Нұр-Сұлтан әуежайы

Карантин кезінде Қазақстан шекарасын кімдер кесіп өте алады

1045
Коронавирус пандемиясына байланысты мемлекеттік шекараны кесіп өту уақытша шектелген, шекарадан өтуге рұқсат берілген адамдардың тізімі бекітілді

НҰР-СҰЛТАН, 9 қазан – Sputnik. Қазақстанның ұлттық қауіпсіздік комитеті шекара қызметі карантиндік шектеулер кезінде мемлекеттік шекараны кесіп өту тәртібін түсіндірді, деп хабарлайды Sputnik Қазақстан.

Шекара қызметі шекаралық бақылау департаментінің офицері Ерлан Данияровтың айтуынша, қазір пандемияға байланысты мемлекеттік шекараны кесіп өту уақытша шектелген.

Посмотреть эту публикацию в Instagram

Публикация от ҚР ҰҚК Шекара қызметі (@shekaraknbkz)

Осыған байланысты Қазақстан үкіметі жанындағы ведомствоаралық комиссия карантин кезінде шекарадан өту тәртібін бекітіп, шекарадан өтуге рұқсат етілген адамдардың тізбесін анықтады.

Қазақстанға кімдер кіре алады

Қазақстан азаматтары ел аумағына еш кедергісіз кіре алады, шетелдіктерге де елден шығуға рұқсат етілген.

Сондай-ақ, дипломаттар, ұшақ, пойыз бригадалары, теңіз кемелерінің экипаждары, жүк автокөлігінің және трансшекаралық құрылыстардың қызмет көрсетуші персоналы да шекараны кесіп өте алады.

Мемлекеттік шекараны кесіп өтуге рұқсат етілген адамдардың толық тізімі ҰҚК сайтында жарияланған.

Сонымен қатар, қазақстандықтарға үкіметтің шешімімен тікелей әуе қатынасы жанданған шет елдерге – Украина, Беларусь, Германия, Нидерланды, БАӘ, Оңтүстік Корея, Түркия, Ресей, Өзбекстан және Қырғызстан сияқты елдерге баруға рұқсат етіледі.

Егер халықаралық шарттарда өзгеше тәртіп қарастырылмаса, визалық талаптарды сақтай отырып, аталған елдердің азаматы болып табылатын шетелдіктерге де Қазақстанға ұшақпен кіруге рұқсат етіледі.

Шетелдіктерге қойылатын талаптар

Осы жылдың 3 қыркүйегінен карантиннің әлсіреуін ескеріп, шетелдік Қазақстанмен әуе қатынасы жанданған елден тікелей келуі керек деген талап алынып тасталды.

"Мәселен, Германия азаматы, визасы болған жағдайда, БАӘ-ден Қазақстанға тікелей әуе рейсімен қандай да бір шектеусіз ұшып келе алады", - деді Данияров шекара қызметінің Instagram парақшасында.

Сондай-ақ, қайта жанданған әуе рейстерін, карантин кезеңінде мемлекеттік шекараны кесіп өту тәртібіне сәйкес, азаматтығына қарамастан кіруге рұқсат берілген шетелдіктердің басқа санаттары да пайдалана алады. Мәселен, отбасы мүшелері, емделуге, оқуға және тағы басқа.

Бас санитарлық дәрігердің қаулысына сәйкес, 6 қазаннан бастап шетелдіктер Қазақстанға келген кезде өзімен бірге мерзімі 72 сағаттан аспайтын ПТР-анықтамасы болуы қажет.

Ад Қазақстан азаматы анықтама болмаған жағдайда, екі тәулікке карантиндік стационарға оқшауланады.

Шекара қызметі 8 7172 719-111 анықтама қызметінің нөмірі бойынша, сондай-ақ, Instagram арқылы азаматтарға карантин кезеңінде шекарадан өту тәртібі туралы консультация береді.

