Otokar түрік холдингінің бронды машинасы

Түрік компаниясы Қазақстанға бронды машинаның үлгісін тегін береді

132
Машина НАТО стандарттарына сәйкес келетін жоғары ұтқырлыққа, баллистикалық және минаға қарсы қорғаныстың жоғары деңгейіне ие

НҰР-СҰЛТАН, 13 қазан – Sputnik. Түріктің "Otokar" компаниясы әскерде тәжірибелік мақсатта пайдалану үшін Қазақстанның Қарулы күштеріне "Arma" бронды доңғалақты машинасының үлгісін өтеусіз негізде беруге дайын, деп хабарлады қорғаныс министрлігі.  

Машина НАТО стандарттарына сәйкес келетін жоғары ұтқырлыққа, баллистикалық және минаға қарсы қорғаныстың жоғары деңгейіне ие.

"Тереңдігі 1,8 метрге дейін жүзу кезінде су кедергілерінен өтуге мүмкіндігі бар. Жылдамдығы сағатына 8 шақырымды құрайды. Arma әртүрлі жағдайда және қазіргі заманғы ұрыс алаңында қару-жарақ калибрі 7,62 мм-ден 105 мм-ге дейін жететін құрылғыдан тұратын платформаны бейімдеуге мүмкіндік береді", - делінген хабарламада.

Сынақтар үшін машиналардың келесі түрлері: өртті қолдау машинасы, тапсырыс берушінің талабы бойынша жабдықты орнататын барлау машинасы, командалық-штабтық машина, инженерлік, санитарлық, эвакуациялық және амфибиялық нұсқасы да ұсынылады.

Ең алғашқы сынақтар 2020 жылдың наурыз айында күндізгі және түнгі уақытта Қарағанды облысының оқу полигонында, ұзындығы 6 шақырымға дейінгі бағытта, сондай-ақ биіктігі 30-дан 65 см-ге дейінгі қар жамылғысын еңсере отырып жүргізілді. Ату сынақтары тәжірибелік атулар жүргізу арқылы күндізгі және түнгі уақытта өткізілді.

Оқи отырыңыз: Қазақстан әскери күш-қуат жағынан әлемдік рейтингте нешінші орында тұр 

"Otokar" компаниясы оны Қазақстанның түрлі климаттық жағдайларында тәжірибелік мақсатта пайдалану үшін өтеусіз негізде ұсынып отыр.  

Сондай-ақ, Otokar  БДМ-де тапсырыс берушілердің талаптарына сәйкес келетін кез келген жауынгерлік модульді орнату бойынша көмек көрсетуге дайын екендігін білдірді.

132
Кілт сөздер:
Түркия, бронды машина, Қазақстанның Қарулы күштері
Тақырып бойынша
Бізге Қазақстанның көмегі керек: Әзербайжан елшісі мәлімдеме жасады
Депутат қазақстандықтарға әскери-патриоттық тәрбие беруді заң жүзінде бекітуді ұсынды
Назарбаев Таулы Қарабақтағы қақтығыс туралы айтты
Алматыда күзде әскерге мың жарым адам шақырылады
Тоқаев қорғаныс министріне тапсырма берді
Тоқаев әскери қызметшілерге не айтты
шетелдік паспорт

Министрлік Қазақстанда қанша шетелдік азаматтың жұмыс істеп жүргенін айтты

6
Ішкі еңбек нарығын қорғау мақсатында еңбек және халықты әлеуметтік қорғау министрлігі жыл сайын елімізге шетелдік мамандарды тартуға арналған квота белгілейді

НҰР-СҰЛТАН, 29 шілде - Sputnik. Қазақстанда ресми жұмыс істейтін еңбек мигранттарының саны 15 мыңнан асады, деп хабарлады еңбек және халықты әлеуметтік қорғау министрлігі.

Ведомство мәліметіне сүйенсек, 1 шілдедегі жағдай бойынша ел аумағында 15 796 шетелдік азамат жергілікті атқарушы органдардың рұқсатымен еңбек етіп жүр.

Еңбек мигранттары келген негізгі елдер: Қытай – 3 782 адам, Өзбекстан – 1 953 адам, Түркия – 1 633 адам, Үндістан – 1 051 адам, Венгрия – 992 адам, Ұлыбритания – 959 адам. 

Шетелдік жұмыс күшін тартуға берілген рұқсат ішінде мынадай санаттар бар: бірінші санат – 651 (басшылар және олардың орынбасарлары), екінші санат – 3 281 (құрылымдық бөлімшелердің басшылары). Елде жұмыс істеуге тартылған еңбек күшінің негізгі бөлігі мамандар (7 600 адам) және білікті жұмысшылар (410 адам) екені белгілі болды.

"Сондай-ақ маусымдық жұмыстарға – 1 939 адам, ал корпоративтік ауыстыру бойынша 1915 адам тартылған. Қазіргі уақытта Қазақстанда шетелдік жұмыс күшін пайдаланатын 1 793 жұмыс беруші бар. Оларда шамамен 484 мың Қазақстан азаматы жұмыс істейді, бұл жалпы жұмысшылар санының 97%-ін құрайды", - деп нақтылады министрліктегілер.

Ішкі еңбек нарығын қорғау мақсатында еңбек және халықты әлеуметтік қорғау министрлігі жыл сайын елімізге шетелдік мамандарды тартуға арналған квота белгілейді. 2021 жылы бөлінген квота мөлшері - жұмыс күшіне шаққанда 0,31% немесе 29,3 мың адам.

Оқи отырыңыз:Шетелде тұратын қазақстандықтар елді неге тастап кеткенін ашық айтты

 

6
Кілт сөздер:
шетел, еңбек, мигранттар
Тақырып бойынша
Мигранттар неге үндемейді: тәжік жігіті UFC жұлдызына айнала ма – видео
Мигранттар мінген қайық аударылды: кем дегенде 130 адам көз жұмды
Ауғанстандық босқындар Қазақстанға ағыла ма? Одан қауіп бар ма – сарапшы пікірі
Министр Омаров шетелдіктер қанша гектар жерді жалға алып отырғанын айтты  
Иллюстративті фото

Жарты жылда 312 адам суға кетті

7
Жыл басынан бері адам өлімі 2020 жылдың сәйкес кезеңімен салыстырғанда 5%-ке өсті, соның ішінде бала өлімі 31%-ке артқан

НҰР-СҰЛТАН, 29 шілде – Sputnik. Қазақстанда жыл басынан бері 312 адам суға батып кетті. Оның 200-ден астамы шомылу маусымы кезінде көз жұмды. Бұл туралы ТЖ министрлігі азаматтық қорғаныс және әскери бөлімдер комитетінің төрағасы Бауыржан Сыздықов мәлімдеді, деп хабарлайды Sputnik Қазақстан тілшісі.

"Өкінішке қарай жүргізіліп жатқан профилактикалық шараларға қарамастан, қайғылы статистика да орын алып жатыр. Биыл 27 шілдедегі жағдай бойынша 312 адам суға кетті, оның ішінде 109-ы – бала", - деді ол брифингте.

Айтуынша, жыл басынан бері адам өлімі 2020 жылдың сәйкес кезеңімен салыстырғанда 5%-ке өсті, соның ішінде бала өлімі 31%-ке артқан.

Сыздықов шомылу маусымында, яғни 1 маусымнан бастап 233 адам, оның ішінде 70 бала суға батып кеткенін айтты.

Әйелін құтқармақ болған: Шығыс Қазақстанда ерлі-зайыпты суға кетті

Десе де құтқарылған адамдар да жоқ емес. Оның мәлімдеуінше, осы жылы су айдындарында 214 адам, оның ішінде 43 бала құтқарылды. 41 адам рұқсат етілмеген орындарда шомылғаны үшін әкімшілік жауапқа тартылды.

"Бұл жерде атап өтетін бір нәрсе бар. Егер орта есеппен бір отбасында бес адам бар деп алсақ, онда құтқарылған адам саны 214 болса, демек біз орта есеппен 43 жанұяны құтқардық деп айтуға болады", -деді комитет төрағасы.

7