Ақорда ғимараты

Тоқаев стратегиялық жоспарлау және реформалар агенттігінің құрылымын бекітті

1611
(Жаңартылды 16:10 06.10.2020)
Стратегиялық жоспарлау және реформалар агенттігінің басшысы болып Қайрат Келімбетов тағайындалды. Жаңа ведомство ұзақ мерзімді стратегиялық жоспарларды әзірлеп, оның іске асуына баға беретін болады

АЛМАТЫ, 6 қазан – Sputnik. Қазақстан президенті Қасым-Жомарт Тоқаев стратегиялық жоспарлау және реформалар агенттігінің ережесі мен құрылымын айқындайтын жарлыққа қол қойды.

Қаулы мәтіні Ақорда сайтында жарияланды.

Құжатта ұлттық экономика министрлігінің статистика комитеті агенттіктің ұлттық статистика бюросы болып қайты құрылғаны айтылған.

Агенттік президентке тікелей бағынатын және есеп беретін мемлекеттік орган болып табылады. Ведомство стратегиялық жоспарлау, мемлекеттік статистикалық қызмет, реформалар жүргізу және мемлекеттік органдар қызметінің тиімділігін бағалау салаларында басшылықты жүзеге асырады.

Қойылған міндеттерді іске асыру үшін агенттік президентке стратегиялық жоспарлау, мемлекеттік статистикалық қызмет, институционалдық және әлеуметтік-экономикалық реформаларды жүргізу жөніндегі мемлекеттік саясатты жетілдіру мәселелері бойынша ұсыныстар енгізе алады. Сондай-ақ, үкіметтен, ұлттық банктен, орталық мемлекеттік органдардан және жергілікті атқарушы органдардан, лауазымды тұлғалардан қажетті ақпаратты сұратуға және алуға құқылы.

Оқи отырыңыз: Ақорда Қырғызстандағы жағдайға қатысты мәлімдеме жасады 

Стратегиялық жоспарлау және реформалар жөніндегі агенттіктің басшысы болып Қайрат Келімбетов тағайындалды. Жаңа агенттік төрағасының орынбасарлары болып бұған дейін сыртқы істер министрлігінде жауапты хатшы болған Әркен Өтенов пен ұлттық экономика министрлігінің бұрынғы вице-министрі Жаслан Мәдиев тағайындалды.

Жарлық қол қойылған күнінен бастап қолданысқа енеді. Үкіметке оны іске асыру үшін шаралар қабылдау тапсырылды.

Айта кетейік, 2020 жылдың 1 қыркүйегінде Қазақстан президенті Қасым-Жомарт Тоқаев халыққа жолдауы барысында президентке тікелей бағынатын стратегиялық жоспарлау және реформалар агенттігін қайта құру туралы шешімін хабарлады.

1611
Тақырып бойынша
Тоқаевқа қарайтын жоғары кеңестің құрамы жарияланды 
Министрліктерде жауапты хатшылар болмайды – Тоқаев тапсырма берді
Бәсекелестікті дамыту және қорғау агенттігі пайда болады
Тоқаев Келімбетовке жауапты қызметті сеніп тапсырды
Тоқаев Мәдиев пен Өтеновті жаңа қызметке тағайындады
Тоқаев стратегиялық жоспарлау және реформалар агенттігін құруды тапсырды
Сот, архив

Тоқаев судьялар үшін тағы бір талап енгізуді ұсынды

2
Соттарға экономика мен құқықтың өзекті мәселелерін жақсы түсінетін мамандарды тарту қажет, деп есептейді президент

НҰР-СҰЛТАН, 23 қазан – Sputnik. Дамыған елдерде бұрын азғантай теріс қылығы болған адамды судья қызметіне алмай қояды, осы тәжірибені қолға алу қажет. Бұл туралы Қазақстан президенті Қасым-Жомарт Тоқаев айтты, деп хабарлайды Sputnik Қазақстан тілшісі. 

"Соңғы жылдары судья қызметіне кандидаттарға қойылатын талаптар күшейтілді. Іріктеу тәртібі де өзгерді. Бүгінде мықты заңгерлер, көрнекті ғалымдар және практик құқықтанушылар сот саласында тәжірибесі болмаса да, судья бола алады. Соттарға экономика мен құқықтың өзекті мәселелерін жақсы түсінетін мамандарды тарту қажет", - деді Тоқаев Қазақстан судьяларының VIII съезінде.

Осы орайда мемлекет басшысы шет елдердің тәжірибесі негізінде судьяларға қатысты тағы бір талапты қолға алу қажет деп санайды.

"Судьяның репутациясы мінсіз болуы шарт. Ал кандидаттарды іріктеу процесі ашық әрі жариялы түрде өтуі керек. Дамыған мемлекеттердің көбісі судьяларға өте жоғары талап қояды, тіпті бұрын болған азғантай теріс қылығы үшін осы қызметті бермей қояды. Бұл тәжірибені Қазақстанда қолға алу қажет деп санаймын", - дейді Тоқаев.

Президенттің айтуынша, Жоғарғы сот кеңесіне үлкен жауапкершілік жүктеліп отыр. Себебі осы құрылым судьяларды іріктеу шараларына жауап береді. Ал Жоғарғы сот жанындағы сот төрелігі академиясына біраз шаруа атқару қажет. Себебі 60 түлектің ішінде 7-уі ғана судьяның жолын таңдайды. Ал олардың дайындығына бюджеттен қыруар қаржы бөлінеді. Тағылымдамадан өткен мамандар еңбекақының 70 процентін алып тұрады.

2
Кілт сөздер:
Қасым-Жомарт Тоқаев
Facebook

Президент блогерлер мен журналистерге ескерту жасады  

754
БАҚ-тың ашықтығы мен жариялылығын сотқа қысым жасау үшін пайдалануға болмайды, деді мемлекет басшысы

НҰР-СҰЛТАН, 23 қазан – Sputnik. Мемлекет басшысы Қасым-Жомарт Тоқаев сот шешіміне дейін судьяларға қысым жасау мәселесін көтерді, деп хабарлайды Sputnik Қазақстан тілшісі. 

"Соңғы кездері бұқаралық ақпарат құралдары пен әлеуметтік желілер тарапынан судьяларға қысым жасау жағдайлары аз емес. Әдетте былай болады: тергеу әлі аяқталған жоқ, іс те сотқа жіберілмеді, ал кейбір журналистер мен блогерлер жағдайды ушықтырып, судьяның шешіміне болжам жасап жатады", - деді Тоқаев Қазақстан судьяларының VIII съезінде.

Мемлекет басшысы осы мәселеге құқық қорғаушылар да кінәлі екенін жеткізді. Себебі олар адамның ұсталғаны туралы алдын ала хабарлап, оның қылмыскер ретінде көрсетіп қояды. Ал соттың шешімі әлі шықпаған.

"БАҚ-тың ашықтығы мен жариялылығын сотқа қысым жасау үшін пайдалануға болмайды. Сот төрелігі тек сот залында және сот процесінің соңында ғана жасалуы тиіс. Әрбір судья өз әрекеті мен шешіміне жауапты. Ал сотқа қысым жасағаны үшін заң алдында жауап беру керек", - деп атап көрсетті Тоқаев.

Айта кетейік, бүгінгі жиында судьялар осы мәселеге қатысты өз ұсынысын жасады. Судья Татьяна Курынованың айтуынша, сотқа дейінгі тергеу кезінде барлық ақпаратты тек прокурорлар ғана беруі тиіс.

754
Кілт сөздер:
Қасым-Жомарт Тоқаев