Көксеңгір аспан, жердегі ұшақ және теріс қарап тұрған бойжеткен

Бүгіннен бастап Қазақстанда не өзгереді

6441
(Жаңартылды 10:50 05.10.2020)
Қазақстан Түркияға рейстер санын шектеп, әуе байланысы қалпына келтірілген елдерге рейстер санын көбейтпейді

НҰР-СҰЛТАН, 5 қазан – Sputnik. Дүйсенбіден бастап Қазақстанда бірқатар шектеулер күшіне енеді, деп хабарлайды Sputnik Қазақстан.

Әуе қатынасына шектеу

5 қазаннан бастап Қазақстан басқа елдермен әуе қатынасын қайта жандандыруды тоқтатады. Ал бұрын рұқсат етілген бағыттар бойынша рейстер қызметін жалғастыра береді. Коронавирус індетінің елге "тасымалдануының" алдын алу мақсатында ведомствоаралық комиссия осындай шешім қабылдады.

Атап айтқанда:

  • басқа елдермен рейстердің қайта басталуын тоқтатылады;
  • әуе қатынасы қалпына келтірілген елдермен рейстер саны көбейтілмейді;
  • Түркияға рейстер санын азайтылады;
  • екінші санаттағы елдерден келетін адамдар үшін: термометрия мен сауалнама толтыру және мерзімі үш күннен аспайтын COVID-19 тексерісінен өткенін растайтын анықтама талап етіледі.

Бұған дейін денсаулық сақтау министрі Алексей Цой егер келушілердің анықтамасы болмаған жағдайда коронавирусқа зертханалық тексеріс жүргізу үшін карантиндік стационарда екі күн бойы оқшауланатыны туралы айтқан.

"Коронавирустық зертханалық тексерудің нәтижесін алғаннан кейін оң нәтижесі бар адамдар жұқпалы аурулар ауруханасына ауыстырылады. Ал теріс нәтиже болса, оларды баратын жеріне жеткізеді", – деп атап өткен Цой.

Мұндай талаптар ЕАЭО елдерімен және Өзбекстанмен арадағы өткізу пункттерінде мемлекеттік шекарадан өтетін адамдарға қойылатын болады.

Айта кетейік, 6 қазаннан бастап Қазақстан шетелдіктерге соңғы 72 сағат ішінде жүргізілген COVID-19-ға теріс нәтиже көрсетілген анықтамасыз кіруге тыйым салады.

Алайда, бұл ереже сыртқы істер министрлігінің шақыруы бойынша Қазақстанға келетін шет мемлекеттердің және халықаралық ұйымдардың ресми делегацияларының мүшелеріне қолданылмайды. Сондай-ақ, дипломатиялық өкілдіктер мен консулдық мекемелердің және Қазақстанда тіркелген халықаралық ұйымдар өкілдіктерінің қызметкерлері, олардың отбасы мүшелері немесе транзиттік халықаралық жүк тасымалымен айналысатын тұлғалардан талап етілмейді.

Ал анықтамасы жоқ қазақстандықтар стационарға екі күндік карантинге жіберіледі, сол жерде олар COVID-19-ға тексеріледі.

Мектептер тексеріледі

5 қазанда қазақстандық мектептер "арнайы тапсырыс бойынша" тексеруді бастайды, деп хабарлады ведомствоаралық комиссия.

Бұған дейін тексерілген 697 мектептің 134-інде санитарлық нормалар бұзылған. Сонымен қатар, ауыл мектептерінде мұндай олқылықтар көптеп анықталды.

Осы тексеру нәтижесі бойынша комиссия мектептердің екінші тоқсанда дәстүрлі оқу сабақтарын қалпына келтіруге дайындық жағдайын бағалайды.

Вице-премьер Ералы Тоғжанов әкімдерге заңбұзушылықтарды жою бойынша шаралар қабылдауды тапсырды.

"Мектептердің дайындық жағдайы бағаланады. Бұл екінші тоқсанда мектептердің жұмысын қалпына келтіру туралы шешім қабылдаған кезде ескерілетін болады", – деп хабарлады комиссия.

Оқи отырыңыз: Санитарлық нормалар сақталмаса, қатаң карантин енгізілуі мүмкін – Цой

Қазір оқушылардың шектеулі саны кезекші сыныптарға барады. Ал өзге қазақстандық оқушылар онлайн-форматта оқып жатыр. Соның өзінде коронавирустың көп жағдайлары тіркелуде.

6441
Кілт сөздер:
карантин, коронавирус, шектеу
Тақырып бойынша
6 қазаннан бастап карантин талабы күшейеді: жаңа қаулы шықты
Қазақстан Ресеймен шекарада неге шектеу енгізді?
Қазақстанда банк шотынан ақша шешіп алуға шектеу енгізілді
Қазақстанда карантин жеңілдетілді – қандай шектеу сақталады
Қазақстанның бірнеше облысында шектеу шаралары енгізілді
Игорь Сон

Олимпиада жүлдегері Игорь Сон мемлекет беретін қаржыны інісінің еміне жұмсайтынын айтты

599
Игорь Сон мүгедек бауырын аяққа тұрғызу үшін қолындағы қаржысын аямайтынын жеткізді

АЛМАТЫ, 30 шілде – Sputnik. Токиодағы XXXII жазғы Олимпиада ойындарының "қола" жүлдегері Игорь Сон мемлекет тарапынан берілетін қаржыны қайда жұмсайтынын айтты, деп хабарлайды Sputnik Қазақстан.

"Менің інім церебралды сал ауруымен ауырады, мүгедек. Отбасым Оңтүстік Кореяға емделу үшін кетті. Қазір әкем мен анам, ағам мен інім – барлығы Кореяда", - деді Игорь Сон Орталық коммуникациялар қызметінде өткен брифинг кезінде.

Олимпиада жүлдегері мемлекет тарапынан берілетін қаржыны сол інісінің еміне жұмсайтынын айтты.

"Менің міндетім – алдымен бауырымды аяққа тұрғызу. Інімнің емінен қалған қаржыға өмір сүремін", - деді ауыр атлетші.

Қазақстанда Олимпиада чемпионына 250 мың доллар, күміс жүлдегерге 150 мың доллар, қола жүлдегерге 75 мың доллар беріледі.

Айта кетейік, Игорь Сон Токио Олимпиадасында 61 килограмға дейінгі салмақ дәрежесінде қола медаль ұтып алды. Ол жарыс кезінде барлығы 294 (131+163) килограмм көтерді.

599
Алия Назарбаева

Назарбаевтың кенже қызы алғашқы кітабында не туралы жазғанын айтты

2095
(Жаңартылды 19:57 30.07.2021)
Әлия Назарбаева кітапта өзінің өмірлік ұстаздарының аты-жөнін атап, отбасы туралы әңгімелеуге уәде берді

НҰР-СҰЛТАН, 30 шілде – Sputnik. Қазақстанның тұңғыш президенті Нұрсұлтан Назарбаевтың кенже қызы Әлия Назарбаева өзінің алғашқы кітабын жазып бітірді.

Посмотреть эту публикацию в Instagram

Публикация от Aliya Nazarbayeva (@aliya_nazarbayeva_official)

"Қарапайым тілмен және жақсы ниетпен жазылған алғашқы кітабымды аяқтадым. Мен бір кездері бағалаған, жақсы көрген және осы күнге дейін жақсы көретін нәрселерді оқиғалар мен баяндау арқылы жеткізуге тырысып бақтым. Кітапта балалық шағым туралы, әпкем Динараның қалай менімен әлек болғанын, әкеммен не жайлы ұзақ сөйлескеніміз туралы, анамның кеңестері қалай көмектесіп, күш бергенін айтамын", - деп жазды Әлия Назарбаева өзінің Instagram парақшасында.

Ол "Место Силы" кітабынан оқырмандар оның ұстаздары туралы, достықта нені жоғары бағалайтынын, нені кешіріп, не үшін кешірім сұрай алатыны жөнінде білетінін атап өтті.

"Мен балаларымды қатты жақсы көремін және олардың кез келген таңдауын қолдаймын, бұл туралы кітапта жаздым және оны бұрын еш жерде жарияланбаған фотосуреттер арқылы білдірдім", - деді ол.

Назарбаева "Место Силы" кітабы қазір баспада басылып жатқанын хабарлады.

2095
Кілт сөздер:
Әлия Назарбаева, кітап, Назарбаев
Барымташылар. Уақыт жолдары фильмінің кадры

Қазақстандық фильм Францияда көрсетіле бастады

0
Режиссер Ерлан Нұрмұхамбетовтың фильмі Францияның 20 қаласында көрсетіледі. Қазақстанда бұл кино қыркүйекте үлкен экраннан көрсетіледі

НҰР-СҰЛТАН, 30 шілде — Sputnik. "Барымташылар. Уақыт жолдары" фильмі 29 шілдеден бастап франциялық көрерменнің назарына ұсынылды және ол 20-дан астам қалада көрсетіледі, деп жазды Қазақфильм Instagram парақшасында.

"Бұл мен үшін өте қызықты және қуанышты жағдай. Жапон режиссерімен бірге түсірілген фильм әлемдік кинематограф отанында көрсетіледі. Мұндай айтулы оқиға менің өмірімде бірінші рет болып тұр", - деді туынды режиссерлерінің бірі Ерлан Нұрмұхамбетов.

Сонымен қатар фильмнің екінші режиссері – жапон Лиза Такабэ. Басты рөлдерді Самал Еслямова, Адия Мусина, Мираи Морияма және тағы басқалар сомдаған. Ерлан Нұрмұхамбетов сондай-ақ сценарий авторы екенін де атап өту керек.

"Қазақфильм" мен "Tokyo New Cinema" жапон компаниясы бірлесіп түсірген "Барымташылар. Уақыт жолдары" фильмі барымташылардың бір үйдің отағасын өлтіруі салдарынан басына күн туған отбасының бастан кешірген оқиғасын баяндайды. Әкесінің өліміне қабырғасы қайысқан 12 жастағы Олжас өзінің және кішкентай қарындастарының басына түскен сынаққа төтеп беруге мәжбүр болады. Алайда үміт үзілген шақта бейтаныс біреу оларға көмектесе бастайды.

Аталған фильм осы жылдың қыркүйегінде отандық кинотеатрлардан көрсетіле бастайды.

0