1045
Кілт сөздер:
коронавирус, шекара
Тақырып:
Төтенше жағдай және карантин (672)
Алматының орталық мешіті

Қарашадан бастап бес уақыт намазды мешітте оқуға болады

78
Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс

НҰР-СҰЛТАН, 26 қазан – Sputnik. Премьер-министр Асқар Маминнің төрағалығымен коронавирус инфекциясының таралуына жол бермеу жөніндегі ведомствоаралық комиссияның селекторлық отырысы өтті, деп хабарлады primeminister.kz.

Отырыста мешіттер мен театрларға қатысты жаңа ереже бекітілді.

Сонымен, 2 қарашадан бастап күн сайынғы бес уақыт намазды мешітте оқуға рұқсат етіледі. Бірақ залдағы адам саны 100-ден аспауы тиіс. Сонымен қатар, 2 метр әлеуметтік арақашықтық, қатаң санитарлық-дезинфекциялық режим сақталады. Келушілердің барлығы маска тағуы керек, олардың дене қызуы өлшенеді.

Жұма намазын оқуға әзірге рұқсат етілген жоқ.

Оқи отырыңыз: Екінші тоқсаннан бастап қандай мектептер дәстүрлі форматқа көшеді?

Сондай-ақ театрлардың жұмысы да талқыланды. Залды 30%-ке дейін толтыруға болады, бірақ 100 адамнан асып кетпеуі керек.  Мұнда да әлеуметтік арақашықтық, маска режимі сақталады.    

78
Кілт сөздер:
мешіттер, намаз, жұма намаз
Тақырып:
Төтенше жағдай және карантин (672)
Тақырып бойынша
Тоқаев карантин енгізген кезде кәсіпкерлердің мүддесін ескеруді тапсырды
Нұр-Сұлтанға келген 100-ден астам жолаушы карантинге жіберілді
Алматыда бас санитар дәрігердің жаңа қаулысы шықты
Бекшин Алматыда инфекция жұқтырғандар неге көбейгенін айтты
Нұр-Сұлтанда карантин күшейтіле ме – әкім астаналықтарға үндеу жасады
Архивтегі фото

Екінші тоқсаннан бастап қандай мектептер дәстүрлі форматқа көшеді?

4037
(Жаңартылды 20:22 26.10.2020)
Екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады

НҰР-СҰЛТАН, 26 қазан – Sputnik. Коронавирус инфекциясының таралуына жол бермеу жөніндегі ведомствоаралық комиссия мектептерге қатысты шешім қабылдады. Бұл туралы үкімет басшысының баспасөз қызметі хабарлады.

Екінші тоқсаннан бастап оқушылар саны 300-ге жетпейтін қала және ауыл мектептерінің жұмысын дәстүрлі форматқа көшіру тапсырылды.  

Сондай-ақ ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

"Санитарлық-дезинфекциялық режимді, маска режимін, шахмат ретімен отырғызу және әлеуметтік арақашықтықты міндетті түрде сақтау қажет", - делінген хабарламада.

Өңірлердің әкімдері мектептер мен медицина ұйымдарында санитарлық режимді сақтау жөніндегі жұмысты жеке бақылауға алады.

Еске сала кетейік, қазақстандық оқушылар бірінші тоқсанды қашықтан оқып жатыр. Бастауыш сынып оқушылары кезекші сыныптарға бара алады (ата-ананың қалауы бойынша). Сондай-ақ, шалғай ауылдардағы шағын жинақты мектептер дәстүрлі форматта жұмыс істеуде.  

4037
Кілт сөздер:
оқушылар, мектеп
Тақырып бойынша
Бекшин Алматыдағы кинотеатрлардың жұмыс істеу тәртібін түсіндірді
Алматыда эпидемиологиялық жағдай күрделене түсті – Бекшин
Алматыда бас санитар дәрігердің жаңа қаулысы шықты
Тоқаев карантин енгізген кезде кәсіпкерлердің мүддесін ескеруді тапсырды
Қашықтан оқу

Ақтөбе облыстық білім басқармасының былығы ашылды

0
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

0
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады