Ұялы телефон

Тоқ соғуы мүмкін телефонды қандай жерде қуаттауға болмайды

3737
Смартфонды қуаттау құрылғылары толығымен қауіпсіз деп кесіп айтуға болмайды, оны дымқыл жерде пайдалануға болмайды, дейді телефон жөндеуші Жанат Жақиянов

НҰР-СҰЛТАН, 9 қазан – Sputnik. Алматы облысында болған қайғылы оқиға ұялы телефонды қолдану қауіпсіздігін сақтау қажеттігін тағы да еске салды. Алдын ала болжамға сәйкес, 15 жастағы оқушы қызды қуатталып тұрған телефоннан тоқ соққан. Жасөспірім оқиға орнында жан тапсырды. Былтыр да осы іспетті қайғылы жағдай болған. Sputnik Қазақстан тілшісі смартфон арқылы қалай тоқ соғатынын және осы мәселе бойынша негізгі қауіпсіздік ережелерін зерделеп шықты.

Смартфон компаниялары не дейді?

Ұялы телефон шығаратын танымал компаниялар смартфоннан аздап тоқ соғатынын біледі. Сондықтан ресми сайттарында ондай ақаулыққа қатысты ескерту жасаған. Қуатталып тұрған телефонды қолмен ұстағанда аздаған заряд сезілуі мүмкін. Ол жүннен тоқылған киімді шешкенде болатын статикалық электр зарядына ұқсайды.

"Егер осы жайт жиі қайталанса, мынадай шараларды атқару қажет. Біріншіден, қуаттау құрылғысы мен кабельдің ақаулығын тексеріп шығыңыз. Бұзылған компонент табылса, оны жаңасына ауыстырыңыз. Екіншіден, телефонды қуаттау үшін кәдімгі резеткіні қолданғаныңыз жөн. Басқасын пайдаланғанда қуат көзі тұрақсыз болуы мүмкін. Үшіншіден, ресми өнімді қолданып жатқаныңызға көз жеткізіңіз. Себебі бөгде қуаттау құралдары қауіпті болуы ықтимал", - делінген компаниялардың бірінің ресми сайтында.

Барлық компания ресми әрі жарамды өнімді пайдаланғанда тоқ соғу қаупі жоқ екенін жазады. Себебі қуаттау жабдықтары халықаралық стандарттар бойынша жасалады. Одан кейін қатаң тексерістен өтеді. Бірақ "ресми өнімнен ақаулық шықса, телефон, қуаттау құрылғысы мен кабельді қызмет көрсету орталығына апару қажет" деген ескерту де бар.     

Телефонды дымқыл жерде қуаттауға болмайды

Смартфон жөндейтін мамандар телефоннан тоқ соға бастаса, ескіріп қалған қуаттау құрылғысын ауыстыруға кеңес беріп отыр. Дегенмен, одан адам өліміне әкелетін шамада тоқ өте ме, жоқ па деген сұраққа нақты жауап беру қиын.

"Жалпы қуаттау құрылғысынан 5 – 5,5 вольт қана шығады. Оның ішінде арнайы жабдықтар бар. Сол арқылы өткен 220 вольт кабельге шыққанда 5 вольтқа дейін азаяды. Әлбетте, ондай кернеу адам өміріне қауіпті емес. Дегенмен, қуаттау құрылғылары толығымен қауіпсіз деп кесіп айтуға да болмайды", - дейді телефон жөндеуші Жанат Жақиянов.

Оның айтуынша, телефонға қуат беретін жабдықтар ескіруі мүмкін. Зауыттың өзінен ақаулықпен келетін құрылғылар да болады.  

"Оған қоса, тоққа қосылып тұрған қуаттау құрылғысы тұйықталуы да ықтимал. Иә, ондай оқиғалар сирек кездеседі. Дегенмен, сақтықта қорлық жоқ. Сондықтан телефонды түнде зарядта қалдырмаған жөн. Сосын дымқыл жерде, мысалы, ваннада смартфонды қуаттауға болмайды", - деп атап өтті Жақиянов.

Бұдан бөлек, мамандар қуатталып жатқан ұялы телефонды жастықтың астына қоймауға кеңес беріп отыр. Сынған, я болмаса, майысқан смартфондарды да пайдаланбау қажет.

Қауіпсіздік шаралары

Ұялы телефондарға сараптама жасайтын мамандар бірнеше маңызды талапты сақтау қажет деп санайды. Олар:

Фирманың ресми қуаттау құрылғысын пайдалану;

  • Смартфонды күннің көзінде немесе жастықтың астында қалдырмау;
  • Телефон зарядта тұрғанда энергияны көп тұтынатын ойындарды қоспау;
  • Смартфонды артқы қалтаға салмау (телефон майысып кетуі мүмкін);
  • Телефонды дымқыл жерде қуаттамау;
  • Сапасыз қуаттау құралдарын алмау;
  • Жастықтың астында жатқан смартфонды тоққа қоспау;
  • Түнде ұялы телефонды зарядта қалдырмау және жанында ұстамау;
  • Смартфон зарядта тұрғанда музыка тыңдамау;
  • Аккумулятор да қауіпті екенін ұмытпау.

