Ет пісіру

Бактерия тарайды ет пісірудегі басты қателік белгілі болды

6293
(Жаңартылды 12:02 10.10.2020)
Дүкеннен алынған тауықтан сорпа пісірмеген жөн. Бұл үшін үй құсын пайдалану қажет. Сондай-ақ, тауық етін міндетті түрде қызып тұрған табаға салу керек

НҰР-СҰЛТАН, 10 қазан — Sputnik. Тауық етін пісірудегі кең тараған бірнеше қателік анықталды.

Етті, тауық етін және балықты жууға болмайды. Өйткені олардың бетіндегі бактериялар судың микро тамшыларымен бірге барша ас үйге таралады, деп хабарлайды Baltijas Balss басылымы.

"Сондықтан мұндай әдеттен арылу керек. Етті қағаз орамалмен сулап, сүртуге болады", - деп жазылған мақалада.

Мұнымен қоса, тауық етін міндетті түрде қызып тұрған табаға салу керек. Өйткені таба қыздырылмаған болса, ет жабысып, талшықтары үзіліп кетеді. 

Дүкеннен алынған тауықтан сорпа пісірмеген жөн. Бұл үшін үй құсын пайдалану қажет.

Тағы бір қателік - қайнаған соң сорпаны төкпеу.

"Етті жууға болмайды. Алайда бірінші қайнаған соң сорпаны төгу керек. Мұның арқасында бактериялардан және еттегі антибиотектерден арыласыз", - делінген ақпаратта.

Сондай-ақ, кейбір адамдар тым аз уақыт пісіреді. Тауық тез дайын болады, бірақ өте асыққан кезде  сальмонелла жұқтыру қаупі бар.

Тауықты қысқа толқынды пеште жібітуге болмайтыны айтылып отыр. Өйткені бұл пеш бір жағын тым қатты ысытып, бір жағын жібітпеуі мүмкін. Бұған қоса, тауықты ыстық суға салмаған дұрыс. Оның бетінде бактериялар жылдам тарайды. Ең дұрысы, етке суық су құйып қою. 

Тағы бір құпия - суық суға салып пісірген ет дәмдірек болады. Өйткені ыстық суға суық етті салғанда, температура айырмашылығына байланысты ет қатты, дәмсіз болады. 

6293
Кілт сөздер:
қате, ет
Тақырып бойынша
"Малды дәрімен семіртеді" - отандық ғалым ет жемеуге кеңес берді
Үстел үстінде "тіріліп кеткен" ет жұрттың зәресін ұшырды – видео
Желіні шулатқан видео: полиция шикі ет жеп отырған баланың ата-анасын іздеп жатыр
"Қып-қызыл ет сияқты" 19 жастағы бойжеткен терісіз сәбиді өмірге әкелді
Қазақстанның екі қаласында заманауи ет өңдеу кешені іске қосылады
Зертхана қызметкері

Өткен тәулікте Қазақстанда 141 адам коронавируспен ауырды

15
(Жаңартылды 08:10 22.10.2020)
Бүгінге дейін республика бойынша коронавирус індетіне ұшыраған адамдардың саны 109 907 науқасқа жетті

НҰР-СҰЛТАН, 22 қазан – Sputnik. Қазақстанда өткен тәулікте 141 адамның коронавирус жұқтырғаны ПТР арқылы расталып, ауырғаны белгілі болды, деп хабарлайды ведомствоаралық комиссия.

"Коронаврус індетін жұқтырғандардың ең көбі Шығыс Қазақстан (21) облысында анықталды. Одан кейін Қарағанды облысы (16) мен Нұр-Сұлтан (15) қаласында тіркелді", – делінген хабарламада.

Қалалар мен өңірлер бойынша:

  • Нұр-Сұлтан қаласы - 15
  • Алматы қаласы - 11
  • Шымкент қаласы - 3
  • Ақмола облысы - 9
  • Ақтөбе облысы - 5
  • Алматы облысы - 11
  • Атырау облысы - 12
  • Шығыс Қазақстан облысы - 21
  • Жамбыл облысы - 2
  • Батыс Қазақстан облысы - 6
  • Қарағанды облысы - 16
  • Қостанай облысы - 5
  • Қызылорда облысы - 1
  • Маңғыстау облысы - 2
  • Павлодар облысы - 12
  • Солтүстік Қазақстан облысы - 9
  • Түркістан облысы – 1.

Айта кетейік, бүгінге дейін республика бойынша коронавирус жұқтырған адамдардың саны 109 907 науқасқа жетті.

15
Кілт сөздер:
індет, коронавирус
Тақырып:
Коронавирус эпидемиясы
Тақырып бойынша
Ғалымдар күн сәулесі коронавирусты қанша уақытта өлтіретінін анықтады
COVID-19: Ғалымдар антидене ағзада бір ай ғана болатынын анықтады
Коронавирус ақша мен телефон экранында қанша уақыт сақталады – ғалымдар зерттеу жасады
Ғалымдар ауадағы коронавирусты анықтайтын құрал ойлап тапты
Қара бұрыш коронавирустан қалай қорғайды – ғалымдар жауабын айтты
Қазақстан туы

Тәуелсіздігіміздің 30 жылдығын нақты істермен қарсы алуымыз керек Тоқаев

1135
(Жаңартылды 21:22 21.10.2020)
Президент тәуелсіздігіміздің отызыншы жылына қуатты, өнімді еңбекпен жету керек екенін атап өтті

НҰР-СҰЛТАН, 21 қазан — Sputnik. Реформалар жөніндегі жоғары кеңестің алғашқы отырысында  президент Қасым-Жомарт Тоқаевтың тәуелсіздіктің 30 жылдығы қалай атап өтілетінін айтты.

"Келесі жылы ел Тәуелсіздігінің 30 жылдығын атап өтеміз. Бұл айтулы датаны мерекелік іс-шаралармен емес, нақты істермен қарсы алуымыз керек. Тәуелсіздігіміздің 30-жылына қуатты, өнімді еңбекпен жеткен абзал", - деді мемлекет басшысы.

Президенттік айтуынша, ең алдымен, азаматтардың әл-ауқатын арттыруға бағытталған тиімді реформалар жүзеге асырылуы керек.

Ұзақ ойлануға уақыт жоқ, жоғары кеңес жұмыс топтарының алдында мемлекеттік маңызды міндеттер тұр, деді Қасым-Жомарт Тоқаев.

Глава государства Касым-Жомарт Токаев провел первое заседание Высшего cовета по реформам
© Photo : сайт Акорды
Реформалар жөніндегі жоғары кеңестің алғашқы отырысы

Айта кетсек, 1991 жылы 16 желтоқсанда Қазақ КСР Жоғары Кеңесі "Мемлекеттің тәуелсіздігі және егемендігі туралы" заң қабылдады. Бұл күн - Тәуелсіздік күні, басты мемлекеттік мереке.

1135
Кілт сөздер:
мерейтой, тәуелсіздік, Қасым-Жомарт Тоқаев
Тақырып бойынша
Назарбаев Тоқаев неге президент болғанын айтып берді
Жоғары кеңестің алғашқы отырысы: Тоқаев алты бағытты айқындады
Әлеуметтік саланы қайта жаңғыртуға арнайы топ жұмылдырылады
"Біліп отырмыз": Моңғолиядағы қазақтар Тоқаевқа хат жолдады
Алматының әкімі Тоқаевқа қандай ұсыныс жасағанын айтты
Петропавл халықаралық әуежайы

Қазақстанда халықаралық әуежай банкрот деп танылады

21
(Жаңартылды 08:53 22.10.2020)
Қазіргі кезде Петропавл қаласындағы әуежайдан Нұр-Сұлтан мен Алматы және Шымкентке ғана ұшақ қатынайды

НҰР-СҰЛТАН, 22 қазан – Sputnik. Петропавл қаласындағы халықаралық әуежайдың жұмысшылары Солтүстік Қазақстан облысының әкімі Құмар Ақсақаловқа бірнеше айдан бері айлықсыз отырғанын айтып шағымданды, деп хабарлайды жергілікті "Петропавловск.News" сайты.

Ал әкімдік өкілдері жұмысшылардың қаражаты кезең-кезеңмен төленіп, әуежайдың өзі мемлекет меншігіне қайтарылатынын мәлімдеп отыр.

"Әуежай жақын арада банкроттық процедурадан өтіп, мемлекет меншігіне қабылданады. Бұл өзгеріс әуежайды сақтап қалумен қатар, рейстер санын көбейтуге көмектеседі", – делінген хабарламада.

Айта кетейік, 2016 жылдың желтоқсанында әуежайдың ұшу-қону жолағы толығымен жаңартылып, жолаушылар терминалы да күрделі жөндеуден өткен болатын. Қайта құрылымдаудан кейін терминал сағатына 200 жолаушыны қабылдай алады деп жоспарланған. Сондай-ақ, әкімдік Ресей мен Қытай және Еуроодақ елдерімен байланыс орнатып, шет мемлекеттермен жаңа әуе қатынастарын ашамыз деп уәде берген.

Оқи отырыңыз: Алматы әуежайы кімге сатылады – министр жауабы

Алайда, жоғарыда аталған жоспардың ешбірі де іске асқан жоқ. Қазіргі кезде Петропавлдан тек Нұр-Сұлтан мен Алматы және Шымкентке ғана ұшақ қатынайды.

21
Кілт сөздер:
Петропавл, банкрот, әуежай
Тақырып бойынша
Ақтау әуежайы ресейлік холдингке сатыла ма – ресми жауап
Нұр-Сұлтан әуежайы жаңа ереже жариялады - рейске кімдер кірмеуі мүмкін
Түркістан қаласында жаңа әуежай іске қосылды: рәсімге Елбасы қатысты
Әуежай кодын NQZ-ке ауыстыру қанша тұрады
Bek Air ұшағының апаты: жолаушыларға көмектескен әуежай қызметкерлері марапатталды