Безендірілген орындық

Тойға полицей болып кіріп келген асаба жауапқа тартылады видео

4611
(Жаңартылды 14:22 16.10.2020)
Құқық қорғау органы өкілдерінің айтуынша, "жалған полицей" осындай қылығымен барлық полиция қызметкерлерінің беделін түсірген

НҰР-СҰЛТАН, 16 қазан – Sputnik. Ішкі істер органдары тойға полицейдің формасын киіп келген тамаданың жазаға тартылатынын мәлімдеді, деп хабарлады Polisia.kz.

Әлеуметтік желілер мен мессенджерлерде киіз үйдің ішінде өтіп жатқан тойдың видеосы кеңінен тарап жатыр. Полицейдің формасын киген тамада тексеріспен келген адам ұқсап кіріп келеді де, біршама уақыт халықтың зәресін алып тұрады. Той иелерін де шақырады. Бірақ артынан әзіл-қалжың екенін айтады. 

Ішкі істер органдары тойдың өткен жерін және бейнежазбадағы асабаның кім екенін анықтады.

Полиция қызметкерлері әзіл мен пародияға және сындарлы сынға түсіністікпен қарайтынын атап өткен Қарағанды облыстық полициясының баспасөз хатшысы Жанатай Сембеков, мұндай бейнежазбалар ішкі істер органы қызметкерлері мен санитарлық дәрігерлердің коронавирус инфекциясының таралуына жол бермеу бағытында атқарып жатқан жұмыстарын жоққа шығарады деп санайтынын жеткізді.

"Сондықтан да нысанды киім киген асаба, той иелеріне заңдылықты бұзуға септігін тигізген осындай қылығымен барлық полиция қызметкерлерінің беделін түсірді", – дейді ол.

Қазіргі уақытта "жалған полицейді" Әкімшілік құқық бұзушылық туралы кодексінің 675-бабы "айырым белгілері мен нышаны бар әскери киім нысанын, сондай-ақ нысанды киім мен арнаулы киім-кешекті заңсыз киіп жүру (пайдалану)" бойынша әкімшілік жауапкершілікке тарту мәселесі қаралып жатыр.

"Ал той иесіне қатысты Әкімшілік құқық бұзушылық туралы кодексінің 425- бабына сәйкес жиналған материал шешім қабылдау үшін тауарлар мен көрсетілетін қызметтердің сапасы мен қауіпсіздігін бақылау басқармасына жіберілді", – деп атап көрсетті Сембеков.

Оқи отырыңыз: Түркістан облысында той болып жатқан үйге шақырылмаған "қонақтар" кіріп келді

4611
Кілт сөздер:
тәртіп сақшысы, полицей
Тақырып бойынша
Тойға 500 адам жиналған: Таразда қонақтар тексеріп келгендерге тап берді
Алматыда карантинге байланысты жаңа қаулы шықты: неге тыйым салынды
Құдалық пен қыз ұзату тойын өткізген алматылықтарға ірі көлемде айыппұл салынды
Тойда 16 қонаққа вирус жұқтырған: Тоғжанов қайғылы жағдайлар туралы айтты
Бойжеткен бұрынғы жігітінің тойына келіп, оның аяғына жығылды – видео  
Шарын шатқалы

Өте қауіпті: белсенді Шарында туризмді дамыту жобасын тоқтатуды сұрады

60
Қоғам белсендісі Вадим Борейко экология министрлігі адам өміріне тікелей қауіп төндіретін орындардағы туризмді дамыту жобаларын жабуы керек деп санайды

НҰР-СҰЛТАН, 14 маусым — Sputnik. Қоғам қайраткері және журналист Вадим Борейко селдің жиілеуіне байланысты Алматы облысындағы Шарын шатқалында экотурзимге тыйым салуды сұрады.

Ол Қазақстанның экология, геология және табиғи ресурстар министрі Мағзұм Мырзағалиевке сауал жолдады.

Борейко Шарында экотуризмді дамыту жөніндегі жоба 22 мамырда қоғам назарына ұсынылғанын айтты. Бір апта өткен соң аталған аумақта сел жүріп, екі адам көз жұмды. Осыған байланысты жобаға түзетулер енгізілуі керек болатын. Алайда ешқандай өзгерту енгізілмеген.

"11 немесе 12 маусымда Шарында тағы сел жүрді. Әйтсе де экотуризмді дамыту бойынша алдағы жұмыстардың қоршаған ортаға әсерін алдын ала бағалауға ешқандай түзету енгізілген жоқ. Ол құжатта "сел" сөзі бер рет қана кездеседі. Шарын бүгінде адам өміріне үлкен қауіп төндіретін туристік бағдарға айналуына байланысты қоғамдық тыңдалымды кейінге қалдыруды ойластырып отырған жоқсыз ба?" – деп сұрады Борейко.

Өте қысқа мерзімде тендер өткізу профанацияны еске салатынын айтқан Борейко "бұл жобаны жауып тастау керек" деген пікір білдірді.

Посмотреть эту публикацию в Instagram

Публикация от ТАЛДЫКОРГАНЕЦ (@taldykorganec.insta)

Экология министрі глэмпинг, сауда орындары, этноауыл секілді инфрақұрылымның барлығы шатқалда емес, автомобиль тұрағы орналасқан жоғарғы алаңда бой көтеретінін айтты. Оның пікірінше, мұндай дүниелерді профанация деп атаған дұрыс емес.

"Конкурс ашық өтті. Біз барлығын алдын ала жарияладық, қоғамдық кеңесте барлық ақпарат ұсынылды. Мұндай жобалардың экономикасы әлсіздеу болуы мүмкін. Сондықтан кез келген бизнесмен өз қаражатын салмас бұрын бірнеше рет есептейтіні анық. Қазір бір кәсіпкер Шарынға қызығушылық танытып отыр", - деді Мағзұм Мырзағалиев.

Министр алдағы жұмыстардың қоршаған ортаға әсерін алдын ала бағалау бойынша қоғамдық тыңдаулар өтіп, қоғам белсенділері жобаны дайындаған азаматтарға сауалдарын қоя алатынын және құжат сапасымен таныса алатынын айтты.

Атап өтсек, экология министрлігі мемлекеттік ұлттық табиғи парктердің аумағында экологиялық туризмді дамыту мақсатында "Алтын-Емел", "Көлсай көлдері" және "Шарын" ұлттық паркінде экологиялық туризмді дамыту тұжырымдамаларының презентациясын әзірлеп таныстырды. Конкурстық рәсімдер өткеннен кейін ұлттық парк учаскелері туристік және рекреациялық қызмет түрі үшін ұзақ мерзімге пайдалануға беріледі.

60
Тақырып бойынша
Шарын шатқалындағы трагедия: селден аман қалған қыз ауруханадан шықты
"Балаларды жақсы көрді": Шарында қайтыс болған ұстаздың достары естелік бөлісті – видео
Депутат Шарындағы трагедия туралы: цифрландыру бар, ұялы байланыс жоқ
Куәгерлер Шарындағы трагедия туралы айтты – видео
Шарындағы сел куәгері: адамдар бағанаға жабысып тұрды
Шарында бір топ турист төтенше жағдайға тап болды
Ұлттық тестілеу орталығы

"Алтын белгі" иегері ҰБТ-да өз орнына басқа адамды кіргізбек болды

2989
Студенттер бірнеше мектеп оқушысының орнына кіру үшін жалған құжаттар жасаған, деп хабарлады білім және ғылым министрлігі

АЛМАТЫ, 14 маусым – Sputnik. ҰБТ-да төрт талапкердің орнына елордалық екі жоғары оқу орнының студенттері кірмек болған. Олардың бұл әрекеті мектеп түлектерін ҰБТ-ға кіргізу кезінде Face-ID жүйесі арқылы әшкере болды.

Білім және ғылым министрлігінің хабарлауынша, студенттер мектеп оқушысының орнына кіру үшін жалған құжаттар жасаған.

Тұлғаны цифрлық сәйкестендіру Face-ID жүйесі аталған заң бұзушылықтарды анықтауға мүмкіндік берді. Бұл жүйе биыл ҰБТ тапсыратын барлық орталықта енгізілді.

"Бағдарлама тіпті егіздерді де анықтай алады. Ұлттық тестілеу орталығының қызметкерлері ҰБТ тапсыру кезінде заң бұзушылықтарды қалай анықтау керек екенін жақсы біледі. Тестілеуге өз орнына бөгде адамды кіргізбек болғандардың арасында "Алтын белгі" иегері де бар", - деп хабарлады Ұлттық тестілеу орталығы директорының міндетін атқарушы Наужан Дидарбекова.

Түлектер мен олардың орнына тест тапсырмақ болғандар туралы ақпарат құқық қорғау органдарына жіберілді. Оларға қатысты Қазақстан Қылмыстық кодексінің 385-бабы 2-бөлігі (жалған құжаттарды, мөртаңба, мөрлерді, бланкілерді қолдан жасау, дайындау немесе өткізу) бойынша қылмыстық іс қозғалды.

"Жоғары көрсеткішке жетуге тырыстым": павлодарлық түлек ҰБТ-да 140 балл жинады

Айта кетейік, биыл ҰБТ тапсыратын орындарда үш сатылы жүйе енгізілген. Олар: тестіленуші жеке куәлігін көрсетеді, кейін Face-ID жүйесінен өтеді. Әрбір тестілеушінің алдында камера орнатылған. Бұл шараның барлығы Ұлттық бірыңғай тестілеуді тапсыру рәсімінің ашықтығын қамтамасыз етуге бағытталған.

Сондай-ақ ұлттық тестілеу орталығы талапкерлерді академиялық адалдық қағидаларын сақтауға шақырады.

2989
Көлік, архивтегі фото

Қақ бөлінген: Степногор маңында жеңіл көлік автобуспен соқтығысты видео

5
Сегіз адам түрлі дене жарақаттарын алып, аудандық ауруханаға жеткізілді

НҰР-СҰЛТАН, 15 маусым - Sputnik. Әлеуметтік желіде Степногор маңындағы жол апатының видеосы пайда болды. Audi жолаушылар автобусымен соқтығысып, нәтижесінде жеңіл көлік екіге бөлініп кетті.

Сегіз адам ауруханаға түсті, қайтыс болғандар жоқ, деп хабарлайды Sputnik Қазақстан тілшісі.

Посмотреть эту публикацию в Instagram

Публикация от СТЕПНОГОРСК НЕ СПИТ (@step_notsleep)

Видеоны өтіп бара жатқан көліктердің біріндегі жолаушы түсірген болуы керек.

"Степногор - Бестөбе тас жолында жол апаты болды. Автобус Қарағандыдан келе жатқан, қарсы жолаққа өтіп, жеңіл көлікпен соқтығысқан. Жедел жәрдем осында, жаралылар бар", - дейді видео авторы.

Видеода көліктің екіге бөлініп кеткені көрінеді.

"Тежегіш ізінен автобустың қарсы жолаққа шығып кеткенін байқауға болады", - деп атап өтті автор.

Ал полиция бөлімінің түсініктемесіне қарағанда, керісінше жеңіл көлік қарсы жолаққа шығып кеткен.

"14 маусымда Ақсу - Бестөбе – Изобильное тас жолының 37-ші шақырымында 1978 жылы туған Audi жүргізушісі Бестөбе ауылынан шыққан. Ол қарсы жолаққа шығып кетіп, Kaessbohrer Setra автобусымен соқтығысқан. Оны 1993 жылы туған азамат басқарған. Автобуста 25 жолаушы болған", - деп хабарлады Ақмола облыстық полиция департаментінің баспасөз қызметі.

Оқи отырыңыз: Желіде көлік капотына мінген ақтөбелік жасөспірімдердің видеосы тарады

Зардап шеккендер жоқ.

"Жол-көлік оқиғасы салдарынан сегіз адам түрлі жарақаттармен аудандық ауруханаға медициналық көмек көрсету үшін жеткізілді", - деп хабарлады баспасөз қызметі.

Жол апаты фактісі бойынша материал кінәлілерді әкімшілік жауапкершілікке тарту үшін сотқа жіберіледі, деп қорытындылады департаменттегілер.

5
Кілт сөздер:
Степногор, жол апаты
Тақырып бойынша
Самосвал әйелдің аяғын жаншып өтті: Алматыдағы жантүршігерлік оқиға видеоға түсіп қалды
Алматыда екі троллейбус соқтығысты - фото
Ақылы жолдар мәселесі: көлік жүргізушілерінің наразылығы немен аяқталды
Павлодар облысында скутер мен көлік соқтығысты: 11 жасар бала ауруханаға жеткізілді
Жамбылдағы қанды оқиға: жарақаттанған кәсіпкер оқ атқандардан өшін алды