Картопты суық суға салып пісіруге болмайды қателік неге әкеп соғады

1969
(Жаңартылды 14:55 08.10.2020)
Картопты тұтыну арқылы адам ағзасы магний, кальций, темір, марганец, йод, натрий, күкірт секілді қажетті элементтер алады

АЛМАТЫ, 8 қазан – Sputnik. Картопты суық суға салып пісірген кезде оның құрамындағы нәрлі заттардың көп бөлігі жоғалып кетеді. Ең дұрысы, шикі картопты қайнап тұрған суға салу. Тіпті тұзды біраз қайнап, жұмсарған кезде қосу керек, деп жазды РИА Новости Wirtualna Polska поляк порталына сілтеме жасап.

Мұқият жуылған немесе қабығы ашылған картопты қайнаған суға салып, отты орташа етіп қойып, 15-20 минут қайнатқан жөн. Ал біраз уақыттан бері тұрған картопты қабығымен пісіру керек7 Cебебі барлық қажетті зат қабығының астында болады. Тазалаған кезде де қабығын мүмrіндігінше жұқа етіп алу керек.

Картоп қайнап жатқан суға литріне 250 миллилитр мөлшерінде сүт, май мен пияз қосуға болады. Сонда дәмдірек бола түседі.

Басылым картоптың С дәруменге бай екенін де еске салды. Сонымен қатар картопты тұтыну арқылы адам магний, кальций, темір, марганец, йод, натрий, күкірт секілді қажетті элементтер алады.

1969
Кілт сөздер:
маман, картоп
Тақырып бойынша
Мамандар қандай өнімдерді шикідей жеуге болмайтынын айтты
Павлодар облысында картоп жинап жүрген ер адам комбайнның астына түсті
Домбыра, күнбағыс майы мен кептірілген картоп: түрмеде тағы не өндіріледі? - фото
Сұлтанов картоп пен қант неге қымбаттағанын түсіндірді 
Қарбызды кімге жеуге болмайды – дәрігер кеңес берді
Арал теңізінің маңындағы Ақкеспе ауылы

Одақ төрағасы ауыл мәселесімен айналысатын арнайы комитет құруды ұсынды

2
Дайрабаевтың айтуынша, ауылдардың қазіргі жағдайы жергілікті тұрғындармен бірлесіп кеңінен талқылауды талап етеді

АЛМАТЫ, 23 қазан – Sputnik. Қазақстан фермерлері одағы қауымдастығының төрағасы Жигули Дайрабаев қазіргі ауылдардағы басты мәселелерді санамалап берді, деп хабарлайды Sputnik Қазақстан тілшісі.

"Қазақстанда 230 мыңға жуық түрлі агроқұрылым бар. Оның басым көпшілігі – ұсақ шаруашылықтар. Республика бойынша өндірілетін өнімнің 85%-ін солар беріп отыр. Яғни, бүкіл елді астық өнімдерімен қамтамасыз етуде. Қазіргі кезде ауыл адамдары аса бай деңгейде өмір сүріп жатқан жоқ. Ауыл – қазақ елінің түп тамыры. Сол тамыр жойылса, бұл елдің әлсіреуі деген сөз. Бұл жай айтылып жатқан сөз емес, бұл – қазіргі ащы шындық", – деп бастады сөзін Дайрабаев.

Қауымдастық төрағасы ең алдымен ауыл жолдарын жөндеу қажет екенін айтты.

"Жол инфрақұрылымын дамытпаса, маңдай терін төгіп өндірген өнімді өткізуде фермер де, тұтынушы да зиян шегеді. Жолдардың жағдайын өз көзімен көру үшін атқарушы билік өкілдері сол жолдармен барлық бағытта автокөлікпен жүріп өткендері жөн. Жол мәселесін шешу үшін шұғыл шаралар қабылдау қажет. Тіпті "ауыл жолдары" деген нысаналы бағдарлама қабылдап, 3-5 жыл ішінде аймақтарды жолмен қамту қажет", – деді Дайрабаев.

Айтуынша, жол болмаған ауылдарда адам тұрақтамайды. Ауылдардың іші тура соғыстан кейінгідей жағдайда тұр. Бұл Солтүстік Қазақстан облысында қатты байқалады.