Оқушы қыздардың қазасы

Биыл қыркүйектің соңында Алматы облысында 15 жастағы оқушы қызды қуаттау құрылғысына қосылған ұялы телефоннан тоқ соққаны туралы ақпарат тарады. Қайғылы оқиға Жамбыл ауданының Қарғалы ауылында болды. Облыстық полиция департаменті кәмелеттік жасқа толмаған қыздың қайтыс болғанын растады. Құқық қорғаушылар оқушы қыздың телефоны зарядта тұрғанын да анықтады.  

Марқұмның әкесі Ақылжан Өмірбаевтың айтуынша, қыздың смартфоны балқып кеткен. Ал күйік іздері бетінде қап-қара болып қалып қойған. Сол күні үйдегі электр желісінде ешқандай ақаулық болмаған. Сондықтан қайғылы оқиғаға сапасыз қуаттағыш құрал себеп болды деген болжам бар. Марқұм оны  ауыл ішіндегі базардан бір ай бұрын 3000 теңгеге сатып алған.

Ал былтыр Алматы облысының Қаратал ауданында 14 жастағы оқушы қыз көз жұмды. Ол смартфонды қуаттау құрылғысына қосып ұйықтап қалған. Таңертең телефонның аккумуляторы жарылып, жасөспірім ауыр жарақат алған.

3737
Кілт сөздер:
ұялы телефон, смартфон
Алматының орталық мешіті

Қарашадан бастап бес уақыт намазды мешітте оқуға болады

62
Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс

НҰР-СҰЛТАН, 26 қазан – Sputnik. Премьер-министр Асқар Маминнің төрағалығымен коронавирус инфекциясының таралуына жол бермеу жөніндегі ведомствоаралық комиссияның селекторлық отырысы өтті, деп хабарлады primeminister.kz.

Отырыста мешіттер мен театрларға қатысты жаңа ереже бекітілді.

Сонымен, 2 қарашадан бастап күн сайынғы бес уақыт намазды мешітте оқуға рұқсат етіледі. Бірақ залдағы адам саны 100-ден аспауы тиіс. Сонымен қатар, 2 метр әлеуметтік арақашықтық, қатаң санитарлық-дезинфекциялық режим сақталады. Келушілердің барлығы маска тағуы керек, олардың дене қызуы өлшенеді.

Жұма намазын оқуға әзірге рұқсат етілген жоқ.

Оқи отырыңыз: Екінші тоқсаннан бастап қандай мектептер дәстүрлі форматқа көшеді?

Сондай-ақ театрлардың жұмысы да талқыланды. Залды 30%-ке дейін толтыруға болады, бірақ 100 адамнан асып кетпеуі керек.  Мұнда да әлеуметтік арақашықтық, маска режимі сақталады.    

62
Кілт сөздер:
мешіттер, намаз, жұма намаз
Тақырып:
Төтенше жағдай және карантин
Тақырып бойынша
Тоқаев карантин енгізген кезде кәсіпкерлердің мүддесін ескеруді тапсырды
Нұр-Сұлтанға келген 100-ден астам жолаушы карантинге жіберілді
Алматыда бас санитар дәрігердің жаңа қаулысы шықты
Бекшин Алматыда инфекция жұқтырғандар неге көбейгенін айтты
Нұр-Сұлтанда карантин күшейтіле ме – әкім астаналықтарға үндеу жасады
Архивтегі фото

Екінші тоқсаннан бастап қандай мектептер дәстүрлі форматқа көшеді?

3804
(Жаңартылды 20:22 26.10.2020)
Екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады

НҰР-СҰЛТАН, 26 қазан – Sputnik. Коронавирус инфекциясының таралуына жол бермеу жөніндегі ведомствоаралық комиссия мектептерге қатысты шешім қабылдады. Бұл туралы үкімет басшысының баспасөз қызметі хабарлады.

Екінші тоқсаннан бастап оқушылар саны 300-ге жетпейтін қала және ауыл мектептерінің жұмысын дәстүрлі форматқа көшіру тапсырылды.  

Сондай-ақ ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

"Санитарлық-дезинфекциялық режимді, маска режимін, шахмат ретімен отырғызу және әлеуметтік арақашықтықты міндетті түрде сақтау қажет", - делінген хабарламада.

Өңірлердің әкімдері мектептер мен медицина ұйымдарында санитарлық режимді сақтау жөніндегі жұмысты жеке бақылауға алады.

Еске сала кетейік, қазақстандық оқушылар бірінші тоқсанды қашықтан оқып жатыр. Бастауыш сынып оқушылары кезекші сыныптарға бара алады (ата-ананың қалауы бойынша). Сондай-ақ, шалғай ауылдардағы шағын жинақты мектептер дәстүрлі форматта жұмыс істеуде.  

3804
Кілт сөздер:
оқушылар, мектеп
Тақырып бойынша
Бекшин Алматыдағы кинотеатрлардың жұмыс істеу тәртібін түсіндірді
Алматыда эпидемиологиялық жағдай күрделене түсті – Бекшин
Алматыда бас санитар дәрігердің жаңа қаулысы шықты
Тоқаев карантин енгізген кезде кәсіпкерлердің мүддесін ескеруді тапсырды
Қашықтан оқу

Ақтөбе облыстық білім басқармасының былығы ашылды

0
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

0
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады