Ұшақтан түскен жолаушылар

Қазақстанға ұшақпен келген екі шетел азаматы кері қайтарылды бас санитар себебін айтты

36
(Жаңартылды 13:46 07.10.2020)
Түркия азаматының ПТР-тест анықтамасы 1 қазанда берілген. Ал Беларусь азаматының қолында экспресс-тест анықтамасы ғана болған

НҰР-СҰЛТАН, 7 қазан – Sputnik. Қазақстанға ұшақпен келген Түркия мен Беларусьтың екі жолаушысы өз елдеріне қайтарылды, деп хабарлады Нұр-Сұлтан әуежайының баспасөз қызметі.

7 қазанда астанаға SCAT, Веlavia мен Air Astana әуе компанияларының ұшақтары қонған болатын. Барлығы 521 жолаушы мен экипаждың 48 мүшесі болған. Рейстер Шарм-әл-Шейхтан (чартерлік), сондай-ақ, Минск, Дубай мен Стамбулдан келді.

"123 жолаушыда ПТР-тест жоқ болып шықты. Олардың бәрін стационарға жатқызды. Түркия мен Беларусьтың екі жолаушысы депортацияланды. Дене қызуы бар жолаушылар анықталған жоқ", - дейді әуежай қызметкерлері.

Көліктегі бас мемлекеттік санитарлық дәрігер Сәдуақас Байғабылов шетелдіктерді депортациялау мәселесіне қатысты пікір білдірді.

"7 қазанда "Минск – Нұр-Сұлтан" әуе рейсімен келген екі шетел азаматы депортацияланды. Түркия азаматының ПТР-тест анықтамасы 1 қазанда берілген. Ал Беларусь азаматының экспресс-тест анықтамасы ғана болған", - деді Байғабылов.

Оның айтуынша, стационарға жатқызылға өз азаматтарымыз алдымен ПТР-тест тапсырады. Теріс нәтиже шықса, үйге баруға рұқсат беріледі. Ал коронавирус расталған жағдайда инфекциялық стационарға жатқызып қояды.

Жаңа ереженің талаптары

6 қазанда Қазақстанға келетін жолаушылар үшін жаңа талаптар енгізілген болатын. Шетелде коронавирус жұқтыру оқиғаларының көбеюіне байланысты ұшақпен келетіндердің бәрі термометриядан өтеді. Одан кейін анкета толтырады. Ең бастысы ПТР-тест анықтамасы болуы шарт және оның мерзімі 72 сағаттан аспауы тиіс.

Оқи отырыңыз: "Қашып кетпек болды": Шетелден оралған 22 жолаушы ПТР тест тапсырудан бас тартты

Қазақстан азаматтығы жоқ адамдар анықтамасыз келсе, елге кіруге рұқсат берілмейді. Ал өз азаматтарымыз анықтамасыз болса, алдымен карантиндік стационарға жатқызылады. Сол жерде ПТР-тест тегін жасалады. Көрші елдермен шекаралас жерде өткізу бекеттері арқылы келгендерге де тура сондай талаптар қойылады.

36
Кілт сөздер:
коронавирус, әуежай, жолаушылар
Тақырып:
Төтенше жағдай және карантин (667)
Тақырып бойынша
Ұлттық сараптама орталығы коронавирусқа ақылы ПТР-тест жасауды тоқтатты
Әуежай кодын NQZ-ке ауыстыру қанша тұрады
Пандемия кезінде шетелдік университетке қалай оқуға түсуге болады
Қазақстанда халықаралық әуе қатынасы қашан іске қосылатыны белгілі болды
Алматы - Қостанай рейсінің жолаушысы ұшақ бортында көз жұмды
Орталық сайлау комиссия орналасқан ғимарат

Мәжіліс сайлауы қалай өтеді орталық комиссия тәртібін жариялады

35
(Жаңартылды 14:59 21.10.2020)
Сайлаудың жарнасы 679 500 теңгені құрайды. Оны партиялық тізімге енген әрбір адам үшін төлеу керек

НҰР-СҰЛТАН, 21 қазан – Sputnik. Орталық сайлау комиссиясы партиялық тізімдер бойынша сайланатын мәжіліс депутаттарының кезекті сайлауын әзірлеу мен өткізу шараларын бекітті, деп хабарлайды Sputnik Қазақстан тілшісі.

Жоспарға сәйкес, кандидаттарды ұсыну 10 қарашада басталып, 30 қараша күні кешкі сағат 18:00-де аяқталады. Үміткерлерге қойылатын талаптар конституциялық заңда көрсетілген. Олар:

  • Қазақстан азаматтығы;
  • Қазақстан аумағында соңғы 10 жыл тұру;
  • 25 жасқа толу;
  • бәсең сайлау құқығының болуы.

Оқи отырыңыз: Сарапшылар ауыл әкімін сайлау кезінде қандай қиындықтар болуы мүмкін екенін айтты

Ал партиялық тізімдерді тіркеу шаралары 10 қарашада басталып, 10 желтоқсан күні кешкі сағат 18:00-ге дейін жалғасады. Құжаттардың тізбесі де заңмен бекітілген. Олар:

1. Әділет министрлігінде саяси партияның тіркелгені туралы құжаттың көшірмесімен қоса, саяси партияның жоғары органы бекіткен партиялық тізімді ұсыну туралы хаттамасынан үзінді көшірме;

2. Азаматтың партиялық тізімге енгізуге келісімі туралы өтініші;

3. Партиялық тізімге енген әрбір адам туралы өмірбаяндық деректер;

4. Кандидат пен оның зайыбының кірістері мен мүлкі туралы декларациялардың тапсырылғаны туралы кіріс органының анықтамасы;

5. Саяси партияның сайлау жарнасын енгізгенін растайтын құжат;

6. Партиялық тізімге енгізілген адамның осы тізімді ұсынған саяси партияға мүшелігін растайтын құжат;

Сайлаудың жарнасы 679 500 теңгені құрайды. Оны партиялық тізімге енген әрбір адам үшін төлеу керек. Ал бұған дейінгі сайлауда 7 проценттік межеден асқан партиялар – Nur Otan, Ақ жол мен Қазақстан коммунистері партиясы жарна төлемейді.

ОСК төрағасының орынбасары Константин Петровтың айтуынша, партиялық тізімдерді тіркеу мерзімі аяқталғанда сайлауалды үгіт-насихат басталады.

"Осылайша, 10 желтоқсан күні кешкі сағат 18:01-де сайлауалды үгіт-насихат басталады да, 2021 жылы 9 қаңтарда түнгі сағат 00:00-де аяқталады. Сол күн тыныштық күні болады. Ал 10 қаңтарда дауыс беру таңғы сағат 7:00-де басталып, кешкі сағат 20:00-ге дейін жалғасады. Дауыстарды 12 сағаттың ішінде санап шығу қажет", – деді Петров.

Орталық сайлау комиссиясы дауыс беру аяқталғаннан кейін жеті күннің ішінде сайлаудың нәтижесін жариялайды.

35
Кілт сөздер:
депутаттар, сайлау
Тақырып:
Мәжіліс сайлауы
Тақырып бойынша
"Қорықпау керек": мәжіліс сайлау туралы заңға өзгерістер енгізді
Қазақстанда сайлау туралы заңды өзгертуге қатысты референдум өткізу ұсынылды
Сенат сайлау және саяси партиялар туралы заңдарды қабылдады
Орталық сайлау комиссиясы сенаттың жаңа депутаттарын тіркеді
Тоқаев Орталық сайлау комиссиясының төрағасына тапсырма берді
Кресло ұстап тұрған ер адам, иллюстративті фото

Тоқаев жаңа агенттік басшысының орынбасарларын тағайындады

377
Жаңа лауазымға тағайындалған үш шенеуніктің екеуі қайта құрылымдаудан өткен ведомствода қызмет еткен

АЛМАТЫ, 21 қазан – Sputnik. Мемлекет басшысы Қасым-Жомарт Тоқаев жаңа агенттік басшысының орынбасарларын тағайындады, деп хабарлайды Ақорда.

"Президент өкімімен Рустам Ахметов бәсекелестікті қорғау және дамыту агенттігі төрағасының бірінші орынбасары қызметіне тағайындалды. Ал Марат Омаров пен Болат Сәмбетов Қазақстан Республикасының бәсекелестікті қорғау және дамыту агенттігі төрағасының орынбасары қызметін атқаратын болады", – делінген хабарламада.

Айта кетейік, Болат Сәмбетов бұған дейін ұлттық экономика министрлігі табиғи монополияларды реттеу және бәсекелестікті қорғау комитетінің Алматы қаласы бойынша департамент басшысы қызметін атқарған.

Рустам Ахметов кім?

Рустам Нұрланұлы Ахметов 1978 жылы Қарағанды облысының Теміртау қаласында дүниеге келген.

1999 жылы Қазақ мемлекеттік заң университетін бітірген. Еңбек жолын мемлекеттік кірістер министрлігінің кінәрат-қуыным жұмысы бөлімінің жетекші маманы болып бастады.

2001 жылы Қазақстан Республикасы президент әкімшілігіндегі мемлекеттік-құқықтық бөлімнің аға референті қызметіне қабылданды.

Әр жылдары президент әкімшілігіндегі мемлекеттік-құқықтық бөлімінің кеңесшісі, заңнама және құқықтық сараптама бөлімінің бас сарапшысы, сектор меңгерушісі болып жұмыс істеген.

2011 жылы табиғи монополияларды реттеу агенттігінің жауапты хатшысы қызметіне тағайындалды.

2014 жылдың тамыз айы мен 2017 жылдың сәуір айы аралығында ұлттық экономика министрлігі табиғи монополияларды реттеу және бәсекелестікті қорғау комитеті төрағасының орынбасары болды.

2017 жылы ұлттық экономика министрлігінің табиғи ресурстарды реттеу, бәсекелестікті және тұтынушылардың құқықтарын қорғау комитеті төрағасының орынбасары қызметіне тағайындалды.

2019 жылы ұлттық экономика министрлігі бәсекелестікті қорғау және дамыту комитетінің төрағасы болды.

Марат Омаров жайлы не білеміз

Марат Талғатұлы Омаров 1988 жылы дүниеге келген. Лондон экономика және саяси ғылымдар мектебін бітірген.

Еңбек жолын 2009 жылы Лондон қаласында "Digiet Limited" IT компаниясында бизнес-сарапшы болып бастаған.

2010-2012 жылдары "Digiet Limited" IT компаниясының коммерциялық директоры болды.

2012-2014 жылдары экономикалық даму және сауда, экономика және бюджеттік жоспарлау, ұлттық экономика министрінің кеңесшісі қызметін атқарды.

2014-2016 жылдары ұлттық экономика министрлігі тарифтік және институционалдық саясатты қалыптастыру департаменті директорының орынбасары болды.

2016-2017 жылдары "Қазақтелеком" АҚ басқарушы директоры болған.

2017 жылы технологиялық даму жөніндегі ұлттық агенттік басшысы болып тағайындалды.

2019 жылы "Бәйтерек" холдингінің басқарушы директоры – басқарма мүшесі болды.

Жаңа агенттік туралы

Мемлекет басшысы 1 қыркүйектегі Қазақстан халқына жолдауында бәсекелестікті қорғау мен дамыту бойынша мықты және тәуелсіз орган қажет екенін мәлімдеді. Ол президентке тікелей есеп беретін бәсекелестікті қорғау және дамыту агенттігін құруды тапсырды.

Оқи отырыңыз: Тоқаев бәсекелестікті қорғау және дамыту агенттігінің құрылымын бекітті

Жаңа ведомствоны бұған дейін Еуразиялық экономикалық комиссияның бәсекелестік және монополияға қарсы реттеу жөніндегі алқа мүшесі (министрі) болып қызмет еткен Серік Жұманғарин басқарады.

377
Кілт сөздер:
Ақорда, шенеуніктер, лауазым
Тақырып бойынша
Қазақстанда екі облыс әкімінің орынбасарлары тағайындалды
Григорий Марченко жаңа қызметке тағайындалды
Қазақстанның төтенше жағдайлар вице-министрлері тағайындалды
Қазақстанның бұрынғы бас санитар дәрігері жаңа қызметке тағайындалды
Қорғаныс министрінің екі орынбасары тағайындалды
Кісен, архивтегі сурет

Шығыс Қазақстанда халықаралық іздеуде жүрген қылмыскер ұсталды

242
Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады

АЛМАТЫ, 21 қазан – Sputnik. Шығыс Қазақстан облысында сегіз айдан бері халықарылық іздеуде жүрген қылмыскер ұсталды.

Ер адам ұзақ уақыт бойы Ресейдің құқық қорғау органдарынан жасырынған. ТМД елдері арасындағы шекара маңы ынтымақтастығын іске асыру жоспары аясында ШҚО полиция департаментінің криминалдық полиция басқармасы қызметкерлері қылмыскерді анықтады, деп хабарлады Polisia.kz.

"Ер адам құрылыс жұмыстарын жүргізу кезінде қауіпсіздік ережелерін бұзған. Соның кесірінінен бірнеше адам қайтыс болған. Соған байланысты мемлекетаралық іздеу жарияланды. Қазір Ресей Федерациясындағы әріптестерімізге күдіктінің қай жерде екені хабарланды", – деді ШҚО полиция департаментінің бастығы Сағат Мәдиев.

Айта кетейік, Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады.

242
Кілт сөздер:
қылмыскер, халықаралық іздеу, Шығыс Қазақстан
Тақырып бойынша
"Өзіме қол салуға мәжбүрмін" Сот үкімін тыңдаған қылмыскер қиғылық салды
Түрмедегі "Қазақ аруы": ең сұлу қылмыскер әйел анықталды - фото
Алматыда сегіз жыл бойы іздеуде жүрген қылмыскер ұсталды - видео
Шымкенттегі қанды оқиға: қылмыскер 4 адамды қалай өлтіргенін айтып берді 
Халықаралық іздеуде болған қылмыскер Қазақстанда ұсталды