Air Astana ұшағы

Air Astana Түркияға әуе рейстерінің санын қысқартып жатыр

72
Қазан айының басынан бастап Air Astana әуе компаниясы Түркияға рейстер санын он төрттен онға дейін қысқартты

АЛМАТЫ, 5 қазан – Sputnik. Air Astana әуе компаниясы бірінші қазаннан бастап Түркияға рейстер санының қысқарғанын хабарлады.

Компанияның мәліметінше, бұған ведомствоаралық комиссияның 5 қазаннан бастап осы елге рейстер санын қысқарту туралы шешімінің қатысы жоқ.

"Анталияға баратын 14 рейстің төртеуі қысқарды. Алайда бұл коронавирустың таралуына жол бермеу жөніндегі ведомствоаралық комиссияның шешіміне байланысты қысқарған жоқ. Оған дейін жоспарланған болатын. Рейстерді қысқарту туралы тапсырма келген жоқ", - деп хабарлады Sputnik Қазақстан тілшісіне әуе компаниясының баспасөз қызметі.

Ал SCAT әуе компаниясы Түркияға рейстерді қысқартуды әзірге жоспарлап отырған жоқ. Қазір компания Анталияға чартерлік рейстер ұйымдастырып жүр. Ал Стамбұлға апта сайын төрт рейс бар. Оның екеуі Шымкенттен, екеуі Ақтаудан ұшады.

Оқи отырыңыз: 6 қазаннан бастап карантин талабы күшейеді – жаңа қаулы шықты 

"Әзірге ештеңе өзгерген жоқ. Өзгерістер болса, мысалы, бас санитар дәрігердің қаулысы шықса, оны атқарушы органға жібереді, содан кейін бізге жетеді. Әзірге кестеде өзгерістер жоқ. Егер өзгерістер болып жатса, оны қосымша хабарлаймыз", - деп атап өтті SCAT мамандары.

Turkish Airlines түрік әуе тасымалдаушысы да Қазақстанға рейстерді қысқартуды жоспарлап отырған жоқ.

"Қазақстанға рейстерді қысқарту туралы жоспар жоқ. Бүгінде рейстер Нұр-Сұлтан мен Алматыға бұрынғы режимде орындалып жатыр. Біз үкіметтен рейстерді қысқарту туралы ақпарат алған жоқпыз", - деп атап өтті әуе компаниясының баспасөз қызметі Sputnik Қазақстан тілшісіне.

Айта кетейік, бұған дейін коронавирустың таралуына жол бермеу жөніндегі ведомствоаралық комиссия басқа елдермен әуе қатынасын қалпына келтіруді тоқтату, әуе қатынасы қалпына келген елдерге рейстер санын көбейтпеу және Түркияға рейстер санын азайту туралы шешім қабылдаған болатын.

72
Кілт сөздер:
Эйр Астана, Түркия, әуе компаниясы
Тақырып:
Коронавирус эпидемиясы (1652)
Тақырып бойынша
COVID-19: Алматыда балалар бөлімшесі бар аурухана ашылды – фото
"Жағдайды қиындатып отырсыз": Нығматулин денсаулық сақтау министрінің жұмысын сынады
Санитарлық нормалар сақталмаса, қатаң карантин енгізілуі мүмкін – Цой
Бекшин Алматы карантинге жабылады деген қауесетке жауап берді
Борат-2 фильміне қарсы петиция

"Борат-2" фильміне қарсы петиция: АҚШ-тың Бас консулы жауап берді

3554
(Жаңартылды 20:31 23.10.2020)
"Борат" фильмінің екінші бөлімі тыйым салуды талап еткен бір топ жас петиция ұсыну АҚШ-тың Бас консулдығына барған болатын

АЛМАТЫ, 23 қазан – Sputnik. Алматыдағы АҚШ-тың Бас консулдығы "Борат-2" фильміне қарсы шыққан азаматтардың өтінішіне жауап берді, деп хабарлайды Sputnik Қазақстан.

Дипломатиялық миссия 23 қазанда "Борат-2" фильмінің шығуына қарсы наразылық білдірушілер тобынан петиция түскенін айтты. Сонымен қатар Америка құрама штаттары үкіметі бұл фильмді қаржыландыруға, түсіруге немесе шығуына қатыспағанын мәлімдеді.

"Өз ойын білдіру бостандығы мен бейбіт жиындарға еркіндік беру – АҚШ Конституциясында көрсетілген құқықтар. Сондай-ақ АҚШ үшін де, Қазақстан үшін де негізгі құндылық болып табылады. Біз азаматтардың өз ойын бейбіт түрде білдіру қабілетін қолдаймыз. Дәл осы мүмкіндік біздің елдерді мықты етеді", - делінген хабарламада.

Сонымен қатар хабарламада АҚШ-тың Қазақстандағы төтенше және өкілетті елшісі Уильям Мозердің екі ел арасындағы қарым-қатынасына анықтама берді.

"АҚШ пен Қазақстан арасындағы қарым-қатынас – штаттарда оқып, жұмыс істейтін көптеген қазақстандықтың, сондай-ақ Қазақстанның бай мәдениеті мен дәстүрімен танысуға мүмкіндік алған көптеген америкалықтың тәжірибесі", - деді АҚШ елшісі.

Айта кетейік, 23 қазанда бір топ жас АҚШ Бас консулдығына жиналып, "Борат-2" фильмінің шығуына қарсы шықты. Олар фильмге тыйым салуды талап етіп, петициясын ұсынды.
Ұйымдастырушылар бұл петиция арқылы қоғамда теріс реакция тудырған фильмнің көрсетілуіне тыйым салуды сұрайды, олардың пікірінше, ол бүкіл мемлекеттің беделін түсіреді.

Бұған дейін Қазақстанның мәдениет және спорт министрі Ақтоты Райымқұлова британдық актер және режиссер Саша Барон Коэннің атышулы "Борат-2" фильмі туралы пікір білдірген еді

Министрдің айтуынша, сенсациялық фильмнің Қазақстанда пайда болуы фактісін елемеуге болмайды. 

"Борат" тарихы

Еске сала кетсек, "журналист" Борат Сагдеевтің Америкаға сапары туралы 2006 жылы шыққан фильм хитке айналды. Бұл фильмді шығаруға 18 миллион доллар кеткенімен, оны дайындағандар 261,5 миллион доллар пайда тауып, "Алтын глобус" иегері атанды және "Оскарға" ұсынылды.

Ал Қазақстанда фильм қоғам тарапынан наразылық тудырды. Фильм түсірушілерге елді қорлады деген айып тағылды.

Екінші бөлімнің сюжеті бойынша, ойдан шығарылған кейіпкер, қазақстандық журналист Бораттың тағы да АҚШ-қа жолы түседі. Ол америкалықтардың әдеттегі өмір салтын гротеск тәсілімен мазақ ете келе, президенттік сайлау қарсаңындағы елдің саяси өмірін зерттейтін болады.

Жаңа трейлер шыққаннан кейін көптеген қазақстандық фильмді теріс бағалады. Осыдан кейін әлеуметтік желіде "Бораттың" жалғасының шығуына қарсы флешмоб ұйымдастырылды. Оған әлемнің түкпір-түкпіріндегі қолданушылар қосылды, олар #СancelBorat хэштегімен фильмге қарсы шығып жатыр.

3554
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
"Көрсетуге болмайды": "Борат-2" фильміне қарсы жастар АҚШ бас консулдығына барды
"Борат-2": министр қандай шара қолға алынатынын айтты
АҚШ-тың Қазақстандағы елшісі "Борат" фильміне қатысты пікір білдірді
Саша Барон Коэн Астанада "Бораттың киімімен" суретке түскен туристерге араша түсті
Борат-2 фильміне наразылық танытқан жастар АҚШ елшілігіне барды

"Көрсетуге болмайды": "Борат-2" фильміне қарсы жастар АҚШ бас консулдығына барды

3743
(Жаңартылды 15:54 23.10.2020)
Жастар "Борат-2" фильмінің қазақстандық мәдениетті қорлайтынына, оны шығару мүлдем дұрыс емес екендігіне сенімді. Бұған дейін әлеуметтік желіде көптеген қазақстандық атышулы фильмге қатысты өз наразылығын білдірді

АЛМАТЫ, 23 қазан - Sputnik. Бір топ жас АҚШ-тың Бас консулдығына "Борат" фильмінің екінші бөлімі шыққан күні келді. Олар фильмге тыйым салуды талап етіп, петициясын ұсыну үшін ғимаратқа кірді. 

Қазақстанның патриот жастарының өкілдері Американың дипломатиялық өкілдігінің ғимаратына фильмге қатысты наразылығын жеткізу мақсатында арнайы барды. Жастар фильмге қарсы петиция жазды.

Петиция против фильма Борат-2 от казахстанской молодежи, переданная генконсулу США
© Sputnik / Тимур Ниталиев
"Борат-2" фильміне наразылық танытқан жастар АҚШ-тың бас консулдығына барды

Ұйымдастырушылар бұл петиция арқылы қоғамда теріс реакция тудырған фильмнің көрсетілуіне тыйым салуды сұрайды, олардың пікірінше, ол бүкіл мемлекеттің беделін түсіреді.

"Көп адам жиналуы керек еді, бірақ пандемия кезінде бұған тыйым салынып отыр. Заң бар. Соған сәйкес, көп адам шоғырланбауы керек. "Намыс" клубынан Азамат Жолданбаев, Мақсат Мамадияров және бір топ жігіт келді. Біздің бар тілегіміз – осы фильмді заңды түрде тоқтату. Бұл фильмді көрсетуге болмайды. Күні кеше олар қазақтың намысын аяққа таптады. Сондықтан біз үйімізде отыра алмадық, бұл жерге өз наразылығымызды білдіру үшін келдік", - деді "Намыс" клубының жетекшісі Азамат Ғалымжанұлы.

Петицияға 50 адам қол қойды. Қол қойған тараптардың өкілдері бас консулға петицияны куәгерлер мен журналистердің көзінше ұсынғысы келетінін жеткізді. Консулдық қызметкерлері ішке тек бір адамды ғана шақыра алатынын жеткізгендіктен, Азамат Ғалымжанұлы өз әріптесімен бірге бас ғимаратқа кірді. Кейін олар қандай нәтижеге қол жеткізгендерін айтты.

"Дипломаттар біздің петициямызды қабылдады, пікірімізге құлақ асты, наразылығымызды түсінді. Олар құжатты қарау үшін бас консулға тапсыратынын айтты. Ең бастысы, олар бізді және көздеген мақсатымызды түсінді. Мақсатымыз - осы фильмнің біздің елде таралуына жол бермеу", - деді Ғалымжанұлы.

Оның айтуынша, өтінішті қарағаннан кейін консулдық қызметкерлері олармен байланысқа шығуға уәде берген.

"Борат-2" төңірегіндегі дау

Бұған дейін Қазақстанның мәдениет және спорт министрі Ақтоты Райымқұлова британдық актер және режиссер Саша Барон Коэннің атышулы "Борат-2" фильмі туралы пікір білдірген еді.

Министрдің айтуынша, сенсациялық фильмнің Қазақстанда пайда болуы фактісін елемеуге болмайды. 

Казахстанская молодежь пришла к генконсульству США с требованием запретить фильм Борат-2
© Sputnik / Тимур Батыршин
"Мақсатымыз - осы фильмнің біздің елде таралуына жол бермеу", - дейді консулдық алдында жиналған жастар

АҚШ-тың Қазақстандағы елшісі де атышулы "Борат" туралы өз ойымен бөлісті. Ол АҚШ-та Қазақстанды танытып жүрген дарынды азаматтар көп екенін атап өтті.

"Олар кез келген фильмнен гөрі ұзақ есте қалады", - деп түйіндеді өз сөзін Мозер.

"Борат" тарихы

Еске сала кетсек, "журналист" Борат Сагдеевтің Америкаға сапары туралы 2006 жылы шыққан фильм хитке айналды. Бұл фильмді шығаруға 18 миллион доллар кеткенімен, оны дайындағандар 261,5 миллион доллар пайда тауып, "Алтын глобус" иегері атанды және "Оскарға" ұсынылды.

Ал Қазақстанда фильм қоғам тарапынан наразылық тудырды. Фильм түсірушілерге елді қорлады деген айып тағылды.

Екінші бөлімнің сюжеті бойынша, ойдан шығарылған кейіпкер, қазақстандық журналист Бораттың тағы да АҚШ-қа жолы түседі. Ол америкалықтардың әдеттегі өмір салтын гротеск тәсілімен мазақ ете келе, президенттік сайлау қарсаңындағы елдің саяси өмірін зерттейтін болады.

Жаңа трейлер шыққаннан кейін көптеген қазақстандық фильмді теріс бағалайды. Осыдан кейін әлеуметтік желіде "Бораттың" жалғасының шығуына қарсы флешмоб ұйымдастырылды. Оған әлемнің түкпір-түкпіріндегі қолданушылар қосылды, олар #СancelBorat хэштегімен өздерінің ашу-ызасын білдіруде.

3743
Кілт сөздер:
наразылық, жастар, консул, АҚШ, фильм, Борат
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
АҚШ-тың Қазақстандағы елшісі "Борат" фильміне қатысты пікір білдірді
"Борат-2": министр қандай шара қолға алынатынын айтты
Шетелдіктер Астанада "Бораттың киімімен" суретке түсті
Саша Барон Коэн Астанада "Бораттың киімімен" суретке түскен туристерге араша түсті
Мишустин мен Мамин

Мишустин Маминді құттықтады

0
Тараптар телефон арқылы екі елдің сауда-экономикалық байланысын дамыту мәселесін талқылағаны хабарланды

НҰР-СҰЛТАН, 23 қазан — Sputnik. Жұма күні Қазақстан премьер-министрі Асқар Мамин мен Ресейдің үкімет басшысы Михаил Мишустин телефон арқылы сөйлесті.

"Михаил Мишустин Асқар Маминді 55 жасқа толуымен құттықтады. Денсаулық пен береке мен жаңа жетістіктер тіледі", - деп хабарлады Ресей үкіметінің баспасөз қызметі.

Екі елдің премьерлері сауда-экономикалық байланыс мен Еуразиялық экономикалық одақ аясындағы бірлескен жұмысты талқылады. 

Сондай-ақ, үкімет желісі бойынша алдағы келісімшарттар сөз болды.

Асқар Мамин 1965 жылы Целиноградта дүниеге келді. Целиноград инженерлік-құрылыс институтын, инженер-құрылысшы, экономист мамандығы бойынша Г. В. Плеханов атындағы Ресей экономикалық академиясын тәмамдаған. 2019 жылдың 25 ақпанында Қазақстанның премьер-министрі қызметіне тағайындалды.

0