Індеттен қырылып қалған құстар

Ауыл шаруашылығы министрлігі өлген құстарға өтемақы төлеу тәртібін түсіндірді

29
Қабдолдановтың айтуынша, қазіргі кезде өңірлерде құс тұмауынан өлген құсқа өтемақы төлеу бойынша жұмыстар басталды

АЛМАТЫ, 13 қазан – Sputnik. Қазақстанда құс тұмауының шығыны айтарлықтай азайды. Соңғы бір тәулікте Солтүстік Қазақстанда ғана 22 құстың өлгені расталды. Бұл жайында ауыл шаруашылығы министрлігі ветеринарлық бақылау және қадағалау комитеті төрағасының міндетін атқарушы Тұрсын Қабдолданов мәлімдеді, деп хабарлайды Sputnik Қазақстан тілшісі.

Қазақстанның 7 облысының 78 елді мекенінде карантин енгізілді. Түркістан мен Ақтөбе облысында, Жамбыл облысының екі ауданы мен Ақмола облысының біреше ауданында, Қарағанды облысының 14 елді мекенінде, Қостанай және Қызылорда облысында құс тұмауы тіркелмеді.

"Соңғы бір тәуліктің ішінде 22 бас құстың шығыны туралы деректер, тек Солтүстік Қазақстанда ғана тіркелді. Республиканың басқа аймағында құстардың өлуі тіркелген жоқ", – деді Қабдолданов.

Сала мамандарының түсіндіруінше, Қазақстанда 46 миллион құс бар, оның ішінде құс тұмауынан болған шығын 0,9%-і құрап отыр.

Өтемақы қалай төленеді

Қабдолдановтың айтуынша, қазіргі кезде өңірлерде құс тұмауынан өлген құсқа өтемақы төлеу бойынша жұмыстар басталды.

"Құс шығынын өтеу статистика комитеті әрбір аймақ, әрбір аудан, елді мекен бойынша бекіткен баға арқылы төленеді. Ол әр аймақта құрылған комиссияның шешімімен анықталады. Бүгінгі күні 15 мыңнан аса құс басына дайындалған құжат келіп түсті. Оларға 75 миллион теңгеден астам қаражат аударылды", – деді ол.

Өтемақы алу үшін құстың иесі құстардың бар екенін растайтын құжатты әкімдіктен алады. Жеке шотын ашып, сол жерге өтемақы аударылады.

Қанша теңгеден төленеді

"Құстың нарықтағы орташа бағасы өңірлер мен елді мекендерде әртүрлі. Құстың нарықтағы орташа бағасы 800-1200 теңге арасында болып отыр. Мұны аймақтағы комиссия шешеді", – деп нақтылады спикер.

Айтуынша, кей өңірде құс қырылғанымен олардан құс тұмауы анықталмаған. Мысалы, Шымкент қаласына 245, Түркістан облысында 353, Ақтөбе облысында 25 құс қырылған. Алайда олар құс тұмауынан өлмеген.

Оқи отырыңыз: Құс тұмауы адам үшін қауіпті ме - ауыл шаруашылығы министрлігі жауап берді

Айта кетейік, Қазақстанда 64 құс фабрикасы жұмыс істейді. Оның ішінде 35 фабрика жұмыртқа өндірумен айналысса, 29 фабрика ет өндіреді. Құс тұмауы Қостанай облысы мен Солтүсік Қазақстан облысындағы фабрикаларда тіркелді. Бұл екеуі де жұмыртқа өндірумен айналасып келген болатын. Құс тұмауы тіркелген екі ошақта 361 мың құс шығыны болып, 45 мың құс жеке аулада қырылды.

29
Кілт сөздер:
өтемақы, індет, құстар
Тақырып бойынша
Қазақстанда құс тұмауы өршіді – адамдар ауруды жұқтыруы мүмкін бе?
Бірнеше облыста құс тұмауы тіркелді: мамандар аурудың қалай тарағанын анықтады
Қытайда тағы екі адамға құс тұмауы тиді
Тоқаев құс тұмауы жайлы: жағдай өте күрделі
Құс тұмауы оңтүстік өңірлерге де жетті
Қасым-Жомарт Тоқаев

Мемлекет басшылары Тоқаевты құттықтап жатыр

63
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

63
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды
Прокуратура қызметкерінің формасы, архивтегі сурет

Жамбыл облысында прокуратура қызметкері ұсталды

678
Аудандық прокуратура қызметкеріне ірі мөлшерде пара алды деген айып тағылды, тергеу жүріп жатыр

НҰР-СҰЛТАН, 17 сәуір – Sputnik. Жамбыл облысында Байзақ ауданы прокуратурасының қызметкері пара үшін ұсталды, деп хабарлайды Бас прокуратураның баспасөз қызметі.

Күдіктіні ұстауға Ұлттық қауіпсіздік комитетінің Жамбыл облысындағы  департаменті де қатысқан. Прокуратура қызметкері 16 сәуірде ұсталды.

"Ол қомақты мөлшерде пара алды деген күдікке ілінді. Іс бойынша қажетті тергеу амалдары жүргізіліп жатыр", - деп мәлімдеді ведомстводағылар.

Өзге ақпарат тергеу мүддесіне байланысты жария етілмейді.

678
Кілт сөздер:
прокуратура, Жамбыл облысы
Тақырып бойынша
Мемлекетке 500 миллион теңге шығын келтірген қылмыстық топ ұсталды – видео
Петропавлда пара алып, тегін баспана ұсынған шенеунік ұсталды
Павлодарда "Жұмабектің бажасы" ұсталды – видео
Қостанайда 44 адамның атынан кредит алған алаяқ ұсталды