Маска таққан адамдар

COVID-19-ға шалдыққандар өзінің жақын жерде екенін жасырын хабарлай алады

52
(Жаңартылды 14:08 08.10.2020)
Saqbol қосымшасын дайындаған мамандар сол арқылы коронавирус жұқтыру қаупі төмендейтінін айтты. Ол жерде қазақстандықтардың жеке деректері жасырын сақталады

АЛМАТЫ, 8 қазан – Sputnik. Қазақстанда коронавируспен ауыратын науқасқа өзінің жақын жерде екенін басқа адамдарға хабарлауға мүмкіндік беретін Saqbol қосымшасы жасалды. Ол инфекцияны жұқтыру қаупін азайтады деген болжам айтылып отыр.

Цифрлық даму, инновациялар және аэроғарыш өнеркәсібі министрлігінің хабарлауынша, бұл инфекцияның таралуын бақылау және жұқтыру ошақтарын дер кезінде оқшаулау мақсатында жасалды. Қосымшаны жасап шығаруға денсаулық сақтау министрлігі де қатысқан.

Қосымша хабарлама функциясын іске қосу арқылы жұмыс істейді. COVID-19 тесті оң нәтиже көрсеткен тұрғын соңғы 14 тәулікте екі метрден аз қашықтықта және 15 минуттан астам уақыт ішінде өзімен байланыста болған өзге қолданушыларды жасырын түрде ескертуге мүмкіндік береді, деп хабарлады цифрлық даму, инновациялар және аэроғарыш өнеркәсібі министрлігінің баспасөз қызметі.

Saqbol қосымшасын қолдану үшін смартфонға жүктеп, одан кейін шифрланған деректер берілетін Bluetooth функциясын қосу керек. Қосымша IOS және Android-та қолжетімді.

"Барлық қазақстандықты осы қосымшаны белсенді түрде пайдалануға, мұқият және жауапты болуға шақырамын. Осылайша, індет ошақтарын барынша оқшаулап, Covid-19-дың таралуына жол бермейміз. Біз халық алдындағы жауапкершілікті түсінеміз және барлық жеке деректерді қосымшада барынша шифрланған етіп жасадық. Бұл қосымша пайдаланушылардың басым түрде жасырын болуын қамтамасыз етеді", - деді цифрлық даму, инновациялар және аэроғарыш өнеркәсібі министрі Бағдат Мусин.

Ал денсаулық сақтау министрі Алексей Цойдың айтуынша, қосымшаның жұмысы сол бағдарлама орнатылған басқа құрылғылармен байланыста болған адамдарды жасырын түрде іздеуге бағытталған.

"Оны пайдалану үшін тіркеуден өтудің қажеті жоқ. Бағдарлама жеке деректерді немесе орналасқан жер туралы деректерді жинамайды және жібермейді. Хабарландыруды іске қосқан кезде, бағдарлама автоматты және жасырын түрде бұл туралы басқа пайдаланушыларға хабарлайды. Осылайша, осы қосымша азаматтардың сақтығын арттыруға көмектеседі", - деп толықтырды Алексей Цой.

Хабарламаны алған пайдаланушылар қосымшада денсаулық сақтау министрлігінің бұдан әрі іс-қимылдары туралы ұсынымдарымен таныса алады.

Сонымен қатар пайдаланушыларға ыңғайлы болу мақсатында қосымшаға COVID-19, i-Doctor, i-Teka ресми боттары, сондай-ақ Қазақстан бойынша COVID-19 өзекті статистикасы сияқты сервистер біріктірілген.

 

52
Кілт сөздер:
мобильдік қосымша, коронавирус
Тақырып:
Коронавирус эпидемиясы (1638)
Тақырып бойынша
"Екі апта ішінде қамтамасыз ету керек": президент үкіметке тапсырма берді
Биыл біз қатаң шектеу шараларынан айналып өте аламыз – Тоқаев
Қазақстанда локдаун қашан енгізілуі мүмкін – Цой үш сценарийді атады
Өткен тәулікте COVID-19 жұқтырғандар саны біршама артты
Қазақстанда коронавирус пен пневмониядан тағы бес адам қайтыс болды
Орталық сайлау комиссия орналасқан ғимарат

Мәжіліс сайлауы қалай өтеді орталық комиссия тәртібін жариялады

23
(Жаңартылды 14:59 21.10.2020)
Сайлаудың жарнасы 679 500 теңгені құрайды. Оны партиялық тізімге енген әрбір адам үшін төлеу керек

НҰР-СҰЛТАН, 21 қазан – Sputnik. Орталық сайлау комиссиясы партиялық тізімдер бойынша сайланатын мәжіліс депутаттарының кезекті сайлауын әзірлеу мен өткізу шараларын бекітті, деп хабарлайды Sputnik Қазақстан тілшісі.

Жоспарға сәйкес, кандидаттарды ұсыну 10 қарашада басталып, 30 қараша күні кешкі сағат 18:00-де аяқталады. Үміткерлерге қойылатын талаптар конституциялық заңда көрсетілген. Олар:

  • Қазақстан азаматтығы;
  • Қазақстан аумағында соңғы 10 жыл тұру;
  • 25 жасқа толу;
  • бәсең сайлау құқығының болуы.

Оқи отырыңыз: Сарапшылар ауыл әкімін сайлау кезінде қандай қиындықтар болуы мүмкін екенін айтты

Ал партиялық тізімдерді тіркеу шаралары 10 қарашада басталып, 10 желтоқсан күні кешкі сағат 18:00-ге дейін жалғасады. Құжаттардың тізбесі де заңмен бекітілген. Олар:

1. Әділет министрлігінде саяси партияның тіркелгені туралы құжаттың көшірмесімен қоса, саяси партияның жоғары органы бекіткен партиялық тізімді ұсыну туралы хаттамасынан үзінді көшірме;

2. Азаматтың партиялық тізімге енгізуге келісімі туралы өтініші;

3. Партиялық тізімге енген әрбір адам туралы өмірбаяндық деректер;

4. Кандидат пен оның зайыбының кірістері мен мүлкі туралы декларациялардың тапсырылғаны туралы кіріс органының анықтамасы;

5. Саяси партияның сайлау жарнасын енгізгенін растайтын құжат;

6. Партиялық тізімге енгізілген адамның осы тізімді ұсынған саяси партияға мүшелігін растайтын құжат;

Сайлаудың жарнасы 679 500 теңгені құрайды. Оны партиялық тізімге енген әрбір адам үшін төлеу керек. Ал бұған дейінгі сайлауда 7 проценттік межеден асқан партиялар – Nur Otan, Ақ жол мен Қазақстан коммунистері партиясы жарна төлемейді.

ОСК төрағасының орынбасары Константин Петровтың айтуынша, партиялық тізімдерді тіркеу мерзімі аяқталғанда сайлауалды үгіт-насихат басталады.

"Осылайша, 10 желтоқсан күні кешкі сағат 18:01-де сайлауалды үгіт-насихат басталады да, 2021 жылы 9 қаңтарда түнгі сағат 00:00-де аяқталады. Сол күн тыныштық күні болады. Ал 10 қаңтарда дауыс беру таңғы сағат 7:00-де басталып, кешкі сағат 20:00-ге дейін жалғасады. Дауыстарды 12 сағаттың ішінде санап шығу қажет", – деді Петров.

Орталық сайлау комиссиясы дауыс беру аяқталғаннан кейін жеті күннің ішінде сайлаудың нәтижесін жариялайды.

23
Кілт сөздер:
депутаттар, сайлау
Тақырып:
Мәжіліс сайлауы
Тақырып бойынша
"Қорықпау керек": мәжіліс сайлау туралы заңға өзгерістер енгізді
Қазақстанда сайлау туралы заңды өзгертуге қатысты референдум өткізу ұсынылды
Сенат сайлау және саяси партиялар туралы заңдарды қабылдады
Орталық сайлау комиссиясы сенаттың жаңа депутаттарын тіркеді
Тоқаев Орталық сайлау комиссиясының төрағасына тапсырма берді
Кресло ұстап тұрған ер адам, иллюстративті фото

Тоқаев жаңа агенттік басшысының орынбасарларын тағайындады

358
Жаңа лауазымға тағайындалған үш шенеуніктің екеуі қайта құрылымдаудан өткен ведомствода қызмет еткен

АЛМАТЫ, 21 қазан – Sputnik. Мемлекет басшысы Қасым-Жомарт Тоқаев жаңа агенттік басшысының орынбасарларын тағайындады, деп хабарлайды Ақорда.

"Президент өкімімен Рустам Ахметов бәсекелестікті қорғау және дамыту агенттігі төрағасының бірінші орынбасары қызметіне тағайындалды. Ал Марат Омаров пен Болат Сәмбетов Қазақстан Республикасының бәсекелестікті қорғау және дамыту агенттігі төрағасының орынбасары қызметін атқаратын болады", – делінген хабарламада.

Айта кетейік, Болат Сәмбетов бұған дейін ұлттық экономика министрлігі табиғи монополияларды реттеу және бәсекелестікті қорғау комитетінің Алматы қаласы бойынша департамент басшысы қызметін атқарған.

Рустам Ахметов кім?

Рустам Нұрланұлы Ахметов 1978 жылы Қарағанды облысының Теміртау қаласында дүниеге келген.

1999 жылы Қазақ мемлекеттік заң университетін бітірген. Еңбек жолын мемлекеттік кірістер министрлігінің кінәрат-қуыным жұмысы бөлімінің жетекші маманы болып бастады.

2001 жылы Қазақстан Республикасы президент әкімшілігіндегі мемлекеттік-құқықтық бөлімнің аға референті қызметіне қабылданды.

Әр жылдары президент әкімшілігіндегі мемлекеттік-құқықтық бөлімінің кеңесшісі, заңнама және құқықтық сараптама бөлімінің бас сарапшысы, сектор меңгерушісі болып жұмыс істеген.

2011 жылы табиғи монополияларды реттеу агенттігінің жауапты хатшысы қызметіне тағайындалды.

2014 жылдың тамыз айы мен 2017 жылдың сәуір айы аралығында ұлттық экономика министрлігі табиғи монополияларды реттеу және бәсекелестікті қорғау комитеті төрағасының орынбасары болды.

2017 жылы ұлттық экономика министрлігінің табиғи ресурстарды реттеу, бәсекелестікті және тұтынушылардың құқықтарын қорғау комитеті төрағасының орынбасары қызметіне тағайындалды.

2019 жылы ұлттық экономика министрлігі бәсекелестікті қорғау және дамыту комитетінің төрағасы болды.

Марат Омаров жайлы не білеміз

Марат Талғатұлы Омаров 1988 жылы дүниеге келген. Лондон экономика және саяси ғылымдар мектебін бітірген.

Еңбек жолын 2009 жылы Лондон қаласында "Digiet Limited" IT компаниясында бизнес-сарапшы болып бастаған.

2010-2012 жылдары "Digiet Limited" IT компаниясының коммерциялық директоры болды.

2012-2014 жылдары экономикалық даму және сауда, экономика және бюджеттік жоспарлау, ұлттық экономика министрінің кеңесшісі қызметін атқарды.

2014-2016 жылдары ұлттық экономика министрлігі тарифтік және институционалдық саясатты қалыптастыру департаменті директорының орынбасары болды.

2016-2017 жылдары "Қазақтелеком" АҚ басқарушы директоры болған.

2017 жылы технологиялық даму жөніндегі ұлттық агенттік басшысы болып тағайындалды.

2019 жылы "Бәйтерек" холдингінің басқарушы директоры – басқарма мүшесі болды.

Жаңа агенттік туралы

Мемлекет басшысы 1 қыркүйектегі Қазақстан халқына жолдауында бәсекелестікті қорғау мен дамыту бойынша мықты және тәуелсіз орган қажет екенін мәлімдеді. Ол президентке тікелей есеп беретін бәсекелестікті қорғау және дамыту агенттігін құруды тапсырды.

Оқи отырыңыз: Тоқаев бәсекелестікті қорғау және дамыту агенттігінің құрылымын бекітті

Жаңа ведомствоны бұған дейін Еуразиялық экономикалық комиссияның бәсекелестік және монополияға қарсы реттеу жөніндегі алқа мүшесі (министрі) болып қызмет еткен Серік Жұманғарин басқарады.

358
Кілт сөздер:
Ақорда, шенеуніктер, лауазым
Тақырып бойынша
Қазақстанда екі облыс әкімінің орынбасарлары тағайындалды
Григорий Марченко жаңа қызметке тағайындалды
Қазақстанның төтенше жағдайлар вице-министрлері тағайындалды
Қазақстанның бұрынғы бас санитар дәрігері жаңа қызметке тағайындалды
Қорғаныс министрінің екі орынбасары тағайындалды
Кісен, архивтегі сурет

Шығыс Қазақстанда халықаралық іздеуде жүрген қылмыскер ұсталды

3
Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады

АЛМАТЫ, 21 қазан – Sputnik. Шығыс Қазақстан облысында сегіз айдан бері халықарылық іздеуде жүрген қылмыскер ұсталды.

Ер адам ұзақ уақыт бойы Ресейдің құқық қорғау органдарынан жасырынған. ТМД елдері арасындағы шекара маңы ынтымақтастығын іске асыру жоспары аясында ШҚО полиция департаментінің криминалдық полиция басқармасы қызметкерлері қылмыскерді анықтады, деп хабарлады Polisia.kz.

"Ер адам құрылыс жұмыстарын жүргізу кезінде қауіпсіздік ережелерін бұзған. Соның кесірінінен бірнеше адам қайтыс болған. Соған байланысты мемлекетаралық іздеу жарияланды. Қазір Ресей Федерациясындағы әріптестерімізге күдіктінің қай жерде екені хабарланды", – деді ШҚО полиция департаментінің бастығы Сағат Мәдиев.

Айта кетейік, Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады.

3
Кілт сөздер:
қылмыскер, халықаралық іздеу, Шығыс Қазақстан
Тақырып бойынша
"Өзіме қол салуға мәжбүрмін" Сот үкімін тыңдаған қылмыскер қиғылық салды
Түрмедегі "Қазақ аруы": ең сұлу қылмыскер әйел анықталды - фото
Алматыда сегіз жыл бойы іздеуде жүрген қылмыскер ұсталды - видео
Шымкенттегі қанды оқиға: қылмыскер 4 адамды қалай өлтіргенін айтып берді 
Халықаралық іздеуде болған қылмыскер Қазақстанда ұсталды