шыққан, танысына бартер бойынша хабарлама жазған. Өзінің кездесіп жүрген жігітіне сағат 10-да негізгі жұмыс орны маңында болатынын айтқан.

"Егер Аяжан халық айтып жатқан арам ойымен баратын болса, біріншіден, бартер туралы айтпайтын еді. Екіншіден, өзінің кездесіп жүрген жігітіне сағат онда негізгі жұмыс істейтін салонның жанына кел деп айтпайтын еді. Ол ақылға салатын нәрсе. Арада сол кезде 1 сағат 17 минут қалады. Арам пиғылы бар кісілер мұндайға үлгермейді. Әрине, бұл – болжам. Нақтысын Аяжан мен Төребеков қана біледі. Өкінішке қарай Аяжанның жауабын ала алмаймыз, тек қана Төребековтің жауабын негіз етіп, өзіміздің қорғауымызды жалғастырамыз", - дейді адвокат Ғалымжанұлы.

Жәбірленуші тараптың қорғаушысы күдікті Төребековпен кездеспегенін айтты. Себебі қазірге дейін оған қажеттілік болмаған.

Адвокаттың айтуынша, прокуратура тергеу барысында зорлаудың болған-болмағаны, күдіктінің адам бөлшектерін сатуға қатысы, оның діни ағымдарда бар-жоғы, бұған дейін қандай іспен айналысқанын кешенді түрде қарастырып жатыр.

"Университетте алған білімін фундамент ретінде қолданып, оқудан шыққаннан кейін әрі қарай білімін шыңдап, осындай кәсіби деңгейде қылмыс жасаған деген пікірім бар. Діни көзқарасынан осындай әрекет жасады дегенге сене қоймаймын", - дейді адвокат.

Оның сөзінше, күдіктінің жанында басқа біреу болған деген нұсқа қарастырылып жатыр. Алайда нақты дәлел жоқ.

Күдіктінің пәтері қалай анықталды

Адвокат Қадыржан Ғалымжанұлының айтуынша, күдіктінің үйі еріктілер арқылы анықталған. Бірақ күдіктінің қай қабат, қай пәтерде тұратыны тергеу көмегімен анықталды.

Нұргүл Әбеутәліпова сіңілісін іздеу үшін сол күні еріктілерге байланысқа шыққан. Ал еріктілердің нөмірін полиция берген.

"Аяжанның жоғалып кеткені туралы ағасына 19 наурыз түнде айтқан. Ағасы оны маған таңертең айтты. Таңертең Талдықорғаннан Аяжанның әкесі екеуміз жиналып, жолға шығып кеттік. Қайдан екенін білмеймін бізге телефоны Алғабас ықшамауданында (қазіргі Нұркент ықшам ауданы) жоғалған деген ақпарат шықты. Көбінесе Алғабастағы жер үйлер жақтан іздедік. Әрбір жер үйге кіріп, сұрап, Аяжанның фотосын көрсеттік", - дейді әпкесі.

Содан кейін күдіктінің үйінің мекенжайы хабарланған. Алайда ол маңға барған кезде марқұмның туыстарына көліктен шығуға рұқсат берілмеген.

"Сол жерге полиция немесе еріктілердің қайсы бірінші келгенін айта алмаймын. Ол жерде Төребековті жедел жәрдем алып кеткенін өзім көрдім. "Қыздарыңыз ол жерде жоқ, іште ешкім жоқ" деп сендірді. Бізді пәтерге кіргізген жоқ. Біз сол жерден Аяжанға ештеңе болған жоқ деген үмітпен қайттық. Ертеңі тағы да өз бетімізше іздеп шықтық. Іздеп жүрген кезімізде Медеу ауданы полиция басқармасына келіңіздер деп хабарласты. Ол жерге барған соң Төребеков басқа ауданнан табылғанына байланысты ішкі істер басқармасына жіберді. Мен бірнеше күн ұйықтамай жүрген соң ішке кіре алмадым. Сіңілім мен бауырым ішке кіріп кетті. Олардың жауабын көлікте күтіп отырдым. Сағат 4-5 шамасында ғаламтор желісі арқылы білдік. Аяжанның әкесі қасымда болды, ол іштен естіп шықты", - дейді Нұргүл Әбеутәліпова.

Өте сенгіш болған

Әпкесінің сөзінше, Аяжан бір көрген адаммен тез араласып, бір сағатта туысқан секілді сөйлесіп кететін болған. Сондай-ақ оның өте сенгіш және адам жатырқамайтын мінезі болғанын айтты.

Туыстарының сөзінше, Аяжан Еділова Алматыға қайтыс боларынан екі ай бұрын келген. Оған дейін карантин кезінде Талдықорған қаласында туыстарының жанында болған. Алматыдағы сән салоны мен тігін цехына жұмысқа орналасқанына да бір айдай болған.

"Осы жолы Алматыға жібермей қойдым. Коронавирустың күйіп тұрған кезі еді. Біреуге жақын отырып тырнақ жасайсың, "сен маған аман-есен керексің" деп айттым. Ортаға апасын салып, әкесін салып жүріп, бой бермей, кетті. Әйтпесе үйде байлап ұстап отырғанмын. Үйде отырып күйзеліске түсті. Жұмыс істеп, жүріп үйреніп қалған қыз ғой. Бір күні жұмыстан келсем, жылап-жылап көзі ісіп кетіпті. "Менің өлгім келмейді, өмір сүргім келеді" деп айтты", - дейді әпкесі Аяжанның коронавирус жұқтырып алудан қорыққанын айтып.

Содан қалада жұмыс істеп жүрген Аяжан ең соңғы рет жақындарымен телефон арқылы сөйлескен кезде наурыз мерекесіне үйіне баратынын айтқан.

"Ең соңғы рет анасына видео арқылы хабарласып, наурыз мерекесіне келетінін айтты. Жұмыстарын айтып, соларды бітірген соң 4 күн демалысқа келемін деді. "Сағынып кеттім" деп қоштасқандай еркелегені есімде. Анасы жолға қарап, әлі күтетін сияқты. "Келемін" деп айтқаннан кейін олар күтіп жүрді. Мұндай хабар келеді деп күткен жоқ. Шешесі әлі күтіп жүр. Аяжан оқуда жүрген сияқты сезімдеміз", - дейді Нұргүл Әбеутәліпова.

Айтуынша, Аяжанның анасы біраз уақытқа дейін істің мән-жайын білмеген. Тек қайтыс болғанын естіген.

"Ата-анасының жағдайы өте ауыр, олар күйзелістен әлі шыға алған жоқ. Стрессте жүр. Күліп отырып жылай салуы мүмкін, жылап отырып күле салуы мүмкін", - дейді әпкесі.

Күдіктінің туыстары кешірім сұрамаған

Аяжанның туыстарының айтуынша, күдіктінің туыстары кешірім сұрап бармаған.

"Келмей-ақ қойса екен деп ойлаймын. Аяжанның ержеткен ағасы бар. Ашуланып кетеді. Бірдеңе жасап қоя ма деп қорқамын", - дейді Нұргүл Әбеутәліпова.

Адвокаттың айтуынша, Төребековтың туыстары, ата-анасы ол жігіттен бас тартқан болуы да мүмкін. Себебі оған мемлекет тарапынан қорғаушы тағайындалған, туыстары адвокат қарастырмаған.

"Адами тұрғыдан ол кісілерге де ауыр. Өздері тәрбиелеген бала осындай қылмыс жасап отыр. Енді қай бетімізбен барамыз деп келмей отырған шығар. Жалпы бас тартқаннан кейін өз мәселесін өзі шешсін, бізді онсыз да қарабет қылды деп жүрген шығар", - дейді адвокат.

Ал қылмыстық істің қай уақытта аяқталып, сотқа қашан жолданатыны әлі белгісіз. Себебі ол үшін барлық сараптама нәтижесі дайын болуы керек.

Аяжан Еділованың өлімі

Алматыда 19 жастағы Аяжан Еділова 19 наурызда жоғалып кетті. Оны соңғы рет жұмыста көрген. Қызды іздеу бірнеше күнге созылды. Оның көз жұмғаны 22 наурызда белгілі болды. Оның бөлшектенген денесі Нұркент ықшам ауданындағы пәтерлердің бірінен табылды.

Оқи отырыңыз: Аяжан Еділованың сүйегі жер қойнына тапсырылды

Қылмысқа күдікті ретінде Түркістан облысының 28 жастағы тұрғыны ұсталды. Полиция оның үйінің есігін бұзып кіргенде күдікті қолына пышақ алып, өз мойнын тіліп үлгерген. Дәрігерлер оны құтқарып қалды.

"Араларында жанжал шыққан. Жанжалдың нәтижесінде ол қыз баланы өлтіріп, қылмыстың іздерін жасыру мақсатында оның денесін бөлшектеген. Қылмыс аса қатыгездікпен, жауыздықпен жасалған", - дейді Алматы қаласы полиция департаментінің баспасөз хатшысы Салтанат Әзірбек.

21
Кілт сөздер:
Алматы, қатыгездік, қыз, өлім
Тақырып бойынша
Аяжан Еділованың өлімі: оқу орнындағылар күдікті жайлы не дейді – видео
Алматыда денесі бөлшектелген қыздың ағасы: Тісін қағып алып, тырнағын кескен
Аяжан Еділованың күдіктімен жолыққан кезі түсірілген видео жарияланды
Аяжан Еділованың өлімі: күдіктіге қатысты желіде тараған ақпарат расталмады
Аяжан Еділованың өлімі: марқұмның ұстаздары мен құрбылары пікір білдірді
Қасым-Жомарт Тоқаев

Тоқаев демалысын қайда өткізетіні белгілі болды

394
(Жаңартылды 17:56 22.06.2021)
Мемлекет басшысы бір аптаға созылатын демалысын Қазақстан аумағында өткізуді жоспарлап отыр

НҰР-СҰЛТАН, 22 маусым – Sputnik. Қазақстан президенті шілде айының ортасында демалысқа шығуды жоспарлап отыр. Бұл туралы Sputnik Қазақстанға мемлекет басшысының баспасөз хатшысы Берік Уәли айтты.

"Мемлекет басшысы шілденің ортасында бір аптаға демалысқа шығуды жоспарлап отыр. Президент демалысын Қазақстан аумағында өткізеді. Өздеріңізге белгілі, былтыр коронавирус пандемиясына байланысты Қасым-Жомарт Кемелұлы демалған жоқ", - деді Уәли ресми сауалға берген жауабында.

Ол Тоқаев президент лауазымына кіріскен сәттен бері екі жыл және үш ай ішінде тек бір рет, 2019 жылдың шілдесінде үш күндік қысқа мерзімді демалысқа шыққанын еске салды.

Былтыр жазда президент Қасым-Жомарт Тоқаев үкімет мүшелеріне демалысты ұмытуға кеңес берді. Елде коронавирус індеті өршіп тұрған еді. Министрлер мен әкімдердің алдына эпидемиологиялық ахуалды тұрақтандыру міндеті қойылды. Мемлекет басшысы шенеуніктерге "еңбек демалысы, демалыс деген сөздерді ұмытыңдар" деген болатын.

394
Кілт сөздер:
демалыс, Қасым-Жомарт Тоқаев