Сәкен Майғазиев

"Жала жауып жатыр": Майғазиев шулы бағдарламаға не үшін барғанын түсіндірді

2280
(Жаңартылды 15:35 14.10.2020)
Танымал әнші өз сұқбатында қазақ эстрадасында фонограммамен әнші болып жүрген қыз-жігіттердің 90 проценті жанды дауыста ән салуға қабілетті екенін айтты

АЛМАТЫ, 14 қазан – Sputnik. Қазақстанның еңбек сіңірген қайраткері, әнші Сәкен Майғазиев отандық тілшіге сұқбат беріп, фонограммаға шектеу қоятын заңға қатысты ойы мен көрші елдерде болып жатқан жағдайларға қатысты пікірін білдірді. Сондай-ақ ол кейінгі кезде қызу талқыға түскен "Тәлім тренд" бағдарламасына не себепті барғанына да тоқталды.

"Атой салып аттандап жүрген азаматтың бірімін. Біз фонограмманы ұмытқалы қашан?! Алайда телевизияда түрлі бағдарламаға барған кезде фонограммамен ән шырқауға өздері ұсыныс жасайды. Егер концерттің жарнамасында кештің қалай өтетіні, әншінің қалай ән салатыны айтылса, көрермен алданбайды. Бағасы да соған қарай қойылады. Кімнің қалай ән шырқап жатқаны сахнада көрініп тұрады. Ал "Музарт" 2005 жылы вокалды-аспапты ансамбль болып құрылғаннан кейін Қазақстанды, алыс-жақын шет елді аралап шықты. Барлық жерде халықпен қосылып, әнді бірге шырқаймыз. Сондықтан біздің жүзіміз жарық", – деп бастады сөзін әнші.

Айтуынша, қазақ эстрадасында фонограммамен әнші болып жүрген қыз-жігіттер жетерлік, алайда әншілердің басым бөлігі жанды дауыста ән салуға қауқарлы.

"Кейінгі кезде әншілердің бағасын түсіру секілді мәселелерді көп алға тартып жүр. Ең бастысы халықтың көзі түзу болсын. Халық өзі кімнің әнші, кімнің шегіртке, кім бұлбұл екенін өзі-ақ анықтап алады. Бізде 90% әнші жанды дауыста ән шырқай алады", – дейді Майғазиев.

Сондай-ақ, ол өнер адамдарының жиі сынға ұшырап, жеке өмірі сөз болатынына тоқталды. Айтуынша, өнер адамының сүрінгенін жығылу деп бағалайтындар бар.

"Түлкінің қызылдығы өзіне сор. Егер танымал адам ажырасатын болса, ол бірден көзге түседі. Егер басқа саланың маманы ажырасса, оны ешкім әңгіме етпейді. Неге әншілер көп ажыраса береді деп сұрайды. Олар Ескендір Хасанғалиевті, Мирас пен Құралайды, Жазира мен Жанболатты, Қыдырәлі мен Қарақатты неге айтпайды?! Біздің сүрінгеніміз жығылған болып көрінеді. Кез келген жағдайда біз көрініп қаламыз", – дейді әнші. 

Посмотреть эту публикацию в Instagram

Публикация от Saken Maigaziyev (@saken_maigaziyev)

"Қырғызстандағы жағдай – үлкен қателік"

Сәкен Майғазиев мәдениет туралы сөз қозғалғанда көрші елдерде болып жатқан жағдайдан мысал келтірді. Ол Беларусь еліндегі дүрбелең кезінде де халықтың мәдениеттілікті сақтап қалғанын тілге тиек етті.

"Көрші бауырлас Қырғызстандағы жағдайды Беларусь еліндегі көтеріліспен салыстырсақ, беларусьтар аяқ киімін шешіп, орындыққа нәскимен шығып тұр. Олар бір-біріне қоқан-лоқы көрсетіп, біреудің бизнесіне кедергі келтірген жоқ. Қырғызстандағы жағдай – үлкен қателік. Ол жақта да қанша адам зардап шекті, қаншама бизнес тоқтап қалды. Ақ үйге кірген кезде қаншама компьютер қирады. Ертең соған бюджеттен ақша бөлінеді. Содан не пайда?", – дейді Майғазиев.

