Кеден бекетінің маңында тұрған жүк көліктері

Аяқта сүйретпе, үстінде спорттық киім: Қорғас кеденіндегі былықты кім реттеп жүр

117
БАҚ өкілдеріне Қорғас кеден бекетінен өте алмай, шекарада айлап жатқанын айтып арызданған жүргізушілер ақыры сол кезектен де айырылып қалған

НҰР-СҰЛТАН, 15 қазан – Sputnik. Шекарадағы былықты тілшілерге жайып салғанғаннан кейін жергілікті атқамінерлер осындай қадамға барған, деп хабарлайды КТК арнасы.
1 700-ден астам жүк көлігінің нөмірі жазылған тізімді көз алында жойып жіберген соң, мәселенің мән-жайын анықтауға жүргізушілер Панфилов ауданы әкімінің кеңсесіне іздеп барды. Алайда табалдырықта сағаттап күткізіп қойған шенеунік сол күйі төбе көрсетпеген.

Қаптаған жүргізуші Қорғастың қақпасынан өте алмай, бірнеше айдан бері шекарада қаңғып жүр. Кеденде кептеліп тұрмасын деп, жергілікті шенеуніктер оларды жүк көліктерімен қоса құрғақ портқа жіберген. Кезегіне жете алмағандарының алды үйіне қайтса, Ақтөбе, Атырау, Өскемен мен Қызылорда сияқты алыс аймақтан келгендері екі көзі төрт болып, көліктің ішінде қонып жүр.

"Өзім алысқа қатынайтын жүргізушімін. Бұл жерде жігіттердің 50 пайызын танимын. Міне, кузовтың үстіне тамақ істеп жатыр. Бір ай тұрған көліктің аккуммуляторы өледі. Оны қуаттауға апарып қоясың. Машина жүрмегеннен кейін ішінде автоном пеш қосып, жылынып, кейбір жігіттер ауырып жатыр. Жағдай солай, ешкім қарап жатқан жоқ", – дейді жүргізуші Бауыржан Мақсұтов.

Жүргізушілердің айтуынша, мұнда кезегін күтіп 1 785 көлік тұр. Ал жергілікті шенеуніктер 641 көліктің кіріп, 1 144-і қалған дейді. Бірақ атқамінерлердің мұндай ақпаратына жүргізушілер аң-таң. Себебі, сонау тамыздың басында келген жүк көліктерінің бірде-біреуі әлі орнынан қозғалмапты.

Жаздан бері кезегіне жете алмай жыларман болған жүргізушілердің айтуынша, бекеттен өтудің бір-ақ жолы – пара беру.

"Бұл тізімге жігіттер кіріп-шыққан. Бес мың доллар беріп, тізімге ілініп, кіріп жатыр. Сөз жоқ! Оны осы жердегілер сұрап жатыр. 5 мың доллар бересің де бір жерден барып, шөп пе, пісте ме, басып келесің, кіресің", – дейді Есбол есімді тағы бір жүргізуші.

Қорғастағы кептелісті реттеумен аудандық спорт бөлімінің басшысы айналысып жатыр. Жергілікті әкім жүргізушілердің мәселесін шешеді деп соны тағайындапты. Аяғына сүйретпе, үстіне спорттық киім киген шенеунік жүргізушілердің "әкім ауызбастырық алады" деген сөзін теріске шығарып, бастығына шаң жуытпады.

"Қайталанғандарды тізімнен алып жатыр ғой. Сіз Гокарко деген сайтқа кіріп көріңізші...", – деді Панфилов аудандық дене шынықтыру және спорт бөлімінің басшысы Ерғали Қонашов.

Бірақ солай деуі мұң еді, сайттағы тізім аяқ асты өшіп қалды.

Айлап тұрған тізімдерінің өшіп қалғанына ашынған жүргізушілер кеденге баратын жолды жауып тастамақ боп оқталған. Алайда аяқ асты тәртіп сақшылары пайда болып, ашулы топты тоқтатты. Сол арада аудан әкімінің өзі хабарласып, жүргізушілерді кездесуге шақырды. Жанайқайының жоғарыға жеткеніне қуанған топ, алып-ұшып әкімдікке барғанымен мұнда да оңбай алданды.

"Айналма жолда жүр. Түскі ас кезінде тексеретін нысандар болады. Құрылыс жұмыстары жүріп жатыр бізде. Соларды тексереді", – деді Панфилов ауданы әкімінің баспасөз хатшысы Нұрбол Қанағат.

Жаздан бері жүк көліктерінде түнеп, қаңғыбасқа айналуға шақ қалған жүргізушілер әкімді іздеп кеңсесіне келген. Алайда атқамінер мұнда да ұстатпады. Кездесуге өзі шақырып алған шенеунік басқа жұмыс шығып қалғанын айтып, жүргізушілерден қашып жүр. 

Оқи отырыңыз: Қытай "Қорғас" орталығындағы өз аумағына сақалды адамдарды кіргізбей жатыр

Жүргізушілер енді қайтерін білмей дал. Жергілікті шенділерден күдер үлген олар мәселе жоғарғы жаққа жетсе деген жалғыз тілекпен ғана отыр.

117
Кілт сөздер:
кеден бекеті, кеден, Қорғас ісі
Тақырып бойынша
Бекешев: Кеден кодексінің маңызды қосымшасы – электронды декларациялау
Көлік кеден бекетінің қоршауына соғылды – екі әйел қаза тапқан
"Қорғас ісінің" басты фигуранттарының бірі Артықбаев рақымшылққа ілікті
Қазақстан мен Қытай бірлесіп Қорғас өзенінде бөгет салады
"Қорғас ісі" бойынша 390 миллион теңге Швейцариядан Қазақстанға қайтарылды
Алматының орталық мешіті

Қарашадан бастап бес уақыт намазды мешітте оқуға болады

54
Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс

НҰР-СҰЛТАН, 26 қазан – Sputnik. Премьер-министр Асқар Маминнің төрағалығымен коронавирус инфекциясының таралуына жол бермеу жөніндегі ведомствоаралық комиссияның селекторлық отырысы өтті, деп хабарлады primeminister.kz.

Отырыста мешіттер мен театрларға қатысты жаңа ереже бекітілді.

Сонымен, 2 қарашадан бастап күн сайынғы бес уақыт намазды мешітте оқуға рұқсат етіледі. Бірақ залдағы адам саны 100-ден аспауы тиіс. Сонымен қатар, 2 метр әлеуметтік арақашықтық, қатаң санитарлық-дезинфекциялық режим сақталады. Келушілердің барлығы маска тағуы керек, олардың дене қызуы өлшенеді.

Жұма намазын оқуға әзірге рұқсат етілген жоқ.

Оқи отырыңыз: Екінші тоқсаннан бастап қандай мектептер дәстүрлі форматқа көшеді?

Сондай-ақ театрлардың жұмысы да талқыланды. Залды 30%-ке дейін толтыруға болады, бірақ 100 адамнан асып кетпеуі керек.  Мұнда да әлеуметтік арақашықтық, маска режимі сақталады.    

54
Кілт сөздер:
мешіттер, намаз, жұма намаз
Тақырып:
Төтенше жағдай және карантин
Тақырып бойынша
Тоқаев карантин енгізген кезде кәсіпкерлердің мүддесін ескеруді тапсырды
Нұр-Сұлтанға келген 100-ден астам жолаушы карантинге жіберілді
Алматыда бас санитар дәрігердің жаңа қаулысы шықты
Бекшин Алматыда инфекция жұқтырғандар неге көбейгенін айтты
Нұр-Сұлтанда карантин күшейтіле ме – әкім астаналықтарға үндеу жасады
Архивтегі фото

Екінші тоқсаннан бастап қандай мектептер дәстүрлі форматқа көшеді?

3694
(Жаңартылды 20:22 26.10.2020)
Екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады

НҰР-СҰЛТАН, 26 қазан – Sputnik. Коронавирус инфекциясының таралуына жол бермеу жөніндегі ведомствоаралық комиссия мектептерге қатысты шешім қабылдады. Бұл туралы үкімет басшысының баспасөз қызметі хабарлады.

Екінші тоқсаннан бастап оқушылар саны 300-ге жетпейтін қала және ауыл мектептерінің жұмысын дәстүрлі форматқа көшіру тапсырылды.  

Сондай-ақ ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

"Санитарлық-дезинфекциялық режимді, маска режимін, шахмат ретімен отырғызу және әлеуметтік арақашықтықты міндетті түрде сақтау қажет", - делінген хабарламада.

Өңірлердің әкімдері мектептер мен медицина ұйымдарында санитарлық режимді сақтау жөніндегі жұмысты жеке бақылауға алады.

Еске сала кетейік, қазақстандық оқушылар бірінші тоқсанды қашықтан оқып жатыр. Бастауыш сынып оқушылары кезекші сыныптарға бара алады (ата-ананың қалауы бойынша). Сондай-ақ, шалғай ауылдардағы шағын жинақты мектептер дәстүрлі форматта жұмыс істеуде.  

3694
Кілт сөздер:
оқушылар, мектеп
Тақырып бойынша
Бекшин Алматыдағы кинотеатрлардың жұмыс істеу тәртібін түсіндірді
Алматыда эпидемиологиялық жағдай күрделене түсті – Бекшин
Алматыда бас санитар дәрігердің жаңа қаулысы шықты
Тоқаев карантин енгізген кезде кәсіпкерлердің мүддесін ескеруді тапсырды
Қашықтан оқу

Ақтөбе облыстық білім басқармасының былығы ашылды

0
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

0
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады