Мектеп оқушылары

Министрлік оқушылар күзде қанша күн демалатынын хабарлады

5475
(Жаңартылды 13:57 13.10.2020)
Биыл оқушылар күзгі демалыс кезінде он күн демалады, олар бесінші қарашада демалысқа шығады

АЛМАТЫ, 13 қазан – Sputnik. Биыл мектеп оқушылары бесінші қараша күзгі демалысқа шығады, деп хабарлады білім және ғылым министрлігі.

"2020 жылы күзгі демалыс он күнге созылады, оқушылар 5-14 қараша аралығында демалады", - делінген министрлік таратқан ақпаратта.

Өткен жылы күзде демалыс 28 қазанда басталып, 3 қарашада аяқталды. 

Айта кетейік, биыл оқу жылы коронавирус пандемиясына байланысты қашықтан оқу форматында басталды. 

Ал бастауыш сыныптар ата-ана өтініші бойынша мектепте кезекші сыныптарда оқи алады.

Оқу жылы басталған екі жарым ай ішінде Қазақстанда 104 оқушы коронавирус инфекциясын жұқтырған. Оның 33-і – кезекші сыныпта оқитын балалар.

Биыл қысқы демалыс 11 күнге созылады (31 желтоқсан 2020 жыл - 10 қаңтар 2021 жыл), көктемгі демалыс – 12 күнге жалғасады (20-31 наурыз 2021 жыл).

 

5475
Кілт сөздер:
демалыс орындары, білім министрлігі
Тақырып бойынша
2020-2021 оқу жылындағы демалыс күнтізбесі
Оқушылар екінші тоқсанда қалай оқиды – Алматы білім басқармасы жауап берді
Аймағамбетов оқушылардың мектепке қай кезде баратынын айтты  
Оқушылардың білімін бағалау жүйесі уақытша өзгеруі мүмкін
Білім министрі: оқушылардың сексен проценті қашықтан оқиды
Сот, архив

Тоқаев судьялар үшін тағы бір талап енгізуді ұсынды

10
Соттарға экономика мен құқықтың өзекті мәселелерін жақсы түсінетін мамандарды тарту қажет, деп есептейді президент

НҰР-СҰЛТАН, 23 қазан – Sputnik. Дамыған елдерде бұрын азғантай теріс қылығы болған адамды судья қызметіне алмай қояды, осы тәжірибені қолға алу қажет. Бұл туралы Қазақстан президенті Қасым-Жомарт Тоқаев айтты, деп хабарлайды Sputnik Қазақстан тілшісі. 

"Соңғы жылдары судья қызметіне кандидаттарға қойылатын талаптар күшейтілді. Іріктеу тәртібі де өзгерді. Бүгінде мықты заңгерлер, көрнекті ғалымдар және практик құқықтанушылар сот саласында тәжірибесі болмаса да, судья бола алады. Соттарға экономика мен құқықтың өзекті мәселелерін жақсы түсінетін мамандарды тарту қажет", - деді Тоқаев Қазақстан судьяларының VIII съезінде.

Осы орайда мемлекет басшысы шет елдердің тәжірибесі негізінде судьяларға қатысты тағы бір талапты қолға алу қажет деп санайды.

"Судьяның репутациясы мінсіз болуы шарт. Ал кандидаттарды іріктеу процесі ашық әрі жариялы түрде өтуі керек. Дамыған мемлекеттердің көбісі судьяларға өте жоғары талап қояды, тіпті бұрын болған азғантай теріс қылығы үшін осы қызметті бермей қояды. Бұл тәжірибені Қазақстанда қолға алу қажет деп санаймын", - дейді Тоқаев.

Президенттің айтуынша, Жоғарғы сот кеңесіне үлкен жауапкершілік жүктеліп отыр. Себебі осы құрылым судьяларды іріктеу шараларына жауап береді. Ал Жоғарғы сот жанындағы сот төрелігі академиясына біраз шаруа атқару қажет. Себебі 60 түлектің ішінде 7-уі ғана судьяның жолын таңдайды. Ал олардың дайындығына бюджеттен қыруар қаржы бөлінеді. Тағылымдамадан өткен мамандар еңбекақының 70 процентін алып тұрады.

10
Кілт сөздер:
Қасым-Жомарт Тоқаев
Facebook

Президент блогерлер мен журналистерге ескерту жасады  

937
БАҚ-тың ашықтығы мен жариялылығын сотқа қысым жасау үшін пайдалануға болмайды, деді мемлекет басшысы

НҰР-СҰЛТАН, 23 қазан – Sputnik. Мемлекет басшысы Қасым-Жомарт Тоқаев сот шешіміне дейін судьяларға қысым жасау мәселесін көтерді, деп хабарлайды Sputnik Қазақстан тілшісі. 

"Соңғы кездері бұқаралық ақпарат құралдары пен әлеуметтік желілер тарапынан судьяларға қысым жасау жағдайлары аз емес. Әдетте былай болады: тергеу әлі аяқталған жоқ, іс те сотқа жіберілмеді, ал кейбір журналистер мен блогерлер жағдайды ушықтырып, судьяның шешіміне болжам жасап жатады", - деді Тоқаев Қазақстан судьяларының VIII съезінде.

Мемлекет басшысы осы мәселеге құқық қорғаушылар да кінәлі екенін жеткізді. Себебі олар адамның ұсталғаны туралы алдын ала хабарлап, оның қылмыскер ретінде көрсетіп қояды. Ал соттың шешімі әлі шықпаған.

"БАҚ-тың ашықтығы мен жариялылығын сотқа қысым жасау үшін пайдалануға болмайды. Сот төрелігі тек сот залында және сот процесінің соңында ғана жасалуы тиіс. Әрбір судья өз әрекеті мен шешіміне жауапты. Ал сотқа қысым жасағаны үшін заң алдында жауап беру керек", - деп атап көрсетті Тоқаев.

Айта кетейік, бүгінгі жиында судьялар осы мәселеге қатысты өз ұсынысын жасады. Судья Татьяна Курынованың айтуынша, сотқа дейінгі тергеу кезінде барлық ақпаратты тек прокурорлар ғана беруі тиіс.

937
Кілт сөздер:
Қасым-Жомарт Тоқаев