Записи, список, ручка, иллюстративное фото

Жұмысшылардың құқықтары қорғалады депутаттар өздері әзірлеген заң жобасын мақұлдады

144
Қазіргі уақытта аутстафферлердің әлеуметтік пакеттері жоқ, сондықтан өндірістегі жарақат немесе өлім үшін ешқандай төлем қарастырылмаған

НҰР-СҰЛТАН, 14 қазан – Sputnik. Парламент мәжілісінің депутаттары қарыздық еңбекті реттеу мәселелері бойынша кейбір заңнамалық актілерге өзгеріс енгізу туралы заң жобасын мақұлдады, деп хабарлайды Sputnik Қазақстан тілшісі.

Заң жобасы депутаттардың бастамасымен әзірленген болатын. Негізгі мақсат – қарыздық еңбекті реттеу. Себебі бүгінде аутстаффинг негізінде адамдарды жұмысқа алу жағдайлары көбейген. Ал ондай қарыздық еңбек шартында көп жағдайда әлеуметтік кепілдіктер мен жеңілдіктер көрсетілмейді. Өйткені жұмыс беруші тікелей емес, заңды тұлғалар арқылы жұмысшыларды жалдап отырады.

"Қазақстанда жұмыс берушілер 2000 жылдан бері қарыздық еңбекті пайдаланып келеді. Алайда әлі күнге дейін осы сала құқықтық жағынан реттелмеген. Соның салдарынан қарыздық жұмысшылар штатта жүрген қызметкерлермен бірдей жұмыс атқарса да, әлдеқайда төмен жалақы алады. Аутстафферлерді, көбінесе, қауіпті және денсаулыққа зиянды өндірістерге тартады. Бірақ олар салалық келісімдермен қорғалмаған. Содан зиянды еңбек жағдайы үшін ақша төлемеуге де болады", - дейді депутат Қанат Мусин.   

Оның айтуынша, аутстафферлердің әлеуметтік пакеттері де жоқ. Сондықтан өндірістегі жарақат немесе өлім үшін ешқандай төлем қарастырылмаған. Ал жаңа заң жобасында осы санаттағы жұмысшылардың құқықтарын барынша қорғау мәселелері жазылған. Сондай-ақ, қарыздық жұмысшының жалақысын штаттағы қызметкердің негізгі еңбекақысымен теңестіру ұсынылып отыр. Сыйақы жағы да ескерілген.

Еңбек және халықты әлеуметтік қорғау вице-министрі Ақмади Сарбасовтың сөзіне қарағанда, заң жобасы бойынша қарыздық еңбек тек төрт түрлі жұмыста қолданылады. Тұрақты көтермелеу төлемдері негізгі жалақының ішіне кіреді.  

"Ал тұрақты емес төлемдер жалақының 25 процентінен аспауы керек. Ол - мерекелік сыйақылар. Тәжірибеге сәйкес, әрбір жұмыс беруші осы сыйақыны төлеп отырады. Бұның барлығын мемлекеттік еңбек инспекциясы бақылайды. Заң жобасы қабылданғаннан кейін біз министрдің бақылауды реттейтін бұйрығына өзгерістер енгіземіз", - деп атап көрсетті Сарбасов.

144
Алматының орталық мешіті

Қарашадан бастап бес уақыт намазды мешітте оқуға болады

59
Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс

НҰР-СҰЛТАН, 26 қазан – Sputnik. Премьер-министр Асқар Маминнің төрағалығымен коронавирус инфекциясының таралуына жол бермеу жөніндегі ведомствоаралық комиссияның селекторлық отырысы өтті, деп хабарлады primeminister.kz.

Отырыста мешіттер мен театрларға қатысты жаңа ереже бекітілді.

Сонымен, 2 қарашадан бастап күн сайынғы бес уақыт намазды мешітте оқуға рұқсат етіледі. Бірақ залдағы адам саны 100-ден аспауы тиіс. Сонымен қатар, 2 метр әлеуметтік арақашықтық, қатаң санитарлық-дезинфекциялық режим сақталады. Келушілердің барлығы маска тағуы керек, олардың дене қызуы өлшенеді.

Жұма намазын оқуға әзірге рұқсат етілген жоқ.

Оқи отырыңыз: Екінші тоқсаннан бастап қандай мектептер дәстүрлі форматқа көшеді?

Сондай-ақ театрлардың жұмысы да талқыланды. Залды 30%-ке дейін толтыруға болады, бірақ 100 адамнан асып кетпеуі керек.  Мұнда да әлеуметтік арақашықтық, маска режимі сақталады.    

59
Кілт сөздер:
мешіттер, намаз, жұма намаз
Тақырып:
Төтенше жағдай және карантин
Тақырып бойынша
Тоқаев карантин енгізген кезде кәсіпкерлердің мүддесін ескеруді тапсырды
Нұр-Сұлтанға келген 100-ден астам жолаушы карантинге жіберілді
Алматыда бас санитар дәрігердің жаңа қаулысы шықты
Бекшин Алматыда инфекция жұқтырғандар неге көбейгенін айтты
Нұр-Сұлтанда карантин күшейтіле ме – әкім астаналықтарға үндеу жасады
Архивтегі фото

Екінші тоқсаннан бастап қандай мектептер дәстүрлі форматқа көшеді?

3770
(Жаңартылды 20:22 26.10.2020)
Екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады

НҰР-СҰЛТАН, 26 қазан – Sputnik. Коронавирус инфекциясының таралуына жол бермеу жөніндегі ведомствоаралық комиссия мектептерге қатысты шешім қабылдады. Бұл туралы үкімет басшысының баспасөз қызметі хабарлады.

Екінші тоқсаннан бастап оқушылар саны 300-ге жетпейтін қала және ауыл мектептерінің жұмысын дәстүрлі форматқа көшіру тапсырылды.  

Сондай-ақ ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

"Санитарлық-дезинфекциялық режимді, маска режимін, шахмат ретімен отырғызу және әлеуметтік арақашықтықты міндетті түрде сақтау қажет", - делінген хабарламада.

Өңірлердің әкімдері мектептер мен медицина ұйымдарында санитарлық режимді сақтау жөніндегі жұмысты жеке бақылауға алады.

Еске сала кетейік, қазақстандық оқушылар бірінші тоқсанды қашықтан оқып жатыр. Бастауыш сынып оқушылары кезекші сыныптарға бара алады (ата-ананың қалауы бойынша). Сондай-ақ, шалғай ауылдардағы шағын жинақты мектептер дәстүрлі форматта жұмыс істеуде.  

3770
Кілт сөздер:
оқушылар, мектеп
Тақырып бойынша
Бекшин Алматыдағы кинотеатрлардың жұмыс істеу тәртібін түсіндірді
Алматыда эпидемиологиялық жағдай күрделене түсті – Бекшин
Алматыда бас санитар дәрігердің жаңа қаулысы шықты
Тоқаев карантин енгізген кезде кәсіпкерлердің мүддесін ескеруді тапсырды
Қашықтан оқу

Ақтөбе облыстық білім басқармасының былығы ашылды

0
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

0
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады