Маска

Қазақстанда масканың шекті бағасы белгіленді

231
Елде Тоқаевтың тапсырмасы бойынша маска бағасы төмендетіліп, карантинді бұзу фактілеріне бақылау күшейтіліп жатыр  

НҰР-СҰЛТАН, 8 қазан – Sputnik. Ведомствоаралық комиссияның отырысында мемлекет басшысы Қасым-Жомарт Тоқаевтың коронавирус пандемиясының екінші толқынына дайындық мәселелері жөніндегі кеңесте берген тапсырмаларын орындау бойынша нақты шаралар әзірленді, деп хабарлады үкімет басшысының ресми сайты.

Дәрігерлерге өтемақы төленеді

Отырысқа төрағалық еткен премьер-министрдің орынбасары Ералы Тоғжанов президент көз жұмған 182 медицина қызметкерінің отбасыларына, сондай-ақ қызмет атқару кезінде COVID-19-бен ауырған дәрігерлерге өтемақы төлеу бойынша жедел шаралар қабылдауды тапсырғанын еске салды.

"Осыған байланысты өңірлердің әкімдіктеріне, денсаулық сақтау, еңбек және халықты әлеуметтік қорғау министрліктеріне медицина қызметкерлерінің қайтыс болу фактісі бойынша өтемақы төлеуді осы жылдың 13 қазанында аяқтауды тапсырамын. Сондай-ақ 17 қазанда өңірлік комиссияларда өтінімдері қаралған кәсіби қызметті жүзеге асыру кезінде ауырған дәрігерлерге өтемақы тағайындауды аяқтау қажет", – деді Тоғжанов.

Маска мен ПТР тестілеу бағасы төмендейді

Ведомствоаралық комиссия мемлекеттік органдармен, "Атамекен" ҰКП-мен және отандық тауар өндірушілермен талқылау қорытындысы бойынша қорғаныш маскасына 40 теңге, бір реттік медициналық маскаға 60 теңге мөлшерінде шекті бөлшек сауда бағасын белгіледі.

Оқи отырыңыз: Президент әлеуметтік маңызы бар азық-түліктің бағасы қымбаттағанын айтты 

Тоғжанов жауапты мемлекеттік органдарға бизнес-қоғамдастықпен, салалық қауымдастықтармен бірлесіп, халыққа қызметтің қолжетімділігін арттыру үшін үш күндік мерзімде ПТР тестілеу бағасын төмендету мәселесін пысықтап, ведомствоаралық комиссияның келесі отырысына келісілген ұсыныстарды шығаруды тапсырды.

Карантин режимін бақылау күшейтіледі

Премьер-министрдің орынбасары бір апта мерзімде өңірлерде ПТР тестілеуді біркелкі өткізуді қамтамасыз етуді, карантин режимін бұзу оқиғаларын, оның ішінде Қазақстанның мемлекеттік шекарасы арқылы өткізу пункттерінде, әуежайларда, теміржол вокзалдарында анықтайтын мониторинг топтарының тиімділігін арттыруды тапсырды.

Шымкент қаласы, Ақмола, Ақтөбе және Батыс Қазақстан облыстарының әкімдіктеріне тұрақтандыру қорларындағы дәрілік заттар резервінің көлемін ұлғайту тапсырылды.

231
Тақырып:
Коронавирус эпидемиясы (1638)
Тақырып бойынша
Қазақстан тәулігіне 2 млн маска шығаруды жоспарлап отыр
Қазақстанда коронавирус пен пневмониядан тағы бес адам қайтыс болды
Маска мен дәрі-дәрмек тапшылығы болмайды – Мамин
Қазақстанда локдаун қашан енгізілуі мүмкін – Цой үш сценарийді атады
Министрлік маска мен тесті арзандату мәселесін қарастырады
Орталық сайлау комиссия орналасқан ғимарат

Мәжіліс сайлауы қалай өтеді орталық комиссия тәртібін жариялады

41
(Жаңартылды 14:59 21.10.2020)
Сайлаудың жарнасы 679 500 теңгені құрайды. Оны партиялық тізімге енген әрбір адам үшін төлеу керек

НҰР-СҰЛТАН, 21 қазан – Sputnik. Орталық сайлау комиссиясы партиялық тізімдер бойынша сайланатын мәжіліс депутаттарының кезекті сайлауын әзірлеу мен өткізу шараларын бекітті, деп хабарлайды Sputnik Қазақстан тілшісі.

Жоспарға сәйкес, кандидаттарды ұсыну 10 қарашада басталып, 30 қараша күні кешкі сағат 18:00-де аяқталады. Үміткерлерге қойылатын талаптар конституциялық заңда көрсетілген. Олар:

  • Қазақстан азаматтығы;
  • Қазақстан аумағында соңғы 10 жыл тұру;
  • 25 жасқа толу;
  • бәсең сайлау құқығының болуы.

Оқи отырыңыз: Сарапшылар ауыл әкімін сайлау кезінде қандай қиындықтар болуы мүмкін екенін айтты

Ал партиялық тізімдерді тіркеу шаралары 10 қарашада басталып, 10 желтоқсан күні кешкі сағат 18:00-ге дейін жалғасады. Құжаттардың тізбесі де заңмен бекітілген. Олар:

1. Әділет министрлігінде саяси партияның тіркелгені туралы құжаттың көшірмесімен қоса, саяси партияның жоғары органы бекіткен партиялық тізімді ұсыну туралы хаттамасынан үзінді көшірме;

2. Азаматтың партиялық тізімге енгізуге келісімі туралы өтініші;

3. Партиялық тізімге енген әрбір адам туралы өмірбаяндық деректер;

4. Кандидат пен оның зайыбының кірістері мен мүлкі туралы декларациялардың тапсырылғаны туралы кіріс органының анықтамасы;

5. Саяси партияның сайлау жарнасын енгізгенін растайтын құжат;

6. Партиялық тізімге енгізілген адамның осы тізімді ұсынған саяси партияға мүшелігін растайтын құжат;

Сайлаудың жарнасы 679 500 теңгені құрайды. Оны партиялық тізімге енген әрбір адам үшін төлеу керек. Ал бұған дейінгі сайлауда 7 проценттік межеден асқан партиялар – Nur Otan, Ақ жол мен Қазақстан коммунистері партиясы жарна төлемейді.

ОСК төрағасының орынбасары Константин Петровтың айтуынша, партиялық тізімдерді тіркеу мерзімі аяқталғанда сайлауалды үгіт-насихат басталады.

"Осылайша, 10 желтоқсан күні кешкі сағат 18:01-де сайлауалды үгіт-насихат басталады да, 2021 жылы 9 қаңтарда түнгі сағат 00:00-де аяқталады. Сол күн тыныштық күні болады. Ал 10 қаңтарда дауыс беру таңғы сағат 7:00-де басталып, кешкі сағат 20:00-ге дейін жалғасады. Дауыстарды 12 сағаттың ішінде санап шығу қажет", – деді Петров.

Орталық сайлау комиссиясы дауыс беру аяқталғаннан кейін жеті күннің ішінде сайлаудың нәтижесін жариялайды.

41
Кілт сөздер:
депутаттар, сайлау
Тақырып:
Мәжіліс сайлауы
Тақырып бойынша
"Қорықпау керек": мәжіліс сайлау туралы заңға өзгерістер енгізді
Қазақстанда сайлау туралы заңды өзгертуге қатысты референдум өткізу ұсынылды
Сенат сайлау және саяси партиялар туралы заңдарды қабылдады
Орталық сайлау комиссиясы сенаттың жаңа депутаттарын тіркеді
Тоқаев Орталық сайлау комиссиясының төрағасына тапсырма берді
Кресло ұстап тұрған ер адам, иллюстративті фото

Тоқаев жаңа агенттік басшысының орынбасарларын тағайындады

383
Жаңа лауазымға тағайындалған үш шенеуніктің екеуі қайта құрылымдаудан өткен ведомствода қызмет еткен

АЛМАТЫ, 21 қазан – Sputnik. Мемлекет басшысы Қасым-Жомарт Тоқаев жаңа агенттік басшысының орынбасарларын тағайындады, деп хабарлайды Ақорда.

"Президент өкімімен Рустам Ахметов бәсекелестікті қорғау және дамыту агенттігі төрағасының бірінші орынбасары қызметіне тағайындалды. Ал Марат Омаров пен Болат Сәмбетов Қазақстан Республикасының бәсекелестікті қорғау және дамыту агенттігі төрағасының орынбасары қызметін атқаратын болады", – делінген хабарламада.

Айта кетейік, Болат Сәмбетов бұған дейін ұлттық экономика министрлігі табиғи монополияларды реттеу және бәсекелестікті қорғау комитетінің Алматы қаласы бойынша департамент басшысы қызметін атқарған.

Рустам Ахметов кім?

Рустам Нұрланұлы Ахметов 1978 жылы Қарағанды облысының Теміртау қаласында дүниеге келген.

1999 жылы Қазақ мемлекеттік заң университетін бітірген. Еңбек жолын мемлекеттік кірістер министрлігінің кінәрат-қуыным жұмысы бөлімінің жетекші маманы болып бастады.

2001 жылы Қазақстан Республикасы президент әкімшілігіндегі мемлекеттік-құқықтық бөлімнің аға референті қызметіне қабылданды.

Әр жылдары президент әкімшілігіндегі мемлекеттік-құқықтық бөлімінің кеңесшісі, заңнама және құқықтық сараптама бөлімінің бас сарапшысы, сектор меңгерушісі болып жұмыс істеген.

2011 жылы табиғи монополияларды реттеу агенттігінің жауапты хатшысы қызметіне тағайындалды.

2014 жылдың тамыз айы мен 2017 жылдың сәуір айы аралығында ұлттық экономика министрлігі табиғи монополияларды реттеу және бәсекелестікті қорғау комитеті төрағасының орынбасары болды.

2017 жылы ұлттық экономика министрлігінің табиғи ресурстарды реттеу, бәсекелестікті және тұтынушылардың құқықтарын қорғау комитеті төрағасының орынбасары қызметіне тағайындалды.

2019 жылы ұлттық экономика министрлігі бәсекелестікті қорғау және дамыту комитетінің төрағасы болды.

Марат Омаров жайлы не білеміз

Марат Талғатұлы Омаров 1988 жылы дүниеге келген. Лондон экономика және саяси ғылымдар мектебін бітірген.

Еңбек жолын 2009 жылы Лондон қаласында "Digiet Limited" IT компаниясында бизнес-сарапшы болып бастаған.

2010-2012 жылдары "Digiet Limited" IT компаниясының коммерциялық директоры болды.

2012-2014 жылдары экономикалық даму және сауда, экономика және бюджеттік жоспарлау, ұлттық экономика министрінің кеңесшісі қызметін атқарды.

2014-2016 жылдары ұлттық экономика министрлігі тарифтік және институционалдық саясатты қалыптастыру департаменті директорының орынбасары болды.

2016-2017 жылдары "Қазақтелеком" АҚ басқарушы директоры болған.

2017 жылы технологиялық даму жөніндегі ұлттық агенттік басшысы болып тағайындалды.

2019 жылы "Бәйтерек" холдингінің басқарушы директоры – басқарма мүшесі болды.

Жаңа агенттік туралы

Мемлекет басшысы 1 қыркүйектегі Қазақстан халқына жолдауында бәсекелестікті қорғау мен дамыту бойынша мықты және тәуелсіз орган қажет екенін мәлімдеді. Ол президентке тікелей есеп беретін бәсекелестікті қорғау және дамыту агенттігін құруды тапсырды.

Оқи отырыңыз: Тоқаев бәсекелестікті қорғау және дамыту агенттігінің құрылымын бекітті

Жаңа ведомствоны бұған дейін Еуразиялық экономикалық комиссияның бәсекелестік және монополияға қарсы реттеу жөніндегі алқа мүшесі (министрі) болып қызмет еткен Серік Жұманғарин басқарады.

383
Кілт сөздер:
Ақорда, шенеуніктер, лауазым
Тақырып бойынша
Қазақстанда екі облыс әкімінің орынбасарлары тағайындалды
Григорий Марченко жаңа қызметке тағайындалды
Қазақстанның төтенше жағдайлар вице-министрлері тағайындалды
Қазақстанның бұрынғы бас санитар дәрігері жаңа қызметке тағайындалды
Қорғаныс министрінің екі орынбасары тағайындалды
Алтын Орда фильмінің түсірілімі

Қазақстанда 22 қазанда қандай маңызды оқиғалар болады

0
(Жаңартылды 16:01 21.10.2020)
Sputnik Қазақстан 22-29 қазан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

22 ҚАЗАНҒА ЖОСПАРЛАНҒАН ШАРАЛАР 

12.00 – "Алтын Орда лирикасы" тікелей эфир. Алтын Орда дәуіріндегі туындыларды Горький атындағы мемлекеттік академиялық орыс драма театрының актері Әлқуат Төлеметов оқиды (трансляция театрның Instagram парақшасында).

Алматы

18.30 - "Ауылдық ар-намыс" бір актілі операсы, Абай атындағы қазақ мемлекеттік академиялық театры (Қабанбай Батыр көшесі, 110)

19.00 - "Есенин" поэзиялық кеші. Ақынның өлеңдерін Әлімжан Бауыржанов пен Илья Лошицкий оқиды. ("Дом на Барибаева 36", Бәрібаев көшесі, 36. Байланыс телефоны: +7 707 224 20 96)

23 ҚАЗАНҒА ЖОСПАРЛАНҒАН ШАРАЛАР  

19.00 – "Женитьба" қойылымы, Максим Горький атындағы Мемлекеттік академиялық орыс драма театры (Нұр-Сұлтан, Желтоқсан көшесі 11-13).

26 ҚАЗАНҒА ЖОСПАРЛАНҒАН ШАРАЛАР  
Алматы

17.00 – "Счастливые поют" музыкалық қойылымы – қос сахна саңлағы – Фрэнк Синатра мен Эдит Пиафқа арналған қойылым (Лермонтов атындағы Мемлекеттік академиялық орыс драма театры).

28 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

19.00 – "Мадам Баттерфляй" операсының премьерасы, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

29 ҚАЗАНҒА ЖОСПАРЛАНҒАН ШАРАЛАР

19.00 – "Дикарь. Третье слово" қойылымы, Максим Горький атындағы Мемлекеттік академиялық орыс драма театры (Нұр-Сұлтан қаласы, Желтоқсан көшесі 11-13).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0