Қыз жылап отыр, иллюстративті сурет

"Сүйреп кіргізген": 19 жастағы мұғалімді зорлаған павлодарлыққа сот үкімі шықты

228
(Жаңартылды 16:54 14.10.2020)
Жас мұғалімді зорлаған ер адам он бес жылға сотталды, енді ол қауіпсіздігі барынша жоғары мекемеде жазасын өтейді

НҰР-СҰЛТАН, 14 қазан – Sputnik. Павлодар облысының тұрғыны мұғалімді зорлағаны үшін 15 жылға бас бостандығынан айырылды. Үкімді өңірлік қылмыстық істер бойынша мамандандырылған ауданаралық сот шығарды, деп хабарлайды Sputnik Қазақстан.

Сот отырысы жабық режимде өтті. Сотталушының кінәсі жәбірленуші мен куәгерлердің жауабымен, сараптама қорытындыларымен дәлелденді, деді үкімді оқыған судья Нұрлан Айтбаев.

30 жастағы ер адам жәбірленушіні өлтіремін деп қорқытып, оны зорлап, денсаулығына ауыр зиян келтірген.

Сотта прокурор айыпталушыны он бес жылға бас бостандығынан айыруды сұрады. Ер адам кінәсін толығымен мойындаған жоқ, өз ісіне өкінетінін айтты. Өзі де, адвокаты да соттан жеңіл жаза тағайындауды өтінді.

Алайда, сот оны 15 жылға соттады. Енді ол қауіпсіздігі барынша жоғары мекемеде жазасын өтейді. Сонымен қатар, ер адам өмір бойына педагогикалық және кәмелетке толмаған балалармен жұмыс істеумен байланысты қызметтерді атқару құқығынан айырылды.

Тағы оқыңыз: Сәтбаевта 5 жасар қызды зорлаған ер адам изоляторда өлі табылды

Бұдан бөлек, жәбірленушінің пайдасына моральдық залал ретінде 2 миллион теңге, ал материалдық шығын ретінде 70 мың теңгеден астам өтемақы өндірілді.

Сот үкімі заңды күшіне енген жоқ.

19 жастағы мұғалімнің зорлануы

Зорлау оқиғасы Павлодар облысы Аққулы ауданы Майқарағай ауылында осы жылдың 25 ақпаны күні түнде болды.

Ауыл тұрғындарының айтуынша, енді ғана қызметке кірген 19 жастағы мұғалім кешке таман жұмыстарын бітіру үшін мектепке барады. Елді мекенде интернет тек сол білім ошағында ғана бар екен. Жолда оған ішінде үш ер адам отырған автокөлік кездеседі. Олардың бірі қызды көрген соң,  көліктен атып шығып, артынан жүгірген. Жәбірленушіні қараусыз қалған ғимаратқа сүйреп кіргізіп, қорлаған. Артынша ізін жасырған.

Бұл оқиға жайлы "НеМолчи.kz" қоғамдық қорының өкілдері жазды. Осыдан кейін іс қоғамда үлкен резонанс туғызды.

Екі күннен кейін күдікті көрші ауылдан ұсталды. Полициядан мәлімдегендей, ол 2017-2018 жылдары ұрлық үшін жауапқа тартылған. Қылмыстық істер сотқа жолданғанымен, кейінірек тараптардың татуласуымен тоқтатылған.

228
Кілт сөздер:
зорлау, ер адам, мұғалім, Павлодар облысы
Тақырып бойынша
Шымкентте әріптесін зорлаған дәрігер сотталып кетті
Қызылорда облысының екі тұрғыны 55 жастағы әйелді бір апта бойы зорлаған
"Зорлаған жігітке ұлын көрсеткісі келеді": қазақстандық ток-шоу төңірегінде жанжал шықты
Трансгендерді зорлаған ҰҚК-нің бұрынғы қызметкері бес жарым жылға сотталды
Қонаев ескерткішінің құрылысы тоқтатылды

Алматы облысында Қонаев ескерткішінің құрылысы тоқтатылды

12
20 қазанда әлеуметтік желіде Дінмұхамед Қонаев ескерткішінің суреті мен видеосы тарады. Мүсіншілер мен желі қолданушылары жаңа монументті сынға алды

АЛМАТЫ, 27 қазан – Sputnik. Алматы облысында Дінмұхамед Қонаевқа арналған ескерткіштің құрылыс жұмыстары тоқтатылды, деп хабарлайды Sputnik Қазақстан.

Облыстың мәдениет басқармасы баспасөз қызметінің хабарлауынша, 21 қазанда эскиздегі ескерткіш пен желіде тараған сурет арасында айырмашылық болуына байланысты құрылған арнайы жұмыс тобы құрылысты тоқтату туралы шешім қабылдады. Сонымен қатар ескерткішке қатысты барлық ескертуді жоюға екі апта уақыт берді.

"21 қазанда құрылған жұмыс тобы заңбұзушылықтарды анықтау үшін Балқаш ауданына барды. Барлық жауапты тұлғаны, соның ішінде мүсіншіні жинап, жұмыс тобы ескерткішті орнатуға қатысты құрылыс жұмысын тоқтатты. Сондай-ақ, ескерткіш бойынша барлық ескертуді екі апта ішінде жоюға нұсқау берілді", - деп мәлімдеді облыстың мәдениет басқармасы.

Енді Балқаш ауданының әкімдігі тарих және мәдениет ескерткіштерін қорғау жөніндегі облыстық комиссияның қарауына құжаттар мен эскиздік жобаларды қайта ұсынуы қажет.

"2020 жылдың 15 қазанында мемлекет және қоғам қайраткері Дінмұхамед Қонаевтың ескерткішін орнату жөніндегі барлық тиісті құжат тексерілді. Тарихи және мәдени ескерткіштерді қорғау жөніндегі облыстық комиссия мақұлдады. Содан кейін барлық тиісті құжат Нұр-Сұлтан қаласындағы мемлекеттік комиссияның қарауына жіберілді. 20 қазанда әлеуметтік желі арқылы Қонаевтың ескерткіші мемлекеттік комиссия шешімін күтпестен орнатылғаны белгілі болды", - делінген ақпаратта.

Айта кетейік, 20 қазанда әлеуметтік желіде Дінмұхамед Қонаев ескерткішінің фотосы мен видеосы тарады. Мүсіншілер мен желі қолданушылар жаңа монументті сынға алды. Оның талғамсыз жасалғанын жазды.

Бұдан соң облыстың мәдениет, архивтер және құжаттама басқармасы Дінмұхамед Қонаевтың ескерткішін орнатуға бюджеттен ақша бөлінбегенін хабарлады. Барлығы демеушілер қаржысына жасалған.

Айта кетейік, мемлекет және қоғам қайраткері Дінмұхамед Қонаев ескерткішін Алматы облысы Балқаш ауданы Бақанас ауылындағы Қонаев саябағына орнатуды Балқаш аудандық әкімдігі ұсынған.

12
Кілт сөздер:
құрылыс, ескерткіш, Дінмұхамед Қонаев
Тақырып бойынша
"Ол мені қорғап қалды" Дінмұхамед Қонаев туралы не білеміз?
Қонаевтың ескерткіші желіде қызу талқыланып жатыр: арнайы тексеріс болады
Қонаевтың жаңа ескерткіші төңірегінде дау туды – видео 
Нұрғали Нүсіпжанов Дінмұхамед Қонаевтың өзіне не дегенін айтты
Нұр-Сұлтанда мектепке Қонаевтың есімін беру ұсынылды – әкім не дейді?
Кісен, сот залы

Нұр-Сұлтанда директор салық төлемегені үшін бес жылға сотталды

117
"Атырауоблтяжстрой" ЖШС басшысы үш жыл ішінде 1,3 миллиард теңгеден астам салықты төлеуден жалтарған

НҰР-СҰЛТАН, 27 қазан – Sputnik. Нұр-Сұлтанда кәсіпорындардың бірінің директоры 1,3 миллиард теңгеден астам салық төлемегені үшін бес жылға сотталды, деп хабарлайды Sputnik Қазақстан қаржы министрлігі қаржы мониторингі комитетінің баспасөз қызметіне сілтеме жасап.

Қылмыстық істі Нұр-Сұлтан қаласы бойынша экономикалық тергеу департаментінің мамандары тергеген. "Атырауоблтяжстрой" ЖШС басшысына аса ірі мөлшерде салық және бюджетке басқа да міндетті төлемдерді төлеуден жалтарды деген айып тағылды.

"Құжаттамалық салық тексерісінің актісіне сәйкес, кәсіпорын үш жыл ішінде 1,3 миллиард теңгеден астам салықты төлеуден жалтарған. Салықтардың қосымша есептелуіне жалған шот-фактуралар жазып берген кәсіпорындармен келісімдер негіз болды", - делінген хабарламада.  

Тағы оқыңыз: Алматылықтың 2 млрд теңгені қалай тапқаны белгілі болды – видео

Нұр-Сұлтан қаласы Сарыарқа ауданы №2 сотының үкімімен кәсіпорын басшысы Қылмыстық кодекстің 245-бабы 3-тармағында қарастырылған қылмыстық құқықбұзушылықты жасағаны үшін 5 жылға бас бостандығынан айырылды.

Сонымен қатар, ол үш жыл бойы коммерциялық ұйымдарда басшылық қызметтерді атқара алмайды.

117
Кілт сөздер:
салық, кәсіпорын, Нұр-Сұлтан
Тақырып бойынша
"Головлев-Кабдушев" қылмыстық тобының мүшелері сотталды
Қазақстанда сегіз мемлекеттік қызметкер сотталды
Жамбыл облысында есірткі тасымалдаған қылмыстық топ сотталды
Трансгендерді зорлаған ҰҚК-нің бұрынғы қызметкері бес жарым жылға сотталды