Сыйлық, архив

Мемлекеттік қызметшіге сыйлық беруге тыйым салынды қандай жаза қарастырылған

212
(Жаңартылды 11:29 07.10.2020)
Құны 2 айлық есептік көрсеткішке дейінгі сыйлық әкімшілік жауапкершілікке әкеп соғады, құны 2 айлық есептік көрсеткіштен жоғары сыйлық қылмыстық жауапкершілік болып саналады

АЛМАТЫ,7 қазан – Sputnik. Қазақстанда мемлекеттік қызметшілерге кез келген құнды сыйлық беруге тыйым салынды. Бұл жайында сыбайлас жемқорлыққа қарсы іс-қимыл агенттігі төрағасының бірінші орынбасары Олжас Бектенов мәлімдеді, деп хабарлайды Sputnik Қазақстан тілшісі.

Олжас Бектеновтің айтуынша, қылмыстық кодекстің 367-бабына сәйкес ("пара беру") мемлекеттік функцияларды атқаруға уәкілетті тұлғаларға, оларға теңестірілген тұлғаларға, жауапты мемлекеттік лауазымды атқаратын тұлғаларға құны 2 айлық есептік көрсеткіштен немесе 5 556 теңгеден асатын тарту жасау қылмыстық жауапкершілікке әкеп соғады.

Спикер әкімшілік құқықбұзушылық туралы кодекстің 676-бабы ("жеке тұлғалардың заңсыз материалдық сыйақы беруі"), 678-бабына ("заңды тұлғалардың материалдық сыйақы беруі") тоқталды. Оларға сәйкес, жеке немесе заңды тұлғалардың аталған тұлғаларға заңсыз сыйлық беру әкімшілік сыбайлас жемқорлық әрекет болып саналады.

Осылайша, құны 2 айлық есептік көрсеткішке (1 АЕК – 2778 теңге) дейінгі сыйлық әкімшілік жауапкершілікке әкеп соғады, құны 2 айлық есептік көрсеткіштен жоғары сыйлық қылмыстық жауапкершілік болып саналады.

"Сыбайлас жемқорлыққа қарсы іс-қимыл туралы" заңда сыбайлас жемқорлыққа қарсы шектеулер қабылдайтын тұлғалардың отбасы мүшелерінің материалдық сыйақы, сыйлықтар қабылдауына тыйым салынады", - деді Бектенов.

Айта кетейік, мемлекет басшысы 7 қазанда "Қазақстан Республикасының кейбір заңнамалық актілеріне сыбайлас жемқорлыққа қарсы іс-қимылм әселелері бойынша өзгерістер мен толықтырулар енгізу туралы" заңға қол қойды. Заң жүйелі түрде сыбайлас жемқорлықтың алдын алу бойынша қосымша шаралар енгізуге бағытталған.

 

212
Кілт сөздер:
мемлекеттік қызметші, сыйлық, жаза
Тақырып бойынша
Парамен ұсталған шенеунік өзенге секіріп кетті - видео
Шенеунік тергеушілердің көзінше дәлелдерді жеп қойды – видео
Тоқаев мемлекеттік қызметшілерге қатысты заңға қол қойды
Әкімнің кабинетінен бір бума ақша табылды
Назарбаев Тоқаев неге президент болғанын айтып берді
Алматы қаласы

Алматының бас санитар дәрігері жаңа қаулыға қол қойды

123
Құжатқа сәйкес, "қызыл" аймақта Ashyq нысандарына 00:00-ге дейін, ал "жасыл" мәртебесі бар лидерлерге 02:00 -ге дейін жұмыс істеуге рұқсат етілген

НҰР -СҰЛТАН, 17 қыркүйек – Sputnik. Алматының бас мемлекеттік санитар дәрігері Жандарбек Бекшин жаңа қаулы шығарды.

Қаулыға сәйкес, "қызыл" аймақта демалыс күндері Ashyq объектілеріне 00:00-ге дейін, ал егер қызметкерлер мен келушілерде "жасыл" мәртебе болған жағдайда (вакциналау, теріс нәтиже көрсеткен ПТР тестін іріктеу сәтінен бастап 7 тәуліктен аспайды, соңғы 3 ай ішінде ауырып жазылған адамдар) Ashyq лидерлеріне 02:00-ге дейін жұмыс істеуге рұқсат етіледі.

Жұмыс күндері Ashyq объектілеріне 00.00-ге дейін, Ashyq лидерлеріне 02.00-ге дейін жұмыс істеуге болады.   

Құжатта Ashyq лидерлеріне қарастырылған жеңілдіктер де жазылған – оларға "қызыл" аймақта "сары" талаптарымен жұмыс істеуге рұқсат етілген. Қызметкерлердің 90% вакциналанған жағдайда (медициналық қарсы көрсетілімі бар және ауырып жазылғандарды қоспағанда) объектіге келушілер санын 20% -ке арттыруға мүмкіндік бар.

Вакциналауды тексеру рейдтері 2020 жылдың 7 желтоқсанындағы Қазақстан аумағында коронавирус инфекциясының таралуына жол бермеу жөніндегі ведомствоаралық комиссияның хаттамасымен бекітілген тәртіпке сәйкес жүргізіледі (2021 жылы 7 қыркүйекте өзгерістер енгізілген).

Сондай-ақ қоғамдық көлік салонында дыбыстық хабарлау шаралары ұйымдастырылады:

  • бетпердесіз жолаушылардың қоғамдық көлікке кіруіне тыйым салынғаны туралы;
  • масканы міндетті түрде және дұрыс кию туралы;
  • маска режимін сақтамағаны үшін 30 АЕК мөлшерінде айыппұл салынатыны туралы;
  • мониторингтік топтар тұрақты рейдтер өткізетіні туралы.

Қаулының толық мәтінін мына жерден оқуға болады.  

123
Тақырып:
Төтенше жағдай және карантин
Архивтегі фото

Танымал ғылыми орталықтың директорына сот үкім шықты

141
(Жаңартылды 17:47 17.09.2021)
Сотталғандар 2018-2020 жылдар аралығында өздеріне бағынышты компаниялар арқылы ақша жымқырған

НҰР-СҰЛТАН, 17 қыркүйек –  Sputnik. Ақмола облысындағы Ақкөл аудандық сотының үкімімен Бараев атындағы астық шаруашылығы ғылыми-өндірістік орталығының бас директоры Кенже Абдуллаев 10 жылға бас бостандығынан айырылды, деп хабарлады сыбайлас жемқорлыққа қарсы іс-қимыл агенттігі.

Агенттіктің аса маңызды істер жөніндегі тергеушісі Данияр Бекайдаровтың айтуынша, осы іске қатысы бар деген күдікпен ұсталған тағы бірнеше адам сотталды. Олар:

  • "Монолит-1" ЖШС директоры С. Сұлутаева - 8 жылға;
  • Орталықтың мемлекеттік сатып алу бөлімінің бас маманы Е. Қосақова - 8 жылға; 
  • Орталық кадрлар бөлімінің маманы И. Копервас - 4 жылға бас бостандығынан айырылды.  

"Аталған тұлғалардың барлығы белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, орташа қауіпсіз түзеу мекемелерінде жазасын өтеуге сотталған", - деді Бекайдаров онлайн брифингте.

Сотталғандар 2018-2020 жылдар аралығында өздеріне бағынышты компаниялар арқылы ақша жымқырған. Атап айтқанда, жұмыстар мен қызметтерді іс жүзінде орындамай, келісімшарттарды рәсімдеген. Кәсіпорын ғимараттарын ағымдағы жөндеу жұмыстары да тура сондай әдіспен орындалған. Осылайша мемлекетке 190 миллион теңгеден астам материалдық залал келген.

Айта кетері, өткен жылы шілденің соңында сыбайлас жемқорлыққа қарсы іс-қимыл агенттігі Бараев атындағы астық шаруашылығы ғылыми-өндірістік орталығының бас директорына қарсы қылмыстық істің қозғалғанын мәлімдеді. Сол кезде оған нақты орындалмаған жұмыс үшін қызметтерді жеткізушіге ақша аудару арқылы 5,3 миллион теңгеден астам бюджет қаражатын жымқырды деген айып тағылған.

Оқи отырыңыз: Адвокат Тасмағамбетов пен Сағынтаевты сотқа шақыруды сұрады 

141
Нұр-Сұлтан

Синоптиктер 19 қыркүйекте ауа райы қандай болатынын болжады

44
Бірқатар облыста найзағай ойнап, тұман түсіп, жел күшейсе, кейбір өңірде үсік жүреді

НҰР-СҰЛТАН, 19 қыркүйек – Sputnik. Қазақстанның басым бөлігі солтүстік антициклон ықпалында болғандықтан, күн ашық болады, деп хабарлайды Қазгидромет.

"Қазақстанның солтүстік, орталық, шығыс және оңтүстік аймақтарына әлі де солтүстік-батыс циклоны ықпал етеді, жаңбыр жауады, оңтүстікте найзағай ойнап, тұман түседі, жел күшейеді", - деп хабарлады синоптиктер.

Солтүстік Қазақстан облысының солтүстігінде тұман, түнде оңтүстік-шығысында жел 15-20 м/с-ке дейін күшейеді, күндіз облыстың басым бөлігінде желдің күші 15-20, екпіні 23-28 м/с болады.

Ақмола облысының солтүстігінде тұман, күндіз басым бөлігінде жел 15-20 м/с-ке дейін күшейеді.

Қостанай, Павлодар облыстарының солтүстік-шығыс және шығысында тұман түсіп, жел15-20-ке дейін күшейеді.

Түркістан облысының таулы аймақтарында найзағай ойнап, желдің күші 15-20 м/с-ке дейін жетеді. Түнде облыстың солтүстік және орталығында тұман түседі.

Түнде Батыс Қазақстан облысының солтүстігінде топырақ бетінде, Ақмола, Солтүстік Қазақстан облысының батысында, Ақтөбе, Қостанай облыстарының солтүстігінде, Қарағанды облысының солтүстік және орталығында 1-3 градус үсік күтіледі.

Алматы, Жамбыл, Түркістан, Қызылорда, Маңғыстау, Атырау, Ақтөбе облыстарының басым бөлігінде, Қостанай облысының оңтүстік-батыс, батыс және орталығында, Қарағанды облысының оңтүстік және орталығында, Батыс Қазақстан облысының солтүстік-шығыс және орталығында, Павлодар облысының орталығында, Шығыс Қазақстан облысының оңтүстігінде төтенше өрт қаупі сақталады.

Мегаполистерде ауа райы қандай болады

Нұр-Сұлтанда күн бұлтты, жаңбыр жаумайды. Күндіз ауа температурасы +8..+10 °C, түнде +1..+3 °C. Желдің жылдамдығы 9-14 м/с, күші 15-20 м/с-ке дейін жетеді.

Алматыда күн бұлтты болады, күндіз ауа температурасы +31..+33 °C, түнде +18..+20 °C.

Шымкентте күн ашық, ауа температурасы күндіз +28..+30 °C, түнде  +13..+15 °C болады.

44