Біздің елде де аш отырған адам көп. Ертең сондай қадамға барса, кім кімді кінәлай алады?! Әркім өзін тәрбиелеуі керек, отбасын тәрбиелеуі керек, деп толықтырды әнші.

"Тәлім тренд" жайлы

Сұқбат барысында Сәкен Майғазиев ұлттық арнада жақында көрсетіле бастаған "Тәлім тренд" бағдарламасы жайлы ойын айтты. Ол бағдарламаны айтыскер ақын Мұхамеджан Тазабек жүргізеді. Сәкен Майғазиев бағдарламаның қазіргі әндер жайлы шығарылымына қатысқан болатын.

"Бағдарлама барысында мен үш рет "Алла" деп айтқан шығармын. Бірақ Мұхамеджан Тазабек бір рет те аузына алған жоқ. Ол жерде дін туралы әңгіме болған жоқ. Ақан сері, Біржан сал, Үкілі Ыбырай әндері, кешегі "Гәкку" қандай еді деген әңгіме қозғалды. Қазір рэп оқып, аузынан ақ ит кіріп, көк ит шығып жүргендер жайлы, сырға тағып, мұрын тескендер жайлы жасалған бағдарлама болды", – деді Майғазиев.

Бағдарламаны көрмей жатып, көпшілік жала жауып жатыр, деп түйіндеді сөзін әнші.

Айта кетейік, бұған дейін Мұхамеджан Тазабек бағдарламаның ұлттық арнадан көрсетілуіне қарсы болғандарға жауап берген болатын.

Оқи отырыңыз: Қазір иттің итақайы әнші болып жүр – Рамазан Стамғазиев

2280
Кілт сөздер:
өнер, әншілер, Сәкен Майғазиев
Тақырып бойынша
"Тыңдайтын құлақ жоқ": Мейрамбек Бесбаев Алматы басшылығына ренішін айтты
"Жастарға обал": танымал әншілер фонограммаға қатысты пікір білдірді
"Елу адамға түскі ас бөледі": Димаш Құдайберген жаңа акция жариялады
"Кім не бүлдірді?": Тазабеков өз жобасын тоқтатуды талап еткендерге жауап берді
I am singer: Димаш Құдайберген қарындасына сәттілік тіледі – видео
Қонаев ескерткішінің құрылысы тоқтатылды

Алматы облысында Қонаев ескерткішінің құрылысы тоқтатылды

19
20 қазанда әлеуметтік желіде Дінмұхамед Қонаев ескерткішінің суреті мен видеосы тарады. Мүсіншілер мен желі қолданушылары жаңа монументті сынға алды

АЛМАТЫ, 27 қазан – Sputnik. Алматы облысында Дінмұхамед Қонаевқа арналған ескерткіштің құрылыс жұмыстары тоқтатылды, деп хабарлайды Sputnik Қазақстан.

Облыстың мәдениет басқармасы баспасөз қызметінің хабарлауынша, 21 қазанда эскиздегі ескерткіш пен желіде тараған сурет арасында айырмашылық болуына байланысты құрылған арнайы жұмыс тобы құрылысты тоқтату туралы шешім қабылдады. Сонымен қатар ескерткішке қатысты барлық ескертуді жоюға екі апта уақыт берді.

"21 қазанда құрылған жұмыс тобы заңбұзушылықтарды анықтау үшін Балқаш ауданына барды. Барлық жауапты тұлғаны, соның ішінде мүсіншіні жинап, жұмыс тобы ескерткішті орнатуға қатысты құрылыс жұмысын тоқтатты. Сондай-ақ, ескерткіш бойынша барлық ескертуді екі апта ішінде жоюға нұсқау берілді", - деп мәлімдеді облыстың мәдениет басқармасы.

Енді Балқаш ауданының әкімдігі тарих және мәдениет ескерткіштерін қорғау жөніндегі облыстық комиссияның қарауына құжаттар мен эскиздік жобаларды қайта ұсынуы қажет.

"2020 жылдың 15 қазанында мемлекет және қоғам қайраткері Дінмұхамед Қонаевтың ескерткішін орнату жөніндегі барлық тиісті құжат тексерілді. Тарихи және мәдени ескерткіштерді қорғау жөніндегі облыстық комиссия мақұлдады. Содан кейін барлық тиісті құжат Нұр-Сұлтан қаласындағы мемлекеттік комиссияның қарауына жіберілді. 20 қазанда әлеуметтік желі арқылы Қонаевтың ескерткіші мемлекеттік комиссия шешімін күтпестен орнатылғаны белгілі болды", - делінген ақпаратта.

Айта кетейік, 20 қазанда әлеуметтік желіде Дінмұхамед Қонаев ескерткішінің фотосы мен видеосы тарады. Мүсіншілер мен желі қолданушылар жаңа монументті сынға алды. Оның талғамсыз жасалғанын жазды.

Бұдан соң облыстың мәдениет, архивтер және құжаттама басқармасы Дінмұхамед Қонаевтың ескерткішін орнатуға бюджеттен ақша бөлінбегенін хабарлады. Барлығы демеушілер қаржысына жасалған.

Айта кетейік, мемлекет және қоғам қайраткері Дінмұхамед Қонаев ескерткішін Алматы облысы Балқаш ауданы Бақанас ауылындағы Қонаев саябағына орнатуды Балқаш аудандық әкімдігі ұсынған.

19
Кілт сөздер:
құрылыс, ескерткіш, Дінмұхамед Қонаев
Тақырып бойынша
"Ол мені қорғап қалды" Дінмұхамед Қонаев туралы не білеміз?
Қонаевтың ескерткіші желіде қызу талқыланып жатыр: арнайы тексеріс болады
Қонаевтың жаңа ескерткіші төңірегінде дау туды – видео 
Нұрғали Нүсіпжанов Дінмұхамед Қонаевтың өзіне не дегенін айтты
Нұр-Сұлтанда мектепке Қонаевтың есімін беру ұсынылды – әкім не дейді?
Кісен, сот залы

Нұр-Сұлтанда директор салық төлемегені үшін бес жылға сотталды

128
"Атырауоблтяжстрой" ЖШС басшысы үш жыл ішінде 1,3 миллиард теңгеден астам салықты төлеуден жалтарған

НҰР-СҰЛТАН, 27 қазан – Sputnik. Нұр-Сұлтанда кәсіпорындардың бірінің директоры 1,3 миллиард теңгеден астам салық төлемегені үшін бес жылға сотталды, деп хабарлайды Sputnik Қазақстан қаржы министрлігі қаржы мониторингі комитетінің баспасөз қызметіне сілтеме жасап.

Қылмыстық істі Нұр-Сұлтан қаласы бойынша экономикалық тергеу департаментінің мамандары тергеген. "Атырауоблтяжстрой" ЖШС басшысына аса ірі мөлшерде салық және бюджетке басқа да міндетті төлемдерді төлеуден жалтарды деген айып тағылды.

"Құжаттамалық салық тексерісінің актісіне сәйкес, кәсіпорын үш жыл ішінде 1,3 миллиард теңгеден астам салықты төлеуден жалтарған. Салықтардың қосымша есептелуіне жалған шот-фактуралар жазып берген кәсіпорындармен келісімдер негіз болды", - делінген хабарламада.  

Тағы оқыңыз: Алматылықтың 2 млрд теңгені қалай тапқаны белгілі болды – видео

Нұр-Сұлтан қаласы Сарыарқа ауданы №2 сотының үкімімен кәсіпорын басшысы Қылмыстық кодекстің 245-бабы 3-тармағында қарастырылған қылмыстық құқықбұзушылықты жасағаны үшін 5 жылға бас бостандығынан айырылды.

Сонымен қатар, ол үш жыл бойы коммерциялық ұйымдарда басшылық қызметтерді атқара алмайды.

128
Кілт сөздер:
салық, кәсіпорын, Нұр-Сұлтан
Тақырып бойынша
"Головлев-Кабдушев" қылмыстық тобының мүшелері сотталды
Қазақстанда сегіз мемлекеттік қызметкер сотталды
Жамбыл облысында есірткі тасымалдаған қылмыстық топ сотталды
Трансгендерді зорлаған ҰҚК-нің бұрынғы қызметкері бес жарым жылға сотталды