Мұхамеджан Тазабек

"Кім не бүлдірді?": Тазабеков өз жобасын тоқтатуды талап еткендерге жауап берді

2340
Мұхамеджан Тазабеков 20 жылдан бері жала жабылып келе жатқанын, сол әрекеті үшін бірнеше адам сотталып кеткенін жазды

АЛМАТЫ, 9 қазан – Sputnik. Айтыскер ақын, "Асыл арнаның" директоры Мұхамеджан Тазабеков бірнеше күннен бері "Тәлім trend" бағдарламасын тоқтатуды талап еткендерге жауап берді. Бұл жайында ол Instagram парақшасында жазды.

Ақын әлеуметтік желідегі парақшасы мен "Тәлім трендтен" кімнің не зиян көріп отырғанын сұрады.

"Кейбір қаракөздеріміз дабыл қағып, "Мұхамеджан сөйлемесін, Тәлім trend тоқтатылсын" деп даурығатындай кім не бүлдірді? Отбасыңмен отырып кино көре алмай, ұл-қызыңа ойлағаныңды бере алмай, инстаграмнан ютубқа, ютубтан тик-токқа түскен заманда, тағылым іздеген қазақтың "Тәлім trend" тыңдағанынан қандай қасірет көріп тұрмыз?!", - деп жазды Тазабеков.

Ол халықтың уайымы болса жеңілдетуге, қуанышы болса көбейтуге үлес қосуға талпынғанын атап өтті.

"Қамыққан қарындастың, көңілсіз келіннің, жабыққан жеңгейдің жанына жылу сыйласам деп желіге жүгіндім", - дейді ақын.

Сондай-ақ, өз жобасының ұлттық арнаның назарына түсіп, жаңа деңгейге көтеріліп жатқанын айтты.

"Тәлім trend" жобамыз жаңа деңгейде байтақ жұртқа ұсынылмақ екен. Онда тұрған не бар? Діни уағыз, шариғи насихат айтқалы жатқанымыз жоқ. Зайырлы қоғамға дәстүрлі құндылықтарды паш етсек, әлемге кеңінен танымал консерваторлық көзқарас пен либералдық ұстанымдардың ықпалын талқылап, қызық деректерді келтірсек, кімге не зиян?!", - деп қынжылды ол.

Тазабеков 20 жылдан бері өзіне жала жабылып келе жатқаны туралы да жазды. Айтуынша, осы уақытқа дейін сол әрекеті үшін бірнеше адам сотталып та кеткен.

"Өнбейтін дауды өспейтін ел ғана қуалайды, дейді қазақ. "Ойбай, уахаби екен, арабтан ақша алады екен, билікке жағымпаз болғасын жолы ашық екен" деген жала мен долбарды естіп келе жатқаныма жиырма жыл болды. Күдіктілер ұсталып, кінәлілер сотталып, қаншама оқиға тарихқа сіңіп кетті", – деп атап өтті Тазабеков.

Айта кетейік, Qazaqstan ұлттық арнасында Мұхамеджан Тазабеков жүргізетін бағдарлама ашылды. Ол жерде Тазабеков студия қонақтарымен тәлім-тәрбие төңірегінде әңгімелеседі. Бұған дейін бағдарламаға әнші Сәкен Майғазиев, айтыскер ақын Жандарбек Бұлғақов секілді ел білетін азаматтар қонақ болған.

Содан кейін әлеуметтік желіде біраз белсенді Мұхамеджан Тазабековтің "Тәлім trend" жобасына қарсы шықты.

2340
Компьютелік томография

Қазақстанда өткен тәулікте 142 адамда коронавирус расталды

8
(Жаңартылды 08:30 27.10.2020)
Бір тәулік ішінде тек екі өңірде COVID-19-ға шалдыққандар тіркелген жоқ. Шығыс Қазақстан облысында вирус жұқтырғандар саны көп

НҰР-СҰЛТАН, 27 қазан – Sputnik. Қазақстанда өткен тәулікте 142 адамда коронавирус індеті ПТР арқылы расталды, деп хабарлайды ведомствоаралық комиссия.

Бір тәулік ішінде тек екі өңірде COVID-19-ға шалдыққандар тіркелген жоқ. Шығыс Қазақстан облысында вирус жұқтырғандар саны көп, 30 адам. Нұр-Сұлтанда - 20 адам, Павлодар облысында 14 науқас тіркелді.

Түркістан және Қызылорда облыстарында өткен тәулікте COVID-19 анықталған жоқ.

Аймақтар бойынша:

  • Нұр-Сұлтан қаласы - 20
  • Алматы қаласы - 10
  • Шымкент қаласы - 1
  • Ақмола облысы - 12
  • Ақтөбе облысы - 2
  • Алматы облысы - 5
  • Атырау облысы - 5
  • Шығыс Қазақстан облысы - 30
  • Жамбыл облысы - 3
  • Батыс Қазақстан облысы - 9
  • Қарағанды облысы - 10
  • Қостанай облысы - 7
  • Маңғыстау облысы - 3
  • Павлодар облысы - 14
  • Солтүстік Қазақстан облысы - 11.

Жалпы ел бойынша ауырғандар саны 110 684.

Еске сала кетсек, қарашадан бастап Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс. Жұма намазына әлі рұқсат берілген жоқ.

Сондай-ақ, екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады.

8
Тақырып:
Коронавирус эпидемиясы
Тақырып бойынша
"Әлем қорқынышты белеске жетті": БҰҰ Бас хатшысы коронавирусқа қатысты мәлімдеме жасады
"Коронавирустың екінші толқыны жоқ": ДДҰ мәлімдеме жасады
Коронавирустың екінші толқыны: азық-түлік бағасы қандай болады
Коронавирустың екінші толқыны кезінде 160 мыңнан аса адам жұмыссыз қалуы мүмкін
Бекшин коронавирус жұқтырғандардың қай елдерден көп келетінін айтты
Алматының орталық мешіті

Қарашадан бастап бес уақыт намазды мешітте оқуға болады

104
Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс

НҰР-СҰЛТАН, 26 қазан – Sputnik. Премьер-министр Асқар Маминнің төрағалығымен коронавирус инфекциясының таралуына жол бермеу жөніндегі ведомствоаралық комиссияның селекторлық отырысы өтті, деп хабарлады primeminister.kz.

Отырыста мешіттер мен театрларға қатысты жаңа ереже бекітілді.

Сонымен, 2 қарашадан бастап күн сайынғы бес уақыт намазды мешітте оқуға рұқсат етіледі. Бірақ залдағы адам саны 100-ден аспауы тиіс. Сонымен қатар, 2 метр әлеуметтік арақашықтық, қатаң санитарлық-дезинфекциялық режим сақталады. Келушілердің барлығы маска тағуы керек, олардың дене қызуы өлшенеді.

Жұма намазын оқуға әзірге рұқсат етілген жоқ.

Оқи отырыңыз: Екінші тоқсаннан бастап қандай мектептер дәстүрлі форматқа көшеді?

Сондай-ақ театрлардың жұмысы да талқыланды. Залды 30%-ке дейін толтыруға болады, бірақ 100 адамнан асып кетпеуі керек.  Мұнда да әлеуметтік арақашықтық, маска режимі сақталады.    

104
Кілт сөздер:
мешіттер, намаз, жұма намаз
Тақырып:
Төтенше жағдай және карантин
Тақырып бойынша
Тоқаев карантин енгізген кезде кәсіпкерлердің мүддесін ескеруді тапсырды
Нұр-Сұлтанға келген 100-ден астам жолаушы карантинге жіберілді
Алматыда бас санитар дәрігердің жаңа қаулысы шықты
Бекшин Алматыда инфекция жұқтырғандар неге көбейгенін айтты
Нұр-Сұлтанда карантин күшейтіле ме – әкім астаналықтарға үндеу жасады