Зертхана қызметкері

Қазақстанда коронавируспен ауырған адамдардың саны 109 мыңға жақындады

96
(Жаңартылды 09:02 14.10.2020)
Бүгінге дейін республика бойынша коронавирус жұқтырып, ауырған адамдардың саны 108 984 адамға жетті

НҰР-СҰЛТАН, 14 қазан – Sputnik. Қазақстанда өткен тәулікте 83 адамның коронавирус індетімен ауырғаны белгілі болды. Олардың дертке шалдыққаны ПТР арқылы расталды, деп хабарлайды ведомствоаралық комиссия.

"Коронавируспен ауырғаны расталған ең көп жағдай Солтүстік Қазақстан (12) мен Шығыс Қазақстан облысында (11) анықталды. Одан кейін Алматы қаласында он адамның вирус жұқтырғаны тіркелді", – делінген хабарламада.

Қалалар мен өңірлер бойынша:

  • Нұр-Сұлтан қаласы - 7
  • Алматы қаласы - 10
  • Ақмола облысы - 6
  • Ақтөбе облысы - 1
  • Алматы облысы - 4
  • Атырау облысы - 9
  • Шығыс Қазақстан облысы - 11
  • Жамбыл облысы - 2
  • Батыс Қазақстан облысы - 4
  • Қарағанды облысы - 6
  • Қостанай облысы - 4
  • Маңғыстау облысы - 1
  • Павлодар облысы - 5
  • Солтүстік Қазақстан облысы - 12
  • Түркістан облысы - 1.

Жалпы республика бойынша COVID-19 індетіне шалдыққандардың саны 108 984 адамға жетті.

96
Кілт сөздер:
індет, коронавирус
Тақырып:
Коронавирус эпидемиясы (1666)
Депутаттың жұмыс істелі

Қазақстан үкіметі келесі жылы 19 заң жобасын әзірлейді

359
Министр парламентке 2021 жылдың бірінші жартыжылдығында – бес, ал екенші жартыжылдығында – он төрт заң жобасы енгізілетінін айтады

НҰР-СҰЛТАН, 27 қазан – Sputnik. Қазақстан үкіметі 2021 жылы 19 заң жобасын әзірлейді. Оның ішінде биологиялық қауіпсіздік туралы заң жобасы бар. Бұл туралы әділет министрі Марат Бекетаев мәлімдеді, деп хабарлайды Sputnik Қазақстан тілшісі.

Әділет министрлігі үкіметтің заң жобалау жұмыстарының 2021 жылға арналған жоспар жобасын әзірледі. Бұл жоба президент пен мемлекеттің стратегиялық құжаттарында айқындалған міндеттер негізінде дайындалған.

"Жоспар жобасы 19 заң жобасын әзірлеуді көздейді. Олар сақтандыру нарығын және бағалы қағаздар нарығын реттеуге, биржалық сауда, көлік, жер қатынастары, сыбайлас жемқорлыққа қарсы іс-қимыл, құқық қорғау қызметі, геодезия, картография және кеңістіктік деректер, волонтерлер қызметі және қайырымдылық, инновациялық және ғылыми-техникалық даму, биологиялық қауіпсіздік және басқада салаларды одан әрі дамытуға бағытталған", – деді Бекетаев үкімет отырысында.

Айтуынша, алдағы жылы үш жаңа заң жобасын әзірлеу көзделіп отыр. Олар "Геодезия, картография және кеңістіктік деректер туралы", "Әскери полиция органдары туралы" және "Қазақстан Республикасының биологиялық қауіпсіздігі туралы" заң жобалары.

Бұдан бөлек, президенттің жолдауын іске асыру жөніндегі Жалпыұлттық іс-шаралар жоспарынан туындайтын екі заң жобасы парламентке енгізіледі. Олар биржалық сауданы дамыту мәселелері туралы және сыбайлас жемқорлыққа қарсы іс-қимыл мәселелері туралы заң жобалары.

Оқи отырыңыз: Қазақстандықтар митинг өткізу үшін не істеуі керек – заң жобасы мақұлданды

Министр жоспарда көзделген 19 заң жобаның ішінен парламентке 2021 жылдың бірінші жартыжылдығында – бес, ал екенші жартыжылдығында – он төрт заң жобасы енгізілетінін айтты.

"Құқықтық актілер туралы" заңға сәйкес жоспар жобасы мемлекет басшысымен келісілуі тиіс. Жоспар жобасы президент әкімшілігіне енгізіледі.

359
Кілт сөздер:
Үкімет, заң
Тақырып бойынша
Діни қызмет туралы заң жобасы: Хиджабқа тыйым салына ма?
Баласына екпе салдырмаған ата-аналар жазаланады - заң жобасы әзірленіп жатыр
Қылмыстық жауапкершілік енгізіледі - жұмылдыру дайындығы туралы заң жобасы қабылданды
Фонограммаға қатысты заң жобасы сенатқа жіберілді
Жолдау 2020: прокурорларға жаңа міндет жүктейтін заң жобасы әзірленіп жатыр
Су, архивтегі сурет

2025 жылға қарай халық толықтай ауыз сумен қамтылады Мамин 

252
(Жаңартылды 10:05 27.10.2020)
Премьер әр әкімдіктің елді мекендерге, әсіресе, тұрғындары аз ауылдарға тиісті инфрақұрылымды жеткізу бойынша нақты жоспары болу керектігін атап өтті

НҰР-СҰЛТАН, 27 қазан – Sputnik. 2025 жылға қарай қазақстандықтардың 100 проценті ауыз суға қол жеткізеді. Бұл туралы премьер-министр Асқар Мамин мәлімдеді, деп хабарлайды Sputnik Қазақстан тілшісі. 

Үкімет басшысының айтуынша, елде орталықтандырылған сумен жабдықтау қалаларда 97,2%, ауылдарда 86,4%-ті құрайды. 

"Нұрлы жер" мемлекеттік бағдарламасы бойынша 2025 жылға қарай халықтың 100%-і сумен жабдықтау қызметімен қамтамасыз етіледі. Осының арқасында біз халықтың сапалы ауыз суға қол жеткізу мәселесін толығымен шешеміз", - деді Мамин үкімет отырысында. 

Ол әр әкімдіктің елді мекендерге, әсіресе, тұрғындары аз ауылдарға тиісті инфрақұрылымды жеткізу бойынша нақты жоспары болу керектігін атап өтті. 

"Осы мәселедегі маңызды фактор топтық су құбырларының инфрақұрылымын жасау және ауылдардың шекарасына дейін жеткізу керек. Бұл жұмыс желілерді елді мекендердің ішінде тартумен үйлесімді жүруі қажет. Жауапты министрліктер мен әкімдіктер, бірінші кезекте, артта қалған өңірлер осы мәселені ерекше бақылауда ұстасын", - деді премьер. 

Тағы бір маңызды міндет, айтуынша, кәріздік тазарту құрылыстарын салу және жаңғырту. Мамин бұл мәселені шешу үшін қаржыландыру көздері анықталып, жобалау құжаттамасы әзірленіп жатқанын айтты. Ол осы жұмыстарды жылдам аяқтап, жобаларды іске асыруға кірісуді тапсырды. 

Сонымен қатар, премьер-министр 2021 жылдың соңына дейін 197 мың тұрғыны бар 38 елді мекенге су жүргізуді көздейтін, ұзаққа созылған үш жобаның құрылысын аяқтау керектігін мәлімдеді. 

Бұдан бөлек, құзырлы органдарға халық үшін тарифтердің өсуіне жол бермеу үшін кәріздік тазарту құрылыстарын салу және реконструкциялау жобаларын іске асыру тетігін заң жүзінде бекітуді тапсырды.

252
Кілт сөздер:
Асқар Мамин, ауыз су
Тақырып бойынша
Қазақстандықтар кредитін кешіру ұсынылды – үкімет жауабы
Қазақстанның сыртқы қарызы қанша – депутат сұрағына үкімет мүшелері жауап берді
Коронавирустың екінші толқыны: Мамин министрлер мен әкімдерге тапсырма берді
Мамин үкімет қандай мәселеге байланысты шара қабылдайтынын айтты
Асқар Маминнің өмірбаяны
Мария Бутина, ресейлік публицист және қоғам қайраткері

Журналистер өз құқығын қалай қорғауы тиіс

0
Sputnik халықаралық ақпараттық агенттігі және радио SputnikPro білім беру жобасының онлайн-сессияларын жалғастыруда. Модульге қатысуға қазақстандық журналистер мен медиа сарапшылар шақырылады

НҰР-СҰЛТАН, 27 қазан – Sputnik. АҚШ-қа қарсы қастандық жасады деп айыпталып, тура бір жыл бұрын Ресейге оралған ресейлік әлеуметтік белсенді Мария Бутина ресейлік және шетелдік журналистерге "Егер сіз журналист болсаңыз, өз құқығыңызды қалай қорғауыңыз қажет?" тақырыбында вебинар өткізеді. Вебинар 30 қазан, жұма күні Sputnik халықаралық жаңалықтар агенттігі мен радиосының SputnikPro жобасы аясында сағат 16:00-де (Нұр-Сұлтан уақытымен) өтеді.

Мария Бутина шеберлік сабағында қатысушылар сауалдарына жауап береді. Модульге қатысу үшін мына сілтеме бойынша тіркелуге болады.

SputnikPro онлайн-маусымын наурыз айының ортасында ашты. Сессияларда коронавирустық пандемия контекстіндегі жұмыс ерекшеліктері, веб-сараптама мен авторлық құқық құралдарының көмегімен өзіңді және қолданушыны шатастырмауды, ақпараттың шынайылығын тексеру мен жаңалықтар ресурсына қолжетімділікті қамтамасыз етуді, сондай-ақ "жалған ақпараттардан" аулақ болып, жаңалықтар ресурстарындағы трафикке қол жеткізу мәселелері талқыланады. Қатысушылар чатта бір-біріне хабарламалар жібере отырып, бір мезетте пікір алмаса алады.

Оқи отырыңыз: SputnikPro вебинары: мамандар БАҚ-ты қалай ілгерілету керек екенін түсіндіреді

SputnikPro – Sputnik халықаралық ақпарат агенттігі мен радиосының журналистерге, жоғары оқу орындарының студенттеріне, баспасөз қызметінің өкілдері мен медиа менеджерлерге арналған, шетелдік әріптестермен тәжірибе алмасуға және кәсіби байланыстарды дамытуға бағытталған жоба. Жоба модулінің жүргізушілері ретінде Sputnik бөлімшелерінің жетекшілері, сондай-ақ басқа да ресейлік танымал журналистер мен сарапшылар сөз сөйледі. 2018 жылдың наурыз айынан бастап SputnikPro Армениядан Үндістанға, Грекиядан Қытайға дейін 22 елде шеберлік сабағы мен семинарлар өткізді. Әлемнің 80 елінен барлығы 3000-нан астам тыңдаушы қатысты. Жоба жаңалықтарымен Facebook-тегі парақшасынан таныса аласыз.

Sputnik – ауқымды халықаралық бұқаралық ақпарат құралдарының бірі. Ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарларды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілдерінде ақпарат жеткізеді. Sputnik ақпарат ресурсының аудиториясы – айына 80 миллион, ал оның әлеуметтік желідегі тіркелушілерінің саны 20 миллионнан асады. Бішкектен Кишиневке және Пекиннен Монтевидеоға дейінгі әлемнің 24 редакциялық орталығында мыңнан астам ондаған ұлт өкілдері жұмыс істейді. Sputnik "Россия сегодня" медиатобына кіреді. Бас кеңсесі Мәскеу қаласында орналасқан.

0
Кілт сөздер:
оқыту, баспасөз
Тақырып бойынша
SputnikPro сарапшысы қызықты тікелей эфирдің лайфхактарын бөлісті
Видеоролик жасау кезеңдері және оны безендіру ережесі – SputnikPro лайфхактары
SputnikPro жобасы редакциялық кәсіби шеберлік құпиясымен бөліседі
SputnikPro-да Беларусьтегі жағдай мен әлеуметтік желі мүмкіндігі талқыланады
Әлеуметтік желілер ықпалды саяси алаңға айналды – SputnikPro сарапшысы