Лев Гумилев атындағы Еуразия ұлттық университетінің ректоры Ерлан Сыдықов

Ректор 600 мың теңге жалақы алатын оқытушылар туралы айтты

1037
Еуразия ұлттық университетінде зерттеуші-оқытушыларға 600 мың теңгеге дейін жалақы төленеді. Ондай мамандардың зерттеулері өндіріске енгізіледі

НҰР-СҰЛТАН, 8 қазан – Sputnik. Лев Гумилев атындағы Еуразия ұлттық университетінің ректоры Ерлан Сыдықов айына бір жарым мың доллар алатын оқытушылар туралы айтып берді, деп хабарлайды Sputnik Қазақстан тілшісі.

"Қазір біз өзіміздің профессорларымыздың жалақысын 300 мыңнан асырып қойдық. Сонымен бірге, "зерттеуші-оқытушы" деген категория бар. Олар "штучный" мамандар және 600 мыңға дейін жалақы алады", - деді Сыдықов орталық коммуникациялар қызметінде өткен онлайн брифингте.

Оқи отырыңыз: Педагогтер біліктілік санаты үшін қосымша ақы алатын болады – Аймағамбетов

Ректордың айтуынша, зерттеуші-оқытушы ғылыми жұмыстарды жүргізеді. Ондай мамандардың зерттеулері өндіріске енгізіледі.

"Біз зерттеу жұмыстарының көбі өндіріске еніп жатқан адамдарымызға жаңағыдай жалақы беру арқылы жағдай жасап, оларды қолдап отырамыз. Сондай-ақ, әлемдік рейтинг журналдарында мақаласы жарияланып жүрген ғалымдарымызға да материалдық көмек көрсетіп тұрамыз", - деп атап өтті Сыдықов.

Ал Қазақстан университеттері қауымдастығының президенті Рахман Алшанов білім саласына қыруар қаржы бөлініп жатқанын, соны көргеннен кейін біраз маман жұмысқа қайтып келе бастағанын жеткізді. 

"Бюджет жағынан біраз қиындық болса да, президент тапсырмасымен үкімет ақша тауып, қосымша 17 миллиард теңге беріп отыр. Бұрын "жалақымыз төмен, жұмыстан кететін шығармыз" деген әңгімелер жиі айтылатын. Бүгінде біраз ғалымдар мен жас жігіттер қызығып, қайтып келіп жатыр", - дейді Алшанов.

1037
Кілт сөздер:
оқытушы, жалақы
Тақырып бойынша
Кезекші сынып мұғалімдерінің жалақысы артады – қосымша қаржы қайдан алынады
Тоқаевтың тапсырмасы: мемлекеттік қызметшілердің жалақысы қаншаға өседі
Денсаулық сақтау министрлігінде тегін жұмыс істеймін – Бағдат Қожахметов
Мемлекеттік аппаратты қысқарту: кімді жұмыстан шығаруға болмайды
Медициналық сақтандыру: жұмыссыз қалған адамға жарнаны кім аударады 
Алматының орталық мешіті

Қарашадан бастап бес уақыт намазды мешітте оқуға болады

63
Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс

НҰР-СҰЛТАН, 26 қазан – Sputnik. Премьер-министр Асқар Маминнің төрағалығымен коронавирус инфекциясының таралуына жол бермеу жөніндегі ведомствоаралық комиссияның селекторлық отырысы өтті, деп хабарлады primeminister.kz.

Отырыста мешіттер мен театрларға қатысты жаңа ереже бекітілді.

Сонымен, 2 қарашадан бастап күн сайынғы бес уақыт намазды мешітте оқуға рұқсат етіледі. Бірақ залдағы адам саны 100-ден аспауы тиіс. Сонымен қатар, 2 метр әлеуметтік арақашықтық, қатаң санитарлық-дезинфекциялық режим сақталады. Келушілердің барлығы маска тағуы керек, олардың дене қызуы өлшенеді.

Жұма намазын оқуға әзірге рұқсат етілген жоқ.

Оқи отырыңыз: Екінші тоқсаннан бастап қандай мектептер дәстүрлі форматқа көшеді?

Сондай-ақ театрлардың жұмысы да талқыланды. Залды 30%-ке дейін толтыруға болады, бірақ 100 адамнан асып кетпеуі керек.  Мұнда да әлеуметтік арақашықтық, маска режимі сақталады.    

63
Кілт сөздер:
мешіттер, намаз, жұма намаз
Тақырып:
Төтенше жағдай және карантин
Тақырып бойынша
Тоқаев карантин енгізген кезде кәсіпкерлердің мүддесін ескеруді тапсырды
Нұр-Сұлтанға келген 100-ден астам жолаушы карантинге жіберілді
Алматыда бас санитар дәрігердің жаңа қаулысы шықты
Бекшин Алматыда инфекция жұқтырғандар неге көбейгенін айтты
Нұр-Сұлтанда карантин күшейтіле ме – әкім астаналықтарға үндеу жасады
Архивтегі фото

Екінші тоқсаннан бастап қандай мектептер дәстүрлі форматқа көшеді?

3830
(Жаңартылды 20:22 26.10.2020)
Екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады

НҰР-СҰЛТАН, 26 қазан – Sputnik. Коронавирус инфекциясының таралуына жол бермеу жөніндегі ведомствоаралық комиссия мектептерге қатысты шешім қабылдады. Бұл туралы үкімет басшысының баспасөз қызметі хабарлады.

Екінші тоқсаннан бастап оқушылар саны 300-ге жетпейтін қала және ауыл мектептерінің жұмысын дәстүрлі форматқа көшіру тапсырылды.  

Сондай-ақ ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

"Санитарлық-дезинфекциялық режимді, маска режимін, шахмат ретімен отырғызу және әлеуметтік арақашықтықты міндетті түрде сақтау қажет", - делінген хабарламада.

Өңірлердің әкімдері мектептер мен медицина ұйымдарында санитарлық режимді сақтау жөніндегі жұмысты жеке бақылауға алады.

Еске сала кетейік, қазақстандық оқушылар бірінші тоқсанды қашықтан оқып жатыр. Бастауыш сынып оқушылары кезекші сыныптарға бара алады (ата-ананың қалауы бойынша). Сондай-ақ, шалғай ауылдардағы шағын жинақты мектептер дәстүрлі форматта жұмыс істеуде.  

3830
Кілт сөздер:
оқушылар, мектеп
Тақырып бойынша
Бекшин Алматыдағы кинотеатрлардың жұмыс істеу тәртібін түсіндірді
Алматыда эпидемиологиялық жағдай күрделене түсті – Бекшин
Алматыда бас санитар дәрігердің жаңа қаулысы шықты
Тоқаев карантин енгізген кезде кәсіпкерлердің мүддесін ескеруді тапсырды
Қашықтан оқу

Ақтөбе облыстық білім басқармасының былығы ашылды

0
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

0
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады