АҚШ-тың Қазақстандағы елшісі Уильям Мозер

АҚШ-тың Қазақстандағы елшісі "Борат" фильміне қатысты пікір білдірді

332
(Жаңартылды 13:54 16.10.2020)
Саясаткер АҚШ-та талантты қазақстандықтардың бар екенін, олар елдің шынайы бейнесін танытып жүргенін айтты

АЛМАТЫ, 16 қазан – Sputnik. АҚШ-тың Қазақстандағы елшісі Уильям Мозер "Борат" фильмінің екінші бөлімінің шығуына қатысты ойымен бөлісті.

"Шынымды айтсам, үзінділерін көргенім болмаса фильмді толық көрген емеспін. Ал екінші бөлімге келер болсақ... бұл – фильм. Адамдар киноға барады, көреді, осымен болды. Мен АҚШ-та тұратын ондаған қазақстандықтың маңыздылығы туралы айттым, олар нағыз елшілер. Қай елге болса да адамдар бармай-ақ, жеке байланыстар негізінде ой қалыптасады", – деп атап өтті елші Kazakh TV арнасына берген сұқбатында.

Ол АҚШ-та талантты қазақстандықтардың бар екенін, олар елдің шынайы бейнесін танытып жүргенін айтты.

"Көрген немесе көре алмаған кез-келген фильмге қарағанда олар ұзақ есте сақталады", – деп қорытындылады Мозер.

Жуырда ғана "Борат" фильмінің жалғасы АҚШ-тағы президент сайлауы қарсаңында Amazon платформасында шығатыны белгілі болған. Фильмнің пандемия кезінде жасырын түрде түсірілгені хабарланды.

Айта кетейік, бұған дейін 2006 жылы Борат Сағдиев есімді қазақстандық "журналистің" Америкаға сапары туралы фильм кең таралды. Фильмге 18 миллион доллар жұмсалып, 261,5 миллион доллар табыс әкелді. "Алтын глобус" сыйлығын алып, "Оскарға" ұсынылды.

Ал Қазақстанда фильмге деген теріс пікірлер пайда болып, туындыны түсіргендер елді қаралады деп айыпталды.

Екінші бөлімнің сюжеті бойынша ойдан шығарылған кейіпкер, қазақстандық журналист Борат тағы да АҚШ-та болады. Ол президент сайлауы қарсаңында елдің саяси өмірін зерттеп, америкалықтардың өмір салтын мазақ етеді.

Оқи отырыңыз: Қазақстанды бүкіл әлемге "паш еткен" Борат Астанаға келуі мүмкін

Фильмнің трейлері жарияланғаннан кейін көптеген қазақстандық оны тағы да қорлау деп таныды. Әлеуметтік желіде фильмнің шығуына қарсы флешмоб басталды. Оған әлем бойынша желі қолданушылары қосылды, олар #CancelBorat хэштегімен өздерінің наразылығын білдіруде.

332
Кілт сөздер:
Борат, фильм
Тақырып бойынша
Фильм шынайы шығу үшін төбелестік – Саттархановты сомдаған актер
Қазақ пен қытайдың достығы жайлы фильм АҚШ-та бірнеше марапат алды
Ресейде Денис Тен туралы фильм түсірілді
Жеңіске тағзым: Нұркен Әбдіров туралы фильм қалай түсірілді
"Беслан" трагедиясы: 16 жыл бұрынғы қайғылы оқиға туралы деректі фильм түсірілді
Алматының орталық мешіті

Қарашадан бастап бес уақыт намазды мешітте оқуға болады

88
Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс

НҰР-СҰЛТАН, 26 қазан – Sputnik. Премьер-министр Асқар Маминнің төрағалығымен коронавирус инфекциясының таралуына жол бермеу жөніндегі ведомствоаралық комиссияның селекторлық отырысы өтті, деп хабарлады primeminister.kz.

Отырыста мешіттер мен театрларға қатысты жаңа ереже бекітілді.

Сонымен, 2 қарашадан бастап күн сайынғы бес уақыт намазды мешітте оқуға рұқсат етіледі. Бірақ залдағы адам саны 100-ден аспауы тиіс. Сонымен қатар, 2 метр әлеуметтік арақашықтық, қатаң санитарлық-дезинфекциялық режим сақталады. Келушілердің барлығы маска тағуы керек, олардың дене қызуы өлшенеді.

Жұма намазын оқуға әзірге рұқсат етілген жоқ.

Оқи отырыңыз: Екінші тоқсаннан бастап қандай мектептер дәстүрлі форматқа көшеді?

Сондай-ақ театрлардың жұмысы да талқыланды. Залды 30%-ке дейін толтыруға болады, бірақ 100 адамнан асып кетпеуі керек.  Мұнда да әлеуметтік арақашықтық, маска режимі сақталады.    

88
Кілт сөздер:
мешіттер, намаз, жұма намаз
Тақырып:
Төтенше жағдай және карантин
Тақырып бойынша
Тоқаев карантин енгізген кезде кәсіпкерлердің мүддесін ескеруді тапсырды
Нұр-Сұлтанға келген 100-ден астам жолаушы карантинге жіберілді
Алматыда бас санитар дәрігердің жаңа қаулысы шықты
Бекшин Алматыда инфекция жұқтырғандар неге көбейгенін айтты
Нұр-Сұлтанда карантин күшейтіле ме – әкім астаналықтарға үндеу жасады
Архивтегі фото

Екінші тоқсаннан бастап қандай мектептер дәстүрлі форматқа көшеді?

4148
(Жаңартылды 20:22 26.10.2020)
Екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады

НҰР-СҰЛТАН, 26 қазан – Sputnik. Коронавирус инфекциясының таралуына жол бермеу жөніндегі ведомствоаралық комиссия мектептерге қатысты шешім қабылдады. Бұл туралы үкімет басшысының баспасөз қызметі хабарлады.

Екінші тоқсаннан бастап оқушылар саны 300-ге жетпейтін қала және ауыл мектептерінің жұмысын дәстүрлі форматқа көшіру тапсырылды.  

Сондай-ақ ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

"Санитарлық-дезинфекциялық режимді, маска режимін, шахмат ретімен отырғызу және әлеуметтік арақашықтықты міндетті түрде сақтау қажет", - делінген хабарламада.

Өңірлердің әкімдері мектептер мен медицина ұйымдарында санитарлық режимді сақтау жөніндегі жұмысты жеке бақылауға алады.

Еске сала кетейік, қазақстандық оқушылар бірінші тоқсанды қашықтан оқып жатыр. Бастауыш сынып оқушылары кезекші сыныптарға бара алады (ата-ананың қалауы бойынша). Сондай-ақ, шалғай ауылдардағы шағын жинақты мектептер дәстүрлі форматта жұмыс істеуде.  

4148
Кілт сөздер:
оқушылар, мектеп
Тақырып бойынша
Бекшин Алматыдағы кинотеатрлардың жұмыс істеу тәртібін түсіндірді
Алматыда эпидемиологиялық жағдай күрделене түсті – Бекшин
Алматыда бас санитар дәрігердің жаңа қаулысы шықты
Тоқаев карантин енгізген кезде кәсіпкерлердің мүддесін ескеруді тапсырды
Қашықтан оқу

Ақтөбе облыстық білім басқармасының былығы ашылды

0
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

0
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады