Ұлттық бірыңғай тестілеу, архивтегі сурет

Қазақстанда көне жоғары оқу орындардың бірі жабылатын болды

1496
(Жаңартылды 13:43 06.10.2020)
Лицензиядан айыру туралы шешім 10 жұмыс күні өткен соң күшіне енеді. Содан кейін жоғары оқу орны қызметін тоқтатуға міндетті

НҰР-СҰЛТАН, 6 қазан – Sputnik. Білім және ғылым министрлігі Алматыдағы М.Тынышпаев атындағы Қазақ көлік және коммуникация академиясын бас лицензиясынан айырды, деп хабарлайды ведомствоның баспасөз қызметі.

Министрлік жыл бойы академияда жоспарлы және жоспардан тыс тексерулер жүргізген. Нәтижесінде білім беру саласында бірқатар өрескел заңбұзушылық анықталды.

Лицензиядан айыру туралы шешім 10 жұмыс күні өткен соң заңды күшіне енеді. Содан кейін жоғары оқу орны білім беру саласындағы қызметін тоқтатуға міндетті болады, деп ескертті білім және ғылым министрлігі.

"Біз академия иелері қарсылық танытуы мүмкін екенін түсінеміз. Олар комитеттің шешіміне сот тәртібі бойынша шағымдануға құқылы. Студенттердің алаңдауына еш себеп жоқ. Олар сол қаладағы басқа жоғары оқу орындарына грантын сақтай отырып, ауыса алады, ақылы оқитындар үшін оқу құны артпайды. Ауысу үшін оларға семестрдің аяқталуын күтудің қажеті жоқ, біз қазірден бастап  ауысуға рұқсат бердік", - деді министрліктің білім және ғылым саласындағы сапаны қамтамасыз ету комитетінің төрайымы Гүлзат Көбенова.

Ведомствоның ақпаратынша, қазір М.Тынышпаев атындағы Қазақ көлік және коммуникация академиясында 5 мыңнан астам адам оқиды. Оқу құны – білім беру бағдарламасына байланысты 427 мың теңгеден бастап 1,5 миллион теңгеге дейін.

Тағы оқыңыз: Елімізде бес университеттің лицензиясы уақытша тоқтатылды

"Қазақ көлік және коммуникация академиясына қатысты түскен шағымдар бір жылдың көлемінде толастаған емес. Академияның 30-шы жылдардан бастау алған тарихына қарамастан, университет басшылығы оқу орнын осы жағдайға жеткізді. Кезінде дәл осы жоғары оқу орны теміржол саласын сапалы кадрлармен қамтамасыз еткен болатын. Өкініштісі сол, қазіргі таңда бұл білім ордасында болашақ мамандарды тиісті деңгейде даярлау бойынша түйткілді мәселелер жетерлік. Мұндай жағдай елдің экономикасы үшін стратегиялық маңызды саласына маман дайындау барысында орын алмауы тиіс", - деді Қазақстан жоғары оқу орындары қауымдастығының президенті Рахман Алшанов.

Академиядағы бакалавриаттың 8 бағыты, магистратураның 6 бағыты, докторантураның 4 бағыты бойынша лицензиялар Алматы қаласының басқа 30 жоғары оқу орнында бар.

Министрлік материалдық-техникалық инфрақұрылым мен білім беруге салынған инвестицияны ескеріп, академия базасында мектеп немесе колледж құру туралы ұсынысты қарастыруы мүмкін.

Бұған дейін білім министрлігі 25 жоғары оқу орнын лицензиясынан айырған еді. Олар "педагогикалық ғылымдар", "өнер", "гуманитарлық ғылымдар", "жаратылыстану ғылымдары", "техника ғылымдары", "қызмет көрсету" және "әлеуметтік жұмыс", "әлеуметтік ғылымдар" бағыты бойынша мамандар даярлаған.

1496
Кілт сөздер:
лицензия, академия, Білім және ғылым министрлігі
Тақырып бойынша
Қазақстанда 25 жоғары оқу орны лицензиясынан айырылды
Жоғары оқу орны оқытушыларының жалақысы өседі
Алматының орталық мешіті

Қарашадан бастап бес уақыт намазды мешітте оқуға болады

78
Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс

НҰР-СҰЛТАН, 26 қазан – Sputnik. Премьер-министр Асқар Маминнің төрағалығымен коронавирус инфекциясының таралуына жол бермеу жөніндегі ведомствоаралық комиссияның селекторлық отырысы өтті, деп хабарлады primeminister.kz.

Отырыста мешіттер мен театрларға қатысты жаңа ереже бекітілді.

Сонымен, 2 қарашадан бастап күн сайынғы бес уақыт намазды мешітте оқуға рұқсат етіледі. Бірақ залдағы адам саны 100-ден аспауы тиіс. Сонымен қатар, 2 метр әлеуметтік арақашықтық, қатаң санитарлық-дезинфекциялық режим сақталады. Келушілердің барлығы маска тағуы керек, олардың дене қызуы өлшенеді.

Жұма намазын оқуға әзірге рұқсат етілген жоқ.

Оқи отырыңыз: Екінші тоқсаннан бастап қандай мектептер дәстүрлі форматқа көшеді?

Сондай-ақ театрлардың жұмысы да талқыланды. Залды 30%-ке дейін толтыруға болады, бірақ 100 адамнан асып кетпеуі керек.  Мұнда да әлеуметтік арақашықтық, маска режимі сақталады.    

78
Кілт сөздер:
мешіттер, намаз, жұма намаз
Тақырып:
Төтенше жағдай және карантин
Тақырып бойынша
Тоқаев карантин енгізген кезде кәсіпкерлердің мүддесін ескеруді тапсырды
Нұр-Сұлтанға келген 100-ден астам жолаушы карантинге жіберілді
Алматыда бас санитар дәрігердің жаңа қаулысы шықты
Бекшин Алматыда инфекция жұқтырғандар неге көбейгенін айтты
Нұр-Сұлтанда карантин күшейтіле ме – әкім астаналықтарға үндеу жасады
Архивтегі фото

Екінші тоқсаннан бастап қандай мектептер дәстүрлі форматқа көшеді?

4040
(Жаңартылды 20:22 26.10.2020)
Екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады

НҰР-СҰЛТАН, 26 қазан – Sputnik. Коронавирус инфекциясының таралуына жол бермеу жөніндегі ведомствоаралық комиссия мектептерге қатысты шешім қабылдады. Бұл туралы үкімет басшысының баспасөз қызметі хабарлады.

Екінші тоқсаннан бастап оқушылар саны 300-ге жетпейтін қала және ауыл мектептерінің жұмысын дәстүрлі форматқа көшіру тапсырылды.  

Сондай-ақ ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

"Санитарлық-дезинфекциялық режимді, маска режимін, шахмат ретімен отырғызу және әлеуметтік арақашықтықты міндетті түрде сақтау қажет", - делінген хабарламада.

Өңірлердің әкімдері мектептер мен медицина ұйымдарында санитарлық режимді сақтау жөніндегі жұмысты жеке бақылауға алады.

Еске сала кетейік, қазақстандық оқушылар бірінші тоқсанды қашықтан оқып жатыр. Бастауыш сынып оқушылары кезекші сыныптарға бара алады (ата-ананың қалауы бойынша). Сондай-ақ, шалғай ауылдардағы шағын жинақты мектептер дәстүрлі форматта жұмыс істеуде.  

4040
Кілт сөздер:
оқушылар, мектеп
Тақырып бойынша
Бекшин Алматыдағы кинотеатрлардың жұмыс істеу тәртібін түсіндірді
Алматыда эпидемиологиялық жағдай күрделене түсті – Бекшин
Алматыда бас санитар дәрігердің жаңа қаулысы шықты
Тоқаев карантин енгізген кезде кәсіпкерлердің мүддесін ескеруді тапсырды
Қашықтан оқу

Ақтөбе облыстық білім басқармасының былығы ашылды

0
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

0
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады