Төбет, архивтегі сурет

Қазақы төбеттер қылмыс ашуды үйреніп жүр видео 

200
(Жаңартылды 16:44 05.10.2020)
Ресми мәліметке сәйкес, астанаға Әкпар және Арабика есімді төбеттер жеткізілді. Біреуі есірткіні, ал екіншісі адамдарды іздеуге көмектеседі

НҰР-СҰЛТАН, 5 қазан – Sputnik. Астаналық кинологтар алғаш рет қазақы төбеттерді қолдана бастады. Бұл туралы ішкі істер министрлігінің ресми өкілі Нұрділдә Ораз мәлімдеді, деп хабарлайды Sputnik Қазақстан тілшісі.

"Нұр-Сұлтан қалалық полиция департаментінің кинологиялық орталығы өз қызметінде алғаш рет төбет тұқымды иттерді пайдаланатын болады. Күшіктерді Алматыдан жақында ғана жеткізді. Қазіргі уақытта төбеттер жаңа қызметке оқытылуда", - деді Ораз онлайн брифингте. 

Құқық қорғаушылар кинологиялық орталық түсірілген бейнерепортажды да жариялады. Ресми мәліметке сәйкес, астанаға Әкпар және Арабика есімді төбеттер жеткізілді. Біреуі есірткіні, ал екіншісі адамдарды іздеуге көмектеседі.

"Мысалы, бельгиялық төбеттер - энергияға толы иттер. Олар үнемі жұмыс істеп жүруі керек. Дайындауға өте қолайлы ит. Сосын неміс төбеттері бар. Олар өте шыдамды, көбінесе, есірткі іздеуге мықты. Қазақы төбеттерді де үйретіп жатырмыз. Есірткі заттарын және адам іздеуге бейімі бар. Бұл иттердің мінез-құлқы өте байсалды және салмақты. Негізі, әр иттің өзіндік ерекшеліктері болады", - дейді инструктор Ақбота Еңсебаева.

200
Кілт сөздер:
полиция, видео, ит
Тақырып бойынша
Елорда тұрғыны иттің соңынан суға секірген қызды құтқарамын деп ажал құшты
Нұр-Сұлтанда иттің үргеніне ашуланған әскери қызметкер ерлі-зайыптының зәресін алды
Жасөспірім қызға тиіспек болған педофил итке талана жаздады
Теміртауда полицей қызметтік көлігімен ер адамды қағып өлтірді
Қазақстанда шерифтер пайда болуы мүмкін
Асқар Мамин

Көрші елдерде індет қайта өршуде: Мамин тапсырма берді

1
Соңғы аптада ТМД елдерінде індет өршіп жатыр, соның ішінде Ресейде вирус жұқтырғандар саны 1,5 есеге көбейген

НҰР-СҰЛТАН, 15 маусым – Sputnik. Премьер-министр Асқар Мамин көрші елдерде вирустың қайта күшеюіне байланысты қосымша шаралар қабылдауды тапсырды, деп хабарлайды Sputnik Қазақстан тілшісі.

"Өздеріңізге белгілі, аймақтағы көршілес мемлекеттерде аурудың өсуі байқалады. Сондықтан қосымша алдын алу шараларын қабылдау қажет", - деді Мамин үкімет отырысында.

Айтуынша, бірінші кезекте вакциналау қарқынын арттыру керек.

"Ashyq қосымшасын кеңінен енгізіп, ақпараттық-түсіндіру жұмыстарын күшейтіп, халықтың вакцина алуын ынталандыратын пәрменді тәсілдер ойластыру қажет", - деді премьер. 

Үкімет отырысында денсаулық сақтау министрі Алексей Цой соңғы аптада ТМД елдерінде індет өсімі байқалатынын мәлімдеді. Соның ішінде Ресейде өткен аптамен салыстырғанда вирус жұқтырғандар саны 1,5 есеге көбейген. Осыған байланеысты қосымша шектеу шаралары енгізіліп жатыр.

1
Кілт сөздер:
Асқар Мамин
Тақырып:
Коронавирус эпидемиясы
ер адамдар

Цой айналасындағыларға қауіп төндіретін адамдар туралы айтты

19
(Жаңартылды 10:13 15.06.2021)
Карантин режимін бұзғандар жауапқа тартылады, енді Ashyq жобасында "қызыл" статус шығатын азаматтарға айыппұл салынады

НҰР-СҰЛТАН, 15 маусым – Sputnik. Ashyq жобасы енгізілгелі бері "қызыл" статуспен 4 401 адам анықталған, тағы төрт мыңға жуығы науқастармен байланыста болған, деп хабарлайды Sputnik Қазақстан тілшісі.

"Өкінішке қарай, кейбір азаматтар вирус жұқтырғанын біле тұра, үйде оқшаулану режимін сақтамайды, халық көп жиналатын орындарға баруға тырысып, ел ішінде емін-еркін жүреді. Осылайша айналасындағы адамдарға қауіп төндіреді және коронавирустың таралуына себепші болады", - деді денсаулық сақтау министрі Алексей Цой үкімет отырысында.

Осыған байланысты министрлік карантин режимін бұзатындарды әкімшілік жауапқа тарту туралы шешім қабылдады. Енді Ashyq жобасында "қызыл" статус шығатын азаматтарға 87 мың теңге айыппұл салынады.

Министрдің сөзінше, Ashyq енгізілгелі бері 4 401 адамда "қызыл" статус шықты, 3 981 адам індетке шалдыққандармен байланыста болғаны анықталды.

Бүгінде Ashyq жүйесіне 10 мыңнан аса нысан қосылған, 2 миллион 100 мың қолданушы тіркелді.

Маусым айының соңына дейін жоба әуежайлар мен теміржол вокзалдарында енгізіледі.

19
Полицей автокөлігі

Бес метр жерге ұшырды: полицейдің қатысы бар жол апаты туралы куәгерлер айтып берді

0
Елу жастағы әйелдің артында екі баласы қалды. Марқұмның туыстарының айтуынша, ол апат болған күні жұмыстан кейін баласының аттестат алу рәсіміне баруды жоспарлаған

АЛМАТЫ, 15 маусым – Sputnik. Алматыда полицей қызметтік көлігімен 50 жастағы әйелді қағып кетті. Куәгерлердің айтуынша, әйел жол жиегінде тұрған, көлік соққысынан бес метр жерге ұшып кеткен.

Патрульдік көліктің жүргізушісі қарсы келе жатқан көлікпен соқтығыспау үшін бірден бұрылып кеткенін айтты. Оның сөзінің рас-өтірігін тергеу анықтайды.

Жәбірленуші оқиға орнында қайтыс болды. Ол көлік жуу орталығында жұмыс істеген. Жұмыс күні аяқталған соң баласының аттестат алу рәсіміне баруды жоспарлаған, дейді марқұмның туыстары.

Олар апатқа кінәлі адам үшін максималды жаза беруді талап етеді. Олардың айтуынша, полиция қызметкері қатты жылдамдықпен келе жатқан, деп хабарлайды "Астана" телеарнасы.

"Ол сағатына кемінде жүз шақырым жылдамдықпен жүрген. Оны бес метр жерге ұшырып жіберген. Егер сағатына 40 шақырым жылдамдықпен жүрсе, оның салдары басқаша болар еді", - деді марқұмның туысы Сұңғылшаш Айтуғанова.

Полиция қызметкері оқиға кезінде газель мен көлік жуу жабдықтарына соқтығысқан. Оның иесі мүліктің бүлінгенін миллион теңгеден көп шығын әкелді деп бағалады.

Полиция қызметкері апатты болдырмау үшін көлік жуу жаққа бұрылып кеткенін, байқаусызда сол жерде тұрған әйелді қағып кеткенін айтты.

"Сағат 6:45 шамасында Өтемісұлы көшесімен оңтүстік бағытқа қарай кетіп бара жатқанымда алдымнан автокөлік солға қарай бұрылмақшы болды. Автокөліктен қашып, апатты болдырмау үшін көлік жуу жаққа қарай бұрылып кеттім. Сол кезде байқаусызда алдымда тұрған әйелді қағып кеттім. Кінәмді толық мойындаймын. Марқұмның туыстарына қайғырып көңіл айтамын", - деді полиция қызметкері.

Полицияның хабарлауынша, жол-көлік оқиғасына байланысты сотқа дейінгі тергеу басталды.

Оқи отырыңыз: Алматыда полицей қызметтік көлігімен әйелді қағып кетті

Аталған факті қылмыстық кодекстің 345-бабы, 3-бөлігі (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы абайсызда адам өліміне әкеп соғуы) бойынша сотқа дейінгі тергеп-тексерудің бірыңғай тізілімінде тіркелді. Қылмыстық істі Алматы полициясы тергеу басқармасы қарайды.

Әйелдің өлімі үшін жүргізуші бес жылға дейін бас бостандығынан айырылуы мүмкін. Қайтыс болған әйелдің артында екі баласы қалды.

0