"Ауыл жағдайының нашарлауының тағы бір себебі – ауылдың инфрақұрылымдық әлеуметтік мәселелерімен тікелей айналысатын мемлекеттік органның болмауы. Кезінде ауыл шаруашылығы министрлігінде ауылдың әл-ауқаты, мәселелерімен айналысатын арнайы комитет болған. Меніңше, сол комитетті қайта құру қажет", – деді Жигули Дайрабаев.

Қазақстан фермерлері одағы қауымдастығы төрағасының айтуынша, ауылдағы қазіргі жағдайды жергілікті тұрғындармен бірлесіп кеңінен талқылауды талап етеді.

"Көп жағдайда ауылдың тағдырына қатысты маңызды шешімдер министрліктердің кабинетінде қабылданады. Айта берсек ауылда мәселе жеткілікті. Шаруа субсидия, кредит бер деп үкіметтің артынан емес, үкімет соның бәрін ұсынып шаруаның артынан жүруі керек. Себебі өнімді беретін, елді асырайтын – шаруалар. Ауыл шаруашылығы дамыған елдің бәрінде осылай", – деді Дайрабаев.

Оқи отырыңыз: Жапырақ үстіне төселген жол: тұрғындар шағымынан соң құрылыс алаңына әкім шұғыл жетті

Сонымен қатар Қазақстан фермерлері одағы қауымдастығы төрағасының айтуынша, бүгінде елімізде агроном, мал дәрігері секілді ауыл шаруашылығымен айналысатын мамандар тапшы.

2
Кілт сөздер:
әлеуметтік сала, ауыл
Тақырып бойынша
"Өліп жатсаң да келмейді": Алматы облысында ауыл тұрғындары митингіге шықты
Балалардың ерекше құттықтауынан кейін ауыл жолы жөнделетін болды
Қазақстанда бес жыл ішінде 3500 ауыл жаңғыртылады
Ауыл шаруашылығы министрлігі өлген құстарға өтемақы төлеу тәртібін түсіндірді
"Нұр-Сұлтан – Щучинск" ақылы жол уческесінде көпір қирағалы тұр – видео
Сот, архив

Тоқаев судьялар үшін тағы бір талап енгізуді ұсынды

14
Соттарға экономика мен құқықтың өзекті мәселелерін жақсы түсінетін мамандарды тарту қажет, деп есептейді президент

НҰР-СҰЛТАН, 23 қазан – Sputnik. Дамыған елдерде бұрын азғантай теріс қылығы болған адамды судья қызметіне алмай қояды, осы тәжірибені қолға алу қажет. Бұл туралы Қазақстан президенті Қасым-Жомарт Тоқаев айтты, деп хабарлайды Sputnik Қазақстан тілшісі. 

"Соңғы жылдары судья қызметіне кандидаттарға қойылатын талаптар күшейтілді. Іріктеу тәртібі де өзгерді. Бүгінде мықты заңгерлер, көрнекті ғалымдар және практик құқықтанушылар сот саласында тәжірибесі болмаса да, судья бола алады. Соттарға экономика мен құқықтың өзекті мәселелерін жақсы түсінетін мамандарды тарту қажет", - деді Тоқаев Қазақстан судьяларының VIII съезінде.

Осы орайда мемлекет басшысы шет елдердің тәжірибесі негізінде судьяларға қатысты тағы бір талапты қолға алу қажет деп санайды.

"Судьяның репутациясы мінсіз болуы шарт. Ал кандидаттарды іріктеу процесі ашық әрі жариялы түрде өтуі керек. Дамыған мемлекеттердің көбісі судьяларға өте жоғары талап қояды, тіпті бұрын болған азғантай теріс қылығы үшін осы қызметті бермей қояды. Бұл тәжірибені Қазақстанда қолға алу қажет деп санаймын", - дейді Тоқаев.

Президенттің айтуынша, Жоғарғы сот кеңесіне үлкен жауапкершілік жүктеліп отыр. Себебі осы құрылым судьяларды іріктеу шараларына жауап береді. Ал Жоғарғы сот жанындағы сот төрелігі академиясына біраз шаруа атқару қажет. Себебі 60 түлектің ішінде 7-уі ғана судьяның жолын таңдайды. Ал олардың дайындығына бюджеттен қыруар қаржы бөлінеді. Тағылымдамадан өткен мамандар еңбекақының 70 процентін алып тұрады.

14
Кілт сөздер:
Қасым-Жомарт Тоқаев